Author: क्लिक लुम्बिनी

काठमाडौं,२१ पुस । भदौ २३ र २४ को घटनासम्बन्धी जाँचबुझ आयोगले नेकपा एमालेका अध्यक्ष तथा पूर्वप्रधानमन्त्री केपी शर्मा ओलीमाथी लगाएको स्थान हद फुकुवा गरेको छ । आयोगले ओलीको बयान लिएसँगै उनीमाथी लगाइएको स्थान हद फुकुवाको निर्णय गरेको हो । आयोगका प्रवक्ता विज्ञानराज शर्माद्वारा जारी विज्ञप्तिमा त्यसताका भएका घटनाको जाँचबुझ तथा छानबिनको सिलसिलामा तत्कालीन प्रधानमन्त्री ओलीलाई विदेश भ्रमणमा रोक र अनुमतिबेगर काठमाडौं उपत्यका छाड्न नपाउने गरी असोज १२ मा निर्णय गरिएकोमा सोधपुछलगायत बुझ्ने कार्य सकिएकाले उक्त निर्णयको औचित्य समाप्त भइसकेको भन्दै फुकुवा गरिएको उल्लेख छ । हेर्नुहोस् विज्ञप्ति:

काठमाडौं,२१ पुस। मन्त्रिपरिषद् बैठकले विभिन्न निर्णयहरु गरेको छ । सोमबार दिउँसो सिंहदरबारमा बसेको मन्त्रिपरिषद् बैठकले गरेकामध्ये ८ वटा निर्णयहरु सार्वजिनक गरिएको छ । यस्ता छन् निर्णयहरु: १) राष्ट्रिय अनुसन्धान विभागको अतिरिक्त मुख्य अनुसन्धान निर्देशक पदमा अनुसन्धान निर्देशक ओम बहादुर खड्कालाई बढुवा गर्ने निर्णय भएको छ। २) समस्याग्रस्त सहकारी संस्थाको सम्पत्ति व्यवस्थापन तथा दायित्व भुक्तानी सम्बन्धी कार्य गर्ने व्यवस्थापन समितिको सदस्य पदमा कुलप्रसाद न्यौपानेलाई मनोनयन गर्ने निर्णय भएको छ। ३) जेनजी सहिद परिवारको लागि कल्याणकारी कार्यक्रम सञ्चालन गर्न जेनजी सहिद परिवार कल्याणकारी समाजलाई अनुदान उपलब्ध गराउने निर्णय भएको छ । ४) नेपाल सरकार र ओमान सरकार बीच हुने समझदारीपत्र स्वीकृत गर्ने…

काठमाडौं,२१ पुस। नेपालको गुप्तचर निकाय राष्ट्रिय अनुसन्धान विभागको अतिरिक्त अनुसन्धान निर्देशक (एआईजी) पदमा ओमबहादुर खड्कालाई बढुवा गरिएको छ । सोमबार बसेको मन्त्रिपरिषद् बैठकले साढे तीन महिनासम्म रिक्त रहेको उक्त पदमा खड्कालाई बढुवा गर्ने निर्णय गरेको हो। विभागका तत्कालिन प्रमुख तथा मुख्य अनुसन्धान निर्देशक हुतराज थापाको अवकाशपछि एआईजी टेकेन्द्र कार्कीलाई प्रमुखमा बढुवा गरिएको थियो । जसपश्चात उक्त एआईजी पद रिक्त भएको थियो । सोही पदमा पहिलो दाबेदार रहेका खड्का एआईजी बनेका छन् ।

काठमाडौं,२१ पुस । अख्तियार दुरुपयोग अनुसन्धान आयोगले पछिल्लो समय भ्रष्टाचार सम्बन्धि मुद्दाको अनुसन्धानमा तिव्रता दिएको छ । जससँगै विशेष अदालतमा पनि मुद्दा दायर हुने क्रम बढेको छ । जेनजी आन्दोलन पश्चात पालिकामा हुने अनियमिततामा समेत निगरानी बढाउँदै आयोगले पछिल्लो समयमा विभिन्न पालिकामा कार्यरत ११ जना प्रमुख प्रशासकीय अधिकृतविरुद्ध विशेष अदालतमा भ्रष्टाचार मुद्दा दायर गरेको छ । अख्तियारका अनुसार कपिलवस्तुको मायादेवी गाउँपालिकाका तत्कालीन प्रमुख प्रशासकीय अधिकृत रामचन्द्र ढकाल, दाङको गढवा गाउँपालिकाका तत्कालीन प्रमुख प्रशासकीय अधिकृत लालबहादुर योगी, पर्वतको कुश्मा नगरपालिकाका तत्कालीन प्रमुख प्रशासकीय अधिकृत कुमान सिंह गुरुङ, रौतहटको माधव नारायण नगरपालिकाका तत्कालीन निमित्त प्रमुख प्रशासकीय अधिकृत प्रलव कायस्थविरुद्ध भ्रष्टाचार मुद्दा दायर…

