Author: क्लिक लुम्बिनी

पर्सा,११ साउन । पर्सा प्रहरीले १४० किलो लागुऔषध गाँजा बरामद गरेको छ । जिल्लाको छिपहरमाई गाउँपालिका-१ मिर्जापुरस्थित आँपको बगैंचामा लागुऔषधजन्य पदार्थ लुकाएर राखेको सूचनाका आधारमा इलाका प्रहरी कार्यालय पोखरिया र सशस्त्र प्रहरी बल बिओपी मिर्जापुरबाट खटिएको संयुक्त प्रहरी टोलीले उक्त परिमाणको गाँजा बरामद गरेको जिल्ला प्रहरी कार्यालय पर्साका सूचना अधिकारी एंव डीएसपी चक्रबहादुर मल्लले जनाए । बरामद गाँजा १३ वटा पोकामा रहेको र घटनाका सम्बन्धमा थप अनुसन्धान भइरहेको प्रहरीले जनाएको छ ।

काठमाडौं,११ साउन। सर्वोच्च अदालतले संघीय सांसदलाई स्वकीय सचिवको सुविधा दिने सरकारको निर्णयबारे ‘कारण देखाऊ’ आदेश जारी गरेको छ। उक्त निर्णयविरुद्ध परेको रिटमाथि सुनुवाइ गर्दै न्यायाधीश विनोद शर्माको एकल इजलासले प्रधानमन्त्री तथा मन्त्रिपरिषद्को कार्यालयलगायत विपक्षीका नाममा सोमबार लिखित जवाफ पेश गर्न आदेश दिएको हो। सरकारले २०८३ असार ३० गतेको मन्त्रिपरिषद् बैठकबाट सांसदलाई निजी स्वकीय सचिव राख्न दिने निर्णय गरेको थियो। जसको सूचना साउन ४ गते नेपाल राजपत्रमा प्रकाशित भएको थियो। सो निर्णय बदरको माग गर्दै अधिवक्ता डा. प्रेमराज सिलवालले दायर गरेको रिटमा सर्वोच्चले अन्तरिम आदेशबारे छलफलका लागि सरकारलाई उपस्थित हुन निर्देशन दिएको छ। सरकारले एकातिर मितव्ययिता अपनाएर २० अर्ब रुपैयाँ बचत…

काठमाडौं,११ साउन। सीडीएस एन्ड क्लियरिङ लिमिटेडले साउन १५ गतेभित्र डिम्याट (हितग्राही) खाताको वार्षिक नवीकरण शुल्क नतिरेमा खाता रोक्का हुने जनाएको छ । लिमिटेडले सूचना जारी गर्दै तोकिएको समयभित्र शुल्क बुझाउन सबै हितग्राहीलाई आग्रह गरेको छ। सीडीएसका वरिष्ठ अधिकृत देवराज रिजालका अनुसार, साउन १५ गतेसम्म वार्षिक शुल्क नबुझाएका डिम्याट खाता साउन १६ गतेदेखि रोक्का गरिनेछ। खाता रोक्का भएपछि सम्बन्धित लगानीकर्ताले शेयर कारोबार गर्न समेत पाउने छैनन्। प्रत्येक वर्ष डिम्याट खाताका लागि १०० रुपैयाँ र ‘मेरो शेयर’ सेवाका लागि ५० रुपैयाँ वार्षिक शुल्क तिर्नुपर्ने व्यवस्था छ। हाल डिम्याट खाताको संख्या ८० लाख नाघेको छ भने ‘मेरो शेयर’का सक्रिय खाताको संख्या ५१ लाखभन्दा…

