Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
काठमाडौं,१६ कात्तिक। नेपाल आयल निगमले विभिन्न नाम र ब्रान्डमा सञ्चालन हुँदै आएका खाना पकाउने एलपी ग्यास उद्योगलाई एकीकृत गर्ने प्रक्रिया अघि बढाएको छ। ग्यासको बिक्री वितरणलाई व्यवस्थित, सहज र प्रभावकारी बनाउने उद्देश्यले निगमले उद्योगहरुबीच एकीकरणको पहल थालेको हो। निगमका निर्देशक विनितमणि उपाध्यायका अनुसार ग्यास वितरण प्रणालीमा सुधार ल्याउन उद्योगहरुलाई आपसमा गाभ्ने नीति अघि सारिएको हो। यसका लागि निगमले देशभर सञ्चालनमा रहेका सम्बन्धित ग्यास उद्योगलाई पत्राचार गर्दै एकीकरणको कार्ययोजना तयार गरी आवश्यक प्रक्रिया अगाडि बढाउन आग्रह गरेको छ। निगमको यो कदम कार्यान्वयनमा आए विभिन्न नाम र ब्रान्डमा सञ्चालित ग्यास उद्योगहरु एकीकृत हुनेछन्। यसबाट ग्यासको आपूर्ति तथा वितरण व्यवस्थापन थप व्यवस्थित हुने…
भैरहवा,१६ कात्तिक। रुपन्देहीको कोटहीमाई गाउँपालिका–७ स्थित कटफोरवा नालानजिक धान खेतमा बरामद महिलाको शवको घटनाको निष्पक्ष अनुसन्धान गरी दोषीमाथि कडा कानुनी कारबाही गर्न माग गरिएको छ। घटनाको सत्यतथ्य सार्वजनिक गरी पीडित परिवारलाई न्याय दिलाउन माग गर्दै लुम्बिनी प्रदेशसभा सदस्य वसीउद्दीन खाँसहित कोटहीमाई गाउँपालिकाका अध्यक्ष बालकृष्ण त्रिपाठी, सम्मरीमाई गाउँपालिकाका अध्यक्ष विनोदकुमार श्रीवास्तव र मायादेवी गाउँपालिकाका अध्यक्ष ध्रुवनारायण चौधरीले रुपन्देहीका प्रमुख जिल्ला अधिकारी विश्वप्रकाश अर्याललाई संयुक्त रुपमा ज्ञापनपत्र बुझाएका छन्। उनीहरुले जिल्ला प्रशासन कार्यालयमार्फत प्रधानमन्त्री तथा मन्त्रिपरिषद्को कार्यालय र गृह मन्त्रालयको समेत ध्यानाकर्षण गराएका हुन्। गत कात्तिक १२ गते बिहीबार कोटहीमाई गाउँपालिका वडा नं. ४ र ७ को बीचमा पर्ने कटफोरवा नालाको छेउस्थित…
भैरहवा, १६ कात्तिक। रुपन्देहीको सिद्धार्थनगर नगरपालिकाले चाडपर्वका बेला प्लास्टिकजन्य कृत्रिम फूल तथा माला प्रयोग नगर्न नगरबासीलाई अपील गरेको छ। नगरप्रमुख इश्तियाक अहमद खाँद्वारा जारी अपीलमा चाडपर्वका अवसरमा घर, कार्यालय तथा पूजाआजामा प्रयोग गरिने प्लास्टिकका फूल तथा मालाले वातावरणीय प्रदूषण बढाउनुका साथै मानव स्वास्थ्य र प्राकृतिक वातावरणमा नकारात्मक असर पार्ने उल्लेख गरिएको छ । त्यसैले यस्ता सामग्रीको प्रयोग निरुत्साहित गर्न आवश्यक रहेको नगरपालिकाले जनाएको छ। नगरपालिकाले स्वच्छ, हरित तथा वातावरणमैत्री नगर निर्माण अभियानमा सहयोग पुर्याउन स्थानीय कृषक तथा उत्पादकले उत्पादन गरेका प्राकृतिक फूल र माला प्रयोग गर्न सबै नगरबासीलाई आग्रह गरेको छ । प्राकृतिक फूल तथा मालाको प्रयोगले वातावरण संरक्षणमा योगदान…