काठमाडौं,२१ पुस। कोरियाले मुलुकमा अवैध रुपमा बसोबास गरिरहेका विदेशी नागरिकहरुका लागि विशेष स्वेच्छिक प्रस्थान प्रणाली लागू गरेको छ। कोरियाको न्याय मन्त्रालयले लागु गरेको विशेष स्वेच्छिक प्रस्थान प्रणाली अनुसार, अवैध रुपमा मुलुकमा बसोबास गरिरहेका विदेशी नागरिकले २८ फेब्रुअरी २०२६ सम्म स्वेच्छिक रुपमा फिर्ती भए जरिवाना तथा पुनःप्रवेश प्रतिबन्धमा छुट दिइनेछ । जससम्बन्धमा सोमबार सिओलस्थित नेपाली राजदूतावासले पनि एक सूचना जारी गर्दै यस प्रणालीबारे जानकारी गराएको छ । दूतावासका अनुसार यो सुविधा अवैधरुपमा दक्षिण कोरिया प्रवेश गरेका,नक्कली राहदानी प्रयोग गर्ने,आपराधिक गतिविधिमा संलग्न,डिपोर्टेशन आदेश पालना नगर्ने तथा सन् २०२५ डिसेम्बर १ पछि अवैध बनेका व्यक्तिहरुलाई भने लागू हुने छैन। स्वेच्छिक रुपमा नेपाल फर्किन…

भैरहवा, २१ पुस । आगामी फागुन २१ गते हुने प्रतिनिधिसभा सदस्य निर्वाचनका लागि लोकतान्त्रिक समाजवादी पार्टी नेपाल (लोसपा), रुपन्देही जिल्लाको तीन वटा क्षेत्रबाट उम्मेदवार सिफारिस गरेको छ । पार्टीका जिल्ला अध्यक्ष रविकुमार रौनियारका अनुसार रुपन्देहीको निर्वाचन क्षेत्र नम्बर ३ बाट श्रीनिवास यादव, ४ बाट सर्वेन्द्रनाथ शुक्ला र ५ बाट मोहम्मद इस्लामको एकल नाम सिफारिस गरिएको छ । उनीहरुको नाम पार्टीको केन्द्रीय समितिमा सिफारिस गरिएको लोसपा रुपन्देहीले जनाएको छ । रुपन्देही-४ बाट एकल उम्मेदवारमा सिफारिस भएका शुक्लाको रुपन्देही-३ बाट सिफारिस भएका यादव र ५ बाट सिफारिस भएका इस्लाम जिल्लामा विश्वासपात्रको रुपमा मानिन्छन् । ०७९ सालको निर्वाचनमा नेपाली कांग्रेसका उम्मेदवार प्रमोद कुमार…

दाङ, २० पुस। लुम्बिनी प्रदेश सरकार मन्त्रीपरिषद्को बैठकले सचिवहरुको जिम्मेवारी हेरफेर गरेको छ। मुख्यमन्त्री चेतनारायण आचार्यको अध्यक्षतामा मुख्यमन्त्री तथा मन्त्रीपरिषद् कार्यालय राप्ती उपत्यका (देउखुरी) मा आइतबार बसेको बैठकले सचिवहरुको सरुवाका साथ गरेका अन्य निर्णयहरु पनि सार्वजनिक गरिएको छ । बैठकले सचिव शम्भु प्रसाद मैनाली र विनोद लामिछानेलाई मुख्यमन्त्री तथा मन्त्रीपरिषद्को कार्यालय, बन्धुप्रसाद बस्तोलालाई आर्थिक मामिला तथा योजना मन्त्रालय, खिमबहादुर रायमाझीलाई प्रदेश लोकसेवा आयोग, खिमबहादुर कुंवरलाई युवा तथा खेलकुद मन्त्रालयको थप जिम्मेवारी दिने निर्णय गरेको छ। त्यस्तै अनिल मरासिनीलाई कृषि, भूमिव्यवस्था तथा सहकारी मन्त्रालयमा अर्को व्यवस्था नभएसम्म आर्थिक तथा प्रशासनिक जिम्मेवारी बहन गर्ने गरी निमित्त प्रदेश सचिवको जिम्मेवारी तोकिएको सरकारका प्रवक्ता…

