Author: क्लिक लुम्बिनी

भैरहवा, १७ भदौ । रुपन्देहीमा एक युवतीले आफुमाथी जबरजस्ती करणी (बलात्कार) भएको भन्दै दिएको जाहेरी उपर प्रहरीले कार्यवाही अघि बढाएको छ । आरोपीहरुलाई हिरासतमा राखेर घटनाको अनुसन्धान गर्नका लागि जिल्ला अदालत रुपन्देहीबाट ७ दिनको म्याद लिइएको जिल्ला प्रहरी कार्यालय रुपन्देहीका सूचना अधिकारी एवं डिएसपी मनोहरप्रसाद भट्टले बताए । ‘अनुसन्धानका लागि आइतबार जिल्ला अदालतबाट ७ दिनको म्याद लिएका छौँ’, उनले भने, ‘घटनालाई गम्भिरताका साथ लिएर अनुसन्धान गरिरहेका छौँ ।’ घटनामा संग्लन आरोपमा प्रहरीले कोटहीमाई गाउँपालिकाका शिक्षा शाखामा कार्यरत ३२ वर्षिय मनोहर चौधरी, गाउँपालिकाकै उद्यम विकास सहजकर्ता मुकेश चौधरी र वडा नम्बर ३ का वडा अध्यक्ष विष्णु नारायण पाण्डेका छोरा ३५ वर्षिय…

भैरहवा, १६ भदौ। रोटरी क्लब अफ लुम्बिनी सिद्धार्थनगरले ‘मिसेज लुम्बिनी प्रदेश–२०२४’ प्रतियोगिता आयोजना गर्ने भएको छ । क्लबले महिलामा भएका अन्तरनिहीत विभिन्न प्रतिभालाई उजागर गर्दै महिला सशक्तिकरणमा टेवा पुर्याउने उद्देश्यले प्रतियोगिता आयोजना गर्न लागेको जनाएको छ । भैरहवामा यो पहिलो पटक हुन लागेको हो । क्लबले आइतबार भैरहवामा पत्रकार सम्मेलनको आयोजना गरेर प्रतियोगिताबारे जानकारी गराएको हो । क्लबका अध्यक्ष ओम जैशीका अनुसार कार्यक्रमबाट बचेको रकमबाट छात्रा शिक्षामा र आईसीयु जडित एम्बुलेन्स खरिद गर्ने लक्ष्य रहेको छ । कार्यक्रम संयोजक देवी गुरुङ्गले भदौ १७ गते बाट प्रतियोगिताको लागि फारम खुल्ला हुने बताइन् । कार्तिक १ गते देखि १२ गते सम्म रुपन्देही…

भैरहवा, १६ भदौ । रुपन्देहीको मर्चवार क्षेत्र ४ (क) बाट निर्वाचित प्रदेश सभा सदस्य कन्हैया कुमार बनियाले बलात्कार प्रकरणमा आफ्नो धारणा सार्वजनिक गरेका छन् । सामाजिक संजाल फेसबुकको मा.कन्हैया बनिया निजी सचिवालय नामक पेजमा पोष्ट गरिएको विषयलाई आफ्नो वालमा शेयर गर्दै उनले अपराधिक घटनाको निन्दा गर्दै दोषीलाई कानुनी दायरामा ल्याउन माग गरेका छन् । मर्चवार क्षेत्रको एक युवतीले आफुसगँ जबरजस्ती करणी भएको भन्दै प्रहरी कार्यालयमा जोहरी दिएकी छिन् । जस अनुसार प्रहरीले घटनामा संग्लन आरोपमा तीन जनालाई पक्राउ गरी घटनाको अनुसन्धान सुरु गरेको जनाएको छ । यद्यपी घटनालाई दबाउन खोजिएकोतर्फ इंगित गर्दै प्रदेश सांसद बनियाले सामाजिक संजाल मार्फत चेतवानी दिदै…

