Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
भैरहवा, १६ मंसिर। लुम्बिनी प्रदेशसभा पूर्णता पाएको छ। एमालेकी समानुपातिक सांसद सरिता पुनको निधनपश्चात खाली रहेको सिटमा सोमबार रेवती गुरुङ नियुक्त भएपछि प्रदेशसभाको सदस्य संख्या फेरि पूरा भएको हो। गुरुङले लुम्बिनी प्रदेशसभाका सभामुख तुलाराम घर्तीमगरको उपस्थितिमा शपथ ग्रहण गरिन्। निर्वाचन आयोगले मंसिर ११ गते गरेको निर्णयअनुसार पुनको निधनले रिक्त भएको स्थानमा गुरुङलाई नयाँ सदस्य घोषणा गरिएको हो। रुकुम पूर्वको पुथा उत्तरगंगा गाउँपालिका–१० की ३२ वर्षीया पुनको भदौ १४ गते उपचारका क्रममा मृत्यु भएको थियो। उनको निधनपछि समानुपातिक जारी सूचीअनुसार महिलाअन्तर्गत आदिवासी जनजाति कोटाबाट प्रतिनिधित्व गर्ने क्रममा रुपन्देही, देवदह–५ की गुरुङको मनोनयन भएको हो। एमालेको बन्द सूचीमा क्रम नम्बर १३ मा…
काठमाडौं,१६ मंसिर। सरकारले नगद कारोबारको सीमा घटाएको छ । सञ्चार तथा सूचना प्रविधि मन्त्री जगदीश खरेलका अनुसार मन्त्रीपरिषद्को बैठकले एक पटकमा पाँच लाख रुपैयाँ वा सोभन्दा माथिको सेवा, बस्तुको खरिद बिक्री वा अन्य कारोबार गर्दा वित्तीय संस्था वा बैंकिङ उपकरणबाट गर्नुपर्ने गरी नगद कारोवारको सीमा निर्धारण गर्ने निर्णय गरेको छ। यसअघि यस्तो सीमा १० लाख रुपैयाँ बराबर थियो। औपचारिक प्रणालीलाई बढावा दिन र पारदर्शिता अभिवृद्धिका लागि सरकारले यसरी नगद कारोबारको सीमा तोक्ने गर्छ।
भैरहवा, १६ मंसिर । भारतको सोनौलीबाट दिल्ली जाँदै गरेको बसको उत्तरप्रदेशको बलरामपुरमा दुर्घटना भएको छ । भारतीय संचारमाध्यमका अनुसार दुर्घटनामा ३ जनाको मृत्यु भएको र २४ जना घाइते भएका छन् । ६ जनाको अवस्था गम्भिर रहेको छ। बसमा सवार यात्रु अधिकांश नेपाली नागरिक थिए । भारतीय प्रहरीका अनुसार यूपी २२ एटी ०२४५ नम्बरको बस र यूपी २१ डिटी ५२३७ नम्बर ट्रक एकआपसमा ठोक्किए पश्चात बस हाइटेन्सन तार रहेको विजुलीको पोलमा ठोक्किन पुग्दा बसमा आगो लागेको थियो । घाइते २४ जना मध्ये २१ जना नेपाली नागरिक रहेका छन्। बसमा सवार यात्रुहरुका अनुसार बुटवलबाट बसमा चढेका यात्रुहरुलाई भारतीय सीमानाका सोनौली पुराइएको र…
काठमाडौं,१६ मंसिर। सशस्त्र प्रहरी बल नेपालका एक सय तीन जना प्रहरी निरीक्षक (इन्स्पेक्टर) हरु को सरुवा भएको छ । सशस्त्र प्रहरी बल नेपाल, प्रधान कार्यालयले उनीहरुको सरुवा गरेको हो। हेर्नुहोस् सूची :
हृदयराम गुप्ता मर्चवार, १६ मंसिर। रुपन्देहीको कोटहीमाई गाउँपालिकामा स्थानीय तह र सङ्घीय मामिला तथा सामान्य प्रशासन मन्त्रालयबीच अन्तरक्रिया (सहकार्य) कार्यक्रम भएको छ। स्थानीय तहका कार्यक्रम कार्यान्वयन पक्षलाई थप प्रभावकारी र कुशल बनाउन सहजीकरण सम्बन्धी सहकार्यको उद्देश्यले उक्त अन्तरक्रिया कार्यक्रम भएको पालिकाले जनाएको छ। कार्यक्रममा बोल्दै सङ्घीय मामिला तथा सामान्य प्रशासन मन्त्रालयका उपसचिव दिपक ढकालले संघीयताले प्रदान गरेका अधिकारलाई उपयुक्त रुपमा कार्यान्वयन गर्दै स्थानीय सरकारहरुले दायित्व अनुसार जिम्मेवारीपूर्वक काम गर्नुपर्ने आवश्यकता औँल्याए । उनले भने, “संघीयतामा सबैभन्दा शक्तिशाली सरकार स्थानीय सरकार हो। संघ तथा प्रदेशबाट प्रवाह हुने सेवा पनि स्थानीय सरकारमार्फतै जनतासम्म पुग्ने भएकाले स्थानीय सरकार सबैभन्दा बढी विश्वसनीय हुनु अत्यावश्यक…
काठमाडौं,१६ मंसिर। सशस्त्र प्रहरी बल नेपालले २३ प्रहरी नायब उपरीक्षक (डीएसपी) हरुको सरुवा गरेको छ। सशस्त्र प्रहरी प्रधान कार्यालय हल्चोकले एक सूचना जारी गर्दै २३ डीएसपीको सरुवा गरेको हो। हेर्नुहोस् सूची :
