Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
भैरहवा, १८ चैत्र । ड्रिम युनिक रुपन्देही सुपरलिग एक दिवसीय क्रिकेट प्रतियोगितामा आइतबार भएको डिभिजन ‘ए’ अन्तर्गतको खेलमा तिरुपति क्रिकेट क्लब विजयी भएको छ । भैरहवास्थित सिद्धार्थ क्रिकेट मैदानमा भएको खेलमा तिरुपतिले सैनामैना क्रिकेट क्लबलाई ६५ रनले पराजित गर्दै विजयी भएको हो । टस जितेर ब्याटिङ गरेको तिरुपतिले निर्धारित ५० ओभरको खेलमा ४८ ओभर खेल्दै सबै विकेटको नोक्सानीमा २ सय ३० रनको बलिये स्कोर खडा गर्यो । उसका लागि एजाजुल हकले ६४ रनको अर्धशतकी पारी खेले भने आकाश त्रिपाठीले ३५, कमल विकले ३०, संदीप मौर्यले २५, रुपेश कुर्मीले अविजित १८, सुभाष खत्रीले १६ र आनन्द गौडले १४ रनको योगदान दिए…
काठमाडौं, १८ चैत । प्रधानमन्त्री पुष्पकमल दाहाल ‘प्रचण्ड’ ले नयाँ समीकरणसँगै अर्थतन्त्रमा उत्साह पैदा भएको बताएका छन्। मधेश प्रदेशका केन्द्रीय सदस्य एवं वैकल्पिक केन्द्रीय सदस्य र सल्लाहकारहरुको बैठकलाई सम्बोधन गर्दै प्रधानमन्त्री प्रचण्डले पछिल्लो समय अर्थतन्त्रले सकारात्मक लय लिएको बताएका हुन्। पछिल्लो समय अर्थतन्त्रले सकारात्मक लय लिएको छ, उद्योगी व्यवसायीहरु सकारात्मक भएका छन्, प्रधानमन्त्रीले भने, अर्थतन्त्र चलयमान र दबाबमुक्त पनि भएको छ । नीति तथा कार्यक्रम एवं वार्षिक बजेट बनाउने परम्परागत ढाँचा परिवर्तन गरिएको जानकारी दिँदै प्रधानमन्त्री प्रचण्डले अब प्रभावकारी कार्यक्रम तयार गर्न र नतिजा आउनेगरी बजेट विनियोजन गर्न सम्बन्धित निकायलाई निर्देशन दिइसकेको स्पष्ट पारे। उनले आगामी आर्थिक वर्षदेखि तीन करोडभन्दा…
भैरहवा, १८ चैत । अख्तियार दुरुपयोग अनुसन्धान आयोगको बुटवलको कार्यालयले कपिलवस्तु जिल्लाको महाराजगंज नगरपालिका वडा नम्बर २ का वडाअध्यक्ष उजेर अलीलाई घुस सहित पक्राउ गरेको छ । अख्तियारले वडाअध्यक्षले सेवाग्राहीसगँ जग्गा बाटो सिफारिसको लागि माग गरेको १५ हजार रुपैयाँ घुस लिदै गर्दा वडा कार्यालय क्षेत्र गैडहवाबाट रंगेहात पक्राउ गरेको स्थानीय स्रोतले जनाएको छ । यद्यपी अख्तियारको बुटवल कार्यालयले घटनाबारे कुनै जानकारी नभएको दावी गरेको छ । ‘अख्तियारले वडाअध्यक्षलाई नियन्त्रणमा लिएको सुनेको कुरा सही हो’ महाराजगंज नगरपालिका प्रमुख प्रशासकीय अधिकृत रविन्द्र प्रसाद चौधरीले अन्नपूर्ण पोष्ट्सगँ भने, थप डिटेल पछि दिउँला ।’
