Author: क्लिक लुम्बिनी

हृदयराम गुप्तामर्चवार, १८ भदौ। गत साउन ३१ गते रुपन्देहीको मर्चवारी गाउँपालिका-५ स्थित श्री जनकल्याण स्वावलम्बन बचत तथा ऋण सहकारी संस्थामा राखिएको रकम चोरी भयो । घटना भएको १९ दिन बितिसक्यो । तर, शान्ति-सुरक्षाको जिम्मेवारी पाएको नेपाल प्रहरीले चोर समाउन सक्यो न चोरी भएको रकम बरामद गर्न नै । घटनाको अनुुसन्धानले तिव्रता नपाउँदा प्रहरीले अनुसन्धानको किनारा लाग्न नसक्ने देखिएको छ । घटनामा सहकारीको कर्मचारी र पदाधिकारीकै संलग्नता हुन सक्ने मर्चवारी गाउँपालिका–४ का सुग्रिम यादवको आरोप छ । ‘धेरै रकम सहकारीमै व्यवस्थापन गर्नु र कहाँ, कति रकम राखिएको छ भन्ने कर्मचारी र पदाधिकारीहरुबाहेक अन्यलाई थाहा हुदैन’,उनले भने, ‘तसर्थ, सहकारीका कर्मचारी र पदाधिकारीहरुलाई…

भैरहवा, १८ भदौ। नेपाल प्रहरीले एकैपटक ५८७ जना प्रहरी निरीक्षक (इन्सपेक्टर) हरुको सरुवा गरेको छ । प्रहरी प्रधान कार्यालयले भदौ १७ गतेको निर्णय अनुसार इन्सपेक्टरहरुको सरुवा गरेको जनाएको छ । हेर्नुहोस् सूची- https://www.facebook.com/share/p/n5hVrKP7pfJBqGcE

भैरहवा, १८ भदौ। प्रकाश तामाङले प्रधानमन्त्री केपी शर्मा ओलीलाई भेट गरेका छन्। सोमबार साँझ प्रकाशले प्रधानमन्त्री निवास बालुवाटार पुगेर प्रधानमन्त्री ओलीलाई भेट गरेका हुन्। परिवारसगँ वर्षौ अघि विच्छेद भएका प्रकाशलाई ‘हेर्ने कथा’ को टिमले पुर्नमिलन गराएको थियो । नागरिकता समेत प्राप्त नगरेको प्रकाशलाई आइतबार प्रशासनका अधिकारीले उनको घर भोजपुर षडानन्द नगरपालिक (१० छाप्लेगाउँमा पुगेर नागरिकता दिएका थिए । प्रधानमन्त्री ओलीले प्रकाशको नागरिकता बनिसकेकाले अब उनलाई अन्य कुरामा पनि सहज हुने बताएका छन्।

काठमाडौं, १७ भदौ । अर्थ मन्त्रालयले दुग्ध विकास संस्थान (डीडीसी) ६० करोड रुपैयाँ ऋण दिने भएको छ । संस्थानले किसानहरुको दुधको भुक्तानी दिन सकेको छैन । जसकारण उसले शर्तसहित अर्थबाट ऋण लिन लागेको हो । अर्थबाट सो रकम बराबरको ऋण लिने गरी मन्त्रिपरिषद्‌मा प्रस्ताव पेश गर्न कृषि तथा पशुपन्छी विकास मन्त्रालयलाई अर्थले सहमति दिएको हो । डीडीसीले रकम प्राप्त गरेपछि किसानहरुलाई तत्काल रकम भुक्तानीमा प्रयोग गर्नुपर्नेछ । चालु आर्थिक वर्षका लागि डीडीसीको नाममा ऋण लगानी अन्तर्गत १ करोड रुपैयाँ बजेट व्यवस्था भएकोमा कृषि मन्त्रालयमा विनियोजित रकमबाट थप ५९ करोड रुपैयाँ रकमान्तर गरी कुल ६० करोड ऋण लगानी गर्ने गरी मन्त्रिपरिषमा…