भैरहवा,२० पुस। रुपन्देहीको भैरहवामा आइतबारदेखि ‘पवनकुमार सेठिया स्मृति क्रिकेट प्रतियोगिता’ सुरु भएको छ । त्रिभुवन आर्मी क्लब ‘ए’ टीम र रुपन्देही–११ बीच प्रतिस्पर्धा हुने गरी टेष्ट, वनडे र टी–२० क्रिकेट प्रतियोगिता आयोजना गरिएको हो। नेपालमै पहिलोपटक तीनवटा फम्र्याटमा दुई टीमबीच प्रतिस्पर्धा हुन लागेको यो पहिलो पटक रहेको आयोजक रुपन्देही क्रिकेट संघले जनाएको छ। आइतबार भएको टेष्टको पहिलो दिन आर्मीले रुपन्देहीविरुद्ध १६ रनले अग्रता लिएको छ। भैरहवास्थित सिद्धार्थ क्रिकेट रंगशालामा टस हारेर ब्याटिङ रोजेको रुपन्देही–११ ले ३३ ओभर १ बल खेल्दै १ सय २२ रनमा अलआउट हुन पुग्यो । उसका लागि आकाश त्रिपाठीले ३७, सन्देश थापाले २०, प्रज्वल थापाले १९ र…

भैरहवा,२० पुस। रुपन्देहीको सिद्धार्थनगर नगरपालिका-१२ स्थित ऐतिहासिक श्री गणेश कालिका मन्दिर सञ्चालक समितिमा सर्वसम्मत ज्ञानप्रसाद काफ्लेको नेतृत्वमा नयाँ कार्यसमिती चयन भएको छ । निर्वाचन प्रमुख अधिवक्ता कृष्णप्रसाद ढकालका अनुसार मन्दिर समितिको शनिवार सम्पन्न सातौ साधारणसभा एवं चौथो अधिवेशनबाट अध्यक्षमा समाजसेवी ज्ञानप्रसाद काफ्ले, उपाध्यक्षमा विश्व काफले, सचिवमा टिकाराम भट्टराई, कोषाध्यक्षमा तिलक कुमार प्रधान, सहसचिवमा शारदा पन्त, सहकोषाध्यक्षमा बाबुराम न्यौपाने निर्विरोध चयन भएका हुन्। त्यस्तै सदस्यहरुमा कृष्णराज गिरी, सावित्री बराल, मिना श्रेष्ठ, राम बन्जाडे, गिता गौतम पनि निर्विरोध चयन भएका छन्। साधारणसभा एवं अधिवेशनको सिद्धार्थनगर नगरपालिकाका वडा नं. १२ का युवा नेता वडा समिती सदस्य इसान भण्डारीले उदघाटन गरे। उनले श्री गणेश…

भैरहवा,२० पुस। भैरहवाको गौतमबुद्ध अन्तर्राष्ट्रिय विमानस्थलबाट लागूऔषध गाँजासहित एक जना भारतीय नागरिकलाई प्रहरीले पक्राउ गरेको छ। पक्राउ पर्नेमा भारतका ३६ वर्षीय रसिद भट्टियान रहेको विमानस्थल स्रोतले जनाएको छ। स्रोतका अनुसार थाईल्याण्डको बैंककबाट एयर एशियाको विमानमा भैरहवा आएका उनलाई सुरक्षा चेकजाँच गर्ने क्रममा पाँच किलो गाँजासहित पक्राउ गरिएको हो। आईतबार मध्यान्ह विमानस्थलको आगमन टर्मिनलबाट पक्राउ परेका उनलाई प्रहरी हिरासतमा राखेर आवश्यक अनुसन्धान अघि बढाईएको छ। भारतमा गाँजाको माग उच्च रहेकोले तस्करहरुले थाईल्याण्डबाट भैरहवाको गौतमबुद्ध र काठमाडौंको त्रिभुवन अन्तर्राष्ट्रिय विमानस्थल हुँदै तस्करी गर्दै आएका छन्। एयर एशियाको विमान मार्फत भैरहवा ओर्लिएका यात्रुहरुलाई यस अघि पनि प्रहरीले पटक-पटक गाँजासहित पक्राउ गरेको छ।