Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
कपिलवस्तु,१५बैशाख। कपिलवस्तु प्रहरीले ४३ लाख रुपैयाँसहित एक भारतीय नागरिकलाई पक्राउ गरेको छ। पक्राउ पर्नेमा भारतको बलरामपुर जिल्ला तुलसीपुर थाना सोनपुरका ४२ वर्षीय शिवा पटवा भन्ने आशीष कुमार रहेको प्रहरीले जनाएको छ। इलाका प्रहरी कार्यालय चन्द्रौटाबाट खटिएको प्रहरी टोलीले उनलाई पक्राउ गरेको हो। पक्राउ परेका आशीष कुमारको साथबाट स्रोत नखुलेको ४२ लाख ६३ हजार ९ सय नेपाली रुपैयाँ र २६ हजार ५ सय ४४ भारतीय रुपैयाँ बरामद भएको जिल्ला प्रहरी कार्यालय कपिलवस्तुका निमित्त प्रवक्ता एवं प्रहरी निरीक्षक माधव विश्वकर्माले बताए। प्रहरीका अनुसार पक्राउ परेका भारतीय नागरिकको साथबाट रुपैयाँ (नोट) गन्ने मेसिन समेत बरामद भएको छ। उनी गैरकानुनी हुण्डी कारोबारी भएको हुन…
काठमाडौं,१५बैशाख। पूर्व सशस्त्र प्रहरी हवल्दार अक्कल बहादुर बोहोराले ६ हजार ४ सय ७६ मिटर अग्लो मिरापिक हिमालको सफल आरोहण गरेका छन्। सगरमाथा आरोहणका क्रममा उनले मिरापिक हिमालको चुचुरोमा सशस्त्र प्रहरी बल नेपालको झण्डा फहराएका हुन्। बोहोरा गत चैत्र २८ गते संगठको झण्डा लिई विश्वको सर्वोच्च शिखर सगरमाथा आरोहणका लागि त्यसतर्फ प्रस्थान गरेका थिए। सेवाबाट अलग भएपछि लामो समयदेखि स्पेनमा बस्दै आएका बोहोराले आफूलाई संगठनले धेरै माया गरेको तथा भविष्यको बाटो देखाउन सफल भएकोले संगठनको लागि केही गर्नुपर्छ भन्ने भावनाले नै संगठनको झण्डा बोकेर सगरमाथा आरोहरणमा जान लागेको बताएका छन्।
कैलाली,१५बैशाख। हतकडीसहित फरार भएकी थुनुवा भारतबाट पक्राउ परेकी छिन्। मानव बेचबिखन तथा ओसारपसार मुद्दामा म्याद थपका लागि सरकारी वकिल कार्यालय कैलालीमा लगिएको बेला महिला थुनुवा हतकडीसहित फरार भएकी थिइन् । सरकारी वकिल कार्यालय कैलालीबाट हतकडीसहित फरार थुनुवा महिला भारतबाट पक्राउ परेकी छन् । शनिबार जिल्ला सरकारी वकिलको कार्यालयबाट फरार भएकी टीकापुर नगरपालिका–१ की ५० वर्षीय मीना शाही दमाईलाई भारतको पलियाबाट पक्राउ गरिएको प्रहरीले जनाएको छ। कैलालीका एसपी पदमबहादुर विष्टले फरार भएको थुनुवालाई पक्राउ गरिएको बताए। थुनुवा फरार भएपछि प्रहरी सहायक हवल्दार चक्र अधिकारी र प्रहरी जवान लोकराज जोशीलाई निलम्बन गरिएको उनले बताए।
