Author: क्लिक लुम्बिनी

काठमाडौं, १ जेठ। राजस्व परामर्श समितिले उपप्रधानमन्त्री एवं अर्थमन्त्री विष्णुप्रसाद पौडेल समक्ष प्रतिवेदन पेश गरेको छ। अर्थ मन्त्रालयमा आयोजित कार्यक्रममा समितिका संयोजक रहेका राजस्व सचिव दिनेशकुमार घिमिरेले अर्थमन्त्री पौडेललाई उक्त प्रतिवेदन बुझाएका हुन् । समितिले सबै प्रकारका आर्थिक क्रियाकलापलाई कर प्रणालीमा समेट्नुपर्ने र कर आधार विस्तार गर्नुपर्ने सुझाव दिएको छ। त्यस्तै डिजिटल कारोबारलाई ध्यानमा राख्दै विद्युतीय सेवा करको दायरा बढाउन, अन्तर्राष्ट्रिय सेवा प्रदायकहरुबाट प्राप्त तथ्यांकको व्यवस्थापन गर्न, घर-जग्गा कारोबारजस्ता क्रियाकलापहरुलाई व्यवसायिक रुपमा वर्गीकृत गरी करयोग्य बनाउन सुझाव दिएको छ। पूँजीगत लाभकरको अभिलेखलाई प्रविधिमैत्री र पारदर्शी बनाउन, करदातासम्बन्धी तथ्यांक तथा आर्थिक विवरणहरुको अन्तर–आबद्धता कायम गर्ने प्रणाली विकास गर्नुपर्ने समितिको राय छ।…

भैरहवा, १ जेठ । नेपालमा हुन्डाई सवारी साधनको वितरक लक्ष्मी इन्टरकन्टिनेन्टल प्रालिले रुपन्देहीमा अन्तरक्रिया कार्यक्रम गर्दै हुन्डाईको नयाँ ब्राण्ड क्रेटा इभी (विद्युतीय गाडी) सार्वजनिक गरेको छ । हुन्डाई नेपालले ग्राहक वर्गलाई प्रदान गरिरहेको उच्च गुणस्तरको सेवा, उत्कृष्ट मूल्यमा विश्वसनीय गाडी र देशभर फैलिएको व्यापक नेटवर्कले गर्दा उपभोक्ताहरुको मन जित्न सफल भई आज नेपालको अग्रणी अटो ब्रान्डहरु मध्ये एक बनेको छ । रुपन्देहीमा हुन्डाई गाडीको आधिकारिक विक्रेता जगत मोटर्स प्रालि भैरहवा र सिद्धि विनायक मोटो कर्प प्रालि बुटवलद्वारा मणिग्राममा आयोजित हुन्डाई मिट एण्ड ग्रिट कार्यक्रममा ३० भन्दा बढी क्रेटा ईभी युनिट बुकिङ भएको र १० वटा क्रेटा इभी ग्राहकलाई हस्तान्तरण गरिएको…

काठमाडौं,३१बैशाख। वैदेशिक रोजगारीमा पठाईदिने भन्दै रकम ठगी गरेको आरोपमा काठमाडौं उपत्यका अपराध अनुसन्धान कार्यालयले दुई जनालाई पक्राउ गरेको छ। पक्राउ पर्नेमा बर्दिया ठाकुरबाबा नगरपालिका–१ का ३५ वर्षीय प्रेमबहादुर साउद र सुर्खेत सिम्ता गाउँपालिका–८ का २१ वर्षीय ललित बोहरा रहेको प्रहरीले जनाएको छ। कार्यालयका सूचना अधिकारी प्रहरी उपरीक्षक काजीकुमार आचार्यका अनुसार साउदले तीन जनालाई आयरल्यान्ड पठाउने भन्दै ४१ लाख ९० हजार र बोहराले एक जनालाई युके लैजाने भन्दै १० लाख रुपैयाँ लिएर सम्पर्क बिहिन भएका थिए।

