Author: क्लिक लुम्बिनी

लुम्बिनी, २ फागुन । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) आज रुपन्देही आउने भएका छन् । पार्टीको घण्टी अभिवादन तथा जनसम्पर्क कार्यक्रम अन्तर्गत शाह रुपन्देही आउन लागेका हुन् । शाहले जिल्लाको निर्वाचन क्षेत्र नम्बर १ का उम्मेदवार सुनिल लम्साल, २ का सुलभ खरेल, ३ का डा.लेखजंग थापा, ४ का कन्हैया बनियाँ र ५ का तौफिक अहमद खानका साथ पार्टीका नेता-कार्यकर्ता, मतदाता र शुभेच्छुकहरुसँग पनि भेटघाटको कार्यक्रम तय गरिएको छ। रुपन्देहीमा आउन लागेका बालेनलाई मध्यान्ह १ बजे लुम्बिनीको पर्सा चोकमा स्वागत गर्ने तयारी गरिएको पार्टीले जनाएको छ। रास्वपाका अनुसार, शाहको जिल्लामा आगमन तथा भेटघाटले पार्टीलाई थप मजबुत…

भैरहवा,१ फागुन । रुपन्देहीको सीमानाकासँगै जोडिएको भारतको सोनौलीमा भारतीय सुरक्षाकर्मीहरुले लागुऔषध गाँजासहित दुई जनालाई पक्राउ गरेका छन् । विशेष सूचनाको आधारमा भारतीय प्रहरी र सशस्त्र सीमा बल (एसएसबी) को संयुक्त टोलीले ७ किलो गाँजासहित दुई जनालाई पक्राउ गरेको हो । नौतनवाका क्षेत्राधिकारी अंकुर गौतमका अनुसार, प्रारम्भिक सोधपुछका क्रममा पक्राउ परेका आरोपीहरुले नेपालको बाटो हुँदै गाँजा भारत भित्राइएको र यसलाई भारतका अन्य राज्यहरुमा आपूर्ति गर्ने योजना रहेको स्वीकार गरेकाा छन् । सुरक्षा निकायहरुले यस गिरोहको सम्बन्ध कुनै ठूलो अन्तर्राष्ट्रिय तस्करी नेटवर्कसँग छ कि छैन भन्नेबारे अनुसन्धान गरिरहेका छन् भने गिरोहको सञ्जाल पत्ता लगाउन आरोपीहरुको मोबाइल फोन र अन्य कागजातहरुको प्राविधिक जाँच…

काठमाडौं,१ फागुन । राष्ट्रपति रामचन्द्र पौडेलले राष्ट्रियसभाको चालु अधिवेशन आगामी फागुन १ गते राति १२ बजेदेखि लागू हुने गरी अन्त्य गरेका छन् । नेपाल सरकार, मन्त्रिपरिषद्को गत माघ २६ गतेको सिफारिसमा नेपालको संविधानको धारा ९३ को उपधारा (२) बमोजिम राष्ट्रपति पौडेलले सभाको अधिवेशनको अन्त्य गरेको राष्ट्रपतिको कार्यालयका प्रवक्ता रितेशकुमार शाक्यद्वारा जारी विज्ञप्तिमा जनाइएको छ । सभाको १९ औँ अधिवेशन यही माघ ४ गतेदेखि चालु भएको थियो ।

काठमाडौं,१ फागुन। नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ ले देशमा आएको संकट समाधानका लागि सबै राष्ट्रिय शक्ति एक हुनुपर्ने बताएका छन्। ‘जनयुद्ध दिवस’ मा शुभकामना सन्देश दिँदै उनले फागुन २१ को चुनावबाट सुशासन, सामाजिक न्याय र समृद्धिको नयाँ यात्रा सुरु गर्न अपरिहार्य रहेको पनि बताए। रुकुममा रहेका प्रचण्डले भने, ‘हामी सहिदका सपना पूरा गर्ने, रुकुम, रोल्पा जस्ता केन्द्रीय आधार इलाकाले खेलेको भूमिकालाई फेरि एकपटक देशभरि स्थापित गर्ने जिम्मेवारी पूरा गर्नु छ। म त्यही उद्देश्यका साथ र एउटा नयाँ समाजवादी अभियान अगाडि बढाउने संकल्पका साथ रुकुम आएको छु ।’ अहिले देशको परिस्थिति नयाँ बनेको भन्दै उनले थपे, ‘जेन–जी आन्दोलन र…

काठमाडौं,१ फागुन । नेपालको स्थानीय बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य ३ लाख ३ हजार ५ सय रुपैयाँमा कारोबार भइरहेको छ। बिहीबार सुन प्रतितोला ३ लाख ६ हजार ५ सय रुपैयाँमा किनबेच भएको थियो । त्यस्तै शुक्रवार चाँदीको मूल्य पनि बढेको छ । चाँदी प्रतितोला ५० रुपैयाँ बढेर ५ हजार ३ सय ४० रुपैयाँ पुगेको महासंघले जनाएको छ ।

काठमाडौं,१ फागुन । नेपालका लागि नवनियुक्त चिनियाँ राजदूत चाङ माओमिङ काठमाडौं आइपुगेका छन्। यसअघिका चिनियाँ राजदूत छ्न सोङ आफ्नो कार्यकाल पूरा गरी फर्किएपछि चिनियाँ परराष्ट्रमन्त्रालयले चाङलाई नेपालका लागि नयाँराजदूत पठाएको हो। चाङ चिनियाँ विदेश मन्त्रालयको एसियाली मामिला विभागका उप-महानिर्देशकहरूमध्ये एक हुन्। नयाँ राजदूत चाङ शुक्रबार बिहान एयर चाइनाको जहाजबाट काठमाडौं आइपुगेका बुझिएको छ। राष्ट्रपति रामचन्द्र पौडेललाई ओहोदाको प्रमाण पत्र बुझाएपछि चाङले आफ्नो नियमित काम सम्हाल्ने बताइएको छ।

