Author: क्लिक लुम्बिनी

सलमान खान भैरहवा, २३ कार्तिक । रुपन्देहीको भैरहवा स्थित गौतम बुद्ध (भैरहवा) अन्तर्राष्ट्रिय विमानस्थलबाट पुनः अन्तर्राष्ट्रिय उडान भएको छ । अन्तर्राष्ट्रिय वायुसेवा कम्पनीहरुले नेपाल नागरिक उडड्यन प्राधिकरणमा उडान तालिका समेत बुझाइसकेका छन् । टिकट बुकिङ समेत खुला छ । भैरहवाको भविष्यसँग जोडिएको यस विमानस्थलबाट अन्तर्राष्ट्रिय वायुसेवा कम्पनीहरुले सेवाप्रदान गर्ने खबरले यस क्षेत्रका नागरिक हर्षित छन् । गौतम बुद्ध अन्तर्राष्ट्रिय विमानस्थलबाट नेपाल वायुसेवा निगमको नेपाल एयरलाइन्स, संयुक्त अरब इमिरेट्स (युएई) को फ्लाई दुबई, कुवेतको जजिरा एयरवेज र थाइल्याण्डको वायुसेवा थाइ एयर एशियाले नियमित उडान गर्ने तय भएको नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलले जानकारी दिए । यसमध्ये एयर एशियाले…

भैरहवा,२२ कार्तिक । नेपालको स्थानीय बजारमा तिहारअघि सम्म उकालो लाग्दै सुनको मूल्य तिहार पछि निरन्तर ओरालो लाग्दै गएको छ । बिहीवार सुन प्रतितोला चार हजार रुपैयाँले घटेको छ । नेपाल सुनचाँदी व्यवसायी महासंघका अनुसार बुधवार सुन प्रतितोला एक लाख ६८ हजार पाँच सय रूपैयाँमा कारोबार भएको बिहीवार प्रतितोला एक लाख ६४ हजार ५ सय रुपैयाँमा कारोबार भइरहेको छ । सुनसँगै चाँदीको मूल्य पनि घटेको छ। बिहीवार चाँदी १ हजार ९ सय ६० रुपैयाँमा कारोबार भइरहेको छ। बुधबार चाँदी २ हजार १५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।

मर्चवार,२२ कार्तिक । रुपन्देहीको मर्चवार क्षेत्रका युवाहरुले मर्चवारीदेवी मन्दिर परिसरमा सरसफाई गरी मन्दिर समितिलाई विभिन्न सामान हस्तान्तरण गरेका छन् । मर्चवारीदेवी मन्दिर परिसरमा रहेको हनुमान मुर्तीमा रंगरोगन गर्ने आवश्यक देखिएपछि कोटहीमाई गाउँपालिका-६ नकहियाका युवा शिवदास गुप्ताले सामाजिक संजाल मार्फत आर्थिक संकलनका लागि अभियान चलाएका थिए । तर, मुर्ती रंगरोगन अर्कै निकायबाट हुने भएपछि संकिलत रकमले मन्दिर समितिलाई आवश्यक विभिन्न साम्रगी हस्तान्तरण गरिएको उनले बताए । कोटहीमाई गाउँपालिकाका कर्मचारी समेत रहेका गुप्ताले सामाजिक भावले आएको रकम सामाजिक कार्यमा नै लगाएको बताए । उनका अनुसार मर्चवारका युवाहरुको उपस्थितीमा बुधवार मन्दिर परिसरमा सरसफाई गरी २० थान डस्टबिन, फोहोर संकलनका लागि ४० थान बोरा…

