Author: क्लिक लुम्बिनी

भैरहवा,७असार। रुपन्देही प्रहरीले अवैध रुपमा भन्सार तथा राजश्व छली गरी चोरी पैठारी गरिएका करिब १२ लाख ६८ हजार बढी रुपैयाँ बराबरका विभिन्न सामग्रीहरु बरामद गरेको छ। जिल्ला प्रहरी कार्यालय रुपन्देही र मातहतका विभिन्न प्रहरी युनिटहरुले विभिन्न स्थानमा गरेको चेकजाँचका क्रममा ती सामानहरु बरामद गरेका हुन्। रुपन्देहीको प्रहरी प्रमुखको रुपमा एसपी प्रदीप बहादुर क्षेत्रीले कमाण्ड सम्हालेपछि रुपन्देही प्रहरी सक्रिय भएको छ। खुल्ला सीमानाबाट दैनिक लुकछिपी भित्राउने गरिएको लाखौं रुपैयाँको बराबर विभिन्न सामाग्रीहरु प्रहरीले दैनिक बरामद गर्दै आएको छ। जिल्ला प्रहरी कार्यालय रुपन्देहीद्वारा जारी विज्ञप्तीका अनुसार, बरामद गरिएका सामग्रीहरुमा चिनी, पास्ता, बच्चाका खेलौना, मिठाई, कपाल उमार्ने जेल, विभिन्न कम्पनीका मोबाइलका डिस्प्ले तथा…

भैरहवा,७असार। रुपन्देही प्रहरीले लागुऔषधसहित एक जनालाई पक्राउ गरेको छ । पक्राउ पर्नेमा पर्वत, पाङराङ गाउँपालिका–९ सिरकाङका ३५ वर्षीय रेशम कुँवर रहेको प्रहरीले जनाएको छ। वडा प्रहरी कार्यालय भैरहवाबाट खटिएको टोलीले सिद्धार्थनगर नगरपालिका–८ अञ्चलपुरमा चेकजाँच गर्ने क्रममा कुँवरलाई लागुऔषध सहित पक्राउ गरेको हो। जिल्ला प्रहरी कार्यालय रुपन्देहीका डीएसपी एवं सूचना अधिकारी सुरज कार्कीका अनुसार पक्राउ परेका कुँवरको साथबाट डाइजेपाम ६० पिस, बुप्रेनोर्फिन इन्जेक्सन ६० पिस, र प्रोमेथाजिन इन्जेक्सन ६० पिस लागुऔषध बरामद भएको हो। घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ।

भैरहवा, ७ असार। रुपन्देहीको भैरहवामा सुरु भएको टी–१० जिल्लास्तरीय क्रिकेट प्रतियोगिताको उद्घाटन खेलमा आयोजक प्रोफेसनल मास्टर्स–११ र टिम रेस्पोन्स लुम्बिनी विजयी भएका छन्। सिद्धार्थ क्रिकेट रंगशालामा टस जितेर ब्याटिङ रोजेको प्रोफेसनलले मायादेवी क्रिकेट एकेडेमीलाई ६१ रनले पराजित गर्यो। ६ विकेट गुमाएर १ सय ५ रनको बलियो योगफल बनाएका प्रोफेसनलका लागि भुवन गैरेले ३६, सुरज खड्काले अविजित १६ र मेहफोज आलमले १२ रनको योगदान दिए। मायादेवीका निरज मौर्य, अर्जुन करौस र आरिफ खानले समान २–२ विकेट लिए। जवाफी ब्याटिङ गरेको मायादेवीले निर्धारित खेलमा जम्मा ४४ रनमै समेटियो। उसलाई सस्तैमा समेट्नका लागि प्रोफेसनलका जयप्रताप यादवले २ तथा करण केवट, अख्तर हुसेन र…