बंगलादेश,१ फागुन । बंगलादेशमा सम्पन्न निर्वाचनमा बंगलादेश राष्ट्रवादी पार्टी (बीएनपी) ले बहुमत हासिल गरेसँगै त्यहाँ करिब ३५ वर्षपछि पुरुष प्रधानमन्त्री हुने भएका छन् । निर्वाचनबाट पार्टी अध्यक्ष तारिक रहमान प्रधानमन्त्री बन्ने लगभग निश्चित छ। कुल ३०० सिटमध्ये २९९ सिटमा भएको मतदानमा पार्टीले २०९ सिट जितेको अन्तराष्ट्रिय सञ्चारमाध्यमले जनाएको छ। शेरपुर–३ क्षेत्रमा एक उम्मेदवारको मृत्यु भएपछि त्यहाँको निर्वाचन स्थगित गरिएको थियो। १७ वर्ष लामो लन्डन निर्वासनपछि पूर्व प्रधानमन्त्री खालिदा जियाका छोरा सक्रिय राजनीतिमा फर्किएका तारिक रहमानले यस निर्वाचनमा पार्टीको नेतृत्व गरेका थिए। उनैलाई अब नयाँ प्रधानमन्त्रीका रूपमा हेरिएको छ। शेख हसिनाको पार्टी अवामी लिग निर्वाचनमा सहभागी नभएका कारण बीएनपीलाई यसको प्रत्यक्ष…

काठमाडौं,२९ माघ । नेपालमा अपराध गरेर विदेशमा फरार भएका दश जनालाई अन्तरराष्ट्रिय प्रहरी संगठन (इन्टरपोल) सँगको समन्वयमा विभिन्न देशबाट पक्राउ गरेर ल्याइएको छ । नेपाल प्रहरीका प्रहरी प्रवक्ता एवं प्रहरी नायब महानिरीक्षक अबि नारायण काफ्लेका अनुसार चालु आर्थिक वर्षमा ११ जनाविरुद्ध ‘रेड नोटिस’ र तीन जनाविरुद्ध ‘डिफ्युजन नोटिस’ जारी भएको थियो । जसमध्ये रेड नोटिस जारी भएका आठ र डिफ्युजन जारी भएका दुई जनालाई इन्टरपोलको समन्वयमा पक्राउ गरी नेपाल ल्याइएको हो । गत आर्थिक वर्षमा ३४ जनाविरुद्ध रेड नोटिस र दुई जनाविरुद्ध डिफ्युजन नोटिस जारी भएकोमा १७ जना रेड नोटिस जारी भएका र तीन जना डिफ्युजन नोटिस जारी भएकालाई पक्राउ…

काठमाडौं,२९ माघ। आगामी प्रतिनिधिसभा सदस्य निर्वाचनका लागि सहयोग स्वरुप भारतले तेस्रो चरणमा २२३ वटा सवारी साधान हस्तान्तरण गरेको छ। गृह मन्त्रालयमा आयोजित कार्यक्रममा नेपालका लागि भारतका राजदूत नवीन श्रीवास्तवले प्रतिकात्मकरुपमा ती सवारी साधन गृहमन्त्री ओमप्रकाश अर्याललाई हस्तान्तण गरे। गृह मन्त्रालयका सहसचिव एवंम प्रवक्ता आनन्द काफ्लेका अनुसार भारतले पहिलो चरणमा ६१ वटा र दोस्रो चरणमा २५४ वटा सवारी साधान सहयोग स्वरुप उपलब्ध गराएको छ। त्यस्तै नेपाली सेनाका लागि पनि ५० वटा सवारीसाधान उपलब्ध गराएको छ। नेपाल प्रहरीलाई उपलब्ध गराउने कतिपय सामग्री प्राप्त भएको छ भने कतिपय प्राप्त हुने क्रममा रहेको प्रवक्ता काफ्लेले बताए ।

भैरहवा, २९ माघ। स्थानीय तहको कार्यसम्पादन मूल्यांकनमा सिद्धार्थनगर नगरपालिकाको कार्यालय रुपन्देही जिल्लामा प्रथम भएको छ। राष्ट्रिय प्राकृतिक स्रोत तथा वित्त आयोगले गरेको कार्यसम्पादन मूल्यांकनको ६८ दशमलव ४६ अंकका साथ सिद्धार्थनगर नगरपालिकाको कार्यालय प्रथम भएको हो। त्यस्तै तिलोत्तमा नगरपालिका ६६ दशमलव ५४ अंकका साथ दोस्रो र कञ्चन गाउँपालिका ६४ दशमलव ५५ अंक पाएर तेस्रो बनेको छ। सूचकहरुमा १० असारभित्र बजेट सार्वजनिक गरे/नगरेको, असार मसान्तभित्र बजेट पास गरे/नगरेको, आर्थिक वर्ष २०८१/८२ मा घरजग्गा रजिस्ट्रेसन शुल्क, मनोरञ्जन कर तथा विज्ञापन करबापत उठेको रकमध्ये प्रदेश सरकारलाई दिनुपर्ने ४० प्रतिशत रकम मासिक प्रदेश सञ्चित कोषमा दाखिला गरे/नगरेको समेत मूल्यांकनको सूचक मानिएको छ । आगामी आवको…