Author: क्लिक लुम्बिनी

भैरहवा, २ मंसिर। लामो समय रोकिएको सडक उपभोग दस्तुर फेरी संकलन थालिएको छ। सडक बोर्ड नेपालले भैरहवा–भूमही सडकखण्ड अन्तर्गत रोहिणी पुल नजिकै सोमबारदेखि दस्तुर संकलन थालेको हो । यसपटक भने बोर्डले ठेक्का प्रणाली छाडेर आफ्नै कर्मचारीमार्फत संकलन गर्ने निर्णय लिएको छ। बोर्डका कार्यकारी निर्देशक गणेशबहादुर केसीका अनुसार सडक बोर्ड ऐन, २०५८ र “सडक उपभोग दस्तुर उठाउने कार्यविधि नियमावली, २०८१” का आधारमा नयाँ मोडल अनुसार टोल संकलन पुनः सुरुवात गरिएको हो। उनका अनुसार भैरहवा भन्सार बिन्दु भएको र सडक अपेक्षाकृत छोटो भएकाले नयाँ प्रणाली परीक्षणका लागि उपयुक्त मानिएको हो। भन्सारबाट निस्कने ओभरलोड सवारीका कारण सडकमा हुने क्षति नियन्त्रण गर्न नियमित अनुगमनसमेत…

कालिकोट, २ मंसिर। कालिकोट जिल्लाको एक विद्यालयले संघीय अनुदानको शिक्षक पदका लागि १८ पटक दरखास्त आह्वान गर्दा समेत जनशक्ति पाउन नसकेको खुलेको छ । जनशक्ति नपाइएपछि नरहरिनाथ गाउँपालिका–७ उच्छव स्थित श्री रुपादेवी माध्यमिक विद्यालयले गणित विषयका शिक्षक लागि पुनः उन्नाईँसौ पटक दरखास्तका लागि आह्वान गरेको छ । विद्यालय व्यवस्थापन समितिको कात्तिक ३० को निर्णयअनुसार गणित विषयका माध्यमिक तहका एक जना शिक्षक आवश्यक भएकाले योग्यता पुगेका इच्छुक नेपाली नागरिकबाट ७ दिनभित्र आवेदन दिन प्रकाशित विज्ञापनमा दरखास्तका लागि आह्वान गरिएको छ । विद्यालयले यसअघि १८ पटक विज्ञापन गर्दा पनि आवश्यक योग्यता पुगेको उम्मेदवार नआएको बताएको छ। विद्यालय व्यवस्थापन समिति अध्यक्ष मनबहादुर विक…

काठमाडौं,२ मंसिर। विप्लव नेतृत्वको पार्टीको नाम फेरिएको छ । विप्लव नेतृत्वको पार्टी निर्वाचन आयोगमा नेपाल कम्युनिस्ट पार्टी (माओवादी) को नाममा दल दर्ता गराएको छ । यस अघि उनको नेतृत्वमा पार्टीको नाम नेपाल कम्युनिस्ट पार्टी थियो । पार्टीले मंगलबार आयोगबाट दल दर्ताको प्रमाणपत्र पाएको छ। आयोगका कार्यवाहक प्रमुख निर्वाचन आयुक्त रामप्रसाद भण्डारीले विप्लवलाई दल दर्ताको प्रमाणपत्र दिएका छन्। पार्टी दर्ता भएसँगै पार्टीको चुनाव चिन्ह गुलाफको फुल रहेको छ । विप्लवले कात्तिक ११ गते दल दर्ताका लागि आयोगमा निवेदन दिएका थिए । माओवादी जनयुद्धमा सहभागी भएका विप्लव शान्ति प्रक्रियामा आएपछि पहिलो पटक निर्वाचनमा भाग लिने स्वरुप आयोगमा पार्टी दर्ता गराएका हुन्। यस…

