Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
पाल्पा, २६ जेठ । पाल्पाको तिनाउ खोलामा डुबेरमा भारतीय नागरिकको मृत्यु भएको छ । तिनाउ गाउँपालिका-३ झुम्सा स्थित तिनाउ खोलामा शनिबार नुहाउने क्रममा भारत उत्तर प्रदेश, कानपुरका ३५ वर्षीय फहिम अहमदको डुबेर मृत्यु भएको प्रारम्भिक अनुसन्धानमा पाईएको जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले बताए । उनका अनुसार अहमद नुहाउने क्रममा डुबेर बेहोस भएपछि उनका साथीहरुले उपचारका लागि लुम्बिनी प्रादेशिक अस्पताल बुटवल ल्याउँदा उनको मृत्यु भईसकेको चिकित्सकले घोषणा गरेका छन् ।घटनाको सम्बन्धमा थप अनुसन्धान भईरहेको पाल्पा प्रहरीले जनाएको छ । गर्मी छल्नका लागि भारतबाट पर्यटकहरु भैरहवा, बुटवल, पाल्पा, नुवाकोट लगायत स्थानका फनपार्क, स्विमंगपुल, नदी-खोला, डाँडाहरुमा पुग्ने गरेका छन् ।
सुर्खेत, २६ जेठ । लुम्बिनी प्रदेश प्रमुख अमिक शेरचन र कर्णाली प्रदेश प्रमुख तिलक परियारबीच शनिबार बिरेन्द्रनगर सुर्खेतमा शिष्टचार भेटघाट भएको छ । दुई प्रदेशबीच थप सम्बन्ध बिस्तार र संविधानले प्रदत्त गरेको अधिकारलाई व्यवहारमा कार्यान्वयन गर्न भेटघाटले बल पुर्याउने बिश्वास व्यक्त गरिएको छ । सो अवसरमा बोल्दै लुम्बिनी प्रदेश प्रमुख शेरचनले कर्णाली प्रदेश र लुम्बिनी प्रदेशको बिकासको लागि सबैको सहयोग र सहकार्य आवश्यक रहेको बताए।उनले प्रदेशको स्थायित्व र समृद्धिका लागि कर्मचारी र जनप्रतिनिधिको भुमिका महत्त्वपूर्ण हुने उल्लेख गरे । कर्णाली प्रदेश प्रमुख परियारले लुम्बिनी प्रदेश र कर्णाली प्रदेशको समृद्धिका लागि सहकार्य आवस्यक रहेकोमा जोड दिए ।
भैरहवा, २६ जेठ । जिल्ला प्रहरी कार्यालय रुपन्देहीले कर्तव्य ज्यान मुद्दामा दोषी ठहर भएका फरार प्रतिवादीलाई पक्राउ गरेको छ । अदालतको फैसला कार्यन्वयन सिलसिलमा १२ वर्ष देखि फरार सूचीमा रहेका रुपन्देहीको कोटहीमाई गाउँपालिका–३ (साबिक मर्यादपुर गाविस–२, ) का प्रतिवादी बीरेन्द्र जयसवाललाई पक्राउ गरिएको जिल्ला प्रहरी कार्यालय रुपन्देहीका सूचना अधिकारी एवं डिएसपी मनोहर भट्टले बताए । प्रहरीका अनुसार स्थानीय राजु हरिजनको जाहेरीले कर्तव्यज्यान मुद्दामा जिल्ला अदालत रुपन्देहीले ०६८ कार्तिक २८ गते दुई वर्ष कैद सजाए फैसला सुनाएको थियो । दुई वर्ष कैद सजाए भुक्तान गरेर जयसवाल मुक्त भएका थिए । पीडित परिवारलाई जिल्ला अदालतको फैसलामा चित्त नबुझेपछि तत्कालीन पुनरावेदन अदालत बुटवलमा…