काठमाडौं,३१ बैशाख। अख्तियार दुरुपयोग अनुसन्धान आयोगले जिल्ला हुलाक कार्यालय बाराका तत्कालीन कार्यालय प्रमुख जयलालप्रसाद साह कानूसहित ६ जनाविरुद्ध भ्रष्टाचार मुद्दा दायर गरेको छ । आयोगले सार्वजनिक सम्पत्ति हानी/नोक्सानी गरी भ्रष्टाचार गरेको अभियोगमा विशेष अदालतमा मुद्दा दायर गरेको हो। आयोगले २०६० सालदेखि हुलाक बचत बैंकको जिम्मा लिँदै आएकाहरुले बचतकर्ताको रकमको अभिलेख नराखी आफूखुशी अपचलन गरेको अनुसन्धानका क्रममा पाइएकाले मुद्दा दायर गरिएको जनाएको छ। उनीहरुले बैंकमा निक्षेप संकलन गरी बचतकर्ताको पासबुक, लेजरमा मात्रै प्रविष्ट गरेको र कार्यालयको नगदी रजिस्टरमा नराखेको, बैंक दाखिला नगरी आफूखुशी बाँडफाँड गरी अपचलन गरेको अनुसन्धानका क्रममा पाइएको आयोगको ठहर छ। उनीहरुले पाँच करोड ३५ लाख ६४ हजार दुई…

काठमाडौं,३१बैशाख। मुलुकमा आर्थिक अपराधको ग्राफ बढ्दै गएपछि अनुसन्धानका लागि नेपाल प्रहरीमा आर्थिक तथा वित्तीय अपराध अनुसन्धान इकाइ गठन गरिएको छ। प्रहरी प्रधान कार्यालयले १७ वैशाखदेखि आर्थिकसम्बन्धी अपराधको अनुसन्धानका लागि उक्त इकाइ गठन गरेको नेपाल प्रहरीका केन्द्रीय प्रवक्ता तथा एसएसपी रमेश थापाले बताए। उनका अनुसार इकाइको कमाण्ड एसएसपी होबिन्द्र बोगटीले गरेका छन्। इकाइमा अहिले एसएसपीसहित १९ जना कार्यरत छन्। गृहमन्त्रालयबाट स्वीकृत भइसकेकाले छुट्टै इकाइ गठन गरेर काम सुरु गरिएको उनले बताए । यसको संरचना र दरबन्दीलगायतका बारेमा भने ओएमएन्ड हुन बाँकी नै छ। त्यसपछि मात्रै कसको नेतृत्वमा कतिजना प्रहरी रहने भन्ने यकिन टुंगो लाग्ने बताइएको छ। उक्त इकाइलाई सीआईबीकै मातहत राखिएको…

काठमाडौं,३१ बैशाख। अमेरिकी राष्ट्रपति डोनाल्ड ट्रम्पले सिरियामाथि लगाइएको सम्पूर्ण प्रतिबन्ध हटाउने घोषणा गरेका छन्। चारदिने मध्यपूर्व भ्रमणको क्रममा साउदी अरेबियामा पुगेका ट्रम्पले सिरियामाथि लगाइएको सम्पूर्ण प्रतिबन्ध हटाउने घोषणा गरेको समाचार संस्था सीएनएनले जनाएको छ गत वर्ष सिरियामा बसर अल–असदको सरकार ढलेपछि प्रतिबन्ध हटाउने बाटो खुलेको ट्रम्पले बताएका छन्। डिसेम्बर महिनामा सिरियाको राष्ट्रपति रहेका उनले असद परिवारको सत्तालाई बर्खास्त गर्दै शासन हातमा लिएका थिए । इजरायलले भने असद सत्ता ढलेपछि पनि सिरियामा लगातार आक्रमण गरिरहेको छ। राष्ट्रपति ट्रम्पले वर्षौँदेखि सिरियामा धेरैको ज्यान अकालमा गएको बताउँदै असद परिवार हटेपछि सम्बन्ध सुमधुर बनाउन प्रयास आवश्यक रहेको बताए। ‘त्यस समयमा प्रतिबन्ध आवश्यक थियो। तर,…

