Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
मर्चवार, १ भदौ । रुपन्देहीको मर्चवार क्षेत्रमा रहेको श्री जनकल्याण स्वावलम्बन बचत तथा ऋण सहकारी संस्था लिमिटेडमा चोरी भएको छ । मर्चवारी गाउँपालिका-५ स्थित उक्त सहकारीबाट बिहिवार रातिको समयमा चोरी भएको सहकारीका व्यवस्थापक दिनेश मौर्यले जानकारी दिए । उनका अनुसार सहकारीबाट करिब २३ लाख रुपैयाँ चोरी भएको छ । घटनाको जानकारी पश्चात अनुसन्धान सुरु गरिएको ईलाका प्रहरी कार्यालय मझगाँवाका प्रहरी निरीक्षक हिमनाथ घिमिरेले जानकारी दिए । ‘सहकारीको सिसिटीभी फुटेजमा राती करिब १२ बजे दुई जना व्यक्तिले ताल्चा तोडेर भित्र प्रवेश गरेको देखिएको छ’, उनले भने, ‘चोरी भएको निश्चित रकम एकिन भएको छैन । हामी घटनाको अनुसन्धान गरिरहेका छौँ । छिट्टै…
मर्चवार, १ भदौ । रुपन्देहीको मर्चवार क्षेत्रमा किसानले लगाएको तरकारी र फलफूल नष्ट गरिएको छ । कोटहीमाई गाउँपालिका–४ बैरघाटका किसान रमेश चौधरीले लगाएको करिब तीन लाख मूल्य बराबरको तरकारी र फलफूल नष्ट गरिएको हो । चौधरीका अनुसार रातिको समयमा अज्ञात व्यक्तिले तरकारी र फलफूलका बालीको जरा काटेर नष्ट गरेका हुन् । रोजगारीका लागि सिलसिलमा युवाहरु खाडी मुलुक विदेशिएको अवस्थामा चौधरीले वर्षेनी नगद तथा जिन्सी गरी २ लाख २० हजार रुपैयाँमा पोखरीसहितको दुई बिघा एघार कठ्ठा कृषियोग्य जग्गा लिजमा लिएर माछापालन र तरकारी खेती गर्दै आएका थिए । तर, ‘सामाजिक अपराधी’ ले उनको मिहिनेतमा छुरा चलाएपछि उनी निराश बनेका छन् ।…
भैरहवा, ३२ साउन । रुपन्देही प्रहरीले भन्सार छलेर भित्राइएको केराउ र कपडा बरामद गरेको छ । विभिन्न स्थानमा चेकजाँच गर्ने क्रममा भारतबाट नेपाल तर्फ अवैध रुपमा भन्सार छलेर ल्याईएको अवस्थामा ८ लाख ७१ हजार मूल्य बराबरको साम्रगीहरु नियन्त्रणमा लिएको प्रहरीले जनाएको छ । जिल्ला प्रहरी कार्यालय रुपन्देहीका सूचना अधिकारी एवं डिएसपी मनोहर प्रसाद भट्टका अनुसार विभिन्न स्थानमा चेकजाँच गर्ने क्रममा भन्सार छलेर भित्राइएको ८४ बोरा (२१०० केजी) केराउ र कपडा (लुङगी) ६४ थान बरामद भएको छ । साथै, भन्सार छली प्रयोगमा भएको नम्बर नखुलेको एउटा मिनी ट्रक, लु २ प ७०६, लु १५ प ४९२२, लु १४ प ९९४६ नम्बरको…