भैरहवा, १७ भदौ । स्वास्थ्य तथा जनसंख्या मन्त्रालयले सार्वजनिक बिदाको दिन पनि बहिरंग सेवा (ओपीडी) सहितको सबै सेवा प्रवाह गर्नका लागि सरकारी अस्पतालहरुलाई निर्देशन दिएको छ । मन्त्रालयको आन्तरिक प्रशासन शाखाका शाखा अधिकृत विश्वबन्धु रेग्मीद्वारा जारी परिपत्रमा सार्वजनिक बिदाको दिनमा अस्पतालले ओपीडी सेवासहित सबै प्रकारका सेवा प्रवाह गर्नुपर्ने मन्त्रालयको निर्णय भएको उल्लेख छ । मन्त्रालयले देशका ३४ स्वास्थ्य संस्थाहरुलाई पत्राचार गर्दै सार्वजनिक बिदाको दिन पनि सेवा प्रवाह गर्नका लागि निर्देशन दिएको हो । ‘‘ सार्वजनिक बिदाका दिनमा सबै प्रकारका अस्पतालबाट प्रवाह हुने स्वास्थ्यसम्बन्धी सेवा (बहिरंग सेवा समेत) प्रवाह गर्नुपर्ने व्यवस्था भएकामा सोही बमोजिम स्वास्थ्य सेवा प्रवाह अनिवार्य रुपमा गर्नु गराउनुहुन…

भैरहवा, १७ भदौ। गृह मन्त्रालयले नेपाल प्रहरीका तीन जना प्रहरी नायब महानिरीक्षक (डीआइजी) हरूको काज सरुवा गरेको छ। मन्त्रालयले सोमबार डीआइजीहरू कृष्णहरी शर्मा पोखरेल, किरण राणा र भरतबहादुर बोहराको काज सरुवा गरेको हो। काठमाडौं उपत्यका प्रहरी कार्यालय रानीपोखरीमा कार्यरत डीआइजी कृष्णहरी शर्मा पोखरेललाई बागमती प्रदेश कार्यालय हेटौंडा सरुवा गरिएको छ। त्यस्तै केन्द्रिय अनुसन्धान व्युरोबाट डीआइजी किरण राणालाई त्रिभुवन अन्तर्राष्ट्रिय विमानस्थल सुरक्षा कार्यालयमा पठाइएको छ भने कार्यविभाग कार्य निर्देशनालयमा कार्यरत डीआईजी भरत बहादुर बोहरालाई काठमाडौं उपत्यका ट्राफिक प्रहरी कार्यालय रामशाह पथमा सरुवा गरिएको छ । डीआइजी विष्णु केसी ३० वर्षे सेवा अवधिका कारण अवकाशमा भएपछि बागमती प्रदेशमा डीआइजीको पद रिक्त थियो…

भैरहवा, १७ भदौ। नेपाल निजामती कर्मचारी युनियन रुपन्देहीले हरितालिका तीजको अवसरमा शुभकामना आदान-प्रदान तथा तीज मिलन कार्यक्रम गरेको छ । रुपन्देहीसहित विभिन्न जिल्लामा कार्यरत युनियनमा आबद्ध कर्मचारीको उपस्थितीमा तीज मिलन कार्यक्रम गरिएको हो । कार्यक्रमलाई सम्बोधन गर्दै नेपाली कांग्रेसको केन्द्रिय सदस्य गंगा शाहिले तीजलाई भड्किलो बनाउनु भन्दा पनि सामाजिक एकता, जागरण र अन्यायका विरुद्धमा शङ्खघोष गर्ने पर्वका रूपमा मनाउनु पर्नेमा जोड दिईन । उनले तीजलाई महिला सशक्तीकरणका साथै संस्कृति संरक्षण र मौलिकतामा बिशेष ध्यान दिन आग्रह गरिन् । कार्यक्रममा बोल्दै लुम्बिनी प्रदेश सभा सदस्य जमुना ढकालले नारी शक्तिलाई कुरिती र कुसंस्कारको बिषयमा आवाज उठाउन आग्रह गरिन् । कर्मचारी युनियनकी जानुका…

