Author: क्लिक लुम्बिनी

काठमाडौं,६ कार्तिक। नेकपा माओवादी केन्द्रले काठमाडौंमा खबरदारी सभा गर्ने भएको छ । सरकारका गलत कदमको विरोध र गर्नुपर्ने कामका लागि ध्यानाकर्षण गराउन भन्दै कार्तिक १० गते (शनिबार) खबरदारी सभा गर्ने निर्णय गरेको माओवादी केन्द्रले जनाएको छ। अध्यक्ष पुष्पकमल दाहाल प्रचण्डले मंगलबार पार्टी कार्यालय पेरिसडाँडामा आयोजित पार्टीको बागमती र विशेष प्रदेश समन्वय समिति तथा जनवर्गीय संगठनका इञ्चार्ज तथा अध्यक्षहरुको संयुक्त बैठकलाई सम्बोधन गर्दै पार्टी केन्द्रीय कार्यालयको बैठकले खबरदारी सभा गर्ने निर्णय गरेको जानकारी गराए । उनले खबरदारीसभाको तयारीमा जुट्न सबै कमिटीहरुलाई निर्देशन पनि दिए । माओवादी केन्द्रले विपद् व्यवस्थापनमा देखिएको सरकारको असंवेदनशीलता, गैरजिम्मेवारीपन र योजनाविहीनताका कारण बेपत्ताहरूको खोजी, राहत वितरण, घाइतेहरूको…

भैरहवा,६ कार्तिक। कपिलवस्तु प्रहरीले स्रोत नखुलेको २० लाख ५० हजार भारतीय रुपैयाँसहित दुई जना भारतीय नागरिकलाई पक्राउ गरेको छ। पक्राउ पर्नेमा महाराष्ट्रको रायगढ जिल्लाका सलमान कुरेसिया र उमेश सखाराम खंडागले रहेको प्रहरीले जनाएको छ। जिल्लाको कृष्णनगर नगरपालिका-२ लिङ्गेटमा सवारी साधन चेकजाँचको क्रममा भारतीय नम्बर प्लेटको दुई वटा गाडीबाट उक्त रकम बरामद भएको जिल्ला प्रहरी कार्यालय कपिलवस्तुका डीएसपी मोहनमणि अधिकारीले जानकारी दिए। पक्राउ परेका व्यक्तिहरुले अयोध्याबाट भाडामा गाडी लिएर नेपाल आएका थिए । उनका अनुसार यूपी ४२ डीटी ५७२१ नम्बरको गाडीबाट १२ लाख ५० हजार र यूपी ४५ एएस ६६६३ नम्बरको गाडीबाट ८ लाख बरामद भएको हो। बरामद रकम र नियन्त्रणमा…

भैरहवा,५ कार्तिक । भारतबाट अवैध रुपमा तस्करी गरेर भित्राइएको ठुलो परिमाणमा चिनी भैरहवाबाट बरामद गरिएको छ । सशस्त्र प्रहरी बल, नेपाल प्रस्तावित सीमा सुरक्षा गुल्म डण्डा, रुपन्देही र भैरहवा भन्सार कार्यालयको संयुक्त टोलीले सोमबार सिद्धार्थनगर नगरपालिकाका–४ स्थित सुगरमिल क्षेत्रबाट तस्करी गरेर भित्राइएको चिनी बरामद गरेको हो। अवैध रुपमा दुईवटा घरको गोदाम बहालमा लिएर भण्डारण गरिएको ४ सय ७१ बोरा (२३५५० किलो) चिनी बरामद गरिएको सशस्त्र प्रहरी बल, नेपाल प्रस्तावित सीमा सुरक्षा गुल्म डण्डा,रुपन्देहीका प्रमुख डिएसपी चन्द्रकुमार थापाले जानकारी दिए। भैरहवा भन्सार कार्यालयका सूचना अधिकारी नरेन्द्रप्रसाद चौधरीका अनुसार बरामद चिनीको करिब १५ लाख मूल्य बराबरको रहेको बताए। बरामद चिनी आवश्यक कारवाहीको…

