Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
काठमाडौं,८जेठ। सरकारले आर्थिक सुधार कार्यान्वयन कार्ययोजना स्वीकृत गर्ने निर्णय गरेको छ। सरकारका प्रवक्ता पृथ्वीसुव्वा गुरुङले बिहीबार सिंहदरबारमा जेठ ६ गते बसेको मन्त्रिपरिषद्का निर्णय सार्वजनिक गर्दै उच्चस्तरीय आर्थिक सुधार सुझाव आयोगको सुझाव कार्यान्वयनका लागि तयार गरएको आर्थिक सुधार कार्यान्वयन कार्ययोजना २०८२ स्वीकृत गरिएको जानकारी दिए। हेर्नुहोस् सूचीः
काठमाडौं,८जेठ। अख्तियार दुरुपयोग अनुसन्धान आयोगले रकम हिनामिना गरेको आरोपमा पालिकाका तत्कालीन प्रमुख प्रशासकीय अधिकृतसहित ११ जनाविरुद्ध भ्रष्टाचार मुद्दा दायर भएको छ। सडक निर्माण योजनामा वास्तविक कामभन्दा बढी मूल्यांकन गरी रकम हिनामिना गरेको आरोपमा अख्तियारले मुगुको सोरु गाउँपालिकाका तत्कालीन प्रमुख प्रशासकीय अधिकृत विरेन्द्र मल्ल, इन्जिनियर प्रकाश आचार्य र असिस्टेन्ट सव(इन्जिनियर मनोज धामी, लेखापाल जेठबहादुर बुढा र योजना शाखा प्रमुख नविन बुमीविरुद्ध विशेष अदालतमा आरोप पत्र दायर गरेको हो। त्यस्तै सडक निर्माण योजनाको श्रम कार्यदल (उपभोक्ता समिति) अध्यक्ष विष्णु दत्त जैसी, कोषाध्यक्ष नन्ददेवी जैसी, सचिव पौमल सार्की र सडक निर्माण अनुगमन समिति संयोजक दलविर सार्की, समिति सदस्य धर्मराज जैसीविरुद्ध आरोप पत्र दायर…
काठमाडौं,८जेठ। विश्व सम्पदामा सूचीकृत गौतमबुद्धको जन्मस्थल लुम्बिनीलाई खतराको सूचीमा नराख्ने उपायबारे छलफल गरिएको छ। जसका लागि मन्त्रालयमा बिहीवार संस्कृति, पर्यटन तथा नागरिक उड्डयनमन्त्री बद्रीप्रसाद पाण्डे र युनेस्कोको नेपाल प्रमुख याको डु टुइटबीच भेटवार्ता भएको छ। छलफलमा मन्त्री पाण्डेले लुम्बिनीलाई खतरा सूचीमा नपार्ने रणनीति निर्माणका लागि युनेस्कोसँग प्राविधिक र संस्थागत सहयोग आवश्यक रहेको भन्दै युनेस्कोका मापदण्ड अनुसार लुम्बिनीमा विभिन्न सुधारात्मक काम भइरहेको बताए। साथै उनले कपिलवस्तुको तिलौराकोटलाई विश्वसम्पदा सूचीमा सूचिकृत तथा अन्य सम्पदाहरुलाई पनि युनेस्कोको प्रारम्भिक सूचीमा समावेश गराउने विषयमा सहयोगको आग्रह गरे। युनेस्को प्रमुख डु टुइटले पूर्ण सहयोगको प्रतिबद्धता जनाउँदै अन्तर्राष्ट्रिय वैज्ञानिक समितिको बैठकमा पनि लुम्बिनी सहित काठमाडौंका विषयमा सकारात्मक…