भैरहवा, २६ जेठ । सिद्धार्थनगर नगरपालिकामा रहेको उत्कृष्ट लुम्बिनी बचत तथा ऋण सहकारी संस्था लिमिटेडको आयोजनामा सहकारी शिक्षा तालिम सम्पन्न भएको छ । शनिबार भैरहवामा भएको तालिमको उद्घाटन तथा सहजीकरण सिद्धार्थगर नगरपालिकाका सहकारी शाखा प्रमुख कमलकान्त खनालले गरेका थिए । सो अवसरमा बोल्दै सहकारीका अध्यक्ष खिम बहादुर खत्रीले संस्थाको वार्षिक कार्ययोजना अनुसार तालिमको आयोजना गरिएको बताए । उनले भने, ‘सहकारीमा शेयर सदस्यहरुले कसरी योगदान गर्न सक्नुहुन्छ ? शेयर सदस्यहरुको संख्या कसरी वृद्धि गर्न सकिन्छ ? लगायत सहकारीका विषयमा विस्तृत रुपमा जानकारी गराउने उद्देश्यले कार्यक्रमको आयोजना गरिएको हो ।’ उनले उत्कृष्ट लुम्बिनी बचत तथा ऋण सहकारी संस्थालाई अब्बल सहकारीको रुपमा स्थापित…
भैरहवा, २६ जेठ । सिद्धार्थनगर नगरपालिकामा निःशुल्क आँखा परिक्षण गरिएको छ । नगरको वडा नम्बर ५ र १३ संयुक्त को आयोजनामा गरिएको शिविरमा १५३ जनाले आँखा परिक्षण गराएका छन् । नगरपालिकाको कार्यालय र लुम्बिनी नेत्रविज्ञान अध्ययन संस्थान तथा रिसर्च सेन्टरबीच मोतिबिन्दुको शल्यक्रिया सम्बन्धित सम्झौता बमोजिम वडा नम्बर ५ र १३ ले शनिवार मारवाडी सेवा संघको सभाहलमा निःशुल्क आँखा जाँच शिविरको आयोजना गरेका थिए । शिविरमा दुवै वडाकावासीहरु लाभान्वित भएका छन् । ‘आँखा परिक्षण गराएका दुवै वडाका १५३ जना मध्ये ६ जनामा मोतिबिन्दु देखिएको छ’, सिद्धार्थनगर नगरपालिका वडा नम्बर ५ का वडाअध्यक्ष पुरनप्रसाद श्रेष्ठले भने, ‘अब ती ६ जना व्यक्तिहरुको लुम्बिनी…
बुटवल, २६ जेठ । रुपन्देहीको बुटवलमा विद्युतिय गाडी चार्ज गर्नका लागि चार्जिङ स्टेशन संचालनमा आएको छ । इन्द्रेणी बहुउद्देश्य सहकारी संस्था लिमिटेडले बुटवल स्थित कार्यालय परिसरमा स्टेशन संचालनमा ल्याएको हो । करिब एक करोड लगानीमा संचालनमा ल्याइएको स्टेशनमा ६० किलोवाट क्षमताको सीसीएस–२ डबल गनको एउटा मेसिन तथा ६० किलोवाटकै जीबीटी डबल गनसहितका दुई वटा मेसिन जडान भएको छ । जसकारण एकैपटकमा ६ वटा गाडी चार्ज गर्न सकिने छ भने चार्जमा लगाइएका गाडी आधा घण्टादेखि १ घण्टाभित्रमा फूल चार्ज हुने सहकारीले जनाएको छ । लुम्बिनी प्रदेशको उद्योग, पर्यटन तथा सहकारी मन्त्रालयका रजिष्टार यमबहादुर कुँवरले स्टेशनको उद्घाटन गर्दै पछिल्लो समय पर्यावरणीय संरक्षणको…
भैरहवा, २५ जेठ । भारतको प्रधानमन्त्रीमा पुनः नरेन्द्र मोदी नियुक्त भएका छन् । राष्ट्रपति द्रौपदी मुर्मूले एनडीएका संसदीय दलका नेता मोदीलाई प्रधानमन्त्री नियुक्त गरेकी हुन् । एनडीए गठबन्धनको बैठकले मोदीलाई दलको नेता चयन गरेको थियो । शुक्रवार साँझ मोदीले राष्ट्रपति द्रौपदी मुर्मू समक्ष सरकार गठनका लागि दावी पेश गरेपछि प्रधानमन्त्रीमा नियुक्त गरिएको भारतीय संचारमाध्यमहरुले जनाएका छन् । आइतबार साँझ ६ बजे मोदीले शपथ लिने बताइएको छ । यससँगै उनी तेस्रो पटक प्रधानमन्त्री बन्दैछन् । मोदीको शपथ ग्रहण समारोहमा नेपालबाट प्रधानमन्त्री पुष्पकमल दाहाल पनि आतिथ्य ग्रहण गर्न जाने कार्यक्रम तय भएको छ ।
