Author: क्लिक लुम्बिनी

भैरहवा, १ असोज। भोटेकोशी नदीमा आएका विनाशकारी बाढीका कारण प्रभावित परिवारको राहत, उद्धार तथा पुनःस्थापनाका लागि होटल पौवाले ११ लाख रुपैयाँ सहयोग गरेको छ । बिहीबार होटल पौवाका अध्यक्ष दुर्गा प्रसाद भण्डारीले चितवनका प्रमुख जिल्ला अधिकारी गणेश अर्यालमार्फत प्रधानमन्त्री दैवीप्रकोप उद्धार कोषमा ११ लाख रुपैयाँ प्रदान गरेका हुन् । प्रमुख जिल्ला अधिकारी अर्यालले रसुवाको भोटेकोशी बाढीपछि उत्पन्न विपद्का समयमा राहत तथा पुनःस्थापनाका लागि होटल पौवाले गरेको सहयोगप्रति आभार व्यक्त गरे। होटल पौवाका प्रमुख ब्रान्डिङ अधिकृत विष्णु भण्डारीले संस्थाका सञ्चालक, व्यवस्थापक तथा कर्मचारीहरुले संकिलत गरेको रकम विपद्मा परेका नागरिकलाई सहयोग गरिएको बताए। उनले देश महाविपत्तिको अवस्थाबाट गुज्रिरहेका बेला सहयोगको रकम सानो…

काठमाडौं,१ असोज। सरकारले चालु आर्थिक वर्ष २०८३/८४ को साउन र भदौ दुई महिनामा करिब दुई खर्ब रुपैयाँ बजेट खर्च गरेको छ। महालेखा नियन्त्रक कार्यालयका अनुसार, भदौ मसान्तसम्म सरकारको कुल खर्च एक खर्ब ९९ अर्ब ८३ करोड ७२ लाख पुगेको छ। जुन वार्षिक लक्ष्यको ९ दशमलव ४१ प्रतिशत हो। कुल खर्चमध्ये चालु शीर्षकमा एक खर्ब २२ अर्ब तीन करोड ५४ लाख, पुँजीगततर्फ सात अर्ब ६६ करोड ४८ लाख र वित्तीय व्यवस्थातर्फ रु ७० अर्ब १३ करोड ७० लाख रुपैयाँ खर्च भएको छ। यी शीर्षकमा क्रमशः वार्षिक लक्ष्यको ९ दशमलव ६ प्रतिशत, १ दशमलव ७८ प्रतिशत र १६ दशमलव ५९ प्रतिशत बजेट…

काठमाडौं,१ असोज। सहकारी रजिष्ट्रारको कार्यालयले सहकारी संस्थाले सदस्यलाई दिने ऋणको अधिकतम ब्याजदर १३ प्रतिशत कायम गरेको छ। कार्यालयले सहकारी ऐन, २०७४ को दफा ५१ बमोजिमको समितिको सिफारिसमा सन्दर्भ ब्याजदर पुनरावलोकन गर्दै आजैदेखि लागू हुने गरी ऋणको अधिकतम ब्याजदर १३ प्रतिशत निर्धारण गरेको हो । यसअघि यस्तो ब्याजदर १६ प्रतिशत थियो। नयाँ व्यवस्थाअनुसार सहकारीले १३ प्रतिशतभन्दा कम ब्याजदर भने आफ्नो कारोबारको अवस्था, आवश्यकता र र औचित्यको विश्लेषण गरी निर्धारण गर्न सक्नेछन्। बचतमा दिने र ऋणमा लिने ब्याजदरबीचको अन्तर ६ प्रतिशतभन्दा बढी हुन नहुने व्यवस्था गरिएको छ। कार्यालयले सहकारी संस्थाले सदस्यलाई प्रदान गरेको ऋणमा लागेको ब्याजलाई मूल ऋणमा पुँजीकृत गरी त्यसमा पुनःब्याज…

