Author: क्लिक लुम्बिनी

भैरहवा, २९ साउन। निजी विद्यालयहरुको संस्था प्याब्सन र एनप्याब्सनले सिद्धार्थनगर नगरपालिकाको कार्यालयमा ज्ञापन पत्र बुझाएका छन्। संसदको शिक्षा, स्वास्थ्य तथा सूचना प्रविधि समितिबाट पारित भएको विद्यालय शिक्षा विधेयकमा असन्तुष्टी जनाउँदै बिहीवार दुवै संस्थाले संयुक्त रुपमा पालिकाको उपप्रमुख उमा अधिकारी र शिक्षा शाखा प्रमुख चेतनशील लम्साललाई ज्ञापनपत्र बुझाएका हुन्। यसँगै संस्थाहरुले आन्दोलनका कार्यक्रमहरुको घोषणा समेत गरेका छन्। जसअन्तर्गत बिहीवार पालिकामा ज्ञापनपत्र बुझाइएको हो। विधेयकमा निजी विद्यालयहरुलाई क्रमशः गैरनाफामूलक बनाइनेछ भन्ने वाक्यांश हटाइनुपर्ने, पूर्ण छात्रवृत्ति भन्ने शब्द हटाइनुपर्ने, हाल अभ्यासमा रहेको जम्मा विद्यार्थी संख्याको १० प्रतिशत छात्रवृत्ति दिने प्रावधानलाई निरन्तरता दिइनुपर्ने र छात्रवृत्ति अन्तर्गतको भर्ना शुल्क, वार्षिक शुल्क र मासिक पढाइ शुल्क…

भैरहवा, २९ साउन। लोकतान्त्रिक समाजवादी पार्टी (लोसपा) नेपालका पूर्व केन्द्रीय सदस्य महेन्द्र गुप्ता (प्रशान्त) ले पार्टीको नाममा लोकतान्त्रिक भएपनि व्यवहारमा लोकतान्त्रिक नभएको र पार्टी विभेदकारी रहेको टिप्पणी गरेका छन् । बिहीवार भैरहवामा पत्रकार सम्मेलनको आयोजना गरेर उनले प्रदेशमा लोकतान्त्रिक रुपमा मन्त्री चयन गर्नुपर्ने र नयाँ अनुहारलाई अवसर दिनुपर्ने माग राख्दा स्पष्टीकरणको मौकासमेत नदिएर पार्टीबाट निष्कासन गरिएको बताए । लोकतान्त्रिक पद्दति अनुरुप नै फरक मत प्रकट गर्दा पार्टीबाट अलोकतान्त्रिक व्यवहार भएको उनको भनाई छ । ‘एउटा युवा (मा.कन्हैया बनिया) लाई यसपटक मौका दिनुपर्छ भनेर आवाज उठाएको हुँ, आवाज उठाउँदा कुनै स्पष्टीकरण नसोधी मलाई पार्टीबाट निष्काशन गरियो’, उनले प्रश्न गर्दै भने, ‘एक–दुई…

काठमाडौं,२९ साउन। राजेन्द्र महतो नेतृत्वको राष्ट्रिय मुक्ति पार्टी नेपाल र अशोक राई नेतृत्वको जनता समाजवादी पार्टीबीच कार्यगत एकता भएको छ। बिहीवार काठमाडौंमा आयोजित कार्यक्रममा दुवै पार्टीले कार्यगत एकताको घोषणा गरेका हुन् । दुवै पार्टीले आगामी दिनमा पार्टी नै एकीकरण गर्ने नीतिसहित कार्यगत एकता गरेको हो। साझा मुद्दा, लक्ष्य र उद्देश्यहरु प्राप्तिका लागि एकता उन्मुक्त कार्यगत एकता गर्न दुई पार्टी सहमत भएको सहमति पत्रमा उल्लेख छ।

भैरहवा,२६साउन अख्तियार दुरुपयोग अनुसन्धान आयोग बुटवल कार्यालयको टोलीले सशस्त्र प्रहरी जवानलाई घुससहित नियन्त्रणमा लिएको छ। रुपन्देहीको कोटहीमाई गाउँपालिका-५ स्थित सशस्त्र प्रहरी बल नेपाल बोर्डर आउट पोष्ट मझगावामा कार्यरत सशस्त्र प्रहरी जवान याम बहादुर खत्रीलाई १५ हजार रुपैयाँ घुससहित नियन्त्रणमा लिइएको अख्तियारका प्रवक्ता राजेन्द्र कुमार पौडेलले बताए। उनका अनुसार सीमा पारी भारतबाट भन्सार छली अवैध रूपमा कपडा तथा किराना सामान ल्याउने कार्यमा सहजीकरण गरिदिने भन्दै उनले सेवाग्राहीसँग घुस मागेका थिए। जवानलाई नियन्त्रणमा लिएर घटनाको अनुसन्धान भइरहेको अख्तियारले जनाएको छ।

काठमाडौं,२५साउन। काठमाडौंको पशुपति आर्यघाटमा अन्तिमसंस्कारका लागि लगिएको शवबाट हड्डी निकालेको आरोपमा प्रहरीले दुई जनालाई पक्राउ गरेको छ। पक्राउ पर्नेमा शव जलाउने कार्यमा संलग्न गणेश ढकाल र उनका सहयोगी रहेको प्रहरीले जनाएको छ। काभ्रेपलाञ्चोकको बनेपा नगरपालिका-९ का राम शाहीको नाम गरेका मृतकको शवबाट हड्डी निकालेर अन्य व्यक्ति (तन्त्रिक) लाई दिएको मृतकका परिवारले उजुरी दिएपछि दुवै जनालाई पक्राउ गरिएको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक कुलदीप चन्दले बताए। घटनाक सम्बन्धमा अनुसन्धान भइरहेको प्रहरीले जनाएको छ।