काठमाडौं,११ साउन । वाणिज्य, आपूर्ति तथा उपभोक्ता संरक्षण विभागले कानुनद्वारा प्रतिबन्धित वस्तुको आयात, भण्डारण तथा बिक्री–वितरण नगर्न चेतावनी दिएको छ। विभागले सोमबार सूचना जारी गर्दै प्रतिबन्धित वस्तुहरु अनलाइन माध्यम तथा भौतिक बजारमा बिक्री–वितरण भइरहेको गुनासो प्राप्त भएको भन्दै यस्ता कार्य नगर्न चेतावनी दिएको हो । विभागले सबै पैठारीकर्ता, सञ्चयकर्ता र बिक्रेतालाई कानुनले तोकेबमोजिम मात्र व्यापार–व्यवसाय सञ्चालन गर्न निर्देशन दिँदै उल्लंघन गरे निकासी–पैठारी (नियन्त्रण) ऐन, २०१३, उपभोक्ता संरक्षण ऐन, २०७५ तथा अन्य प्रचलित कानुनबमोजिम कडा कारबाही गरिने चेतावनी दिएको छ।

काठमाडौं,११ साउन। नेपाल प्रहरी प्रधान कार्यालयले आफूखुसी कार्यालयमा गैर हाजिर रहेका ११ जना प्रहरीलाई सात दिनभित्र सम्पर्कमा आउन निर्देशन दिएको छ । कार्यालयले सोमबार एक सूचना जारी गर्दै आफूखुसी गैर हाजिर रहेका प्रहरी कर्मचारीलाई सात दिनभित्र सम्पर्कमा आउन निर्देशन दिएको हो। गैर हाजिर भएकाहरुमा प्रहरी सहायक निरीक्षक २ जना, प्रहरी जवान ८ जना र कार्यालय सहयोगी १ जना छन् । प्रहरी प्रधान कार्यालयले उनीहरुको नाम, ठेगाना, गैरहाजिर भएको मिति लगायतको विवरणसहित सार्वजनिक सूचना गरी बाटोको म्याद बाहेक सात दिनभित्र हाजिर हुन निर्देशन दिएको हो। उनीहरु गैरहाजिर हुनुको कारण खुलेको छैन । तोकिएको समयभित्र उपस्थित नभए ती प्रहरी कर्मचारीहरुलाई प्रहरी नियमावलीको…

वीरगञ्ज, ९ साउन। पर्सा प्रहरीले डाँका तथा चोरी सम्बन्धी कसुर मुद्दामा अदालतबाट ५ वर्ष कैद र रु. ५० हजार जरिवाना सजाय तोकिएका फरार प्रतिवादीलाई पक्राउ गरेको छ। जिल्ला प्रहरी कार्यालय पर्साका अनुसार, विशेष सूचनाका आधारमा अदालतको फैसला कार्यान्वयन टोलीले वीरगञ्ज महानगरपालिका–१९ बिन्दवासिनीस्थित सडकखण्डबाट वीरगञ्ज महानगरपालिका–३० निवासी २८ वर्षीय आकाश यादवलाई पक्राउ गरेको हो। उनीविरुद्ध डाँका तथा चोरी सम्बन्धी कसुर मुद्दामा पर्सा जिल्ला अदालतले २०८१ चैत २२ गते ५ वर्ष कैद र ५० हजार रुपैयाँ जरिवानाको फैसला सुनाएको थियो। फैसला कार्यान्वयनका लागि फरार रहेका यादवलाई नियन्त्रणमा लिएर थप कानुनी प्रक्रिया अघि बढाइएको जिल्ला प्रहरी कार्यालय पर्साले जनाएको छ।

काठमाडौं,९ साउन। नेपालमा गत आर्थिक वर्ष २०८२/८३ मा १२ लाख ९ हजार ३५७ विदेशी पर्यटकहरुको आगमन भएको छ। नेपाल पर्यटन बोर्डका अनुसार, भारतबाट सबैभन्दा धेरै ३ लाख ११ हजार ५३१ पर्यटक आएका छन्। त्यसपछि संयुक्त राज्य अमेरिकाबाट १ लाख ११ हजार ३२५ र चीनबाट १ लाख ९ हजार ८९२ पर्यटक नेपाल आएका छन्। त्यसपछि बंगलादेशबाट ५८,१६३ बेलायतबाट ५६,६४९ अष्ट्रेलियाबाट ५३,१९५ श्रीलंकाबाट ४३,२११ भुटानबाट ३६,२८९ म्यानमारबाट ३०,७३७ जर्मनीबाट २९,२९६ थाइल्यान्डबाट २७,२०१ जापानबाट २५,७६२ तथा मलेसियाबाट २५,६४० पर्यटक नेपाल आएका छन्। गत आर्थिक वर्षमा सबैभन्दा बढी पर्यटक कात्तिकमा १ लाख २४ हजार ८२९ आएका थिए। त्यसपछि चैतमा १ लाख १९ हजार ३९०,…

