Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
बुटवल,१९ जेठ। बुटवलको अमरपथस्थित तिनाउ सुनचाँदी पसलमा चोरी भएको छ। पसलबाट करिब ८० तोला सुन तथा सुनका गरगहना चोरी भएको प्रारम्भिक अनुसन्धानमा पाइएको इलाका प्रहरी कार्यालय बुटवलले जनाएको छ। पसल सञ्चालक पोखरा गएको र पसलको सीसीटीभी क्यामेरा बिग्रिएको अवस्थामा घटना भएकोले घटना शंकास्पद देखिएको बुटवलका डीएसपी निशान्त श्रीवास्तवले बताए। घटनाका आइतबार रातिको भएपनि संचालक दीपक सेन्चुरी पोखराबाट सोमबार साँझ बुटवल फर्किएपछि घटनाका सम्बन्धमा प्रहरीलाई जानकारी गराएको प्रहरीले जनाएको छ। घटनाको विभिन्न कोणबाट अनुसन्धान भइरहेको डीएसपी श्रीवास्तवले बताए।
काठमाडौं,१९ जेठ। सरकारले मंगलबार बसेको मन्त्रिपरिषद् बैठकका निर्णय सार्वजनिक गरेको छ। सरकारका प्रवक्ता तथा शिक्षामन्त्री सस्मित पोखरेलले पत्रकार सम्मेलनमार्फत बैठकले गरेका चारवटा प्रमुख निर्णय सार्वजनिक गरेका हुन्। प्रवक्ता पोखरेलका अनुसार, गृह मन्त्रालयको प्रस्तावमा सशस्त्र प्रहरी बलको अतिरिक्त महानिरीक्षक (एआईजी) पदमा अञ्जनीकुमार पोखरेललाई नियुक्त गर्ने निर्णय मन्त्रिपरिषद् बैठकले गरेको छ। यस्ता छन् मन्त्रिपरिषद् बैठकका निर्णयहरु– –युनाइटेड नेसन इन्भाइरमेन्ट प्रोग्राम (यूएनडीपी) बाट वजन तहरूलाई हानी पुर्याउने पदार्थको व्यवस्थापन र न्यूनीकरणसम्बन्धी मोन्ट्रियल प्रोटोकलको कार्यान्वयनसम्बन्धी सम्झौता स्वीकृत गर्ने । –सशस्त्र प्रहरी नायब निरीक्षक श्री अञ्जनी कुमार पोखरेललाई सशस्त्र प्रहरी बल नेपालको सशस्त्र प्रहरी अतिरिक्त महानिरीक्षक पदमा बढुवा गर्ने । –२०८२ साल भदौ २३ र…
काठमाडौं,१९ जेठ। सरकारले सशस्त्र प्रहरी बल नेपालका डीआईजी अञ्जनीकुमार पोखरेललाई एआईजीमा बढुवा गरिएको छ । मंगलबार बसेको मन्त्रिपरिषद् बैठकले पोखरेललाई एआईजीमा बढुवा गरिएको सरकारका प्रवक्ता सस्मित पोखरेले जानकारी दिए। गत जेठ ५ गते मंगलबार बसेको बढुवा समितिको बैठकले एआईजी बढुवाका लागि सिफारिस गरेको थियो।
भैरहवा, १९ जेठ । रुपन्देहीको भैरहवास्थित महिन्द्रा गाडीको विक्रेता समृद्धि इन्टरप्राइजेजबाट आफुहरु ठगिएको पीडितहरुले गुनासो गरेका छन्। पीडितहरुले भैरहवामा पत्रकार सम्मेलनको आयोजना गरेर समृद्धि इन्टरप्राइजेजले वर्षौ अघि गाडीको सम्पूर्ण रकम लिएर गाडी नामसारी नगरी ठगी गरेको बताएका छन्। थुप्रै व्यक्तिहरुलाई इन्टरप्राइजेजका संचालक दीपक श्रेष्ठले पैसा लिएर गाडी बेचेको तर नामसारी नगरी बिचल्लीमा पारेको उनीहरुको दावी छ । संचालकले विक्री गरेका गाडीहरुको भैरहवास्थित ग्लोबल आइएमई बैंकबाट ऋण लिएको उनीहरुको भनाई छ। ‘मैले ०८० कार्तिक १३ गते समृद्धि ईन्टरप्राईजेजलाई सबै रकम दिएर महिन्द्रा कम्पनीको बोलेरो पिकअप गाडी किनेको थिए, मैले बैंकबाट एक रुपैयाँ ऋण पनि लिएको छैन’, सिद्धार्थनगर नगरपालिका १० का गौतम…
काठमाडौं,१८ जेठ। विशेष अदालतले विद्युतीय चुरोट (भेप) भित्र सुन तस्करीमा सघाएको आरोपमा भ्रष्टाचार मुद्दा खेपिरहेका पूर्वसभामुख कृष्णबहादुर महरालाई एक लाख रुपैयाँ धरौटीमा रिहा गर्न आदेश दिएको छ। विशेष अदालतका अध्यक्ष सुदर्शनदेव भट्ट र सदस्य बिदुर कोइरालाको इजलासले महरासँग एक लाख रुपैयाँ धरौटी माग गर्ने आदेश गरेको हो। त्रिभुवन अन्तर्राष्ट्रिय विमानस्थल भन्सार कार्यालयबाट भएको सुन तस्करी प्रकरणमा अख्तियार दुरुपयोग अनुसन्धान आयोगले महरासहित २९ जनाविरुद्ध भ्रष्टाचार मुद्दा दायर गरेको थियो।
