Author: क्लिक लुम्बिनी

भैरहवा, २२ साउन। सहकारी ठगी र संगठित अपराध मुद्दाको अभियोगमा पूर्पक्षका लागि थुनामा रहेका राष्ट्रिय स्वतन्त्र पार्टीका सभापति रवि लामिछानेले रिहाई माग गर्दै जिल्ला अदालत रुपन्देहीमा निवेदन दिएका छन्। मुलुकी फौजदारी कार्यविधि संहिता, २०७४ को दफा ६८ बमोजिम बैंक जमानत लिई ऐनको दफा ७१ बमोजिम आदेशको माग गर्दै उनले साउन १९ गते अदालतमा निवेदन दिएका हुन्। ‘बिगो बराबरको रकम बैंक ग्यारेण्टी लिएर रिहाई माग गर्दै उहाँ (रवि लामिछाने) ले अदालतमा निवेदन दिनुभएको छ’,जिल्ला अदालत रुपन्देहीका श्रेष्तेदार विकास बस्नेतले क्लिक लुम्बिनीसँग भने,‘अब निवेदकको माग बमोजिम आदेश हुने/नहुने विषयमा बेन्च (इजलास) ले हेर्छ ।’ लामिछानेले दिएको निवेदन उपर अझै बहस सुरु भएको…

भैरहवा, २१ साउन। लुम्बिनी विकास कोषका कर्मचारीहरु आन्दोलनमा उत्रिदाँ कोषका कामहरु ठप्प भएका छन्। कोष कर्मचारी युनियनले ४ बुँदे मागका साथ तालाबन्दी गरेर कोष कार्यालयको मुख्य गेटमा धर्नामा बसेका छन्। कर्मचारीहरुले माग सम्बोधनका लागि साउन ५ गते ज्ञापन पत्र बुझाएर विरोधका कार्यक्रमहरु सार्वजनिक गरेका थिए । साउन ८ र ९ गते हातमा कालोपट्टि बाँधेर काम गरेपछि पनि माग पूरा नहुँदा साउन १२ देखि कामकाज ठप्प पारी कार्यालयमा तालाबन्दी गरेर धर्नामा बसेका हुन्। कर्मचारी युनियनले सञ्चित बिदा, कोष भत्ता र महँगी भत्ता पाउनुपर्ने, कर्मचारी विनियमावली–०७९ संशोधन गरेर उमेर हद लागू नहुने गरी सीमित प्रतियोगितात्मक परीक्षाबाट हाल करारमा रहेका सबै कर्मचारीलाई पदपूर्ति…

काठमाडौं,२१ साउन। भारतको विपक्षी दल कांग्रेसका नेता राहुल गान्धीले अमेरिकाबाट गौतम अदानीमाथि भइरहेको अनुसन्धानको कारण प्रधानमन्त्री नरेन्द्र मोदी ट्रम्पको अगाडि उभिन नसकेको आरोप लगाएका छन्। रुससँग तेल किनेकोमा विरोध जनाउँदै ट्रम्पले भारतमाथि ट्यारिफ बढाउने धम्की दिँदै आएको समयमा गान्धीले यस्तो आरोप लगाएका हुन्। ‘कृपया बुझ्नुहोस्, प्रधानमन्त्री मोदीले राष्ट्रपति ट्रम्पका पटक पटकका धम्कीहरुको सामना गर्न नसक्नुको कारण अमेरिकामा अदानीमाथि चलिरहेको अनुसन्धान हो।’ उनले अगाडि भनेका छन्, ‘एउटा धम्की भनेको मोदी, अदानी र रुसी तेल सम्झौताबिचको आर्थिक सम्बन्धलाई उजागर गर्ने हो। मोदीका हातहरु बाँधिएका छन्।’

उदयपुर,२१ साउन। उदयपुरमा मदिरा भनेर डिजेल पिउँदा वृद्धको ज्यान गएको छ। घरमा बोतलमा राखिएको डिजेललाई मदिरा भनेर पिएपछि अस्वस्थ भएका चौदण्डीगढी नगरपालिका-६ सुगारेका ९३ वर्षीय अन्तनारायण श्रेष्ठको उपचारको क्रममा मृत्यु भएको हो । बिराट टिचिङ अस्पतालमा उपचारकै क्रममा बुधबार बिहान वृद्धको मृत्यु भएको पारिवारिक स्रोतलाई उद्धृत गर्दै इलाका प्रहरी कार्यालय बेलटारले जनाएको छ । जिल्ला प्रहरी कार्यालय उदयपुरका डीएसपी केदारमान दोङका अनुसार घटनाका सम्बन्धमा अनुसन्धान भइरहेको छ।

काठमाडौं, २१साउन। नेपाल नेपाल प्रिमियर लिग (एनपिएल) दोस्रो संस्करणको खेलाडी छनोटका लागि हुने अक्सनमा सहभागी हुने खेलाडीको सूची सार्वजनिक गरिएको छ। एनपिएलले अक्सनमा सहभागी रहने १ सय ५० खेलाडीको अन्तिम सूची सार्वजनिक गरेको हो। अक्सनका लागि ४ सय ५८ जनाले आफ्नो नाम रजिष्ट्रेसनगराएका थिए। एनपिएलमा सहभागी ८ टोलीले इच्छाएका तथा नेपाल क्रिकेट संघ क्यानको प्राविधिक टोलीले बनाएको मापदण्डमा रहेका १ सय ५० खेलाडीलाई अन्तिम सूचीमा समावेश गरिएको हो। १ सय ५० खेलाडी विभिन्न श्रेणीमा विभाजन भएका छन्। श्रेणी ‘ए’ मा ८ जना, श्रेणी ‘बी’ मा ३५ तथा श्रेणी ‘सी’ मा १ सय ७ खेलाडी रहेका छन्। १ सय ५० जना…

