Author: क्लिक लुम्बिनी

भैरहवा, ४ वैशाख । गौतमबुद्ध अन्तर्राष्ट्रिय विमानस्थल पूर्ण र नियमित सञ्चालनको माग गर्दै चेम्बर अफ कमर्स, रुपन्देही (उद्योग व्यापार संगठन, रुपन्देही) ले बिहीबार भैरहवामा नेकपा (माओवादी केन्द्र) का अध्यक्ष पुष्पकमल दाहाल (प्रचण्ड) लाई ज्ञापनपत्र बुझाएको छ। विमानस्थललाई तत्काल पूर्ण र नियमित रुपमा सञ्चालन गर्न आवश्यक नीति, पूर्वाधार र स्रोत व्यवस्थापन गर्नुपर्ने, अन्तर्राष्ट्रिय तथा आन्तरिक उडानहरुलाई नियमित गर्न सरकारको पहलमा प्रभावकारी कार्यान्वयन गर्नुपर्ने, निजी तथा अन्तर्राष्ट्रिय विमान कम्पनीहरुलाई यही विमानस्थल हुँदै उडान गर्न प्रोत्साहन दिने नीति तथा सहजीकरण (कर छुट, सेवा शुल्क छुट) गरिनुपर्ने र विमानस्थल सञ्चालनमा देखिएको प्राविधिक तथा प्रशासनिक समस्याहरुको समाधान गरिनुपर्ने संगठनको माग छ । त्यस्तै गौतमबुद्ध विमानस्थललाई…

भैरहवा, ४ वैशाख। मुलुकमा अस्वभाविक रुपमा मूल्यवृद्धि भइरहेको नागरिकको गुनासोपछि अवस्थाबारे अध्ययनका लागि संघीय संसदको उद्योग तथा वाणिज्य र श्रम तथा उपभोक्ता हित समिति भैरहवा पुगेको छ। समिति लुम्बिनी प्रदेशमा उद्योग, वाणिज्यको अवस्था तथा मूल्यवृद्धिको अध्ययन गरेर आवश्यक कदमका लागि सरकारलाई प्रतिवेदन बुझाउने छ । समितिले बुधबार लुम्बिनी प्रदेशका विषयगत समितिसँग यस क्षेत्रका उद्योग, वाणिज्य र श्रम तथा उपभोक्ताको अवस्थाबारे छलफल गरेको छ। त्यस्तै बिहीबार बुटवलमा उद्योगी–व्यवसायीसँग छलफल गरेको छ । समितिका सभापति एवं पूर्वमन्त्री अब्दुल खानले खासगरी पछिल्लो समय डण्डी (छड्) लगायत मा अस्वभाविक रुपमा मूल्यवृद्धिप्रति धेरैको चासो रहेको र समितिले त्यसबारे अध्ययन गरी सरकारलाई यर्थात् जानकारी गराउने बताए…

भैरहवा, ४ बैशाख । नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले गत चैत १५ गते समाजवादी मोर्चाले गरेको सभा र राजावादीको गरेको हिंसात्मक प्रर्दशनले गणतन्त्रवादी र राजावादी कस्ता रहेको विषयमा नागरिकले बुझ्ने मौका पाएको बताए बिहीबार पार्टीको तराई मधेस जागरण अभियान अन्तर्गत भैरहवा पुगेका बेला प्रेस सेन्टर नेपाल रुपन्देहीले आयोजना गरेको पत्रकार सम्मेलनमा उनले राजावादीको ज्वरो फेरी आउने जस्ता नलागेपनि बिचण्डा मच्चाइराख्ने हर्कत गर्न सक्ने भएकोले लोकतन्त्र पक्षधर सतर्क रहनुपर्ने बताए । ‘राजावादीको बेलुनको हावा चैत १५ गते नै खुस्कियो । अब फेरी त्यही रुपमा आउन सम्भव छैन । पूर्वराजा ज्ञानेन्द्रले जनकमाण्डर घोषणा गरेको एउटा हावालाई गिरफ्तार गरिएको छ’,…