काठमाडौं,१५बैशाख। नेपाली कांग्रेसका सभापति शेरबहादुर देउवाले आगामी वर्षको बजेटले आर्थिक क्षेत्रलाई चलायमान बनाउने विश्वास व्यक्त गरेका छन्। सोमबार नेपाली कांग्रेसको उद्योग तथा व्यापार विभागले काठमाडौंमा आयोजना गरेको अन्तरक्रिया कार्यक्रममा उनले मुलुकलाई आर्थिक रुपमा सक्षम बनाउनुपर्ने अहिलेको आवश्यकता रहेको बताएका हुन्। उनले मुलुकको आर्थिक विकासमा सरकारका साथै निजी क्षेत्रको भूमिका महत्वपूर्ण हुने भएकाले आगामी बजेटमा निजी क्षेत्रले उठाएका मागहरु सम्बोधन हुने बताए। पछिल्लो समय डिजिटल अर्थतन्त्रले विश्वबजारमा ठूलो हिस्सा ओगटेकाले सरकार र निजी क्षेत्रले विशेष ध्यान दिन आवश्यक रहेको उनको भनाइ छ।
भैरहवा,१५बैशाख। रुपन्देहीको सिद्धार्थनगर नगरपालिकाको कार्यालयको प्रहरीको गुण्डागर्दी बन्द गर्न व्यवसायीले आग्रह गरेका छन् । पालिकाले सोमबार आयोजना गरेको अन्तरक्रिया कार्यक्रममा व्यवसायी हरिश सेठियाले नगरमा प्रहरीको ज्यादतीका कारण व्यवसायमा मार परेको गुनासो पोखे। उनले करको दायरमा आएका व्यवसायीको ढाड सेक्ने नगरपालिकाले करको दायरमा नआएकालाई सोध्न समेत नजाने गरेको दावी गरे । ‘कसैले व्यापार गर्छ भने पालिकामा दर्ता हुनुपर्छ’, सिद्धार्थ उद्योग वाणिज्य संघका सदस्य समेत रहेका उनले भने, ‘तपाईहरुले राखेको नगरप्रहरीलाई अहिले नै उनीहरुलाई एसपी-डिआईजी बनाईदिनु भएको छ।’ नगर प्रहरीको ज्यादतीका कारण बैंकरोडको व्यवसाय धरासयी भएको उनको भनाई छ । उनले नगर प्रहरीहरुको रैवया सुधार गर्न वा ज्ञान दिन आग्रह गर्दै नगरप्रहरीको…
टीकापुर,१४बैशाख। जिल्ला सरकारी वकिल कार्यालयबाट हतकडीसहित एक महिला थुनुवा फरार भएकी छिन् । गत बैशाख ४ गते मानव बेचबिखन तथा ओसारपसारको आरोपमा टीकापुर नगरपालिका-१ शिविरबाट पक्राउ परेकी मीना शाही दमाई हतकडी सहित फरार भएको ईलाका प्रहरी कार्यालय टीकापुरका डीएसपी नवीनराजा बुढाथोकीले बताए। उनका अनुसार म्याद थपका लागि सरकारी वकिल कार्यालयमा लगिएका बेला उक्त महिला फरार भएकी हुन्। फरार महिलाको खोजीकार्य भइरहेको प्रहरीले जनाएको छ।
लुम्बिनी,१४बैशाख। बौद्ध दर्शन र शिक्षाको प्रसारमा ऐतिहासिक योगदान पुर्याउने व्यक्तिहरुको विषयमा अनुसन्धान र प्रवद्र्धन गर्ने घोषणासहित लुम्बिनीमा जारी ‘वान बेल्ड वान रोड’ नेपाल–चीन बौद्ध सांस्कृतिक सेमिनार सम्पन्न भएको छ। ६ बुँदे संयुक्त घोषणापत्र जारी गर्दै बौद्ध कला र संस्कृतिको गहन अनुसन्धानमा कार्य गर्ने प्रतिवद्धता जनाइएको छ। बुद्धभद्र, अरनिको, भृकुटी, फाहियान, ह्वेनसाङ्ग, मञ्जुश्री बारे अनुसन्धान र प्रवद्र्धनमा विशेष जोड दिने घोषणा गरिएको हो। लुम्बिनी बौद्ध विश्वविद्यालयका रजिष्ट्रार डा. तिलकराम आचार्य र चीन संस्कृति प्रवद्र्धन सोसाइटीका उपाध्यक्ष छन् होङ्ग छ्याङ्गले संयुक्त रुपमा घोषणापत्र जारी गरे। प्रधानमन्त्री एवं बौद्ध विश्वविद्यालयका कुलपति केपी शर्मा ओलीको सन् २०२४ मा भएको चीन भ्रमणको अवसरमा भएको सम्झौता…