दाङ, ५ कार्तिक। लुम्बिनी प्रदेश सरकारले प्रदेश सरकार कार्यविभाजन नियमावली हेरफेर गरेको छ। प्रदेश मन्त्रिपरिषदको आइतबार बसेको बैठकले प्रदेश सरकार कार्यविभाजन नियमावली २०७९ को अनुसूची १ र २ लाई हेरफेर गर्ने निर्णय गरेको हो। महिला, बालबालिका तथा ज्येष्ठ नागरिक मन्त्रालयलाई सामाजिक विकास मन्त्रालयमा गाभिएको छ भने युवा तथा खेलकुद मन्त्रालय बनाउने निर्णय गरिएको सकारका प्रवक्ता तथा कृषि, भूमि व्यवस्था तथा सहकारी मन्त्री दिनेश पन्थिले जानकारी दिए। प्रदेश मन्त्रिपरिषदलाई पूर्णता दिने तयारी अन्तरगत सरकारले कार्यविभाजन नियमावली हेरफेर गर्ने निर्णय गरेको जनाइएको छ। मुख्यमन्त्री चेतनारायण आचार्यको अध्यक्षतामा बसेको बैठकले प्रदेशको राजश्व बढाउने आर्थिक मामिला तथा योजना मन्त्री धनेन्द्र कार्कीको अध्यक्षतामा कार्यदल बनाउने…

भैरहवा, ५ कार्तिक। रुपन्देहीको सिद्धार्थनगर नगरपालिका कार्यालयले उद्योगी व्यवसायीलाई सहज सेवा उपलब्ध गराउने उद्देश्यले घुम्ती शिविर सुरु गरेको छ। नगर क्षेत्रभित्र रहेका उद्योग एवंम व्यवसाय फर्मको दर्ता, व्यवसाय कर, नविकरण सम्बन्धी सबै सेवा वडा, टोलबाट प्रदान गर्ने गरी शिविर सचांलनमा ल्याईएको नगरपालिकाका राजश्व शाखा प्रमुख कमलकान्त खनालले जानकारी दिए। उनका अनुसार आईतबारबाट सुरु गरिएको शिविर आगामी मंसिर २४ गतेसम्म विभिन्न वडाहरुमा सचांलन हुनेछ। शिविर सबै वडास्तरमा संचालन गरिनेछ। शिविर आईतबार वडा नम्बर ७ मा सुुरुवात गर्दै सिद्धार्थनर नगरपालिकाका प्रमुख इश्तियाक अहमद खाँले दर्ता, ईजाजत नलिई सचांलन भैरहेका वा लामो समय देखि नविकरण नगरेका व्यवसायीलाई घुम्ती शिविर मार्फत लाभ लिन आग्रह…

काठमाडौं,४कार्तिक। राष्ट्रिय परीक्षा बोर्डले कक्षा १२ को ग्रेडवृद्धि (पूरक) परीक्षाको नतिजा प्रकाशन गरेको छ। प्रकाशित नतिजा अनुसार ८६ हजार २४६ विद्यार्थीले सबै विषयमा ग्रेड प्राप्त गरेका छन् । गत भदौ २५ र २६ गते पूरक परीक्षा लिईएको थियो।एक लाख २२ हजार १७१ विद्यार्थीले ग्रेड वृद्धिका लागि परीक्षा दिएका थिए। तीमध्ये दुई जना विद्यार्थीको परीक्षा रद्द गरिएको छ भने २ जनाको परीक्षाफल स्थगित गरिएको बोर्डले जनाएको छ। कक्षा १२ को मौका परीक्षामा सहभागी भई प्रत्येक विषयको सैद्धान्तिक परीक्षामा कम्तीमा डी ग्रेड प्राप्त गरेका परीक्षार्थीले नतिजा प्रकाशन भएको मितिले ७ दिनपछि ट्रान्सक्रिप्ट, माइग्रेसन, प्रोभिजनल र पूरक प्रमाणपत्रका लागि रसिद काट्न सक्ने बोर्डले…

काठमाडौं,४ कार्तिक। शिक्षक सेवा आयोगले माध्यमिक तह अध्यापन अनुमति पत्रको परीक्षा कार्त्तिक १० गते लिने भएको छ। आयोगले परीक्षार्थीको रोल नम्बरसहित परीक्षा केन्द्र सार्वजनिक गरिसकेको छ। आयोगका अनुसार माध्यमिक तह अध्ययन अनुमति पत्रका लागि ४४ हजार बढी परीक्षार्थी सहभागी हुने भएका छन्। जसअनुसार कोशी प्रदेशबाट ६ हजार ९ सय ७४ जना परीक्षार्थी रहेका छन्। परीक्षा केन्द्र मोरङ तोकिएको छ। मधेश प्रदेशबाट ७ हजार २ सय २२ जना रहेको र परीक्षा केन्द्र धनुषा तोकिएको छ। यसैगरी बागमती प्रदेशबाट ५ हजार परीक्षार्थीहरूले परीक्षा दिँदैछन्। परीक्षा केन्द्र मकवानपुर रहेको छ। बागमती प्रदेशबाट ५ हजार १२५ जना परीक्षार्थी रहेका छन्। परीक्षा केन्द्र ललितपुर तोकिएको…