भैरहवा, ४ बैशाख । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपाल राष्ट्र बैंकको गभर्नरमा पार्टीमा नभई बिचौलियाको बीचमा भागबण्डा नमिलेको आरोप लगाएका छन्। बिहीबार तराई मधेस जागरण अभियान अन्तर्गत भैरहवा पुगेका उनले प्रेस सेन्टर नेपाल रुपन्देहीले आयोजना गरेको पत्रकार सम्मेलनमा कुन बिचौलिया समूहको गभर्नर हुने भन्ने कुरा टुङ्गिन नसकेकाले नियुक्ति हुन ढिलाई भएको बताएका हुन् । पूर्वप्रधानमन्त्री प्रचण्डले अहिलेको सरकारले राम्रो काम गर्ने कर्मचारीलाई अपमानित गरेर निकाल्ने र आफूले भनेको काम गर्ने कर्मचारीलाई राजनीतिक भर्ती गर्न लागेको उल्लेख गरे। ‘बिचौलियाहरुले कहिले कांग्रेसलाई पक्रेका छन्, कहिले एमालेलाई पक्रेका छन् । गभर्नर जस्तो पद देशको अर्थतन्त्रलाई नियमन गर्ने, नियमित गर्ने, सन्तुलित…

भैरहवा,२ बैशाख । राजस्व अनुसन्धान कार्यालय बुटवलले राजस्व छलीको कसुरमा भैरहवाको सुन्दर हार्डवेयर एण्ड प्लाइउडका संचालक जोगेन्द्र अग्रहरी तथा उक्त फर्मविरुद्ध उच्च अदालत तुलसीपुर बुटवल इजलासमा मुद्दा दायर गरेको छ। कार्यालयले सिद्धार्थनगर नगरपालिका-८ स्थित अग्रहरीले संचालन गरेको पसल तथा गोदामको कारोबारबाट राजस्व चुहावट गरेको अनुसन्धानबाट ठहर गर्दै मंगलबार उच्च अदालतमा अभियोग पत्र दायर गरिएको राजस्व अनुसन्धान विभागले जनाएको छ । विभागले जारी गरेको विज्ञप्ति अनुसार मुद्दामा ५४ लाख ४१ हजार ४ रुपैयाँ बिगो कायम गरिएको र बिगोको शतप्रतिशत ५४ लाख ४१ हजार ४ रुपैयाँ जरिवाना गरी कुल एक करोड आठ लाख बयासी हजार नौ रुपैयाँ माग दाबी गरिएको छ। साथै,…

काठमाडौं,१बैशाख। चालु आर्थिक वर्ष २०८१/०८२ मा विकास खर्च २९ प्रतिशत मात्र भएको छ। महालेखा नियन्त्रक कार्यालयका अनुसार चालु आर्थिक वर्षका लागि सरकारले विनियोजन गरेको तीन खर्ब ५२ अर्ब ३५ करोड ४० लाख रुपैयाँ बराबर मध्ये चैत ३० गतेसम्म एक खर्ब दुई अर्ब ९० करोड रुपैयाँ बराबर मात्रै खर्च भएको छ। वार्षिक विनियोजनको तुलनामा हालसम्मको पूँजीगत खर्च २९ दशमलव दुई प्रतिशत हो । विकास खर्च मात्र नभई उक्त अवधिको समग्र बजेट खर्च कमजोर देखिएको छ । वार्षिक विनियोजनको तुलनामा चैत मसान्तसम्ममा ५३ दशमलव ६७ प्रतिशत बराबर बजेट खर्च भएको हो। चालु आर्थिक वर्षका लागि सरकारले १८ खर्ब ६० अर्ब ३० करोड…

काठमाडौं,१ बैशाख। नयाँ शैक्षिक सत्र २०८२ को ‘सबै बालबालिकाको विद्यालयमा सहभागिता, गुणस्तरीय शिक्षाप्राप्तिको सुनिश्चितता’ भन्ने नारासहित आजदेखि विद्यालय भर्ना अभियान सुरु भएको छ। शिक्षा, विज्ञान तथा प्रविधि मन्त्रालयले नयाँ शैक्षिक सत्रमा विद्यार्थी भर्ना अभियान सफल पार्न सबैलाई आग्रह गरेको छ। मन्त्रालयले शैक्षिक सत्र २०८२ अभियान सफल पार्न मन्त्रीस्तरको निर्णयसहित सबै स्थानीय तह र शिक्षा विकास तथा समन्वय एकाइहरुलाई ७ बुँदे अनुरोधसहित भर्ना अभियानमा सहयोग गर्न आग्रह गरेको हो। विद्यालयको सेवा क्षेत्रभित्र बसोबास गर्ने विद्यालय उमेर समूहका कुनै पनि बालबालिका विद्यालय बाहिर नरहेको सुनिश्चित हुने गरी भर्ना अभियान सञ्चालन गर्न/गराउन भनिएको छ। विद्यालय भर्ना अभियानको शुभारम्भको अवसरमा प्रधानमन्त्री केपी शर्मा ओलीले…