भैरहवा, १६ भदौ । रुपन्देही प्रहरीले जबरजस्ती करणी गरेको आरोपमा कोटहीमाई गाउँपालिका कार्यालयका दुई कर्मचारी सहित तीन जनालाई पक्राउ गरेको छ । स्रोतका अनुसार पक्राउ पर्नेमा कोटहीमाई गाउँपालिकामा कार्यरत कर्मचारी ३२ वर्षिय मनोहर चौधरी, उद्यम विकास सहजकर्ता मुकेश चौधरी र वडा नम्बर ३ का वडा अध्यक्ष विष्णु नारायण पाण्डेका ३५ वर्षिय छोरा बंटी भन्ने शैलेश पाण्डे रहेका छन् । कोटहीमाई गाउँपालिका कार्यालयका प्रमुख प्रशासकीय अधिकृत दिनेश कुमार गौड (कहार)ले कार्यालयका दुई जना कर्मचारीलाई प्रहरीले पक्राउ गरेको पुष्टि गरे । उनले भने, ‘कर्मचारीहरुलाई प्रहरीले पक्राउ गरेको मैले पनि फेसबुकहरुबाट थाहा पाए । कानुन अनुसार प्रक्रिया अघि बढ्छ ।’ ‘जबरजस्ती करणी मुद्दामा…

भैरहवा, १५ भदौ । नेपाल आयल निगमले पेट्रोलियम पदार्थको मूल्य घटाएको विषयबारे प्रधानमन्त्री केपी शर्मा ओलीको फेसबुक पेजमा समाचार शैलीमा जानकारीमूलक स्ट्याटस पोष्ट भएपछि प्रधानमन्त्रीको आलोचना भएको छ । निगमले मूल्य घटाएको विषयमा संचारमाध्यमहरुमा समाचार प्रकाशित भएको करिब एक घण्टा पछि प्रधानमन्त्री रहेका ओलीको आधिकारिक फेसबुक पेजमा मूल्य घटेको विषयमा स्ट्याटस पोष्ट गरिएको थियो । समाचार तयार पार्दासम्म दुई हजार चार सय कमेन्ट आएको उक्त जानकारीमूलक स्ट्याटसमा अधिकांशले प्रधानमन्त्री ओलीको आलोचना गरेका छन् । स्ट्याटसको कमेन्टमा केहीले दुई रुपैयाँ घटाएको विषयलाई स्ट्याटस पोष्ट गर्न नहुने र केहीले स्वचालित प्रणालीबाट मूल्यको घटबढ हुने भएकोले प्रधानमन्त्री ओलीले मूल्य घटेको जस लिन खोजेको…

भैरहवा, १५ भदौ । नेपाल आयल निगमले पेट्रोलियम पदार्थको मूल्य घटाएको छ। नेपाल आयल निगमको सञ्चालक समितिको बैठकले पेट्रोलियम पदार्थको मूल्य घटाएको हो। निगमले पेट्रोलमा प्रतिलिटर दुई रुपैयाँ र डिजेल र मट्टितेलमा प्रतिलिटर एक रुपैयाँ घटाएको हो। त्यस्तै आन्तरिक हवाई इन्धनतर्फ प्रति किलोलिटर ५ रुपैयाँ र अन्तर्राष्ट्रिय हवाई इन्धनतर्फ प्रति किलोलिटर३७ डलर मूल्य घटाइएको छ। एलपी ग्यासको मूल्य भने यथावत् राखिएको छ। नयाँ मूल्यसूची आज १२ बजेपछि लागू हुनेछ।  नयाँ मूल्य अनुसार भलवारी डिपो अन्र्तगत रुपन्देही लगायत जिल्लामा प्रतिलिटर पेट्रोल मूल्य १६० रुपैयाँ पचास पैसा र डिजेल तथा मट्टितेल १५१ रुपैयाँ पचास पैसा कायम भएको छ ।

भैरहवा, १५ भदौ । भैरहवा भन्सार कार्यालयले सक्रियता बढाएपछि भन्सार छलेर भित्राइएको साम्रगीहरु धमाधम बरामद हुन थालेको छ । कार्यालयले एक हप्ताको अन्तरालमा भन्सार छलेर भित्राइएको चिनीले भरिएको तीनवटा ट्रक नियन्त्रणमा लिएको छ । एक हप्तामा मात्रै ठूलो परिमाणमा कार्यालयले ३३ हजार किलो (३३ टन) चिनी बरामद गरेको छ । तस्करहरुले भारतबाट मोटरसाइकलमा चिनी ल्याएर सीमा क्षेत्रमा भण्डारण गर्ने गर्दछन् । त्यसपछि ठूलो परिमाणमा ट्रकमा लोड गरेर देशका विभिन्न क्षेत्रमा पुर्याउने गरेका छन् । शुक्रवार राति लु २ ख ५३०५ नम्बरको ट्रकमा साढे दश टन चिनी (२१० बोरा) लोड गरेर अन्यत्र लैजान लागेको अवस्थामा लुम्बिनी सांस्कृतिक नगरपालिका–१० मधुवन क्षेत्रबाट ७…

