Author: क्लिक लुम्बिनी

देउखुरी,१३ साउन। लुम्बिनी प्रदेश सरकारले प्रशासनिक संरचना चुस्त बनाउने उद्देश्यसहित मन्त्रालय पुनर्संरचना गरेको छ। मुख्यमन्त्री चेतनारायण आचार्यको अध्यक्षतामा बुधबार बसेको मन्त्रिपरिषद् बैठकले मुख्यमन्त्री तथा मन्त्रिपरिषद्को कार्यालय बाहेक ८ मन्त्रालय कायम रहने गरी प्रदेश सरकार (कार्य विभाजन) नियमावली, २०८३ स्वीकृत गरेको हो । यसअघि १२ मन्त्रालयमार्फत सञ्चालन हुँदै आएको प्रदेश सरकारको संरचनालाई पुनर्गठन गर्दै अब मुख्यमन्त्री तथा मन्त्रिपरिषद्को कार्यालय बाहेक ८ मन्त्रालय कायम हुनेगरी प्रदेश सरकार कार्यविभाजन नियमावली, २०८३ स्वीकृत गरेको हो। बैठकका निर्णय सार्वजनिक गर्दै भौतिक पूर्वाधार विकास मन्त्री रत्नबहादुर खत्रीले कार्यसम्पादनलाई थप प्रभावकारी, व्यवस्थित र मितव्ययी बनाउन मन्त्रालयको संख्या घटाइएको बताए। अब लुम्बिनीमा मुख्यमन्त्री कार्यालय र आठ वटा मन्त्रालय…

बाँके,१३ साउन। सशस्त्र प्रहरी बल, नेपालका एक हवल्दार ब्यारेकमै मृत अवस्थामा भेटिएका छन् । बाँकेको सशस्त्र प्रहरी बल सीमा सुरक्षा गुल्ममा कार्यरत ३८ वर्षीय घनश्याम ढकाल आफू सुत्ने कोठामा झुन्डिएको अवस्थामा मृत फेला परेको प्रहरीले जनाएको छ। उनी कैलाली जिल्ला गौरीगङ्गा नगरपालिका– ५ चौमालाका हुन् । प्रहरीका अनुसार, घटनाका सम्बन्धमा थप अनुसन्धान भइरहेको छ।

नेपालगंज,१३ साउन । निर्माणाधीन सेप्टिक ट्याङ्कीमा फसेर तीन जना मजदुरहरुको मृत्यु भएको छ। बाँकेको कोहलपुर नगरपालिका–३ शान्तिटोलमा बुधवार बिहान निर्माणाधीन सेप्टिक ट्याङ्कीमा फसेर तीन जना मजदुरको मृत्यु भएको प्रहरीले जनाएको छ । प्रहरीले जेसीबीको सहायताले सेप्टिक ट्याङ्की फुटाएर तीनै जनालाई मृत अवस्थामा बाहिर निकालेको थियो। प्रहरीका अनुसार, मृत्यु हुनेमा बाँकेको कोहलपुर नगरपालिका–३ का ४० वर्षीय कालु थारु, २६ वर्षीय प्रकाश थारु र ३३ वर्षीय बिर्जा थारु रहेका छन् । मृतकहरुको शवलाई परीक्षणका लागि भेरी अस्पताल, नेपालगञ्ज पठाइएको र घटनाका सम्बन्धमा थप अनुसन्धान भइरहेको प्रहरीले जनाएको छ।

कपिलवस्तु, १३ साउन। कपिलवस्तुमा सवारी दुर्घटनामा तीन जनाको मृत्यु भएको छ । हुलाकी राजमार्ग अन्तर्गत कपिलवस्तुको महाराजगंज नगरपालिकास्थित गैडवा चोकमा ना ५ ख २३६४ नम्बरको ट्रकको ठक्करबाट तीन जनाको मृत्यु भएको प्रहरीले जनाएको छ । उनीहरुमध्ये २ जना सडक किनारमा साइकल बनाउँदै थिए भने एक जना बालक साइकल पसल नजिक थिए । प्रहरीका अनुसार, मृत्यु हुनेहरुमा महाराजगंज नगरपालिका ३ गनवरियाका ७० वर्षीय र्घोल्लर कुर्मी, ४५ वर्षीय विजय कुमार गुप्ता र १२ वर्षीय बालक आनन्द कश्यप रहेका छन्। घटना पश्चात ट्रक चालकलाई नियन्त्रणमा लिएर आवश्यक अनुसन्धान अघि बढाइएको जिल्ला प्रहरी कार्यालय कपिलवस्तुले जनाएको छ।

