Author: क्लिक लुम्बिनी

भरतपुर,१ भदौ। नारायणघाट–मुग्लिन सडकखण्डमा खसेको सुक्खा पहिरो हटाइएपछि सडकमा सवारी साधन संचालन भएको छ। आइतबार बिहान चितवनको इच्छाकामना गाउँपालिका–५ तुइनखोलास्थित सडकखण्डमा पहिरो खस्दा सडक अवरुद्ध भएको थियो। जिल्ला प्रहरी कार्यालय चितवनका सूचना अधिकारी रवीन्द्र खनालका अनुसार मेसिनरी उपकरण प्रयोग गरेर पहिरो पन्छाएपछि सडक सञ्चालनमा आएको हो । सो ठाउँमा चट्टानसहितको पहिरो खसेका कारण गन्तव्यमा हिँडेका सवारीसाधन रोकिएका थिए ।

काठमाडौं, १ भदौ । गेस्ट हाउसमा श्रीमतीको हत्या गरेर फरार भएका श्रीमानलाई प्रहरीले पक्राउ गरेको छ। प्रहरीका अनुसार गत साउन २७ गते श्रीमतीलाई ‘घुम्न जाऊँ’ भनेर काठमाडौं महानगरपालिका–२६ स्थित गोङ्गबुको गेस्ट हाउसमा लगेर हत्या गरी बक्स पलङमुनि लुकाएर भोलीपल्ट श्रीमती हराएको विषयमा प्रहरी वृत्त महाराजगन्जमा निवेदन दिएका थिए । साउन ३० गते गोङ्गबुको कञ्चन कोशी होटल एन्ड लजमा लगेर २७ वर्षीया पत्नी ललिता विकको शव बरामद भएको थियो। त्यसपश्चात फरार रहेका काभ्रेको भुम्लुका सन्तोष सेन्चुरीलाई पर्सामा पक्राउ गरिएको उपत्यका अपराध अनुसन्धान कार्यालयले जनाएको छ।

काठमाडौं,१ भदौ। ग्लोबल आइएमई बैंक लिमिडेट ‘युरो मनी अवार्ड फर एक्सलेन्स २०२५’ को बेस्ट बैंक अवार्डबाट सम्मानित भएको छ। सन् १९९२ मा युरो मनी म्यागजिनद्वारा स्थापित यो अवार्ड बैंकिङ क्षेत्रको एक प्रतिष्ठित अवार्ड हो। ग्लोबल आइएमई बैंकले ग्राहकहरुलाई प्रदान गर्दै आएको सेवा, वित्तीय अवस्था, संस्थागत सामाजिक उत्तरदायित्व, बैंकिङ क्षेत्रमा भित्र्याएको नयाँनयाँ प्रविधि, वातावरणीय, सामाजिक तथा सुशासनका क्षेत्रहरुमा बैंकले गरेको लगानी तथा बैंकको उच्चस्तरीय कार्यसम्पादनका लागि यो अवार्ड प्रदान गरिएको छ। युरो मनी म्यागजिन बैंकिङ क्षेत्रको गहिरो विश्लेषण र समालोचनाका लागि प्रख्यात छ। युरो मनी समूहमा बैंक तथा वित्तीय क्षेत्रका ख्यातिप्राप्त तथा अनुभवी व्यक्तिहरु छन्। यो वर्षको अवार्डसँगै ग्लोबल आइएमई बैंक…

काठमाडौं,१ भदौ। नेपालको स्थानीय बजारमा आइतबार सुनको मूल्य घटेको छ । नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला ७०० रुपैयाँले घटेको हो। शुक्रबार प्रतितोला १ लाख ९६ हजार २ सय रुपैयाँमा किनबेच भएकोमा आइतबार प्रतितोला १ लाख ९५ हजार ५०० रुपैयाँमा कायम भएको छ। त्यस्तै चाँदीको मूल्य पनि ५ रुपैयाँले घटेको छ। शुक्रबार चाँदी प्रतितोला २ हजार ३१५ रुपैयाँमा किनबेच भएकोमा आइतबार २ हजार ३१० रुपैयाँमा कारोबार भइरहेको महासंघले जनाएको छ ।