भैरहवा, १४ वैशाख। लुम्बिनीमा तेस्रो ‘बुद्धिष्ट इन्टरनेशनल ट्राभल मार्ट’ (बीआईटीएम) हुने भएको छ। अगामी जेठ ९, १० र ११ गते काठमाडौं र लुम्बिनीमा हुने मार्ट सञ्चालनको विषयमा नेपाल एसोशिएसन अफ टुर एण्ड ट्राभल्स एजेण्ट (नाट्टा) केन्द्रले लुम्बिनीमा सरोकारवालासँग छलफल गरेको छ। भैरहवामा नाट्टा लुम्बिनी प्रदेश र बुद्धिस्ट अन्तर्राष्ट्रिय ट्राभल्स मार्ट लुम्बिनी प्रदेशका पदाधिकारीबीच भएको छलफलमा नाट्टा केन्द्रिय अध्यक्ष कुमारमणि थपलियाले विगतका वर्ष भन्दा यस वर्ष अझ व्यवस्थित गर्ने गरी सरोकारवालासँग छलफल गरिरहेको बताए। उनले भने–‘विगतका वर्षमा लुम्बिनीमा मात्रै हुने बुद्धिष्ट अन्तर्राष्ट्रिय ट्राभल्स मार्ट यस वर्ष काठमाडौंमा पनि गर्ने योजना छ। सबैको अपनत्व हुने गरी कार्यक्रम सम्पन्न गर्न हामीले सरोकारवालासँग छलफल…
भैरहवा, १४ वैशाख। लुम्बिनी प्रदेशका मुख्यमन्त्री चेतनारायण आचार्यले वित्तीय अनुशासन कायम राख्न नेपाल राष्ट्र बैंकले बैंक तथा वित्तीय क्षेत्रको अनुगमनलाई प्रभावकारी बनाउनुपर्ने बताएका छन्। नेपाल राष्ट्र बैंकको ७० औं वार्षिकोत्सव समारोहको आइतबार भैरहवामा उद्घाटन गर्दै उनले बैंक तथा वित्तीय क्षेत्रमा बेलाबखत देखा पर्ने समस्याले उपभोक्तालाई चिन्तित बनाउने भएकाले अनुगमन क्षेत्रलाई अझ प्रभावकारी बनाउनुपर्ने बताएका हुन् उनले बैंक तथा वित्तीय संस्थाले मुनाफाको केही रकम सामाजिक उत्तरदायित्वमा खर्च गर्नुपर्ने नीतिलाई प्रभावकारी रुपमा कार्यान्वयनमा ल्याउन जोड दिए। ‘सामाजिक उत्तरदायित्वमा खर्च गर्नुपर्ने रकम सही ढंगले कार्यान्वयन भएको छ कि छैन? प्रदेश तथा स्थानीय सरकारसँग समन्वय गरेर आवश्यकताको आधारमा खर्च भएको छ कि छैन? यसबारे…
काठमाडौं,१४बैशाख। नेपाली कांग्रेसका महामन्त्री गगन कुमार थापाविरुद्ध सर्वोच्च अदालतमा अवहेलना मुद्दा दायर भएको छ। मुद्दाको मंगलबार पेशी तोकिएको सर्वोच्च अदालतका प्रवक्ता अच्युत कुईकेलले जानकारी दिए। लोकतन्त्र दिवसको अवसरमा बिहीबार आयोजित एक कार्यक्रममा थापाले संवैधानिक निकायका पदाधिकारीहरुको नियुक्ति विवादमा सर्वोच्च अदालतले डिल गरेको अभिव्यक्ति दिएका थिए। आयोगका पदाधिकारीहरुको कार्यकाल सकिने समय भइसक्दा समेत नियुक्ति नगरेको भन्दै अदालतले ‘डिल’ गर्यो भने अब यसको विश्वसनीयता के रहन्छ? भन्दै उनले प्रश्न गरेका थिए। उक्त अभिव्यक्तिले अदालतको अवहेलना गरेको भन्दै अधिवक्ता विशाल थापालगायतले आइतबार थापाविरुद्ध अदालत अवहेलना मुद्दा दायर गरेका हुन्। विभिन्न संवैधानिक निकायका ५२ पदाधिकारीको नियुक्ति विवाद सर्वोच्चमा विचाराधीन अवस्थामा छ।