काठमाडौं, ३१ वैशाख। उपप्रधानमन्त्री एवं अर्थमन्त्री विष्णुप्रसाद पौडेल र विश्व बैंकका दक्षिण एसिया हेर्ने उपाध्यक्ष मार्टिन राइजरबीच शिष्टाचार भेटवार्ता भएको छ। उक्त अवसरमा नेपाल सरकार र विश्व बैंकबीच आगामी साझेदारीका विषयमा छलफल भएको बताइएको छ।

काठमाडौं,३१ बैशाख। नेपाल स्थानीय बजारमा सुनको मूल्य फेरि बढेको छ। बुधबार सुनको मूल्य ५ सय रुपैयाँले बढेर प्रतितोला १ लाख ८५ हजार ३०० रुपैयाँ कायम भएको नेपाल सुनचाँदी व्यवसायी महासंघले जनाएको छ। अघिल्लो दिन मंगलबार २ हजार रुपैयाँले घटेर प्रतितोला १ लाख ८४ हजार ८०० रुपैयाँमा खरिदबिक्री भएको थियो। सुनको मूल्य बढेपनि चाँदीको भाउ भने घटेको छ। आज प्रतितोला चाँदीको मूल्य १९ सय ६० कायम भएको छ। मंगलबार एक तोला चाँदी १९ सय ७० रुपैयाँमा खरिदबिक्री भएको थियो।

पोखरा,३१जेठ। कास्की प्रहरीले यौन व्यवसाय सञ्चालनको आरोपमा तीन जनालाई पक्राउ गरेको छ । पक्राउ पर्नेहरुमा पोखराको सिर्जना चोकमा मनिका रेष्टुरेन्ट सञ्चालन गर्ने ४० वर्षीय पदम लुङ्बा, पोखरा मालेपाटनका ५१ वर्षीय तेज नारायण तिमिल्सिना र तनुहँको व्यास नगरपालिका–५ का २१ वर्षीय सलन गुरुङ रहेको प्रहरीले जनाएको छ। रेष्टुरेन्टबाट प्रहरीले पाँच जना महिलाको उद्धार समेत गरिएको जिल्ला प्रहरी कार्यालय कास्कीका प्रवक्ता एवं डीएसपी हरि बस्नेतले बताए । उनका अनुसार पक्राउ परेकाहरु विरुद्ध कास्की जिल्ला अदालतबाट मानव बेचबिखन सम्बन्धी कसुरमा ६ दिनको म्याद लिएर अनुसन्धान अघि बढाइएको छ।

भैरहवा,३०बैशाख। रुपन्देहीको सिद्धार्थनगर नगरपालिका कार्यालयले निःशुल्क लोकसेवा तयारी कक्षा सञ्चालन गरेको छ। पालिकाका युवा लक्षित वर्गलाई सरकारी सेवामा आर्कषण र मानव संशाधनको विकास गर्ने उद्देश्यले निःशुल्क लोकसेवा तयारी कक्षा सञ्चालन गरिएको नगरपालिकाले जनाएको छ। कक्षामा लोकसेवा सम्बन्धी सामन्य ज्ञान, बौद्धिक परिक्षण, लेखन तथा सेवाका विषयहरुमा प्रशिक्षण दिइने सिद्धार्थनगर नगरपालिका कार्यालयका समाजिक विकास शाखा अधिकृत लक्ष्मण गिरीले जानकारी दिए। उनका अनुसार नायब सुब्बा (नासु) पदको तयारीका लागि ३० दिनसम्म सञ्चालन हुने कक्षामा ६० जना सहभागी छन्। शिक्षा हासिल गरेका तर आर्थिक लगायत कारण लोकसेवा तयारी कक्षामा सहभागी हुन नसकेका नगरबासीहरुका लागि तयारी कक्षा फलदायी देखिएको छ। पालिकाले गत वर्ष संचालन गरेको…