काठमाडौं,१८ जेठ। नेपाली कांग्रेसको भ्रातृ संस्था नेपाल विद्यार्थी संघको अध्यक्षमा करुणा कटुवाल नियुक्त भएकी छन् । केन्द्रीय कार्यसम्पादन समितिको निर्णयअनुसार पार्टी सभापति गगनकुमार थापाले विधान बमोजिम म्याद समाप्त भई स्वतः विघटन भएको संघको अध्यक्षमा कटुवाललाई अध्यक्षमा नियुक्त गरेका हुन् ।
डडेलधुरा,१८ जेठ। डडेलधुरामा शुक्रबारदेखि बेपत्ता रहेका सशस्त्र प्रहरीका जवानसहित दुई जना सोमबार मृत अवस्थामा फेला परेका छन्। सशस्त्र प्रहरी बलको बीओपी परिगाउँमा कार्यरत जवान ओमप्रकाश पुन मगर र परशुराम नगरपालिका–५ का स्थानीय तीर्थबहादुर थापा मगरको शव महाकाली नदी क्षेत्रमा फेला परेको डडेलधुराका प्रमुख प्रहरी नायब उपरीक्षक (डीएसपी) बरुणबहादुर सिंहले बताए । उनका अनुसार, तीर्थबहादुरको शव परशुराम नगरपालिका–५ स्थित महाकाली नदीको कल्पठ्ठे क्षेत्रमा र जवान पुन मगरको शव कञ्चनपुरको ब्रह्मदेव नजिक भारततर्फको महाकाली नदी किनारमा फेला परेको हो। घटनाको कारण खुल्न बाँकी रहेको र थप अनुसन्धान जारी रहेको प्रहरीले जनाएको छ।
भैरहवा, १८ जेठ। रुपन्देही प्रहरीले भन्सार छली गरेर भित्राइएका विभिन्न सामग्री बरामद गरेको छ। जिल्ला प्रहरी कार्यालय रुपन्देहीबाट खटिएको टोलीले जिल्लाका विभिन्न स्थानमा चेकजाँच गर्ने क्रममा लाखौं मूल्य बराबरको तस्करीका सामग्री बरामद भएको प्रहरीले जनाएको छ। प्रहरीका अनुसार, जिल्लाको मर्चवारी गाउँपालिका, रोहिणी गाउँपालिका, मायादेवी गाउँपालिका, सिद्धार्थनगर नगरपालिका, लुम्बिनी सांस्कृतिक नगरपालिका र बुटवल उपमहानगरपालिकाको विभिन्न स्थानबाट लत्ताकपडा, खाद्यान्न लगायत सामग्री बरामद भएको हो । तस्करीमा प्रयोग गरिएका पाँच वटा मोटरसाइकलसहित बरामद सामग्रीको मूल्य ११ लाख ८८ हजार रुपैयाँ बताइएको छ । बरामद सामग्री आवश्यक कारबाहीका लागि भैरहवास्थित भन्सार कार्यालय बेलहियामा पठाइएको जिल्ला प्रहरी कार्यालय रुपन्देहीले जनाएको छ।
दाङ,१८ जेठ। लुम्बिनी प्रदेशका मुख्यमन्त्री चेतनारायण आचार्यले महिला स्वास्थ्य स्वयंसेविकाहरुले जनस्वास्थ्यको क्षेत्रमा पुर्याएको योगदानको उच्च मूल्याङ्कन गर्दै उनीहरुको हकहित र मनोबल अभिवृद्धिका लागि प्रदेश सरकार सकारात्मक रहेको बताएका छन्। नेपाल स्वास्थ्य स्वयंसेवी संघ (नेभा) लुम्बिनी प्रदेश समितिले सोमबार मुख्यमन्त्री तथा मन्त्रिपरिषद्को कार्यालयमा पेश गरेको माग तथा सुझावपत्र बुझ्दै मुख्यमन्त्री आचार्यले स्वास्थ्य स्वयंसेविकाहरु समुदायस्तरको स्वास्थ्य सेवाको मेरुदण्डका रुपमा रहेको उल्लेख गरे । मातृ तथा शिशु स्वास्थ्य, खोप अभियान, परिवार नियोजन, पोषण तथा जनचेतनामूलक कार्यक्रममार्फत महिला स्वास्थ्य स्वयंसेविकाहरुले पुर्याएको योगदान उच्च रहेको उनको भनाइ छ । संघकी प्रदेश अध्यक्ष सुनिता शर्माको नेतृत्वमा गएको टोलीले नौ बुँदे माग तथा सुझावपत्र पेश गरेको थियो।…
काठमाडौं,१८ जेठ। सरकारले आर्थिक वर्ष २०८२/८३ को बजेटमार्फत पूँजीगत लाभकर वृद्धि गरेपछि बजेटपछिको पहिलो कारोबार दिन सोमबार सेयर बजारमा उल्लेख्य गिरावट देखिएको छ। नेपाल स्टक एक्सचेन्ज (नेप्से) परिसूचक २६.७२ अंकले घटेर २,७५५.३७ विन्दुमा बन्द भएको हो। आयकर ऐन, २०५८ को दफा ९५ को उपदफा (२) संशोधन गर्दै सरकारले अल्पकालीन लगानीकर्ताका लागि पूँजीगत लाभकरको दर ७.५ प्रतिशतबाट बढाएर १० प्रतिशत तथा दीर्घकालीन लगानीकर्ताका लागि ५ प्रतिशतबाट बढाएर ७.५ प्रतिशत कायम गरेको छ। कर दर वृद्धिको निर्णयले लगानीकर्तामा निराशा बढाएको र त्यसको प्रभाव सोमबारको बजारमा देखिएको लगानीकर्ताहरुको बुझाइ छ। यस दिन ३४९ वटा स्क्रिप्सको १ करोड ३३ लाख ८३ हजार ८१६ कित्ता…