भैरहवा, ३२ साउन । भैरहवा भन्सार कार्यालयले भारतबाट भन्सार छलेर भित्राइएको चिनी बरामद गरेको छ । विशेष सूचनाको आधारमा सशस्त्र प्रहरीको सहयोगमा मायादेवी गाउँपालिका–३ स्थित एक घरमा लुकाएर राखिएको अवस्थामा १४७ बोरा (७३५० केजी) चिनी बरामद गरिएको भैरहवा भन्सार कार्यालयका प्रमुख भन्सार अधिकृत नारद गौतमले जानकारी दिए । बरामद चिनी ५० केजी तौलको बोरामा राखिएको थियो । ‘हामीलाई प्राप्त सूचना अनुसार चिनी भण्डारण गरिएको घरमा पुग्यौँ’, उनले भने,‘बरामद चिनीको बिल बिजक प्रज्ञापन पत्र माग गर्दा प्राप्त नभएपछि नियन्त्रणमा लिएका हौँ ।’ चार लाख ४१ हजार बजार मूल्यबराबरको चिनी बरामद गरेर आवश्यक कारवाहीका लागि भैरहवा भन्सार कार्यालयमा ल्याइएको उनले बताए ।…
काठमाडौं, ३१ साउन । नेपाल प्रहरीको केन्द्रीय अनुसन्धान ब्यूरो (सीआईबी) ले जबरजस्ती करणी र मानव बेचबिखन ओसारपसार मुद्दाका फरार प्रतिवादीलाई काठमाडौंको अनामनगरबाट पक्राउ गरेको छ । पक्राउ पर्नेमा उदयपुरको त्रियुगा नगरपालिका–१० बोक्सेका ३४ वर्षीय पारस उर्फ दीपक कुमार बस्नेत रहेको प्रहरीले जनाएको छ । ०८० मंसिर ५ गते उच्च अदालत विराटनगरले उक्त मुद्दामा बस्नेतलाई १२ वर्ष कैद र ५० हजार रुपैयाँ जरिवानाको फैसला गरेको थियो । प्रहरीका अनुसार पक्राउ परेका बस्नेतले ०७६ मंसिर २१ गते एक युवतीलाई विवाह गर्न नमाने दुरुत्साहनामा फसाइदिने भन्दै धम्की र डर देखाउँदै पटक पटक बलात्कार गरेका थिए । विवाहपश्चात बेचबिखन गर्ने उदेश्यले भारततर्फ लैजाँदै गरेको…
भैरहवा, ३० साउन । नेपालको स्थानीय बजारमा सुनको मूल्य प्रतितोला तीन सय रुपैयाँले घटेको छ । मंगलबार प्रतितोला १ लाख ५० हजार ८ सय रुपैयाँमा कारोबार भएको सुन बुधवार १ लाख ५० हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । महासंघका अनुसार चाँदीको मुल्य पनि प्रतितोला ५ रुपैयाँले घटेको छ । अघिल्लो दिन प्रतितोला १७४० रुपैयाँमा कारोबार भएको चाँदी बुधवार १७३५ रुपैयाँ कायम भएको छ ।
विराटनगर, २९ साउन । प्रहरीले अनधिकृतरूपमा नेपाल प्रवेश गर्न खोजेका दुई जना बंगलादेशी नागरिकलाई सीमाबाटै फिर्ता पठाएको छ । यस अघि पनि प्रहरीले एक जना बंगलादेशी नागरिकलाई सीमाबाट भारततर्फ फिर्ता पठाएको थियो । जिल्ला प्रहरी कार्यालय मोरङका सूचना अधिकारी एवं डीएसपी ज्ञानेन्द्रबहादुर बस्नेतका अनुसार मंगलबार भारतको जोगवनी नाकाबाट नेपाल प्रवेश गर्न खोजेका बंगलादेशको घाना गोदागरीका ४९ वर्षीय करिम मोहम्मद रिजाउल र ६३ वर्षीया जायदा बेगमलाई फिर्ता पठाइएको छ । ‘सीमानाकामा चेकजाँच गर्ने क्रममा दुवै जनाको साथबाट बंगलादेशी राहदानी फेला पर्यो,’ उनले भने, ‘त्यसपछि उनीहरूलाई भारततिर नै फिर्ता पठाएका छौँ।’ विराटनगरको रानी नाका हुँदै बंगलादेशी नागरिक नेपाल प्रवेश गर्न खोजेको यो…