चितवन,३१चैत।नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले छिट्टै नेपाली कांग्रेसको नेतृत्वमा सरकार बन्ने संकेत गरेका छन्। आइतबार गृहजिल्ला चितवनमा पत्रकारहरुसँग संक्षिप्त कुराकानी गर्दै उनले आफूले केही नयाँ अनुभवको आधारमा कांग्रेसको नेतृत्वमा सरकार बन्ने देखिएको बताए। ‘मैले त विश्वासको मत लिँदादेखि नै सही कुरा के हो भने सबैभन्दा ठूलो दलको नेतृत्वमा सरकार बन्ने सही कुरा हो त्यतिबेला भनेको हो। अहिले पछिल्लो चोटी भन्दा थुप्रै घटनाक्रमहरु नयाँ भए’,उनले भने,‘केही नयाँ अनुभवसहित भनेको हो। अहिले मलाई धेरै त्यो भन्दा बढी बोल्न नलगाउँदा राम्रो । केही नयाँ कुराको आधारमा मैले त्यो कुरा भनेको हो। मलाई लाग्छ त्यही दिशातिर देश जान्छ।’ पूर्वप्रधानमन्त्री समेत…

काठमाडौं,३१चैच। हमासको नियन्त्रणमा रहेको नेपाली नागरिक विपिन जोशीको सकुशल रिहाईका निम्ति सहजीकरणका लागि कतारलाई आग्रह गरिएको छ। कतारका लागि नेपालका राजदूत रमेशचन्द्र पौडेलले आइतबार कतारको परराष्ट्र मन्त्रालयका महासचिव अहमद बिन हसन अल हमादीसँगको भेटमा बन्धक बनाइएका जोशीको रिहाइका लागि सहजीकरण गरिदिन आग्रह गरेका हुन्। दोहास्थित नेपालको राजदूतावासका अनुसार उनीहरुबीच गत वर्ष कतारी अमिरको नेपाल भ्रमणका क्रममा भएका सहमति एवं समझदारीको कार्यान्वयनमा जोड दिँदै द्विदेशीय श्रम सम्झौता नवीकरणबारे विचारविमर्श भएको थियो। महासचिव हमादीले जोशीको रिहाइका निम्ति प्रयत्न गर्न तथा श्रम सम्झौता नवीकरण गर्न कतार सकारात्मक रहेको बताएका थिए ।

काठमाडौं,३१चैत। नेपाल प्रहरी प्रधान कार्यालय सवारी महाशाखाले प्रहरी कर्मचारीहरुलाई सवारी चालक (हेभी) उन्नत तालिम प्रदान गरेको छ । राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा उक्त महाशाखामा संचालित सवारी चालक उन्नत तालिम २९औं समूह अन्तर्गत ३७ जनालाई तालिम प्रदान गरिएको हो। महाशाखामा आइतबार आयोजित कार्यक्रममा प्रहरी नायब उपरीक्षक (डीएसपी) अनुप श्रेष्ठले प्रशिक्षार्थीहरुलाई प्रमाणपत्र प्रदान गरे । तालिमले सवारी साधनको मर्मत सम्भार, सवारी चलाउँदा अपनाउने सुरक्षा विधि, ट्राफिक नियम सम्बन्धी ज्ञान प्रदान गरेको चर्चा गर्दै उनले तालिमबाट प्राप्त सीपलाई आफ्नो कार्यक्षेत्रमा प्रभावकारी ढंगबाट प्रयोग गर्नुपर्ने बताए । कार्यक्रममा तालिम संयोजक प्रहरी निरीक्षक ई.अशोक केसीले तालिम सम्बन्धी प्रतिवेदन प्रस्तुत गर्दै १६ दिन कार्यअवधिको…