हेलम्बु, ८ जेठ। सिन्धुपाल्चोकको हेलम्बुमा पुनःनिर्माण थालिएको गुम्बाहरुको कार्य अन्तिम चरणमा पुगेको छ। जसका गत सोमबार र मंगलबार लुम्बिनी विकास कोषका उपाध्यक्ष डा.ल्हारक्याल लामा (खेन्पो छिमेछिरिङ), भारतीय दूतावासका प्रतिनिधि नारायण सिंह, राष्ट्रिय पुनर्निर्माण प्राधिकरणका प्रतिनिधिसहितले गुम्बाहरुको निरीक्षण गरेका हुन्। पाँच सय वर्ष भन्दा पुराना ऐतिहासिक गुम्बाहरु २०७२ सालको भूकम्पले भत्किएपछि पर्यटकीय महत्व बोकेका गुम्बाहरु निर्माण नहुँदा त्यहाँका स्थानीयहरुले त्यसको प्रत्येक असर भोग्नुपरेको थियो । पर्यटन क्षेत्रमा मात्र नभइ जन्मदेखि मृत्यु संस्कारसम्म बौद्ध धर्मावलम्बीहरुको सम्बन्ध जोडिएको पवित्र गुम्बाहरु भत्किदा धार्मिक क्षेत्रमा प्रत्यक्ष असर पुगेको भन्दै करिब १० वर्षपछि पुननिर्माणको अन्तिम रुप लिएको हो । भारत सरकारको सहयोग तथा राष्ट्रिय पुनर्निर्माण प्राधिकरण…
भैरहवा,७ जेठ। ओमसतिया गाउँपालिका स्तरीय अध्यक्ष कप क्रिकेट प्रतियोगिताको तेश्रो संस्करणको उपाधि वडा नम्बर ६ ले उचालेको छ। आज (बुधवार) पडसरीको कर्मडाँडा स्थित मैदानमा भएको फाइनल खेलमा वडा नम्बर २ लाई ४ विकेटले पराजित गर्दै वडा नम्बर ६ ले अध्यक्ष कप क्रिकेटको उपाधि उचालेको हो। वडा नम्बर ६ ले जित सँगै नगद ६० हजार रुपैयाँ र ट्रफी प्राप्त गरेको छ । अध्यक्ष कपको दोश्रो संस्करणको विजेता समेत रहेको वडा नम्बर ६ ले उपाधि रक्षा गर्न सफल भएको छ। उप विजेता वडा नम्बर २ ले ३० हजार रुपैयाँ र ट्रफी प्राप्त गर्यो। गत वर्षको फाइनलमा पनि वडा नम्बर ६ ले वडा…
भैरहवा,७ जेठ । रुपन्देही प्रहरीले मंगलबार पक्राउ गरेको कपिलवस्तुको शुद्धोधन गाउँपालिकाका अध्यक्ष कमलेशशरण चौधरी बुधवार हाजिरी जमानीमा रिहा भएका छन्। विधुतिय अपराध सम्बन्धि कसुरमा पक्राउ परेका अध्यक्ष चौधरीलाई जिल्ला सरकारी वकिल कार्यालयले हाजिरी जमानीमा रिहा गर्न प्रहरीलाई निर्देशन दिएपछि उनी रिहा भएका हुन्। इलाका प्रहरी कार्यालय बुटवलका अनुसन्धान अधिकृत धर्मराज खत्रीका अनुसार चौधरीलाई परिवारको जिम्मा लगाउने कार्य भइरहेको छ। मुद्दाको मिसिल अध्ययन गर्दा थुनामा राखेर अनुसन्धान गर्नुपर्ने नदेखिएपछि अनुसन्धान अधिकृतलाई रिहा गर्न निर्देशन दिइएको जिल्ला सरकारी वकिल कार्यालय रुपन्देहीका न्यायाधिवक्ता प्रेमराज पौडेलले जानकारी दिए। ‘थुनामा राखेर अनुसन्धान गर्नुपर्ने नदेखिएपछि अनुसन्धान जारी राख्ने गरी हाजिरी जमानीमा रिहा गर्न अनुसन्धान अधिकृतलाई निर्देशन…
झापा,७ जेठ। झापामा प्रहरीले अनलाइन जुवा खेलाएको आरोपमा दुई जनालाई पक्राउ गरेको छ। पक्राउ पर्नेहरुमा कनकाई नगरपालिका–८ स्थित लक्ष्मीपुरको ४१ वर्षीया इन्दिरा प्रसाईँ र सोही स्थानका २१ वर्षीया सिम्रन प्रसाईँ रहेको जिल्ला प्रहरी कार्यालय झापाले जनाएको छ। नातामा दुवै जना आमा र छोरी हुन्। इलाका प्रहरी कार्यालय बिर्तामोडका अनुसार पक्राउ परेका आमा-छोरीले कर्मचारी राखेर अनलाइन जुवा सञ्चालन गर्दै आइरहेका थिए। उनीहरुको साथबाट ५ थान मोबाइल, २ थान ट्याब र एउटा ल्यापटप बरामद भएको प्रहरीले जनाएको छ। घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ।