भैरहवा, १६ कात्तिक। सरकारले करदाता प्रोत्साहन कार्यक्रमअन्तर्गत कात्तिक महिनाको पहिलो १५ दिनका लागि छनोट भएका विजेताको कुप्पन सार्वजनिक गरेको छ। अर्थ मन्त्रालयमा आयोजित एक कार्यक्रममा क्रिकेट खेलाडीहरुले चिट्ठामार्फतविजेता घोषणा गरेका हुन्। कार्यक्रमअन्तर्गत जम्मा ४५० रुपैयाँ बराबरको सामान खरिद गरेका एक उपभोक्ताले १० लाख रुपैयाँको उपहार जितेका छन्। यस्तै प्रत्येक दिन एक जनालाई एक लाख रुपैयाँ प्रोत्साहन उपहार अन्तर्गत १५ उपभोक्ताले १/१ लाख रुपैयाँ बराबरको उपहार जित्न सफल भए। सरकारले उपभोक्तालाई सामान तथा सेवा खरिद गर्दा अनिवार्य रुपमा बिल लिने बानीको विकास गराउने र कर प्रणालीमा नागरिकको सहभागिता बढाउने उद्देश्यले यस्तो प्रोत्साहन कार्यक्रम सञ्चालन गर्दै आएको छ। यी हुन उपहार जितेका…
भैरहवा । लामो समयदेखि सर्वसम्मत नेतृत्व चयन हुँदै आएको रुपन्देही जिल्ला अदालत बार एसोसिएसनमा २२ वर्षपछि मतदानमार्फत नयाँ कार्यसमिति चयन भएको छ। शनिबार सम्पन्न बारको ५९औँ वार्षिक साधारणसभा तथा अधिवेशनबाट चोला बहादुर कार्कीको नेतृत्वमा नयाँ कार्यसमिति निर्वाचित भएको प्रमुख निर्वाचन अधिकृत एवं वरिष्ठ अधिवक्ता शिवप्रसाद गौडेलले जानकारी दिए। यसपटक बारभित्र नेतृत्व चयनमा सहमति जुट्न नसक्दा अध्यक्ष र सचिव पदमा निर्वाचन भएको थियो। अध्यक्ष पदमा ७६ मत प्राप्त गर्दै कार्की निर्वाचित भए। उनका प्रतिस्पर्धी डण्डप्रसाद भट्टराईले ४२ मत प्राप्त गरे। यस्तै सचिव पदमा मेघनाथ खनाल ६८ मतसहित निर्वाचित भए। उनका प्रतिस्पर्धी पंकजकुमार पाण्डेयले ४८ मत प्राप्त गरे। दुवै पदमा एउटै संगठनसँग…
काठमाडौं,१३ कात्तिक। अवैध रुपमा दुई अर्ब रुपैयाँभन्दा बढीको क्रिप्टोकरेन्सी कारोबार गरेको आरोपमा प्रहरीले एक युवकलाई पक्राउ गरेको छ। पक्राउ पर्नेमा धनुषाको सबैला नगरपालिका–१२ का २८ वर्षीय सुनिलकुमार यादव रहेका छन्। उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो। प्रहरीका अनुसार, यादवले विभिन्न विद्युतीय माध्यम तथा अनलाइन बेटिङ एपमार्फत कानुनविपरीत क्रिप्टोकरेन्सी (यूएसडीटी) को ठूलो परिमाणमा कारोबार गर्दै आएको प्रारम्भिक अनुसन्धानबाट खुलेको छ। विशेष सूचनाका आधारमा अनुसन्धान अघि बढाएको प्रहरीले यादवको बाइनान्स खातामार्फत दुई अर्ब १६ करोड एक लाख २० हजार आठ सय २१ रुपैयाँ बराबरको कारोबार भएको फेला पारेको जनाएको छ। पक्राउ परेका यादवमाथि प्रहरीले आवश्यक अनुसन्धान तथा कानुनी…
अर्घाखाँची,१३ कात्तिक। लुम्बिनी प्रदेश सरकारले बेरोजगारी न्यूनीकरण गर्दै युवालाई स्वरोजगार र उद्यमशीलतामा जोड्न ब्याज अनुदान कार्यक्रम ल्याउने तयारी गरेको छ। कृषि, उत्पादन तथा साना उद्योग सञ्चालन गर्न चाहने युवालाई प्रोत्साहन गर्ने उद्देश्यले कार्यक्रमको कार्यविधि निर्माण कार्य भइरहेको प्रदेश सरकारले जनाएको छ। मुख्यमन्त्री चेतनारायण आचार्यले शुक्रबार अर्घाखाँचीमा उद्योगी तथा व्यवसायीसँगको छलफलमा युवालाई उद्यमी बनाउने कार्यक्रम सरकारको प्राथमिकतामा रहेको बताए। उनले कृषि र उत्पादनमूलक क्षेत्रमा युवाको आकर्षण बढाउन ब्याज अनुदान उपलब्ध गराउने योजना रहेको जानकारी दिए। व्यवसाय सञ्चालनमा देखिएका कानुनी तथा नीतिगत समस्या समाधान गर्न प्रदेश सरकार तयार रहेको उल्लेख गर्दै मुख्यमन्त्री आचार्यले व्यवसायीका सुझावका आधारमा आवश्यक कानुन र नीतिमा सुधार गरिने…