काठमाडौं,७ असार। आइतबार देशभर आंशिकदेखि साधारणतया बदली रहनेछ। मौसम पूर्वानुमान महाशाखाका अनुसार बागमती प्रदेश, गण्डकी प्रदेश र लुम्बिनी प्रदेश लगायत देशको पहाडी भू-भागको केही स्थानहरूमा तथा बाँकी भू-भागको थोरै स्थानहरुमा मेघगर्जन/चट्याङसहित हल्कादेखि मध्यम वर्षाको सम्भावना रहेको छ। बागमती प्रदेश, गण्डकी प्रदेश र लुम्बिनी प्रदेशका एक-दुई स्थानमा भारी वर्षाको पनि सम्भावना रहेको महाशाखाले जनाएको छ। देशका उच्च-पहाडी तथा हिमाली भू-भागका थोरै स्थानहरु हल्का वर्षा/हिमपातको सम्भावना रहेको महाशाखाले जनाएको छ।

काठमाडौं,७ असार। रोजगारीको प्रलोभन देखाउँदै भारतमा बन्धक बनाइएका ३५ जना नेपाली नागरिकको उद्धार गरिएको छ। दिल्लीस्थित नेपाली राजदूतावासका अनुसार भारतको उत्तराखण्डस्थित काशिपुर क्षेत्रमा बोलाएर बन्धक बनाइएका नेपालीहरुलाई कुटपिट र यातना दिँदै जबरजस्ती रकम असुली गरिएको थियो। प्राप्त सूचनाका आधारमा उत्तराखण्ड प्रहरी र ‘किन इन्डिया’ संस्थाको सहकार्यमा उनीहरुको उद्धार गरिएको दूतावासले जनाएको छ । उक्त घटनासँग सम्बन्धित केहि व्यक्तिलाई उत्तराखण्ड प्रहरीले पक्राउ गरी घटनाको थप अनुसन्धान गरिरहेको छ। त्यस्तै, उत्तराखण्डको अन्य स्थानमा बन्दी बनाइएका, थप नेपाली युवाहरुको खोजी र उद्धार कार्य जारी रहेको छ । साथै उद्धार गरिएका व्यक्तिहरूलाई कानुनी प्रक्रिया पूरा गरेर नेपाल पठाइने पनि दूतावासले विज्ञप्तिमार्फत जानकारी गराएको छ…

काठमाडौं,६असार। नेपाल प्रहरीले जनपद प्रहरी समूहतर्फ प्रहरी जवान पदमा नयाँ भर्नाका लागि पद संख्या थप गरेको छ। प्रहरी प्रधान कार्यालय, मानवस्रोत विकास विभागले एक सूचना जारी गर्दै सर्वोच्च अदालतको आदेश कार्यान्वयन गर्नका लागि पहिले माग गरिएको १ हजार १६५ पदमा थप ६७७ पद थप गर्ने निर्णय गरिएको जानकारी दिएको हो। यो सँगै अब कुल १ हजार ८४२ जनालाई प्रहरी जवान बन्ने अवसर प्राप्त हुनेछ । यस्तै, समावेशी कोटामा आदिवासी/जनजातिका लागि २६०, मधेसीका लागि २२८, महिलाका लागि १६२, दलितका लागि १२२, पिछडिएको क्षेत्रका लागि ४० र अमर तथा अशक्त प्रहरी परिवारका लागि ३७ पद छुट्याइएको छ ।

