Author: क्लिक लुम्बिनी

कपिलवस्तु,११ कात्तिक। कपिलवस्तुको वाणगंगा नगरपालिका–३, तिनकुनेमा मोटरसाइकलको ठक्करबाट एक पैदलयात्रीको मृत्यु भएको छ । मृत्यु हुनेमा वाणगंगा नगरपालिका–४, गजेहडाकी ६३ वर्षीया जलिया थारु रहेको प्रहरीले जनाएको छ। प्रहरीका अनुसार, बुधबार वाणगंगा नगरपालिका–१ का ४५ वर्षीय शिवलाल घिमिरेले चलाएको लु १ ब ३४१६ नम्बरको मोटरसाइकलले थारुलाई ठक्कर दिएको थियो । मोटरसाइकलको ठक्करबाट गम्भीर घाइते भएकी थारुको उपचारको क्रममा अस्पतालमा मृत्यु भएको र मोटरसाइकल चालकलाई नियन्त्रणमा लिएर घटनाका सम्बन्धमा थप अनुसन्धान भइरहेको इलाका प्रहरी कार्यालय पिपराले जनाएको छ।

दाङ, ११ कात्तिक। थारु कल्याणकारी सभा क्षेत्रीय समिति क्षेत्र नम्बर १ दाङ देउखुरीले सञ्चालन गरेको ‘एक घर एक किलो चामल दान अभियान’ अन्तर्गत संकलित राहत सामग्री नेपाल रेडक्रस सोसाइटीलाई हस्तान्तरण गरिएको छ। विपद् प्रभावित नागरिकलाई दैनिक उपभोग्य सामग्री उपलब्ध गराउने उद्देश्यले सञ्चालन गरिएको अभियान अन्तरगत संकलित सामग्री बुधवार लुम्बिनी प्रदेशका मुख्यमन्त्री चेतनारायण आचार्यको रोहबरमा नेपाल रेडक्रस सोसाइटी लुम्बिनी प्रदेश समितिलाई हस्तान्तरण गएिको हो। सभाले लमही नगरपालिका–५ स्थित थारु कल्याणकारी सभा भवन, राप्ती गाउँपालिका–७ छोट्की सिसहनिया र राजपुर गाउँपालिकामा राहत संकलन केन्द्र स्थापना गरी खाद्यान्न तथा दैनिक उपभोग्य सामग्री संकलन गरेको थियो । तीनवटा संकलन केन्द्रबाट ३३ हजार २७ किलोभन्दा बढी…

काठमाडौं,११ कात्तिक। नेपाली सेनाका सहायक रथी पूर्णबहादुर खत्री उपरथी दर्जामा बढुवा भएका छन् । असोज २२ मा भएको निर्णयअनुसार बढुवा भएका खत्रीलाई बुधबार सैनिक मुख्यालय जंगी अड्डामा आयोजित कार्यक्रममा प्रधानसेनापति अशोकराज सिग्देलले दर्ज्यानी चिह्न प्रदान गरेका हुन् । त्यस्तै प्रमुख सेनानीबाट महासेनानी दर्जामा बढुवा भएका तीन जना सैनिक अधिकृतलाई पनि कार्यक्रममा दर्ज्यानी चिह्न प्रदान गरिएको नेपाली सेनाले जनाएको छ।

भैरहवा, ११ कात्तिक। बंगालको खाडीमा विकसित ‘अर्नाव’ चक्रवातको प्रभावले लुम्बिनी प्रदेशका सात जिल्ला बढी प्रभावित हुने पूर्वानुमान गरिएको छ। चक्रवातको कारण लुम्बिनी, रुकुम पूर्व, रोल्पा, प्यूठान, अर्घाखाँची, पाल्पा, कपिलवस्तु र नवलपरासी (बर्दघाट सुस्ता पश्चिम) बढी प्रभावित हुने लुम्बिनी प्रदेश सरकारले जनाएको छ। यी जिल्लामा भारी वर्षा, चट्याङ र हावाहुरीको जोखिम बढ्ने सम्भावना रहेको भन्दै प्रदेश सरकारले उच्च सतर्कता अपनाउन आग्रह गरेको छ। मौसम विज्ञान विभागको विशेष बुलेटिनलाई उद्धृत गर्दै आन्तरिक मामिला, कानुन तथा यातायात मन्त्रालयले सार्वजनिक सूचना जारी गरेर कात्तिक १३ र १४ गते बढी प्रभावित हुन सक्ने अनुमान गरेको छ। प्रभावित जिल्लाका धेरै स्थानमा चट्याङ र हावाहुरीसहित मध्यम वर्षा…