भैरहवा, १३ कात्तिक। सशस्त्र प्रहरी बल, नेपालले लामो समयदेखि बिदा तथा अनुमति बिना कार्यस्थलमा अनुपस्थित रहेका सात जना कर्मचारीलाई सात दिनभित्र कार्यालयमा उपस्थित हुन निर्देशन दिएको छ। सशस्त्र प्रहरी प्रधान कार्यालयको मानवस्रोत विभागअन्तर्गत कर्मचारी प्रशासन शाखाले शुक्रबार सूचना जारी गर्दै सम्बन्धित कर्मचारीलाई बाटोको म्यादबाहेक सात दिनभित्र आ-आफ्नो कार्यालयमा हाजिर हुन भनेको हो। कार्यालयले गैरहाजिर रहनुको उचित कारणसहित सम्बन्धित कार्यालयमा उपस्थित भई लिखित स्पष्टीकरण पेस गर्न पनि निर्देशन दिएको छ। तोकिएको अवधिभित्र कार्यालयमा उपस्थित नभए सशस्त्र प्रहरी नियमावली, २०७२ (संशोधनसहित) अनुसार विभागीय कारबाही हुने सूचनामा उल्लेख छ।
काठमाडौं, १३ कात्तिक। नेपाल प्रिमियर लिग (एनपीएल) को तेस्रो संस्करणमा नेपाली खेलाडीले उत्कृष्ट प्रदर्शन गर्दै प्रतियोगितामा आफ्नो दबदबा कायम गरेका छन्। सुरुवाती ६ खेलमा सबै ‘प्लेयर अफ द म्याच’ अवार्ड नेपाली खेलाडीले जित्दै नयाँ कीर्तिमान बनाएका हुन्। प्रतियोगिताको पहिलो खेलमा लुम्बिनीका शेर मल्ल, दोस्रो खेलमा चितवन राइनोजका कमलसिंह ऐरी, तेस्रो म्याचमा कर्णालीका युनिसविक्रम ठकुरी, चौथो म्याचमा सुदूरपश्चिम रोयल्सका दीपेन्द्रसिंह ऐरी, पाँचौँ खेलमा जनकपुर बोल्ट्सका राहुल यादव र छैठौँ म्याच कर्णाली याक्सका कप्तान सोमपाल कामी खेलका ‘प्लेयर अफ द म्याच’ घोषित भएका छन्। विशेषगरी युवा बलर राहुल यादवले दुई खेलमा ६ विकेट लिँदै आफ्नो क्षमता देखाएका छन्। यस्तै, कप्तान सोमपाल कामीले…
अर्घाखाँची,१३ कात्तिक। अर्घाखाँची जिल्लाका नागरिकले अब सवारी साधनको राजस्व बुझाउन तथा सवारी दर्ता किताब (ब्लूबुक) नवीकरण गर्न बुटवल धाउनुपर्ने बाध्यता हटेको छ। जिल्लामै पहिलोपटक ब्लूबुक नवीकरण सेवा सुरु भएपछि मोटरसाइकलदेखि ठूला सवारी साधनसम्मको नवीकरण अर्घाखाँचीबाटै गर्न सकिने भएको हो। मुख्यमन्त्री चेतनारायण आचार्यले घरेलु तथा साना उद्योग कार्यालय अर्घाखाँचीमा आयोजित एक कार्यक्रमबीच उक्त सेवाको औपचारिक शुभारम्भ गरेका हुन्। सो अवसरमा मुख्यमन्त्री आचार्यले नवीकरण गरिएका सवारी दर्ता किताब सेवाग्राहीलाई हस्तान्तरणसमेत गरे। लामो समयदेखि जिल्लावासीले माग गर्दै आएको सेवा प्रदेश सरकारले जिल्लामै उपलब्ध गराउन सफल भएको मुख्यमन्त्री आचार्यले बताए। जिल्लाबाटै यातायातसम्बन्धी सेवा सुरु हुनु स्थानीय नागरिकका लागि खुसी र गौरवको विषय भएको उनको…