नवलपुर,१ असोज। नवलपुरको हुप्सेकोट गाउँपालिका–६, पेलेगामा करिब ६ महिनादेखि जमिनमुनिबाट निरन्तर निस्किरहेको धुँवामा कार्बन मोनोअक्साइड ग्यासको उपस्थिति रहेको भूगर्भविद्हरुले प्रारम्भिक निष्कर्ष निकालेका छन्। विज्ञ टोलीले उक्त क्षेत्रमा ज्वालामुखीको सम्भावना नरहेको स्पष्ट पारेको छ। खानी तथा भूगर्भ विभाग, धौवादी फलाम कम्पनी लिमिटेड र नेपाल विज्ञान तथा प्रविधि प्रज्ञा प्रतिष्ठान (नास्ट) का विज्ञ सम्मिलित टोलीले स्थलगत अध्ययन गर्दै माटो, ढुङ्गा, पानी, धुँवा र वनस्पतिका नमुना संकलन गरेको छ। टोलीका प्रमुख भूगर्भविद् प्रकाश लुइँटेलका अनुसार चट्टानमा कार्बन मोनोअक्साइड ग्यासको मिश्रण देखिएकाले धुँवा निस्किएको हुनसक्ने प्रारम्भिक आकलन गरिएको हो। लुइँटेलले अन्य तत्वको समेत उपस्थिति हुनसक्ने भएकाले नमुना परीक्षणपछि मात्र विस्तृत विवरण प्राप्त हुने बताए।…

वीरगञ्ज, १ असोज। सशस्त्र प्रहरीले पर्साको वीरगञ्जमा भारतीय नम्बर प्लेटको कारबाट चार थान पेस्तोल र ६ थान गोली बरामद भएको छ। सशस्त्र प्रहरी बल, नेपाल इन्टेलिजेन्स ब्युरो खटिएको टोलीले वीरगञ्ज महानगरपालिका-१५ स्थित वास्तुबिहार चोकमा वेवारिसे अवस्थामा रहेको यूपी १६ एजे ३३०१ नम्बरको भारतीय नम्बर प्लेटको कार चेकजाँच गर्ने क्रममा उक्त हतियारहरु बरामद गरेको हो । उक्त कारबाट २ थान कटुवा पेस्तोल, २ थान सिक्सर पेस्तोल र उक्त पेस्तोलमा प्रयोग हुने ७.६२ एमएमका एसएलआरको ६ राउण्ड गोली बरामद भएको सशस्त्र प्रहरीले जनाएको छ। बरामद पेस्तोल, गोली र कारलाई थप अनुसन्धानका लागि जिल्ला प्रहरी कार्यालय पर्सामा बुझाइएको छ।

काठमाडौं,३१ भदौ। नेपाल प्रहरीको केन्द्रीय अनुसन्धान ब्यूरो (सीआईबी) ले हुण्डी कारोबारमा संग्लन आरोपमा एक जनालाई पक्राउ गरेको छ। पक्राउ पर्नेमा धनुषाको शहीदनगर नगरपालिका-४ का २४ वर्षीय अजय कुमार मुखिया रहेको सीआईबीले जनाएको छ। सीआईबीका सूचना अधिकारी एंव एसएसपी अनुपम शमशेर जबराका अनुसार, मलेसियालगायत विभिन्न मुलुकबाट अवैध रुपमा हुन्डी कारोबार भइरहेको सूचनाको विषयमा सूक्ष्म अनुसन्धान तथा विश्लेषणको क्रममा व्यक्तिगत तथा व्यवसायिक बैंक खाताहरुको प्रयोग गरेर एक अर्ब ३४ करोड ७८ लाख ३९ हजार १४४ रुपैयाँ बराबरको हुण्डी कारोबार पुष्टि हुन आएको छ। पक्राउ परेका मुखियामाथि हुण्डीसम्बन्धी कारोबार गर्न नहुने कसुरमा थप अनुसन्धान भइरहेको र संलग्न अन्य व्यक्तिको खोजी तथा अनुसन्धान भइरहेको…

महोत्तरी,३१ भदौ। अख्तियार दुरुपयोग अनुसन्धान आयोगको बर्दिवास कार्यालयले नापी कार्यालय बर्दिवासका सर्वेक्षकलाई घुससहित पक्राउ गरेको छ। आयोगका प्रवक्ता सुरेश न्यौपानेका अनुसार, जग्गाको अंशबण्डा मुताविकको नक्सा ट्रायल चेक गरी नक्सा संशोधन गरिदिनका लागि सेवाग्राहीसँग माग गरेको एक लाख रुपैयाँ घुससहित सर्वेक्षक शिवकुमार साहलाई नियन्त्रणमा लिइएको हो । साहविरुद्ध विशेष अदालतबाट भ्रष्टाचार सम्बन्धी मुद्दामा म्याद लिएर अनुसन्धान अगाडि बढाइएको आयोगले जनाएको छ।