भैरहवा, ६ असार। रुपन्देहीको भैरहवामा शनिबार (भोली) देखि टी–१० क्रिकेट प्रतियोगिता हुने भएको छ। प्रोफेसनल मास्टर्स–११ क्रिकेट क्लबको आयोजनामा प्रतियोगिता हुने भएको हो। आयोजकले शुक्रबार भैरहवामा पत्रकार सम्मेलन गरी तीन दिनसम्म संचालन हुने प्रतियोगिताबारे जानकारी गराएका छन्। क्लबका अध्यक्ष हरि बहादुर थापाले सिद्धार्थ क्रिकेट रंगशालामा हुने प्रतियोगितामा रुपन्देहीका क्लब र एकेडेमीहरु गरी १४ वटा टीम सहभागी हुने बताए। उनका अनुसार प्रतियोगितामा प्रथम हुनेलाई नगद ८० हजार र उपविजेतालाई ४० हजार रुपैयाँसहित मेडल र प्रमाणपत्र प्रदान गरिनेछ। त्यस्तै सेमीफाइनल खेल खेल्ने दुईवटा टीमलाई नगद दश-दश हजार रुपैयाँ, प्रत्येक खेलको म्यान अफ द म्याचलाई १ हजार २ सय र प्रमाणपत्र तथा म्यान…

काठमाडौं, ६ असार। गृह मन्त्रालयले भक्तपुर र अर्घाखाँची जिल्लाका प्रमुख जिल्ला अधिकारी (प्रजिअ) सहित तीन सहसचिवको सरुवा गरेको छ। भक्तपुरका सीडिओ गोपालप्रसाद अर्याललाई अर्घाखाँची पठाइएको छ भने अर्घाखाँचीका सीडिओ वेदप्रसाद खरेललाई मन्त्रालय तानिएको छ। मन्त्रालयमा रहेका सहसचिव भरतमणि पाण्डेलाई भक्तपुरको सीडिओ बनाइएको छ। पाण्डे केही दिनअघि मात्र कास्कीबाट गृह मन्त्रालय सरुवा भएका थिए। सेवाग्राही र कर्मचारीसँग असहयोगी व्यवहार गरेको गुनासोपछि अर्घाखाँचीका सीडिओ खरेललाई मन्त्रालय तानिएको बताइएको छ।

काठमाडौं,६असार। नेपालमा चालु आर्थिक वर्ष २०८१/८२ को ११ महिना देशमा ३२ अर्ब बढीको स्मार्टफोन आयात भएको छ । भन्सार विभागले सार्वजनिक गरेको विवरण अनुसार साउनदेखि जेठसम्मको समयमा ३२ अर्ब ८ करोड ७८ लाख १ हजार रुपैयाँको १९ लाख ७५ हजार ५ सय १३ थान स्मार्टफोन आयात भएको हो । उक्त परिमाणमा स्मार्टफोन आयात हुँदा सरकारले ५ अर्ब ९८ करोड २१ लाख २ हजार रुपैयाँ राजस्व संकलन गरेको छ ।

काठमाडौं,६असार। अख्तियार दुरुपयोग अनुसन्धान आयोगले पर्साको पोखरिया नगरपालिकाका तत्कालिन प्रमुख प्रशासकीय अधिकृतसहित चार जनालाई नियन्त्रणमा लिएको छ। पालिकामा विभिन्न योजना स्वीकृति, कर्मचारी नियुक्ति लगायतका काममा भ्रष्टाचार भएको उजुरीका आधारमा अनुसन्धानका लागि तत्कालीन प्रमुख प्रशासकीय अधिकृत अजय कुमार श्रीवास्तव, नायव सुब्बा संदीप साहलाई नियन्त्रणमा लिइएको आयोगका सहायक प्रवक्ता देवी प्रसाद थपलियाले जानकारी दिए। श्रीवास्तव र साह हाल पर्साकै बहदुरमाई नगरपालिकामा कार्यरत थिए। आयोगको टोलीले श्रीवास्तवलाई वीरगञ्ज महानगरपालिका–१२ स्थित प्रतिमा चोकबाट तथा साहलाई वीरगञ्ज महानगरपालिका–३ स्थित प्रगतिनगरबाट नियन्त्रणमा लिएको हो। उनीहरुको साथबाट चार थान मोबाइल फोन पनि बरामद गरिएको छ। यस्तै पोखरिया नगरपालिकाका हालका प्रमुख प्रशासकीय अधिकृत राम विनय कुमार सिंह र…