भैरहवा, ४ कार्तिक। राष्ट्रिय जनमोर्चाले सहकारी ठगी प्रकरणमा अनुसन्धानका लागि राष्ट्रिय स्वतन्त्र पार्टीका सभापति रवि लामिछानेलाई पक्राउ सही भएको बताएको छ । पार्टीका अध्यक्ष चित्रबहादुर केसीले आइतबार एक विज्ञप्ति जारी गर्दै विभिन्न सहकारीको रकम अपचलनमा नाम जोडिएकाले रविमाथि अनुसन्धान हुनु सही भएको बताएका छन्। ‘‍सहकारी ठगीमा रवि लामिछानेमाथि अनुसन्धान गर्न गरिएको गिरफ्तारी सामान्यतया सही नै छ’, केसीद्धारा जारी विज्ञप्तिमा भनिएको छ, रविमाथि कुनै राजनीतिक पूर्वाग्रहका आधारमा नभएर सत्य र तथ्यको आधारमा निष्पक्ष छानबिन गरेर कारबाही गरिनु पर्दछ।’ सहकारी ठगी प्रकरणमा रवि लामिछानेमाथी अनुसन्धान हुनुपर्ने राष्ट्रिय जनमोर्चाले सदन तथा सडकमा निरन्त आवाज उठाउँदै आएपनि तत्कालीन माओवादी-एमाले गठबन्धन सरकारले उनलाई जोगाउन कानुनकै…

पोखरा, ४ कार्तिक। राष्ट्रिय स्वतन्त्र पार्टी (रास्वपा) का रवि लामिछानेलाई राजनीतिक प्रतिशोध राखेर पक्राउ गरिएको भन्दै रास्वपाले पोखरामा लगाइएको निषेधाज्ञा तोडेर विरोध प्रदर्शन गरिरहेको छ। जसकारण स्थिती तनावग्रस्त बनेको छ। कास्कीका प्रमुख जिल्ला अधिकारी भरतमणि पाण्डेले महानगर क्षेत्रमा प्रदर्शन, जुलुस, हुलदङ्गा तथा झडपका कारण प्रतिकुल अवस्था सिर्जना हुनसक्ने भन्दै निषेधाज्ञा जारी गरेका छन् ।निषेधित क्षेत्रबाट प्रर्दशनीकारीहरुलाई हटाउन खोज्दा प्रहरी र कार्यकर्ताबीच ठेलमठेलको अवस्था छ। रास्वपाका नेता, कार्यकर्ताहरु अदालतअघि भेला भएका छन्। प्रहरीको बाक्लो उपस्थित छ। साथै, रवि लामिछानेलाई कारवाहीको मागसहित सहकारी पीडितहरुले पनि आजै प्रदर्शनको तयारी गरेका छन् । दुई पक्षीय प्रदर्शनले निम्तिन सक्ने सुरक्षा चुनौतीलाई ध्यान दिएर उच्च सतर्कता…

पोखरा, ४ कार्तिक। जिल्ला प्रशासन कार्यालय पोखराले निषेधाज्ञा जारी गरेको छ। कार्यालयले अर्को आदेश नभएसम्मका लागि पोखरा महानगरको शहिद गेट आसपासको क्षेत्र र गैह्रापाटन आसपासको क्षेत्रमा निषेधाज्ञा जारी गरेको हो । निषेधाज्ञा जारी गरिएको क्षेत्रमा ५ जना भन्दा बढी व्यक्त भेला भएर अनसन, धर्ना, घेराउ, जुलुस प्रदर्शन तथा सभा गर्न निषेध गरिएको जिल्ला प्रशासन कार्यालयले जारी गरेको सूचनामा उल्लेख छ। रास्वपाका नेता, कार्यकर्ताले पोखरा केन्द्रित प्रदर्शन सुरु गरिरहेका छन् भने सहकारी पीडितहरुले पनि पोखरामा प्रदर्शन गर्न सुरु गरेपछि प्रशासनले निषेधाज्ञा जारी गरेको हो। सहकारी ठगी प्रकरणमा अनुसन्धानका लागि पक्राउ गरिएको रवि लामिछानेलाई आज अदालतमा पेश गरिदैँछ । रास्वपाले पोखरामा विरोध…