काठमाडौं,१ मंसिर। बंगलादेशको अन्तर्राष्ट्रिय अपराध न्यायाधीकरण अदालतले पूर्वप्रधानमन्त्री शेख हसिनालाई मानवता विरुद्धका अपराधमा दोषी ठहर गर्दै मृत्युदण्डको सजाय फैसला सुनाएको छ। हसिनामाथि गत वर्ष जुलाई-अगस्टमा भएको विद्रोहको क्रममा मानवता विरुद्धको अपराधको आरोप लगाइएको थियो। ४५३ पृष्ठको फैसलाको पाठ टेलिभिजनमार्फत प्रत्यक्ष प्रसारण गरिएको थियो। अभियोजन पक्षले गत जुनमा अदालतमा हसिनासहित तीन जनाविरुद्ध मुद्दा दायर गरेका थिए । जसमध्ये अदालतले तत्कालीन गृहमन्त्री आसदुज्जामान खान कमाल समेतलाई मृत्युदण्डको सजाय सुनाएको छ । तत्कालीन प्रहरी प्रमुख अल ममूनलाई भने सरकारी साक्षी बनेका कारण ५ वर्षको जेल सजाय सुनाइएको छ । गत वर्ष बंगलादेशमा आरक्षणको विरोधमा विद्यार्थीहरुले गरेको प्रदर्शन दबाउन तत्कालीन प्रधानमन्त्री हसिनाले राज्यका सुरक्षा…

काठमाडौं,१ मंसिर। वैदेशिक रोजगारीका लागि कतार पठाइदिने भन्दै १० लाख रुपैयाँ ठगी गरेको आरोपमा प्रहरीले एक जनालाई पक्राउ गरेको छ। पक्राउ पर्नेमा महोत्तरीको सम्सी गाउँपालिका–५ का ४४ वर्षीय आनन्द कुमार साह रहेको प्रहरीले जनाएको छ । साहले रोजगारीका लागि कतार लैजाने भन्दै रकम लिएर सम्पर्कबिहिन भएपछ पीडितले उजुरी दिएका थिए । काठमाडौं उपत्यका अपराध अनुसन्धान कार्यालयको टोलीले साहलाई पक्राउ गरी वैदेशिक रोजगार विभाग ताहाचल पठाइएको बताइएको छ ।

भैरहवा, १ मंसिर। जिल्ला प्रशासन कार्यालय रुपन्देहीले जेन जी आन्दोलनका क्रममा घाइते भएका व्यक्तिहरुलाई सम्पर्कमा आउन अनुरोध गरेको छ । जिल्ला स्तरीय सहजीकरण समितिबाट घाइते तथा अपाङ्गताको वर्गिकरण गर्नुपर्ने भएकोले प्रशासन कार्यालयले सोमबार एक सूचना जारी गर्दै घाइतेहरु भएका व्यक्तिहरुलाई ७ दिनभित्र सम्पर्कमा आउन अनुरोध गरेको हो । रुपन्देहीका सहायक प्रमुख जिल्ला अधिकारीद्वारा जारी गरिएको सूचनामा भनिएको छ–‘जेन जी प्रदर्शनका घाइतेहरुको वर्गिकरण सम्बन्धी कार्यविधि, २०८२ अनुसार गठित हुने जिल्ला स्तरीय सहजीकरण समितिबाट घाइते तथा अपाङ्गताको वर्गिकरण गर्नुपर्ने भएकाले उक्त आन्दोलनका क्रममा घाइते भएका व्यक्तिहरुले नेपाली नागरिकताको प्रमाणपत्र र अस्पतालमा उपचार गराएको सम्पुर्ण कागजातसहित यस कार्यालयमा ७ दिनभित्रमा सम्पर्क राख्नुहुन अनुरोध…

काठमाडौं, १ मंसिर। सम्झौता गरेर निर्माण कार्य अलपत्र पारिएका २५ रुग्ण ठेक्का तोडिएको छ। सडक डिभिजन काठमाडौं अन्तर्गत संघीय सडक सुपरिवेक्षण तथा अनुगमन कार्यालय काठमाडौंले सूचना जारी गर्दै तोकिएको समयभित्र निर्माण सम्पन्न नगर्ने २५ वटा निर्माण कम्पनीसँगको ठेक्का तोडिएको हो। कार्यालय अन्तर्गत संचालित काठमाडौंका विभिन्न सडक निर्माण तथा मर्मतको लागि विभिन्न मितिमा निर्माण व्यवसायीहरुसँग ठेक्का सम्झौता भएको थियो। तर, निर्माण व्यवसायीहरुले निर्धारित समयसिमा भित्र निर्माण कार्य सम्पन्न गर्न नसकेको, सो पश्चात् समेत निर्माण व्यवसायीहरुलाई लिखित तथा मौखिक रुपमा कार्य सम्पन्न गर्न पटक पटक अनुरोध गर्दा समेत निर्धारित अवधिमा कार्य सम्पन्न हुन नसकेको कारण ठेक्का तोडेको कार्यालयले जनाएको छ। कार्यालयका अनुसार…