काठमाडौं,१५ मंसिर। भूमि व्यवस्थापन तथा अभिलेख विभागले घर–जग्गासम्बन्धी कारोबार गर्न इजाजतपत्र लिन इच्छुक फर्म, कम्पनी वा संस्थाका लागि आवेदन म्याद थप गरेको छ। अब मंसिर २७ गतेसम्म आवेदन दिन सकिने छ। यसअघि विभागले गत असोज १३ गते सूचना प्रकाशित गर्दै आवेदनका लागि सार्वजनिक आह्वान गरेको थियो । मालपोत ऐन, २०३४ अनुसार घर–जग्गाको कारोबार गर्न इजाजतपत्र लिनुपर्ने व्यवस्था भए पनि सरकारले राजपत्रमा सूचना प्रकाशित गरी कार्यक्षेत्र स्पष्ट रुपमा तोकेको थियो। पहिलो चरणमा महानगरपालिका र उपमहानगरपालिका कार्यक्षेत्रका रुपमा परिभाषित गरिएका छन्। एकपटकमा ३ करोडभन्दा बढीको कारोबार गर्ने इच्छुक फर्म, कम्पनी वा संस्थाले मात्रै इजाजतका लागि आवेदन दिन सक्ने व्यवस्था गरिएको विभागले जनाएको…
काठमाडौं,१५ मंसिर। प्रभु बैंक लिमिटेडका प्रमुख कार्यकारी अधिकृत सीईओ अशोक शेरचनसहित बैँकका तीन जना उच्च अधिकारीहरुलाई प्रहरीले पक्राउ गरेको छ । पक्राउ पर्नेहरुमा सीईओ शेरचन, नायब प्रमुख कार्यकारी अधिकृत मणिराम पोखरेल र बैँकका कर्जा अधिकृत रिवास श्रेष्ठ रहेको केन्द्रीय अनुसन्धान ब्यूरो (सीआइबी) का प्रवक्ता एवं एसएसपी शिवकुमार श्रेष्ठले जनाए।उनीहरुलाई ठगी, आपराधिक विश्वासघात तथा आर्थिक अपचलनको आरोपमा उनीहरुलाई पक्राउ गरिएको छ। प्रहरीका अनुसार अनुसन्धानको क्रममा संकलन भएका विवरण तथा तथ्यहरुको विज्ञ टोलीले छानबिन गरिरहेकै बेला सीईओ शेरचनले राष्ट्र बैंकका निर्देशन र प्रचलित कानुन विपरीत बैँकलाई हानी नोक्सानी पुर्याएका थिए। सोही अपराधलाई लुकाउन विभिन्न कम्पनीको नाममा करोडौं रुपैयाँ कर्जा प्रवाह गरी कर्जा…
हृदयराम गुप्ता मर्चवार,१५ मंसिर। रुपन्देहीको कोटहीमाई गाउँपलिकाको कार्यालय राष्ट्रपति रनिङ्ग सिल्ड प्रतियोगिताको तयारीमा जुटेको छ। प्रतियोगितामा हुने विभिन्न खेलहरुको तयारीको लागि विद्यालयमा जानकारी सहित आवश्यक खेलकुद सामाग्री समेत वितरण गरिएको कोटहीमाई गाउँपालिकाको प्रमुख प्रशसाकीय अधिकृत अजय मिश्रले जानकारी दिए। प्रतियोगिता अघि नै विद्यार्थीहरुबीचबाट खेलाडीहरुको छनौट गर्न, विभिन्न खेलबारे प्रशिक्षण गर्न विषयवस्तुको जानकारी दिन समेत विद्यालयहरुको भ्रमण सुरु भएको उनले बताए। यसै क्रममा विद्यालयमा शैक्षिक स्तर उकास्न विद्यालयहरुको अवस्थाबारे समेत अध्ययन सुरु गरिएको उनको भनाई छ । ‘कोटहीमाई गाउँपालिका सभ्य, शिक्षित र सुन्दर पालिका बनाउन सबैको हाथेमालो जरुरी छ’,उनले भने, ‘शैक्षिक स्तर उठाउन म लागिपरेको छु तर अभिभावक, जनप्रतिनिधि, विद्यार्थी, शिक्षक,…
भैरहवा, १५ मंसिर। रुपन्देहीको सिद्धार्थनगर नगरपालिकाका नगरप्रमुख तथा संविधानसभा सदस्य इश्तियाक अहमद खाँले बेलहिया नाकालाई पर्यटनमैत्री र सुन्दर बनाउने उद्देश्यले सोमबार सरोकारवालाहरुसँग छलफल तथा स्थलगत अवलोकन गरेका छन् । जेनजी आन्दोलनका कारण रोकिएको बेलहिया नाका सुन्दरीकरण तथा हरियाली अभियानको कामलाई सुरु गराउन नगरप्रमुख खाँले लुम्बिनी प्रदेश सरकारबाट बजेट विनियोजन गराएका छन्। जसका लागि तत्काल काम अघि बढाउन उनले लुम्बिनी पर्यटन परिषद्का कार्यकारी निर्देशक रामु जोशी, पर्यटन डिभिजन कार्यालय रुपन्देहीका प्रमुख नेत्रप्रसाद भुसाल, इन्जिनियर रेशमराज आचार्यसहित सरोकारवालाहरुसहित स्थलगत निरीक्षण गर्दै विस्तृत छलफल गरेका छन्। ‘बेलहिया नाका नेपालको प्रमुख प्रवेशद्वारमध्ये एक हो। यसलाई सफा, सुन्दर र पर्यटनमैत्री बनाउन सकेमा लुम्बिनी भ्रमणमा आउने…