काठमाडौं,७जेठ। सरकारले मंगलबार नेपाल राष्ट्र बैंकको गभर्नर नियुक्त गर्न सक्ने चर्चाले बढेको सेयर बजार गभर्नर नियुक्त गरेको अर्को दिन ओरालो लागेको छ। मंगलबार बसेको मन्त्रिपरिषद्को बैठकले नेपाल राष्ट्र बैंकको गभर्नरमा डा. विश्वनाथ पौडेललाई नियुक्त गरेको थियो। गभर्नर नियुक्तिको चर्चाले मंगलबार नेप्से परिसूचक ४९.०९ अंकले बढेर दुई हजार ६७७.४५ विन्दुमा बन्द भएको थियो। साथै, गभर्नर नियुक्त पश्चात सेयर बजार बढ्ने लगानीकर्ताको अनुमान थियो। तर, गभर्नरमा पौडेलले पदभार लिएकै दिन नेप्से परिसूचक ७.९४ अंकले ओरालो लागेर दुई हजार ६६९.५१ विन्दुमा बन्द भएको छ। यसदिन ३१६ स्क्रिप्सको २ करोड ३० लाख २६ हजार २४५ कित्ता सेयर १० अर्ब ६९ करोड ८६ लाख ५१…
काठमाडौं,७जेठ। नेपाल राष्ट्र बैंकका नवनियुक्त गभर्नर डा. विश्वनाथ पौडेलले अर्थमन्त्री विष्णुप्रसाद पौडेलसँग भेटवार्ता गरेका छन्। अर्थ मन्त्रालयमा भएको भेटवार्तामा मन्त्री पौडेलले वित्त नीति र मौद्रिक नीतिबीच समन्वय गरी अघि बढ्दै अर्थतन्त्र र मौद्रिक क्षेत्रमा देखा परेका समस्या समाधानमा गर्भनरले महत्त्वपूर्ण र उपलब्धिमूलक पहल गर्नुहुने विश्वास व्यक्त गरे। नवनियुक्त गभर्नर पौडेलले अर्थ मन्त्रालयले देशको अर्थतन्त्रको नेतृत्व गर्ने र नेपाल राष्ट्र बैंकले मौद्रिक नीतिमार्फत वित्त नीति कार्यान्वयनमा सहयोग पुर्याउने बताए। उनले वित्तीय क्षेत्रको प्रभावकारिताका लागि राष्ट्र बैंकको सुपरीवेक्षकीय क्षमतामा जोड दिने बताए।
काठमाडौं,७जेठ। जल तथा मौसम विज्ञान विभागले यस वर्षको मनसुन अवधिमा वर्षा र तापक्रम (गर्मी) दुवै सदरभन्दा बढी हुने प्रक्षेपण गरेको छ। बुधवार विभागले ललितपुरमा आयोजना गरेको ‘राष्ट्रिय मनसुन फोरम–२०८२’ मा मौसमविद्हरुले ऋतुगत मनसुन प्रणालीको प्रक्षेपण सार्वजनिक गर्दै यस्तो बताएका हुन्। विभागका वरिष्ठ मौसमविद् विभूति पोख्रेलका अनुसार यस वर्षको मनसुन अवधिमा सरदरभन्दा बढी वर्षा र गर्मी हुनेछ। उनले देशभरका स्थानअनुसार ५५ देखि ६५ प्रतिशत, ४५ देखि ५५ प्रतिशत र ३५ देखि ४५ प्रतिशत वर्षा हुने सम्भावना रहेको बताइन्। यस वर्षको मनसुन ऋतुको अधिकतम तापक्रम पनि सरदरभन्दा बढी हुने सम्भावना रहेको उनको भनाई छ। उनले तापक्रम पनि स्थानअनुसार ५५ देखि ६५ प्रतिशत,…