भैरहवा, २५ जेठ । नेकपा (एमाले) रुपन्देहीको अध्यक्षमा यज्ञ गैरे सर्वसम्मत निर्वाचित भएका छन् । भैरहवामा सम्पन्न १० औं जिल्ला अधिवेशनमा अध्यक्ष पदमा उम्मेदवारी दिएका खेम लुईँटेलले उम्मेदवारी फिर्ता लिएसँगै गैरे सर्वसम्मत रुपमा निर्वाचित भएका हुन् । उपाध्यक्षमा हितराज पन्थी, सचिवमा चित्र बहादुर कार्की, उपसचिव (महिला) मा सुनिता ठठेर र उपसचिव (खुल्ला) मा बाबुराम पन्थी निर्वाचित भएको प्रमुख निर्वाचन अधिकृत धर्म बहादुर खड्काले जानकारी दिए । अध्यक्षमा निर्वाचित भएपछि गैरेले संगठन सुदृढीकरणमा जोड दिने, कार्यकर्ताको मन मिलाएर एकीकृत भावनाका साथ अगाडी बढ्ने, मिसन ८४ मा रुपन्देहीमा एमालेलाई नम्बर वान पार्टी बनाउने, कार्यकर्ताहरुलाई योग्यता क्षमताअनुसार जिम्मेवारी दिने प्रतिवद्धता जनाएका छन् ।…
भैरहवा, २५ जेठ । संघीय संसद प्रतिनिधिसभा पूर्वाधार विकास समितिको उर्जा, जलस्रोत तथा सिँचाई उपसमितिले विद्युत ऐन, २०४९ संसोधनका लागि सुझाव संकलन थालेको छ । बिहिवार बसेको उपसमितिको बैठकमा सिद्धार्थनगर नगरपालिका (भैरहवा)का मेयर समेत रहेका नेपाल नगरपालिकाका संघका उर्जा जलस्रोत र पूर्वाधार केन्द्रीय विभागका संयोजक इश्तियाक अहमद खाँले संसोधनका लागि संसदमा टेबल हुने विद्युत विधेयकमा नागरिकको हितमा लागि विभिन्न सुझावहरु राखेका छन् । साथै विद्युत प्राधिकरणबाट नागरिकले भोगिरहेको समस्याको समाधानका लागि पनि संसदीय समितिको ध्यानार्कषण गराएका छन् । उनले विद्युत शुल्क निर्धारण गर्दा स्थानीय सरकारसगँको सुझाव सल्लाह लिनुपर्ने र उक्त समितिमा स्थानीय सरकारको प्रतिनिधत्व हुनुपर्ने गरी विधेयकमा समेट्नमा सुझाव दिएका…
भैरहवा, २५ जेठ । अख्तियार दुरुपयोग अनुसन्धान आयोगको सम्पर्क कार्यालय बुटवलले कपिलवस्तुको चन्द्रौटा नापी कार्यालयका सर्वेक्षक बेचनप्रसाद गुप्तालाई घुस सहित रंगेहात नियन्त्रणमा लिएको छ । जग्गाको कित्ताकाटमा सहजीकरण गरिदिने भन्दै सेवाग्राहीसगँ ३५ हजार रुपैयाँ घुुस लिदै गरेको अवस्थामा अख्तियारको टोलीले रंगेहात गुप्तालाई नियन्त्रणमा लिएको स्रोतले बतायो । अख्तियारले उनलाई कार्यालय बाहिर नजिकको एक होटलबाट घुस सहित पक्राउ गरेको हो । ‘कार्यालयको कर्मचारी घुस सहित नियन्त्रणमा लिएको विषय आधिकारीक रुपमा जानकारी आएको छैन’ नापी कार्यालय चन्द्रौटाका प्रमुख गोविन्दराज जोशीले भने, कार्यालयमा छु, अख्तियारको टोलीले मलाई बाहिर बोलाएका छन्, जाँदैछु ।’