भैरहवा, १६ चैत्र । तिरुपति क्रिकेट क्लबले भैरहवामा जारी ‘ड्रिम युनिक रुपन्देही सुपरलिग’ एक दिवसीय क्रिकेट प्रतियोगितामा शुक्रबार भएको डिभिजन ‘ए’ को खेलमा जित हात पारेको छ । तिरुपतिले जेआर क्रिकेट क्लबलाई १ सय ८८ रनको फराकिलो अन्तरले पराजित गर्दै जित निकाल्न सफल भएको हो । भैरहवास्थित सिद्धार्थ क्रिकेट मैदानमा टस हारेर ब्याटिङको निम्तो पाएको तिरुपतिले निर्धारित ५० ओभरमा ७ विकेटको नोक्सानीमा २ सय ६४ रनको बलियो योगफल बनायो । उसका लागि बलियो स्कोर खडा गर्न यम क्षेत्रीले अविजित ५४ रनको अर्धशतकीय इंनिङ खेले । यस्तै, रोहित थापाले ४५, एजाजुल हकले ३४, कमल विक र तुलबहादुर थापाले समान २५-२५ तथा…
भैरहवा, ९ चैत । रुपन्देहीको सिद्धार्थनगर नगरपालिकामा शैक्षिक गुणस्तर सुधारका लागि विद्यालय शिक्षा अध्ययन कार्यदल गठन गरिएको छ । नगरपालिकामा रहेका विद्यालयहरुको शैक्षिक गुणस्तर सुधारका लागि आवश्यक शैक्षिक नीति र योजना बनाउन नगरले कार्यदल गठन गरेको हो । नगर शिक्षा समितिको बैठकले डा.शम्भु गुप्ताको संयोजकत्वमा दश सदस्यीय कार्यदल गठन गरेको हो । जसको सदस्य सचिवमा शिक्षा, युवा तथा खेलकुद शाखा प्रमुख चेतनशील लम्साल, सदस्यहरुमा डा.त्रिभुवन बरई, वनमाली निराकार, डिल्लीराज भट्टराई, विजयगोविन्द श्रेष्ठ, दिनेश मिश्र, पिताम्बर तिवारी, मकबुल अहमद खान र रुपकुमार क्षत्री छन् । नगरको सम्रग शैक्षिक सुधारका लागि कार्यदल गठन गरिएको सिद्धार्थनगरका प्रमुख एवं शिक्षा समितिका अध्यक्ष इश्तियाक अहमद…
काठमाडौं, ८ चैत । सुनको मूल्यमा ९ दिनपछि फेरि नयाँ रेकर्ड बनेको छ । बिहीबार एकै दिन मूल्य तोलामा २ हजार ६ सय रुपैयाँ बढेपछि हालसम्मकै उच्च भएको हो । बिहीबार तोलाको १ लाख २७ हजार ८ सय रुपैयाँ सुनको मूल्य तय भएको छ । यसअघि बुधबार १ लाख २५ हजार २ सय रुपैयाँ थियो । फागुन २९ गते सुनको भाउले तोलामा १ लाख २६ हजार रुपैयाँ पुगेर उच्च रेकर्ड बनाएकोमा सो रेकर्ड ९ दिनमै तोडिएको हो । चाँदीको मूल्य पनि हालसम्मकै उच्च भएको छ । अघिल्लो दिन तोलाको १ हजार ५२० रुपैयाँ रहेको चाँदी बिहीबार १ हजार ५५५ कायम…
बुटवल, ८ चैत । नेपाली काँग्रेसका नेता डा. शेखर कोइरालाले समाजमा फरकफरक पेसा आबद्ध भएको व्यक्तिहरूसँग सल्लाह–सुझाव लिन सुरु गरेका छन् । नेपाली कांग्रेसले अब लिने बाटो, निर्वाचनमा समानुपातिक प्रणाली, आर्थिक क्षेत्र सुधारका आदिको विषयमा बुधबार बुटवलमा क्रियाशील विभिन्न क्षेत्रका अगुवासँग छलफल गरेका हुन् । उनले रुपन्देहीको बुटवलमा झण्डै दुई घण्टा विद्यार्थी, चिकित्सक, इञ्जिनियर, अधिवक्ता, उद्योगी–व्यवसायीसँग सुझाव लिएका छन् । डा. कोइरालाले नेपाल चिकित्सक संघले आयोजना गरेको बुद्धिजीवीसँग कांग्रेस वरिष्ठ नेता डा. शेखर कोइरालाको छलफल कार्यक्रममा सबैका सुझावहरू सुनेर लिखित सुझाव पनि लिएका छन् । उनले यी सुझावलाई पार्टी, संसद् र सरकारलाई कार्यान्वयन गर्न दबाब दिने प्रतिबद्धता जनाएका छन् ।…