धरान,१ भदौ। प्रहरीले लागुऔषध ब्राउन सुगरसहित चारजनालाई पक्राउ गरेको छ। पक्राउ पर्नेहरुमा मोरङको सुन्दरहरैचा नगरपालिका-६ का रोशन खड्का र लालबहादुर बिक, धादिङको थाक्रे गाउपालिका-१० का कुमार बिडारी, दोलखाको मेलुङ्ग गाउँपालिका-२ का राम आछामे रहेको प्रहरीले जनाएको छ। जिल्ला प्रहरी कार्यालय सुनसरीका एसपी सुमनकुमार तिम्सिनाका अनुसार शनिवार राति १४.३५ ग्राम ब्राउन सुगरसहित उनीहरुलाई इनरुवाबाट पक्राउ गरिएको हो। घटनाका सम्बन्धमा आवश्यक अनुसन्धान अघि बढाइएको सुनसरी प्रहरीले जनाएको छ।

काठमाडौं,१ भदौ। प्रधानमन्त्री केपी शर्मा ओलीसँग भारतीय विदेशसचिव विक्रम मिस्रीले शिष्टाचार भेट गरेका छन्। मिस्री आइतबार बिहान काठमाडौं आइपुगेका थिए। त्यसपश्चाथ उनले प्रधानमन्त्री तथा मन्त्रिपरिषद्को कार्यालय, सिंहदरबारमा प्रधानमन्त्री ओलीसँग भेटवार्ता गरेका हुन्। भेटवार्तापश्चात उनले भारतीय प्रधानमन्त्री नरेन्द्र मोदीले पठाएको निमन्त्रणा पत्र ओलीलाई हस्तान्तरण गर्ने बताइएको छ। भेटवार्तामा प्रधानमन्त्रीका राजनीतिक सल्लाहकार विष्णु रिमाल, नेपालका लागि भारतीय राजदूत नवीन श्रीवास्तव लगायत उच्चअधिकारी सहभागी छन्। परराष्ट्र मन्त्रालयका सचिव अमृतबहादुर राईको निमन्त्रणामा नेपालको दुई दिने औपचारिक भ्रमणका लागि उनी नेपाल आएको परराष्ट्र मन्त्रालयले जनाएको छ।

भैरहवा, ३१ साउन। सहकारी ठगीको अभियोगमा पूर्पक्षका लागि थुना (भैरहवा कारगार) मा रहेका राष्ट्रिय स्वतन्त्र पार्टीका सभापति रवि लामिछानेलाई ललितपुरस्थित नख्खु कारागार लगिएको छ। काठमाडौं कारागारमा सरुवाका लागि लामिछानेले गत जेठ १४ गते अदालतमा निवेदन दिएका थिए । अदालतले सरुवाका लागि जेठ १६ गते अनुमति दिएको थियो । त्यसपश्चात पनि उनलाई भैरहवा कारागारमा राखिएको थियो । कारागारमा रहेका लामिछानेलाई ललितपुरस्थित नख्खु कारागारमा सरुवा गर्ने कारागार व्यवस्थापन विभागको पत्राचार अनुसार उनलाई शनिवार विमानमार्फत काठमाडौं (ललितपुरस्थित नख्खु कारागार) लगिएको रुपन्देहीका प्रमुख जिल्ला अधिकारी डा. टोकराज पाण्डेले बताए । ४ः४० बजे बुद्ध एयरको उडान मार्फत उनलाई काठमाडौं लगिएको हो। सुरक्षाकर्मीको साथमा उनलाई ललितपुरस्थित…