बुटवल, १५ भदौ । उपप्रधान तथा अर्थमन्त्री विष्णु प्रसाद पौडेलले लुम्बिनी प्रादेशिक अस्पतालका कर्मचारीहरुलाई सेवा भावकासाथ आफ्नो दायित्व र जिम्मेवारी पूरा गर्न निर्देशन दिएका छन् । शनिवार अस्पतालको स्तरोन्नतीका लागि १२ तले भवनको शिलान्यास पश्चात अस्पतालका विभागीय प्रमुखहरुसँग छलफल गर्दै उनले बुटवललाई आर्थिक राजधानी बनाउने विषयसँग अस्पताल जोडिएकोले सबैजना एक भएर लाग्नु पर्नेमा जोड दिए । अस्पतालको स्तरोन्नती पश्चात यस क्षेत्र स्वास्थ्य सेवामा ठूलो फड्को मार्न सकिने भन्दै उनले सरकारको तर्फबाट बजेटमा कुनै कमी हुन नदिने प्रतिवद्धता समेत गरे । अस्पतालको भवन संरचना बनाउनु मात्रै ठूलो कुरा नभई दक्ष र प्रयाप्त जनशक्ति व्यवस्थापन, स्वास्थ्य उपकरणहरुको व्यवस्थापन पनि महत्वपूण रहेको उल्लेख…

बुटवल, १५ भदौ। लुम्बिनी प्रदेशका मुख्यमन्त्री चेतनारायण आचार्यले १२ तले सुविधा सम्पन्न भवनमा स्तरोन्नती हुन लागेको लुम्बिनी प्रादेशिक अस्पताल प्रदेशवासीका लागि गौरवको विषय भएको बताए । शनिवार लुम्बिनी प्रादेशिक अस्पताल शिलान्यास कार्यक्रमलाई सम्बोधन गर्दै उनले प्रदेशवासीले गुणस्तरीय स्वास्थ्य सेवा प्राप्त गर्ने अधिकार सुनिश्चित गर्न प्रदेश सरकार दृढ रहेको बताए । ‘यो आयोजनालाइ उच्च प्राथमिकमा राखेर प्रदेश सरकारले चालु आर्थिक बर्षमा १ अर्ब ८० करोडको बजेट विनियोजन गरेको छ’,उनले भने, ‘प्रदेश सरकारले २४ अर्ब पुजिगत बजेटमा अस्पताल बाहेक ५ अर्ब ६५ करोड रुपैयाँ बजेट रुपन्देही जिल्लामा बिनियोजन गरेको छ । अब बजेटको सही कार्यान्वयन आवश्यकता छ । बजेटको सही कार्यान्वयनका लागि…

बुटवल, १५ भदौ। लुम्बिनी प्रादेशिक अस्पतालको १२ तले सुविधा सम्पन्न र एक हजार दुई सय शय्या रहने भवनको शिलान्यास गरिएको छ । यो अस्पताल भवन प्रदेश सरकारको ६ अर्ब १८ करोड रुपैयाँ लागतमा बन्न लागेको पहिलो ठूलो पूर्वाधार हो । प्रदेश सरकारको चार वटा गौरवको आयोजना मध्ये लुम्बिनी प्रादेशिक अस्पताल निर्माण महत्त्वपूर्ण आयोजनाको रुपमा रहेको छ । नेपाल सरकारका उपप्रधान तथा अर्थमन्त्री बिष्णुप्रसाद पौडेलले भवनको शिलान्यास गरेका हुन्। प्रदेश सरकार अन्तर्गतको पूर्वाधार विकास प्राधिकरणले तयार गरेको गुरुयोजना अनुसार अस्पतालको मुख्य भवन १० तलाको हुनेछ । पाँच तलाको क्यान्सर उपचारको छुट्टै भवन हुनेछ । १० तलाको भवनमा दुई तला अन्डरग्राउन्ड पार्किङ…