भैरहवा, २२ कार्तिक । लुम्बिनी विकास कोषका उपाध्यक्ष डा. ल्हारक्याल लामाले बौद्ध विद्वानहरूलाई बुद्ध जन्मस्थल लुम्बिनीको भ्रमण गर्न आग्रह गरेका छन् । भारत सरकारको आयोजनामा नयाँ दिल्लीमा भएको प्रथम एसियन बुद्धिस्ट समिट २०२४ लाई सम्बोधन गर्दै डा.लामाले बुद्ध जन्मस्थल लुम्बिनीमा स्वागत गर्न आफूहरु सधैँ तयार रहेको बताएका हुन् । उनले एसियन बुद्धिस्ट समिटजस्ता कार्यक्रमहरुले बुद्धका चार आर्य सत्य संसारभर फैलाउन र बौद्ध परम्परागतहरूको बारेमा छलफल गर्न महत्वपूर्ण भूमिका निर्वाह गर्ने विश्वास व्यक्त गरे । बौद्ध शिक्षाको माध्यमबाट एसियालाई विकसित बनाउन सकिने धारणा व्यक्त गर्दै बुद्ध मार्गले कला, साहित्य, वस्तुकला र ध्यानको माध्यमबाट सम्पूर्ण एसियालाई जोडेको उनले जनाए। एसियाली मुलुकहरूमा बुद्ध…

भैरहवा, २२ कार्तिक । लुम्बिनी प्रदेशका मुख्यमन्त्री चेतनारायण आचार्यले छठ पर्वले सामाजिक र साँस्कृतिक एकता बलियो बनाउन महत्वपूर्ण भूमिका खेलेको बताएका छन् । छठ पर्वको अवसरमा शुभकामना व्यक्त गर्दै मुख्यमन्त्री आचार्यले धर्म–संस्कृति, रीतिरिवाज तथा चाडपर्वले आपसी सद्भाव र एकतालाई अभिवृद्धि गर्दै लगेको बताएका हुन् । लुम्बिनी प्रदेश सरकारले मौलिक संस्कृतिहरुको संरक्षण, सम्बर्द्धन लागि योजना निर्माण गरेर कार्यान्वयनमा लगेको जानकारी दिदै मुख्यमन्त्री आचार्यले समृद्ध लुम्बिनी, आत्मनिर्भर प्रदेशको लक्ष्य पुरा गर्न प्रदेश सरकारले काम गरिरहेको बताएका हुन् । मौलिक चाडपर्वहरुले आपसी सद्भाव थप सुदृढ पार्न सहयोग गर्दै आइरहेको समेत उनले उल्लेख गरेका छन् । ‘यस पर्वले समाजमा सामाजिक र साँस्कृतिक एकता बलियो…

भैरहवा, २१ कार्तिक । लोकतान्त्रिक समाजवादी पार्टी नेपाल (लोसपा) निकट लोकतान्त्रिक विद्यार्थी संघको केन्द्रीय सचिवमा रुपन्देहीका जैनुद्दीन देवान मनोनित भएका छन् । संघका केन्द्रीय अध्यक्ष रोशन कुमार मिश्रले उनलाई सचिवमा मनोनयन गरेका हुन् । त्यस्तै अध्यक्ष मिश्रले रुपन्देहीका अजय कुमार जैसवाललाई लोकतान्त्रिक विद्यार्थी संघको उपाध्यक्ष, उमेश अग्रहरीलाई सह महासचिव तथा रुपन्देहीकै धिरज पाल, अमन बनिया, आकाश यादव र जीवन तिवारीलाई केन्द्रीय सदस्यमा मनोनयन गरेका छन् । संघको संशोधित विधान अनुसार विभिन्न जिल्लाका विद्यार्थी नेताहरुलाई पदाधिकारी तथा सदस्यहरुमा मनोनयन गरिएको छ ।

भैरहवा,२१ कार्तिक । काठमाडौंको त्रिभुवन अन्तर्राष्ट्रिय विमानस्थलबाट साढे ५ किलो बढी सुनसहित तीन जना विदेशी नागरिक पक्राउ परेका छन्। पक्राउ पर्नेमा चिनियाँ नागरिक जियान झोङ र म्यानमारका सातनाइन टुङ र इन ङोन फू रहेको सशस्त्र प्रहरीले जनाएको छ । दुबईको शारजाहबाट १२ थान स्पिकरमा लुकाएर ल्याएको ५ किलो ७ सय ग्राम सुनसहित उनीहरुलाई पक्राउ गरिएको सशस्त्र प्रहरीका डीएसपी शैलेन्द्र थापाले जानकारी दिए । गएरराति एयर अरेबियाको उडान नम्बर जी ९५३० बाट काठमाडौं विमानस्थलमा ओर्लिएका उनीहरुलाई भन्सार ब्यागेज क्षेत्रमा रिचेक गर्ने क्रममा लगेजभित्र रहेको स्पिकरबाट सुन बरामद भएको हो । उनीहरुलाई त्रिभुवन अन्तर्राष्ट्रिय विमानस्थल भन्सार कार्यलय र सशस्त्र प्रहरी बल नेपाल…