काठमाडौं, १ मंसिर। प्रधानमन्त्री सुशीला कार्कीविरुद्ध अदालतको अवहेलनामा सर्वोच्च अदालतमा निवेदन दर्ता भएको छ। अधिवक्ता प्रेम सिलवालले राजदूत फिर्ता बोलाउने निर्णयविरुद्ध अदालतले दिएको अन्तरिम आदेश पालना नगरेको भन्दै प्रधानमन्त्री कार्कीविरुद्ध निवेदन दर्ता गराएका हुन्। सर्वोच्च अदालतले राजदूत फिर्ता बोलाउने निर्णय कार्यान्वयन नगर्नू भनी अन्तरिम आदेश दिएपछि पनि सरकारले परराष्ट्र मन्त्रालयमै हाजिर हुन निर्देशन दिएको थियो। जसअनुसार राजदूतहरु मन्त्रालयमा हाजिर भइरहेका छन् । सर्वोच्च अदालतका प्रवक्ता अर्जुनप्रसाद कोइरालाका अनुसार अदालतको अवहेलना निवेदन दर्ता भएको र पहिलो पेसी मंसिर ८ गतेका लागि तोकिएको छ। निवेदनमा प्रधानमन्त्री र परराष्ट्र मन्त्रालयलाई अवहेलनामा सजाय गर्न माग गरिएको छ।

भैरहवा, १ मंसिर। लुम्बिनी प्रदेशका सभामुख तुलाराम घर्तीमगरले स्वकीय सचिवालय विघटन गरेका छन्। सभामुख घर्ती मगरले जारी गरेको सूचनामा प्रदेश सभाका पदाधिकारी तथा सदस्यको पारिश्रमिक तथा सुविधा सम्बन्धी ऐन, २०७५ को दफा ८ को उपदफा (१) अनुसार प्रदान हुँदै आएको स्वकीय सचिवालय तथा निजी कर्मचारी सुविधा विशेष परिस्थिति र वर्तमान अवस्थामा आवश्यकतालाई मध्यनजर गर्दै स्थगित गरिएको उल्लेख छ। सचिवालयका सबै सदस्यहरु मंसिर १ देखि लागु हुने गरी हटाइएको छ । सचिवालयमा स्वकीय सचिव, सहायक स्वकीय सचिव, प्रेस संयोजक, कार्यालय सहयोगी र चालक गरी पाँच जना थिए ।

काठमाडौं ,१ मंसिर। साउदी अरेबियाको मक्काबाट मदिना जाँदै गरेको बस दुर्घटनामा ४२ जना भारतीय नागरिकहरुको मृत्यु भएको छ । स्थानीय सञ्चारमाध्यमका अनुसार सोमबार भारतको हैदराबादका यात्रुहरुलाई मक्काबाट मदिना लैजाँदै गर्दा राति करिब १ः३० मुहरास नामक स्थानमा डिजेल ट्याङ्करसँग ठोक्किदा बसमा आगो लागेको थियो। दुर्घटनामा मृत्यु हुनेमा २० महिला र ११ बालबालिका रहेका छन् । प्रारम्भिक रिपोर्टहरुमा दाबी गरिए अनुसार, मृतक सबै भारतीय हुन्। अधिकांश हैदराबादबाट तीर्थयात्रामा थिए। भारतको तेलंगाना सरकारले रियादस्थित भारतीय दूतावासको लगातार सम्पर्कमा रहेको बताएको छ। राज्य सरकारले जारी गरेको विज्ञप्तिमा मुख्यमन्त्री रेवन्त रेड्डीले दिल्लीमा रहेका अधिकारीहरुलाई दूतावाससँग समन्वय गरेर पीडितहरुको पहिचान र अन्य औपचारिकताहरुमा सहयोग गर्न निर्देशन…