बुटवल : रुपन्देही उद्योग संघले जिल्लाको शुद्धोधन गाउँपालिकामा यो कार्यकालमा पहिलोपटक तहगत समिति गठन गरेको छ । संघको विधानअनुसार गाउँपालिकामा २५, नगरपालिकामा ५० र उपमहानगरमा १ सय उद्योगी संघमा दर्ता रहेपछि तहगत समिति गठन गरिन्छ । रुपन्देहीको शुद्धोधन क्षेत्रमा रहेका उद्योगीहरुको भेलाले संघका कार्यसमिति सदस्य तथा क्रियसन फर्मलेशन प्रालिका सञ्चालक टंकनारायण आचार्यको संयोजकत्वमा ५ जनाको समिति गठन गरेको हो । समितिको सह–संयोजकमा सागर आयल मिलका रेशमलाल उपाध्यक्ष र सदस्यहरुमा अन्जना बेकरिज उद्योगका विनोदप्रसाद चौधरी, बस्याल फर्निचर उद्योगका चण्डी बस्याल, न्यू लक्ष्मी सःमिलका लालुमाया थापा रहेका छन् । कार्यक्रममा गाउँपालिकाका अध्यक्ष विष्णुप्रसाद बस्यालले आफ्नो पालिकालाई पहिलो रोजाइमा पारेर उद्योग संघले स्थानीय…
भैरहवा : पश्चिम नवलपरासी प्रहरीले भन्सार छली गरेर भित्राईएको कपडा बरामद गरेको छ । ईलाका प्रहरी कार्यालय सुनवलबाट खटिएको टोलीले बा.प्र. ०३-००१ ख २६४८ नम्बरको बसमा लुकाएर ल्याएको अवस्थामा सुनवलबाट सात लाख मूल्य बराबरको १४ बोरा कपडा बरामद गरेको जिल्ला प्रहरी कार्यालय पश्चिम नवलपरासीका डीएसपी रेशम बोहोराले बताए । उनले कपडा तस्करीको सूचनाको आधारमा बस चेकजाँच गर्दा कपडा बरामद भएको जानकारी दिए । बरामद कपडा महेशपुर भन्सार कार्यालयमा बुझाईएको प्रहरीले जनाएको छ ।
भैरहवा : रुपन्देहीको सिद्धार्थनगर नगरपालिकामा गौशाला र शव दाहसंस्कार घाटको लागि निर्माण कार्य सुरु गरिएको छ । नगरपालिको वडा नं. ११ पिपरहिया स्थित गौशाला र शव दाहसंस्कार घाटको लागि निर्माण कार्य सुरु गरिएको हो । गौशाला र शव दाहसंस्कार घाटका लागि आवश्यक पूर्वाधार पर्खाल निर्माणको सोमबार नगर प्रमुख इश्तियाक अहमद खाँले शिलान्यास गरे । कार्यक्रमलाई सम्बोधन गर्दै प्रमुख अतिथी नगर प्रमुख खाँले नगरमा छाडा चौपाया (गाईगोरु)का कारण देखिएको समस्या अस्थाई रुपमा समाधान गर्दै लगिएपनि दिर्घकालिन समाधान र व्यवस्थापनका लागि गौशालाको निर्माण कार्य सुरु गरिएको बताए । करिब ३८ करोड लागत अनुमानमा चार विघा क्षेत्रफलमा योजनाको सुरुवात भएको उनले जानकारी दिए…