काठमाडौं, २९ साउन । प्रधानमन्त्री केपी शर्मा ओलीसँग नेपालका लागि संयुक्त अधिराज्य बेलायतका राजदूत रोब फेनले मंगलबार शिष्टाचार भेट गरेका छन् । सिंहदरबारमा भएको भेटमा दुई देशबीचको आपसी सम्बन्ध र हितका विषयमा छलफल भएको बताइएको छ । प्रधानमन्त्री ओलीले नेपालको सङ्घीयता र लोकतन्त्रलाई सबल बनाउँदै सरकारले विकास, नीति निर्माणमा युवाहरुको सहभागिता वृद्धि र दिगो विकासका लक्ष्यहरुको कार्यान्वयनका लागि प्राथमिकता दिएको बताए । राजदूत फेनले सङ्क्रमणकालीन न्यायसम्बन्धी कानुनका विषयलाई राजनीतिक सहमतिका आधारमा टुङ्गो लाग्न लागेकामा खुसी व्यक्त गर्दै नेपालको विकास, सुशासन र सङ्घीयताको सबलीकरणलगायत क्षेत्रमा बेलायत सरकारले गर्दै आएको सहयोगको निरन्तरता रहने अवगत गराएका थिए ।
काठमाडौं, २९ साउन । नेपाल भ्रमणमा आएका भारतका विदेश मन्त्रालय सचिव विक्रम मिश्रीले राष्ट्रपति देखि लिएर दलका शिर्ष नेताहरुसम्मलाई भेटेर स्वदेश फर्किएका छन् । उनको भ्रमणलाई निकै महत्व दिइएको थियो । नेपालका परराष्ट्र मन्त्रालयका सचिव सेवा लम्सालको निमन्त्रणामा औपचारिक भ्रमणमा आएका उनले नेपालमा ३२ घण्टा बिताए । सो क्रममा उनले राष्ट्रपति रामचन्द्र पौडेल, प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा र नेकपा (माओवादी केन्द्र) का अध्यक्ष पुष्पकमल दाहाल (प्रचण्ड), उपप्रधान तथा सहरी विकासमन्त्री प्रकाशमान सिंह, उपप्रधान तथा अर्थमन्त्री विष्णुप्रसाद पौडेल, गृहमन्त्री रमेश लेखक र परराष्ट्रमन्त्री आरजु राणा र परराष्ट्र सचिवसँग छुट्टाछुट्टै भेटवार्ता गरे । भेटमा उनीहरुबीच विभिन्न द्विपक्षीय…
भैरहवा, २९ साउन । रुपन्देही प्रहरीले मोटरसाइकल चोरी गरेको आरोपमा दुई नाबालकसहित तीन जनालाई पक्राउ गरेको छ । प्रहरीका अनुसार पक्राउ पर्नेमा रुपन्देहीको रोहिणी गाउँपालिका-३ धकधईका २० वर्षीय शिवनाथ गौतम, भैरहवा-४ (परिवर्तित नाम), भैरहवा-७ (परिवर्तित नाम) रहेका छन् । आरोपी दुई जना नाबालक रहेकोले उनीहरुको नाम, ठेगाना सार्वजनिक गरिएको छैन । मोटरसाईकल चोरी भएपछि सवारीधनीहरुले दिएको उजुरीको आधारमा आवश्यक अनुसन्धान र खोजतलास गर्ने क्रममा चोरिएका तीन वटा मोटरसाइकलसहित तीन जनालाई पक्राउ गरिएको जिल्ला प्रहरी कार्यालय रुपन्देहीका सूचना अधिकारी एवं डीएसपी मनोहरप्रसाद भट्टले जानकारी दिए । उनले पक्राउ परेकाहरुको साथबाट लु ५० प ७६५, लु ३५ प ६३८८ र लु ४९…