काठमाडौं,१३ साउन। चिकित्सक तथा स्वास्थ्यकर्मीमाथि भएको आक्रमणको घटनाको विरोध गर्दै आज चिकित्सकहरुले आकस्मिक बाहेकका सबै सेवा बन्द गरेका छन्। चिकित्सकहरु सेवा बन्द गरेर आन्दोलनमा उत्रिँदा बिरामीहरुको उपचारमा समस्या परेको छ। नेपाल चिकित्सक संघको आह्वानमा बुधबार देशभरका अस्पतालहरुमा आकस्मिक बाहेकका सबै सेवा बन्द गरिएको छ। साथै, काठमाडौंको माइतीघरमा उनीहरुले विरोध प्रदर्शन गरेका छन्। वीरगञ्जस्थित नारायणी अस्पतालमा बिरामीको मृत्युपछि चिकित्सक तथा स्वास्थ्यकर्मीमाथी भएको आक्रमण र अस्पतालमा गरिएको तोडफोडका दोषीहरुलाई कानुनी कारबाही गर्न सरकारले उदासीनता देखाएको भन्दै संघ आन्दोलनमा उत्रिएको हो। संघका अध्यक्ष डा. बद्री रिजालका अनुसार, घटना घटेको पाँच दिन बितिसक्दा समेत दोषीलाई पक्राउ गरी कारबाही गर्नुको साटो न्याय माग्न गएकाहरुमाथि दुर्व्यवहार…

काठमाडौं,१३ साउन। अख्तियार दुरुपयोग अनुसन्धान आयोगले सडक डिभिजन कार्यालय भक्तपुरका इन्जिनियर शैलेन्द्र कुमार चौधरीविरुद्ध भ्रष्टाचार मुद्दा दायर गरेको छ। पदीय मर्यादा विपरीत कार्यगरी गैरकानुनी सम्पत्ति आर्जन गरेको आरोपमा बुधबार चौधरीविरुद्ध विशेष अदालतमा मुद्दा दायर भएको आयोगले जनाएको छ। उनको श्रीमती अर्पना कुमारीलाई पनि मुद्दामा प्रतिवादी बनाइएको छ। आयोगका अनुसार, नियुक्ति मिति २०६५/०९/११ गतेदेखि २०८२/०३/२९ गतेसम्मको अवधिमा चौधरीले २ करोड ७२ लाख ५५ हजार ७६६ रुपैयाँ आय आर्जन गरेका थिए। उक्त आम्दानीमा तलब,भत्ता,कर्जा,कृषि आय तथा बाबुको पेन्सन आयसमेत समावेश गरिएको छ। सोही अवधिमा उनले आफू र आफ्नो परिवारको नाममा जग्गा, घर, सवारी साधन, जीवन बिमा, छोराछोरीको खर्च, शेयर खरिद, बैंकिङ मौज्दातलगायत…

काठमाडौं,१३ साउन। नेपाल प्रहरीको केन्द्रीय अनुसन्धान ब्यूरो (सीआईबी) ले हुन्डी कारोबारमा संलग्न आरोपमा एकजनालाई नियन्त्रणमा लिएको छ। पक्राउ पर्नेमा धादिङ सत्यदेवी-८ घर भइ हाल काठमाडौंको नागार्जुन नगरपालिका-८ का ४९ वर्षीय राजेन्द्र प्रसाद रिजाल रहेको प्रहरीले जनाएको छ। ब्यूरोका प्रवक्ता एवं एसएसपी अनुपम शमशेर ज.ब.रा.का अनुसार, शंकास्पद व्यक्तिहरुको बैंकिङ कारोबार विश्लेषणको क्रममा पक्राउ परेका आरोपीले अन्य व्यक्तिहरुसँगको मिलेमतोमा व्यक्तिगत बैंक खाता प्रयोग गरी १ अर्ब ८९ करोड ६५ लाख ३९ हजार ४५४ बराबरको रकम हुन्डीमार्फत कारोबार गरेको देखिएको छ। सोही आधारमा काठमाडौं जिल्ला अदालतबाट पक्राउ अनुमति लिएर काठमाडौं महानगरपालिका–८,गौरीघाट मन्दिर क्षेत्रबाट रिजाललाई पक्राउ गरिएको र थप अनुसन्धान भइरहेको ब्यूरोले जनाएको छ।