भैरहवा,११ कात्तिक। रुपन्देहीको सिद्धार्थनगर नगरपालिकाको कार्यालयले सार्वजनिक सडक तथा सडकपेटीमा कृषि उपज सुकाउने, कृषि अवशेष (छवाली) जलाउने र आवागमनमा अवरोध हुने गरी सामग्री राख्ने कार्य नगर्न नगरवासीलाई आग्रह गरेको छ। कार्यालयले एक सूचना जारी गर्दै धान, पराल, छवालीलगायतका कृषि उपज सडक तथा सडकपेटीमा सुकाउँदा पैदलयात्री र सवारीसाधनको आवागमनमा बाधा पुग्नुका साथै दुर्घटनाको जोखिम बढेको जनाएको छ। सडकमा कृषि अवशेष खुला रुपमा जलाउँदा माटोमा रहेका सूक्ष्म जीवाणुको गतिविधिमा असर पर्ने, वायु प्रदूषण बढ्ने तथा जनस्वास्थ्य र वातावरणमा प्रतिकूल प्रभाव पर्ने भन्दै सडकमा राखिएका अवरोधजन्य सामग्री समेत तत्काल हटाउन आग्रह गरेको छ। सविधानसभा सदस्य एंव नगरप्रमुख इश्तियाक अहमद खाँद्वारा हस्ताक्षरित सूचनामा सार्वजनिक…

भैरहवा,१० कात्तिक। भैरहवास्थित सिद्धार्थनगर सिटी हस्पिटलले आगामी मंसिर १ गतेदेखि २४सै घण्टा मुटुरोगसम्बन्धी आकस्मिक तथा विशेषज्ञ उपचार सेवा सञ्चालन गर्ने भएको छ। मुटुरोगका बिरामीलाई समयमै उपचार उपलब्ध गराउने उद्देश्यले अस्पतालले आधुनिक प्रविधिसहितका विभिन्न सेवा सञ्चालनमा ल्याउन लागेको हो। अस्पतालका प्रबन्ध निर्देशक अर्जुन पौडेलका अनुसार, बिरामीलाई समयमै उपचार उपलब्ध गराउने उद्देश्यले हृदयाघातको उपचार, आधुनिक क्याथल्याब, सघन उपचार कक्ष (सीसीयू) तथा विशेषज्ञ चिकित्सकबाट बहिरङ्ग सेवा सञ्चालन गर्न लागिएको हो। यसबाट मुटुसम्बन्धी समस्या भएका बिरामीले आवश्यक परीक्षण, परामर्श र उपचारका लागि सहज रुपमा विशेषज्ञ सेवा प्राप्त गर्न सक्ने अपेक्षा गरिएको छ। अस्पतालमा एन्जियोग्राफीसहित ईसीजी, टीएमटी र होल्टरजस्ता परीक्षण सुविधा पनि उपलब्ध हुनेछन्। नयाँ…

काठमाडौं,१० कात्तिक। प्रहरीले ३४ ग्राम लागूऔषध खैरो हेरोइन र पाँच लाख ८० हजार रुपैयाँ नगदसहित चार जनालाई पक्राउ गरेको छ। लागूऔषध नियन्त्रण ब्यूरो कोटेश्वरबाट खटिएको प्रहरी टोलीले काठमाडौं महानगरपालिका–९, तिलगंगास्थित एक गेस्ट हाउसमा छापा उनीहरुलाई लागूऔषध र नगदसहित पक्राउ गरेको हो । पक्राउ पर्नेमा सिरहाको कल्याणपुर नगरपालिका २ का २० वर्षीय भरोष मुखिया, २६ वर्षीय धनिकलाल मुखिया, २६ वर्षीय पवन मुखिया र ३६ वर्षीय महमद सजाबुल शेष रहेको ब्यूरोले जनाएको छ। ब्यूरोका अनुसार, बरामद नगदको स्रोत तथा लागूऔषध कारोबारसँग त्यसको सम्बन्धबारे थप अनुसन्धान भइरहेको छ।