भैरहवा, ३१ भदौ । नेपाल आयल निगमको पेट्रोलियम पदार्थ चोरी प्रकरणमा संग्लनहरुलाई कारवाही गरिएको छ। मंगलबार निगमको अमलेखगन्ज डिपोबाट भलवारी डिपोको लागि तीन वटा ट्यांकरमा ल्याइएको डिजेल भैरहवास्थित सराफ आयल स्टोर्समा लकिङ प्रणाली बिगारेर चोरी गर्दै गरेको अवस्थामा लुम्बिनी प्रदेश प्रहरी कार्यालय दाङको टोलीले फेला परेको थियो। निगमका अनुसार, तीन वटामध्ये पौडेल यातायात प्रालिको लु १ ख ६५०४ र बि.एन.एस.ढुवानी सेवाको लु २ ख १५४४ नम्बरको ट्यांकरबाट डिजेल चोरी गरिरहेको अवस्थामा रंगेहात फेला परेको थियो भने त्रिमुर्ति ट्रान्सपोर्ट प्रालिको लु १ ख ६६१९ नम्बर ट्यांकर सराफ आयल स्टोर्समा डिजेल निकालेर भागेको अवस्थामा नियन्त्रणमा लिइएको थियो। निगमको डिजेल चोरीमा संग्लन सराफ…

भैरहवा, ३० भदौ । रुपन्देही जिल्लासँग जोडिएको भारतको सीमावर्ती जिल्ला महाराजगञ्जमा प्रहरी अधिकारीहरुको सरुवा गरिएको छ। जिल्लाको कानून व्यवस्था थप सुदृढ र प्रभावकारी बनाउने तथा प्रशासनिक आवश्यकतालाई ध्यानमा राख्दै महाराजगञ्जका एसपी शक्ति मोहन अवस्थीले एकैपटक एक प्रहरी निरीक्षकसहित २९ जना प्रहरी अधिकारीको सरुवा गरेका हुन्। सरुवा हुनेमा ८ जना इलाका प्रहरी कार्यालय (थाना) का प्रमुख तथा २१ जना प्रहरी चौकी प्रमुख र इलाकाका ‘सेकेण्ड म्यान’ हरु रहेका छन्। सरुवा सूचीअनुसार, रुपन्देहीको सबैभन्दा ठूलो नाका बेलहियासँग जोडिएको भारतीय सीमावर्ती क्षेत्र सोनौली र नौतनवाका प्रहरी प्रमुख पनि फेरिएका छन्। भारतीय प्रहरीका लागि यी क्षेत्रहरु आकर्षक मानिन्छन्। सोनौली थाना प्रमुखको जिम्मेवारी सम्हालिरहेका प्रहरी…

काठमाडौं,३० भदौ । नेपाली कांग्रेसको सभापति पदमा उम्मेदवारी दिन ४० हजार रुपैयाँ दस्तुर तिर्नुपर्ने भएको छ। कांग्रेस केन्द्रीय निर्वाचन समितिले मंगलबार जारी गरेको निर्वाचन निर्देशिका–२०८३ मा सभापति पदका उम्मेदवारका लागि ४० हजार रुपैयाँ शुल्क तोकिएको हो। निर्देशिकाले वडा सदस्यदेखि केन्द्रीय कार्यसमितिको सभापतिसम्मका विभिन्न पदमा उम्मेदवारी दिन आवश्यक मापदण्ड तथा दस्तुर निर्धारण गरेको छ। जसअनुसार केन्द्रीय उपसभापति र महामन्त्री पदका उम्मेदवारले ३० हजार रुपैयाँ, सहमहामन्त्रीका उम्मेदवारले २० हजार रुपैयाँ र केन्द्रीय सदस्यका उम्मेदवारले ११ हजार रुपैयाँ तोकिएको छ।