विराटनगर,२१ साउन। प्रहरीले नक्कली नोटसहित २ जनालाई पक्राउ गरेको छ। पक्राउ पर्नेमा सप्तरीको हनुमाननगर कंकालिनी नगरपालिका–२ का २६ वर्षीय राजेशकुमार रजक र हनुमाननगर कंकालिनी नगरपालिका–१ का २५ वर्षीय राजेश चमार रजक रहेको प्रहरीले जनाएको छ। भारतबाट लु ९२ प २३८० नम्बरको मोटरसाइकलमा नक्कली नोट लिएर नेपाल आउँदै गरेका उनीहरुलाई इलाका प्रहरी कार्यालय भाण्टाबारीको टोलीले कोशी गाउँपालिका–८ भीमनगरबाट पक्राउ गरेको जिल्ला प्रहरी कार्यालय सुनसरीका प्रवक्ता एवं डीएसपी योगराज खतिवडाले बताए। उनका अनुसार मोटरसाइकलको पछाडि बसेका राजेश चमार रजकको साथबाट नेपाली १ हजार रुपैयाँ दरका ३८ थान नक्कली नोट बरामद भएको छ। घटनाका सम्बन्धमा अनुसन्धान भइरहेको सुनसरी प्रहरीले जनाएको छ।

भैरहवा, २० साउन। संघीय लोकतान्त्रिक मोर्चाले बुधबार (भोली) रुपन्देहीमा ‘जनजागरण अभियान’ आयोजना गर्ने भएको छ। मोर्चाले मंगलबार भैरहवामा आयोजना गरेको पत्रकार सम्मेलनमा नागरिक उन्मुक्ति पार्टी रुपन्देहीका अध्यक्ष तुल्सी प्रसाद चौधरीले बुधबार सियारी गाउँपालिका कार्यालयको सभाहलमा कार्यक्रम हुने जनाए। उनका अनुसार कार्यक्रममा नागरिक उन्मुक्ति पार्टीका संरक्षक रेशमलाल चौधरी, अध्यक्ष लालवीर चौधरी, महासचिव गंगा चौधरी, संस्कृति, पर्यटन तथा नागरिक उड्ययन राज्यमन्त्री अरुण चौधरी, राष्ट्रिय मुक्ति पार्टीका अध्यक्ष राजेन्द्र महतो, जनता प्रगतिशील पार्टीका अध्यक्ष हृदयेश त्रिपाठी, लोकतान्त्रिक समाजवादी पार्टी नेपालका वरिष्ठ सह–अध्यक्ष सर्वेन्द्रनाथ शुक्ल, जनता समाजवादी पार्टी (जसपा), नेपालका महासचिव रामकुमार शर्मा, लगायतका शिर्ष नेताहरुले सम्बोधन गर्नेछन्। लोसपा रुपन्देहीका अध्यक्ष रवि कुमार रौनियारले…

भैरहवा, २० साउन। राष्ट्रिय मुक्ति पार्टी नेपालको केन्द्रीय उपाध्यक्षमा पूर्वकृषि राज्यमन्त्री ओम प्रकाश यादव (गुल्जारी) चयन भएका छन्। पार्टीको केन्द्रीय कार्यसमितिको बैठकको निर्णय अनुसार अध्यक्ष राजेन्द्र महतोले रुपन्देहीका यादवलाई केन्द्रीय उपाध्यक्ष पदमा चयन गरेका हुन्। पार्टीले ३१ सदस्यीय पदाधिकारी चयन गरेको छ। पार्टीले ३ वरिष्ठ उपाध्यक्ष, ४ उपाध्यक्ष, ५ महासचिव, १ कोषाध्यक्ष र सह–कोषाध्यक्ष, दुई प्रवक्ता, ७ उपमहासचिव र ७ सचिव चयन गरेको छ । त्यस्तै केन्द्रीय अनुशासन, निर्वाचन, लेखा परिक्षण र विज्ञ समितिको अध्यक्ष, सदस्य सचिव र सदस्य पनि चयन गरिएको पार्टीले मंगलबार जारी विज्ञप्तिमा उल्लेख छ।

काठमाडौं,२० साउन। प्रहरीले अवैध अभौतिक मुद्रा क्रिप्टोको कारोबार गरेको आरोपमा एकजनालाई पक्राउ गरेको छ। पक्राउ पर्नेमा हेटौंडा उपमहानगरपालिका–१६ चिसापानीका २१ वर्षीय सुशान्त दाहाल रहेको प्रहरीले जनाएको छ। पक्राउ परेका दाहालले ७८ लाख ३० हजार ३८८ रुपैयाँ बराबरको क्रिप्टो कारोबार गरेको पाइएको जिल्ला प्रहरी परिसर काठमाडौंका एसपी तथा प्रवक्ता कुलदीप चन्दले बताए । दाहाल विरुद्ध अभौतिक मुद्रा कारोबार गर्न नहुने कसुरमा अनुसन्धान अघि बढाइएको प्रहरीले जनाएको छ।

काठमाडौं,२० साउन। सशस्त्र प्रहरी बल, नेपालका २२ जना प्रहरी नायब उपरीक्षक (डीएसपी) हरु प्रहरी उपरीक्षक (एसपी) पदमा बढुवा सिफारिस भएका छन्। बढुवा समितिको बैठकले साधारण समूहतर्फ २२ जना डीएसपीहरुलाई एसपीमा बढुवाका लागि सिफारिस गरेको हो। हेर्नुहोस सूचीः