काठमाडौं,१० कात्तिक। नेकपा एमालेका अध्यक्ष केपी शर्मा ओलीले नेपाली समाजमा आफ्नै देशका विद्वानहरुको योगदानलाई पर्याप्त रुपमा चिन्न र सम्मान गर्न नसक्ने प्रवृत्ति रहेको बताएका छन्। मंगलबार काठमाडौंमा मदन भण्डारी स्मृति प्रतिष्ठान नेपालको स्मारिका लोकार्पण कार्यक्रममा बोल्दै अध्यक्ष ओलीले नेपाली विद्वानहरुले प्रस्तुत गरेका तर्कपूर्ण र तथ्यमा आधारित लेखनलाई उचित महत्त्व नदिने प्रवृत्ति रहेको उल्लेख गरे। उनले आफ्ना ग्रन्थ तथा लेखहरुमा नेपाली लेखकहरुको तुलनामा विदेशी विद्वानका उदाहरण बढी प्रस्तुत गर्ने परिपाटी रहेको धारणा व्यक्त गरे। अध्यक्ष ओलीले भाषा, संस्कृति, कला र वाणीमा घुलमिल भएको व्यक्तिले समाजप्रति सकारात्मक सोच राख्नुका साथै मानवतावादी दृष्टिकोण अपनाउन सक्ने बताए। उनका अनुसार ज्ञान र विद्वता मात्रले मानिसलाई…

भैरहवा,१० कात्तिक । रुपन्देही प्रहरीले गएराति नियन्त्रणमा लिएको लुम्बिनी बचाउ महाअभियानका संयोजक अकरम खाँलाई रिहा गरेको छ । प्रहरीले गएराति सार्वजनिक स्थानमा उच्छृङ्खल गतिविधि गरी सार्वजनिक शान्ति सुव्यवस्थामा खलल पुर्याएको भन्दै संयोजक खाँ र वाजिउद्दिन मुसलमानलाई लुम्बिनीबाट नियन्त्रणमा लिएको थियो । मंगलबार छलफलपछि प्रहरीले दिउँसो दुवै जनालाई रिहा गरेको हो । लुम्बिनी बिकास कोषको उपाध्यक्षमा आनी छोइङ डोल्मालाई नियुक्त गर्ने सरकारको निर्णयको महाअभियानले निरन्तर विरोध गर्दै आएको छ । रिहा भएपछि पत्रकारहरुसँग संक्षिप्त कुराकानी गर्दै संयोजक खाँले सरकारको निर्णयको विरोधमा पर्यटन मन्त्री खडकराज पौडेल (गनेस) को पुत्ला जलाएको विषयमा ‘माथिको आदेश’ले आफुलाई प्रहरीले नियन्त्रणमा लिएको बताए । ‘मन्त्रीको पुत्ला किन…

काठमाडौं,१० कात्तिक। वैदेशिक रोजगार विभागले पक्राउ पुर्जी जारी भएर सम्पर्कमा नआएका व्यक्तिहरुलाई ३५ दिनभित्र विभाग वा नेपाल प्रहरीको सम्पर्कमा आउन आग्रह गरेको छ। विभागले सार्वजनिक सूचना जारी गर्दै वैदेशिक रोजगार न्यायाधिकरणको अनुमतिमा पक्राउ पुर्जी जारी भएका व्यक्तिलाई कानुनी प्रक्रियामा सहभागी हुन आग्रह गरिएको छ। तोकिएको समयभित्र सम्पर्कमा नआएमा प्रचलित कानुनअनुसार यात्रा अनुमति तथा बैंकिङ कारोबार रोक्का गर्नेलगायतका कारबाही अघि बढाइने विभागले जनाएको छ। वैदेशिक रोजगारीका नाममा हुने ठगी, अनधिकृत रकम असुली तथा नक्कली कागजातसम्बन्धी गतिविधि नियन्त्रण गर्न र पीडित श्रमिकलाई न्याय दिलाउन यस्तो कदम चालिएको हो। विभागको सूचनाले फरार रहेका आरोपितलाई कानुनी दायरामा ल्याई अनुसन्धान तथा मुद्दासम्बन्धी प्रक्रिया अघि बढाउन…