काठमाडौं,२५ साउन। प्रहरीले बैंकमा रहेको रकम अपचलन गरेको आरोपमा दार्चुलाको शैल्यशिखर नगरपालिका-९ स्थित महालक्ष्मी विकास बैंकका चार जना कर्मचारीलाई पक्राउ गरेको छ। पक्राउ पर्नेमा बैंकका शाखा प्रबन्धक सागर शाही, निर्मला साउद, धनन्जय पन्त र अम्बादत्त पन्त रहेको प्रहरीले जनाएको छ। जिल्ला प्रहरी कार्यालयका प्रहरी नायब उपरीक्षक प्रकाश दाहालका अनुसार बैंकले दिएको उजुरीको आधारमा उनीहरुलाई पक्राउ गरिएको हो। कर्मचारीहरुको मिलेमतोमा बैंकमा रहेको दुई करोड ८४ लाख ७६ हजार सात सय रुपैयाँ अपचलन गरिएको आरोप छ। महालक्ष्मी विकास बैंकको केन्द्रीय कार्यालयको टोली गरेको प्रारम्भिक अनुसन्धानबाट बैंकका कर्मचारीले नेपालमा प्रतिबन्धित अनलाइन जुवा प्लेटफर्म वान एक्स बेटमा बैंकको पैसा लगाएको पाएको थियो। पक्राउ परेका…

कंचनपुर,२५ साउन । महाकाली नदीमा दुई जना बालिका बेपत्ता भएका छन्। कञ्चनपुरमा भीमदत्त नगरपालिका–१२ स्थित महाकाली नदीमा नुहाउने क्रममा भीमदत्त नगरपालिका–११ का ६ वर्षीया सानवी पन्त र सात वर्षीया जिविका पन्त बेपत्ता भएको जिल्ला प्रहरी कार्यालयका डीएसपी एवं प्रवक्ता सागर बोहराले बताए। नेपाल प्रहरी, सशस्त्र प्रहरी बल र नेपाली सेनाको टोलीद्धारा बेपत्ता बालिकाहरुको खोजी भइरहेको प्रहरीले जनाएको छ।

भैरहवा, २५ साउन । राष्ट्रिय स्वतन्त्र पार्टी (रास्वपा) ले रुपन्देही क्षेत्र नम्बर ३ मा हुन लागेको उपनिर्वाचनका लागि उम्मेदवारका आकांक्षीहरुसँग छलफल सुरु गरेको छ। पार्टीले आइतबार उम्मेदवारका ९ जना आकांक्षीहरुसँग छलफल गरेको हो । पार्टीका अनुसार उम्मेदवारका आकांक्षीहरुसँग आइतबार छलफल सकिएको र साउन २६ गते (सोमबार) उम्मेदवारहरुको प्रारम्भिक नामावली प्रकाशन गरिने छ। उम्मेदवार बन्नका लागि सुलभ खरेल, पार्थिवेन्द्र उपाध्याय, डा. लेखजंग थापा, ज्ञानु पौड्याल, जीत बहादुर गुप्ता, कुसुम महर्जन, रचना क्षेत्री, पुनम कुमारी अग्रवाल र मधु प्रसाद अर्यालले आवेदन दिएका थिए। रास्वपाले साउन २३ गते आवेदन दिएकाहरुको नामवली सार्वजनिक गरेको थियो।

पाल्पा,२४साउन । पाल्पा प्रहरीले जबरजस्ती करणी गरेको आरोपमा एक जनालाई पक्राउ गरेको छ। पक्राउ पर्नेमा लमजुङ मर्स्याङ्दी गाउँपालिका-५ का २८ वर्षीय धनरासी विक रहेको प्रहरीले जनाएको छ। जिल्ला प्रहरी कार्यालय पाल्पाका अनुसार १७ वर्षीया बालिकालाई जबरजस्ती करणी गरेको उजुरीका आधारमा इलाका प्रहरी कार्यालय रामपुरबाट खटिएको टोलीले युवकलाई पक्राउ गरेको हो। घटनाका सम्बन्धमा अनुसन्धान भइरहेको प्रहरीले जनाएको छ।

सुनसरी, २४ साउन। सुनसरीको इटहरी उपमहानगरपालिकामा सवारी दुर्घटना हुँदा दुई जनाको मृत्यु भएको छ। पालिकाको इटहरी–धरान सडकखण्डस्थित पानीपिया जङ्गलमा इटहरीबाट धरानतर्फ जाँदै गरेको प्रदेश १–०२–००२ ख ०४५५ नम्बरको बस र विपरीत दिशाबाट आइरहेको को २२ प २१२५ नम्बरको स्कुटर एकआपसमा ठोक्किदा सवारी दुर्घटना भएको प्रहरीले जनाएको छ । दुर्घटनामा गम्भीर घाइते भएका स्कुटर चालक झापाको विर्तामोड नगरपालिका–५ का सुजन विक र पछाडि सवार सुरज विकको धरानस्थित अस्पतालमा उपचारका क्रममा मृत्यु भएको जिल्ला प्रहरी कार्यालयका प्रहरी प्रवक्ता योगराज खतिवडाले जानकारी दिए। उदयपुरको बेलका नगरपालिका–३ का बस चालक प्रेम मगरलाई नियन्त्रणमा लिएर घटनाका सम्बन्धमा अनुसन्धान भइरहेको प्रहरीले जनाएको छ।