सप्तरी,३०साउन । सप्तरी प्रहरीले स्रोत नखुलेको २० लाख ७८ हजार रुपैयाँसहित दुई जनालाई पक्राउ गरेको छ। पक्राउ पर्नेहरुमा धनकुटा सहिदभूमी गाउँपालिका-३ का २१ वर्षीय जिवन लम्जेल र सोही गाउँपालिका-१ का २८ वर्षीय आएन राई रहेको प्रहरीले जनाएको छ। उनीहरुलाई सप्तकोशी नगरपालिका-४ तुलसी चोकबाट पक्राउ गरिएको हो । प्रहरी चौकी फत्तेपुरबाट खटिएको टोलीले कञ्चनपुरबाट फत्तेपुरतर्फ जाँदै गरेको को ३३ प १८९४ नम्बरको मोटरसाइकलमा सवार उनीहरुलाई चेकजाँच गर्ने क्रममा रकमसहित पक्राउ गरेको नेपाल प्रहरीको केन्द्रीय समाचार कक्षले जनाएको छ। घटनाका सम्बन्धमा आवश्यक अनुसन्धान अघि बढाइएको प्रहरीको भनाई छ।

काठमाडौं,३० साउन। प्रहरीले ६ करोड रुपैयाँ बढीको क्रिप्टो करेन्सी (अभौतिक मुद्रा) को कारोबार गरेको आरोपमा दुई भारतीयसहित चार जनालाई पक्राउ गरेको छ। पक्राउ पर्नेहरुमा बाराको महागढीमाई नगरपालिका–३ का २७ वर्षीय ओमप्रकाश जयसवाल, महागढीमाई–५ का २५ वर्षीय मनमोहन कुमार सिंह, भारत बिहारका ३३ वर्षीय विक्रम जयसवाल र बिहारकै ३३ वर्षीय मुन्ना जयसवाल रहेको प्रहरीले जनाएको छ । जिल्ला प्रहरी परिसर काठमाडौंका एसपी तथा प्रवक्ता अपील राज बोहराका अनुसार उनीहरुलाई काठमाडौंको कालोपुलबाट पक्राउ गरिएको र उनीहरुको साथबाट १५ लाख ३३ हजार नगद समेत बरामद भएको छ। साथै, उनीहरुले ६ करोड ६ लाख ६३ हजार ६८७ रुपैयाँ बराबरको क्रिप्टोको कारोबार गरेको पाइएको उनले…

भैरहवा, ३० साउन । जिल्ला प्रशासन कार्यालय रुपन्देहीले शैक्षिक परामर्श तथा भाषा प्रशिक्षण गराउने संस्थाहरुलाई आवश्यक कागजातहरु कार्यालयमा उपलब्ध गराउन अल्टिमेटम दिएको छ। केही संस्थाहरुबाट कानुनले तोकेका बाहेकाका कार्यहरु गरेको उजुरीपछि कार्यालयले शुक्रवार एक सूचना जारी गर्दै संस्थाहरुलाई ७ दिन भित्र आवश्यक कागजात कार्यालयमा उपलब्ध गराउन अल्टिमेटम दिएको हो। कार्यालयद्धारा जारी गरिएको सूचनामा भनिएको छ–‘संस्थाहरुबाट प्रशिक्षण र परामर्श गराउनुपर्नेमा केही संस्थाले कानुनले तोकेको कार्यहरु बाहेक भिषा प्रक्रिया, रोजगारीको सुनिश्चितता गर्ने, ट्राभल एजेन्सी र सहकारी संस्थाहरुसँग मिलोमतो गरी नक्कली कागजात बनाउने, मेनपावरले गर्ने काम व्यक्तिगत/संस्थागत रुपमै गर्ने गरेको गुनासो/उजुरीका सम्बन्धमा विवरणहरु अद्यावधिक गरी ७ दिनभित्र कार्यालयमा उपलब्ध गराउनु…।’ दश बुदाँ उल्लेख…