भैरहवा,९ साउन। रुपन्देही प्रहरीले आफुलाई घुमुवा प्रहरी भन्दै पैसा मागेको आरोपमा नक्कली रिभल्भरसहित एक जनालाई पक्राउ गरेको छ । पक्राउ पर्नेमा सिद्धार्थनगर नगरपालिका-१३ घर भई हाल ओमसतिया गाउँपालिका-४ बालापुरमा कोठा भाडामा बस्दै आएका ४९ वर्षीय राकेश प्रताप राणा रहेको प्रहरीले जनाएको छ। जिल्ला प्रहरी कार्यालय रुपन्देहीका सूचना अधिकारी एवं डीएसपी कृष्ण कुमार चन्दका अनुसार, पक्राउ परेका राणाले भैरहवा बजारमा आफु जिल्ला प्रहरी कार्यालय रुपन्देहीको घुमुवा हुँ भन्दै पेस्तोल देखाएर दश हजार रुपैयाँ पैसा मागिरहेको सूचनाका आधारमा खटिएको प्रहरी टोलीले उनलाई पक्राउ गरेको हो । भैरहवाको शान्तिनगरबाट नियन्त्रणमा लिएर खानतलासी गर्दा कोठामा राखेको एक थान नक्कली रिभल्भर, सवारी चालक अनुमतिपत्र एक…

काठमाडौं,९ साउन। नेकपा (एमाले) र नेपाल कम्युनिष्ट पार्टी (नेकपा) बीच राजनीतिक कार्यगत एकता गर्ने सहमति भएको छ। दुवै दलले सातै प्रदेशमा सरकार गठनका लागि सहकार्य गर्ने गरी शनिबार तीनबुँदे सहमतिपत्रमा हस्ताक्षर गरेका हुन्। शनिबार भएको निर्णायक वार्तापछि सहमतिपत्रमा एमालेका अध्यक्ष केपी शर्मा ओली र नेकपाका संयोजक पुष्पकमल दाहाल ‘प्रचण्ड’ले दस्तखत गरेका छन्। सहमति अनुसार, कोशी, बागमती र लुम्बिनी प्रदेश सरकारको नेतृत्व एमालेले गर्नेछ भने कर्णाली र सुदूरपश्चिम प्रदेश सरकारको नेतृत्व नेकपाले गर्ने सहमति भएको छ। यस्तै, मधेश र गण्डकी प्रदेशमा सरकार गठनका विषयमा प्रदेश सभामा प्रतिनिधित्व गर्ने अन्य राजनीतिक दलसँग समेत परामर्श गरी सरकारको नेतृत्व र सहभागिताको स्वरुप तय गरिने…

धनुषा,८ साउन । प्रहरीले गोली चलाएर लागुऔषध खैरो हेरोइनसहित दुई जना भारतीय नागरिकलाई पक्राउ गरेको छ । पक्राउ पर्नेमा भारतको मधुबनी जिल्लाका २८ वर्षीय सन्तोष कुमार महतो र ४५ वर्षीय मिथिलेश साह रहेको प्रहरीले जनाएको छ । लागुऔषध नियन्त्रण ब्यूरोको बर्दिबास टोलीले धनुषाको मिथिला नगरपालिका–६ मा लागुऔषधको कारोबार भइरहेको अवस्थामा उनीहरुलाई नियन्त्रणमा लिन खोज्दा भाग्न थालेपछि एक राउण्ड हवाई फायर गरी पक्राउ गरिएको ब्यूरोका सहप्रवक्ता एवं डीएसपी जिवन निरौलाले जनाए । उनका अनुसार, पक्राउ परेका आरोपीहरुको साथबाट ९५ ग्राम ५१० मिलिग्राम खैरो हेरोइन, २ थान मोबाइल, १ थान भारतीय आधार कार्ड र १ थान भारतीय सवारी चालक अनुमतिपत्र बरामद भएको…