सलमान खान भैरहवा, २० कार्तिक । नेपाल वायुसेवा निगमको नेपाल एयरलाइन्सले भैरहवाको गौतमबुद्ध अन्तर्राष्ट्रिय विमानस्थलबाट भैरहवा–दुबई उडान गर्ने भएको छ । नेपाल एयरलाइन्सले कार्तिक २३ गते (शुक्रवार) देखि काठमाडौं–भैरहवा–दुबई–काठमाडौं उडान गर्ने नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलले जानकारी दिए । उनका अनुसार साताको आइतबार, सोमबार, बुधवार र शुक्रवार राति ९ः३० बजे काठमाण्डौंबाट उडान भर्ने नेपाल एयरलाइन्स करिब आधा घण्टापछि भैरहवा विमानस्थलबाट यात्रु लिएर दुबई प्रस्थान गर्ने तालिका छ । हाल भैरहवा विमानस्थलबाट नेपाल वायुसेवा निगमको नेपाल एयरलाइन्स, संयुक्त अरब इमिरेट्स (युएई) को फ्लाई दुबई, कुवेतको जजिरा एयरवेज र थाइल्याण्डको वायुसेवा थाइ एयर एशियाले नियमित उडान गर्ने भएको छ…

दाङ,२० कार्तिक। लुम्बिनी प्रदेशका मुख्यमन्त्री चेतनारायण आचार्य चीन भ्रमणमा जाने भएका छन्। लुम्बिनी प्रदेश सरकारको मंगलबार बसेको मन्त्रिपरिषद् बैठकले मुख्यमन्त्री आचार्यको चीन भ्रमण स्वीकृत गर्ने निर्णय गरेको सरकारका प्रवक्ता तथा कृषि, भूमि व्यवस्था तथा सहकारी मन्त्री दिनेश पन्थीले जानकारी दिए । सिचुआन प्रान्तमा हुने अन्तर्राष्ट्रिय सम्मेलनमा सहभागी हुन मुख्यमन्त्री आचार्य सहित ७ सदस्यीय प्रतिनिधि मण्डल चीन जान लागेको छ ।त्यहाँ समन्वय र विकासको बिषयमा छलफल गर्न कार्तिक २६, २७ र २८ गते अन्तराष्ट्रिय सम्मेलन हुँदैछ । भ्रमण टोलीमा मुख्यमन्त्रीसहित आर्थिक मामिला तथा योजना मन्त्री धनेन्द्र कार्की, प्रमुख सचिव महादेव पन्थ समेत छन् । भ्रमणले लुम्बिनी प्रदेश सरकार र चीनको सिचुआन…

भैरहवा, १८ कार्तिक । थाईल्याण्डको वायुसेवा कम्पनी एअर एशियाले भैरहवा–बैंकक उडान सुरु गरेको छ । चालक दलका सात सदस्यसहित आइतबार बिहान ७ बजे गौतमबुद्ध अन्तराष्ट्रिय विमानस्थलमा अवतरण गरेको विमान बिहान ७ः४० बजे भैरहवाबाटै बैंकक प्रस्थान गरेको विमानस्थलका सूचना अधिकारी विनोदसिंह राउतले जानकारी दिए । उनले विमानस्थलबाट एअर एशियाले हप्तामा दुई वटा उडान गर्ने बताए । ‘कम्पनीको लागि सुरुवाती चरण भएकोले आज आइतबार आएको र अर्को फ्लाइट ८ नोभ्मबर (कार्तिक २३) गते आउनेछ’ सूचना अधिकारी राउतले भने, ‘त्यसपछि हप्तामा सोमबार र बिहीवार दिउँसो १२ः१५ विमानस्थलमा अवतरण गरेर करिब एक घण्टापछि बैंककका लागि यहाँबाट जानेछ ।’ भैरहवा विमानस्थलबाट एअर एशियाको यो नियमित…