दाङ,१३ साउन । दाङ जिल्लामा नयाँ प्रणालीमार्फत सवारी चालक अनुमति पत्र (लाइसेन्स) को नविकरण सुरु गरिएको छ। साउन १ गतेदेखि लागू गरिएको नयाँ इडीएलभीआरएस प्रणालीमार्फत लाइसेन्स नवीकरणको काम दाङबाट सुरु भएको यातायात व्यवस्था कार्यालय कार्यालय दाङले जनाएको छ। काम सुरु भएसँगै मुलुकमा पहिलो पटक चार जना सेवाग्राहीले यहाँ नयाँ प्रणालीबाट सेवा लिइसकेका छन्। कार्यालयका कम्प्युटर अधिकृत वीरेन्द्र घर्तीका अनुसार, देशभर नयाँ प्रणालीमा जाँदा प्राविधिक कारणले सेवा अवरुद्ध भइरहेको अवस्थामा दाङ कार्यालयले सफलतापूर्वक नयाँ प्रणाली लागू गरी सेवा प्रवाह गर्न सफल भएको बताए। नयाँ प्रविधिको प्रयोगले आगामी दिनमा सेवा प्रवाह थप चुस्त, पारदर्शी र सहज हुने विश्वास लिइएको छ।

पर्सा,११ साउन । पर्सा प्रहरीले १४० किलो लागुऔषध गाँजा बरामद गरेको छ । जिल्लाको छिपहरमाई गाउँपालिका-१ मिर्जापुरस्थित आँपको बगैंचामा लागुऔषधजन्य पदार्थ लुकाएर राखेको सूचनाका आधारमा इलाका प्रहरी कार्यालय पोखरिया र सशस्त्र प्रहरी बल बिओपी मिर्जापुरबाट खटिएको संयुक्त प्रहरी टोलीले उक्त परिमाणको गाँजा बरामद गरेको जिल्ला प्रहरी कार्यालय पर्साका सूचना अधिकारी एंव डीएसपी चक्रबहादुर मल्लले जनाए । बरामद गाँजा १३ वटा पोकामा रहेको र घटनाका सम्बन्धमा थप अनुसन्धान भइरहेको प्रहरीले जनाएको छ ।

काठमाडौं,११ साउन। सर्वोच्च अदालतले संघीय सांसदलाई स्वकीय सचिवको सुविधा दिने सरकारको निर्णयबारे ‘कारण देखाऊ’ आदेश जारी गरेको छ। उक्त निर्णयविरुद्ध परेको रिटमाथि सुनुवाइ गर्दै न्यायाधीश विनोद शर्माको एकल इजलासले प्रधानमन्त्री तथा मन्त्रिपरिषद्को कार्यालयलगायत विपक्षीका नाममा सोमबार लिखित जवाफ पेश गर्न आदेश दिएको हो। सरकारले २०८३ असार ३० गतेको मन्त्रिपरिषद् बैठकबाट सांसदलाई निजी स्वकीय सचिव राख्न दिने निर्णय गरेको थियो। जसको सूचना साउन ४ गते नेपाल राजपत्रमा प्रकाशित भएको थियो। सो निर्णय बदरको माग गर्दै अधिवक्ता डा. प्रेमराज सिलवालले दायर गरेको रिटमा सर्वोच्चले अन्तरिम आदेशबारे छलफलका लागि सरकारलाई उपस्थित हुन निर्देशन दिएको छ। सरकारले एकातिर मितव्ययिता अपनाएर २० अर्ब रुपैयाँ बचत…