हृदयराम गुप्ता मर्चवार, १७ भदौ । रुपन्देहीको मर्चवार क्षेत्र अन्र्तगत कोटहीमाई गाउँपालिका-४ कि प्रतिभा चौधरी गुणस्तरीय शिक्षाका लागि घरबाट ५ किलोमिटर टाढा श्री ठर्की माध्यमिक विद्यालयमा पुग्छिन् । उनको गाउँमै विद्यालय नभएको होइन् । तर, उनले मर्चवारी गाउँपालिका-६ स्थित ठर्कीमा राम्रो अध्यापन हुने गरेको पाएपछि अध्यापनका लागि त्यही विद्यालय रोजिन् । घरबाट टाढा भएपनि शिक्षा प्राप्तीका लागि उनी सधै घरबाट पैदल नै विद्यालय पुग्छिन् । तर, शिक्षा हासिल गर्नका लागि आजभोली उनलाई कठिन भएको छ । उनको शिक्षा प्राप्तीको यात्रामा अवरोध पुगिररहेको छ । किनभने उनको विद्यालय यात्राको बाटोमा रहेको सानो पुल भत्किएको छ । ‘पहिलो पुल ठिक हुदाँ सहजै…

बर्दिया, १७ भदौ । लुम्बिनी प्रदेशका मुख्यमन्त्री चेतनारायण आचार्यले समृद्धि, विकास र सुशासनमा पार्टी पंक्तिको दायित्व बढेर गएको बताएका छन् । नेकपा (एमाले) बर्दिया जिल्ला कमिटीले ठाकुरद्वारामा आयोजना गरेको पार्टी प्रशिक्षण कार्यक्रमलाई सम्बोधन गर्दै मुख्यमन्त्री आचार्यले यस्तो बताएका हुन् । उनले जनप्रतिधिनिले अघि बढाएका नविनतम नीति, कार्यक्रम र योजनालाई पार्टीले संस्थागत रुपमा साथ दिनुपर्ने, जनप्रतिनिधि र पार्टी पंक्ति चुनावमा भएको जस्तै सहकार्य, समन्वय हुन जरुरी रहेको धारणा राखे । ‘जनतासँग संवाद गरेर सरकारको नीतिहरू र योजनाबारे जानकारी दिने काम पार्टीपंक्तिको हुन जान्छ’ एमाले केन्द्रिय सदस्य समेत रहेका आचार्यले भने,‘जनताका समस्याहरू बुझ्न र समाधान गर्ने प्रयासमा सरकारलाई सहयोग समेत गर्नुपर्छ ।’…

परासी, १७ भदौ । पश्चिम नवलपरासी प्रहरीले एकै दिन २५ जना फरार प्रतिवादीहरुलाई पक्राउ गरेको छ । अदालतबाट मुद्दाको फैसला भएर सजाए भुक्तान नगरी फरार रहेका प्रतिवादीहरुलाई पक्राउ गरिएको जिल्ला प्रहरी कार्यालय नवलपरासीका डीएसपी रेशम बोहराले जानकारी दिए । पक्राउ पर्नेहरुमा कुटपिट, सवारी ज्यान, जालसाझी, नाता कायम, गाली बेइज्जती, करकाप, जग्गा फितौला, लगायत मुद्दाका छन् । उनीहरुबाट २ वर्ष ८ महिना ५ दिन कैद र २६ हजार ९ सय ४३ रुपैयाँ जरिवाना असुल गर्नका लागि अदालतमा पेश गरिएको उनले बताए । पश्चिम नवलपरासी प्रहरीले फरार प्रतिवादीहरुलाई पक्राउ गर्नका लागि अभियान चलाएको छ ।