Author: क्लिक लुम्बिनी

बुटवल,२८ बैशाख। नेपाल पत्रकार महासंघ रुपन्देहीको आयोजनामा बुटवलमा जारी मिडिया मन्थन तथा राष्ट्रिय सञ्चार सम्मेलनमा सहभागी पत्रकारहरुले मिडियाको विश्वसनीयता जोगाउन पत्रकारिता अझ जिम्मेवार, तथ्यपरक र खोजमूलक हुनुपर्ने बताएका छन्। उनीहरुले सत्ता र शक्तिमाथि निरन्तर प्रश्न उठाउन सके मात्र पाठक, दर्शक र श्रोताको विश्वास कायम रहने धारणा राखेका छन् । ‘प्रश्नको घेरामा मिडिया, कसरी जित्ने पाठक, दर्शक र श्रोताको मन ?’ विषयक छलफलमा नेपाल पत्रकार महासंघका पूर्वअध्यक्ष शिव गाउँले पछिल्लो समय मिडियाको विश्वसनीयता र आधारमाथि प्रश्न उठेको बताए । उनले सबै सूचना समाचार नहुने उल्लेख गर्दै अल्गोरिदमले सम्पादक र संवाददाताको मनोवैज्ञानिक शान्ति खोसेको टिप्पणी गरे । सस्तो र कमजोर सामग्रीले गुणस्तरीय…

भैरहवा, २८ बैशाख। रुपन्देहीको भैरहवास्थित सिद्धार्थ क्रिकेट रंगशालामा जारी ‘पञ्चकन्या रुपन्देही सुपरलिग’ अन्तर्गत ‘ए’ डिभिजनको सोमबारको खेलमा बुद्ध क्रिकेट क्लबलाई ९ विकेटले पराजित गर्दै वेष्टर्न क्रिकेट क्लबले जित निकालेको छ । टस जितेर ब्याटिङमा रोजेको बुद्धले निर्धारित ५० ओभरको खेलमा २६ ओभर ५ बलमा सबै विकेट गुमाउँदै ७७ रन मात्र जोड्न सक्यो। बुद्धलाई सस्तैमा समेट्नका लागि वेष्टर्नका अभिषेश गौतमले ४, सुझाव थापाले ३ तथा सन्देश थापा र कलम मुसलमानले १–१ विकेट लिए । बुद्धका मिथलेश यादव र दिलसाद अलीले १५–१५ तथा गौतम केसीले १० रन बनाए पनि अन्य ब्याटरले दोहोरो अंकमा रन जोड्न सकेनन् । जवाफी ब्याटिङ गरेको वेष्टर्नले ८…

भैरहवा,२८ बैशाख । रुपन्देही प्रहरीले जिल्लाका विभिन्न स्थानबाट ११ जनालाई नियन्त्रणमा लिएको छ । जिल्ला प्रहरी कार्यालय रुपन्देहीका सूचना अधिकारी एवं डीएसपी कृष्णकुमार चन्दका अनुसार, जिल्लामा चलाइएको ‘स्विप अपरेसन’ अन्र्तगत सार्वजनिक शान्ति सुव्यवस्थामा खलल पुराएको आरोपमा ११ जनालाई नियन्त्रणमा लिइएको हो । मोडिफाई मोटरसाइकलसहित उनीहरुलाई नियन्त्रणमा लिएर उक्त सम्बन्धमा थप अनुसन्धान भइरहेको प्रहरीले जनाएको छ । प्रहरीका अनुसार, यी हुन् नियन्त्रणमा लिइएका व्यक्तिहरु : १) जिल्ला रुपन्देही सैनामैना नगरपालिका वडा नं. ८ बाँसगढी बस्ने बिपिन परियार।२) जिल्ला रुपन्देही सम्मरीमाई गाँउपालिका वडा नं. ६ नगौलिया बस्ने कृष्ण गुप्ता ।३) जिल्ला रुपन्देही सम्मरीमाई गाँउपालिका वडा नं. ६ नगौलिया बस्ने कुसदेव यादव ।४)…

परासी,२५ बैशाख । पश्चिम नवलपरासीमा जीवित व्यक्तिको नै मृत्युदर्ता प्रमाणपत्र जारी गरेको अभियोगमा जिल्ला अदालतले वडाध्यक्षसहित तीन जनालाई पूर्पक्षका लागि थुनामा पठाउने आदेश गरेको छ। सुस्ता गाउँपालिका–५ रामनगरका ६६ वर्षीय जमालुद्दिन मुसलमान जीवित रहेकै अवस्थामा उनको मृत्यु दर्ता गरिएको घटनामा वडाअध्यक्ष प्रभुनाथ अहिर, वडा सचिव सञ्जयकुमार चौधरी र तारिख मियालाई थुनामा पठाउने आदेश भएको जिल्ला अदालतका सूचना अधिकारी भेषराज खनालले जानकारी दिए। उनीहरुमाथि ‘झुठा विवरण पेश गरी व्यक्तिगत घटना दर्ता गरेरगराएको सम्बन्धी कसुर’ मुद्दा दायर भएको थियो। घटनामा संलग्न ११ आरोपीमध्ये दुई जना धरौटीमा रिहा भएका छन् भने ६ जना फरार छन्। प्रहरी अनुसन्धान अनुसार, तारिख मियाले मृतक आफ्ना बाबुको…

काठमाडौं,२५ बैशाख। आकर्षक तलबको प्रलोभनमा पारी विभिन्न देश पठाइदिन्छु भन्दै रकम ठगी गरेको आरोपमा प्रहरीले ४ जनालाई पक्राउ गरेको छ। पक्राउ पर्नेहरुमा भारत मोतिहारीका २९ वर्षीय संजय कुमार, काठमाडौं महानगरपालिका–१६ का ५२ वर्षीय नगेन्द्र शाह, बाँकेको खजुरा गाउँपालिका–२ का २४ वर्षीय मो.अलताव खाँ तथा सल्यानको कुमाख गाउँपालिका–२ घर का १९ वर्षीय केशव सुनार रहेको प्रहरीले जनाएको छ । नेपाल प्रहरी केन्द्रीय समाचार कक्ष अनुसार, पक्राउ परेका संजय कुमार र नगेन्द्र शाहले बेलायत पठाइदिन्छु भन्दै पीडितबाट २२ लाख रुपैयाँ लिएको आरोप छ। त्यसैगरी मो.अलताव खाँले बुल्गेरिया पठाइदिन्छु भन्दै १ जना पीडितबाट ५१ लाख रुपैयाँ लिएको तथा केशव सुनारले क्यानडा पठाइदिन्छु भन्दै…

भैरहवा,२५ बैशाख । जल तथा मौसम विज्ञान विभागले यस वर्षको मनसुन अवधिमा लुम्बिनी प्रदेशका अधिकांश भू–भागमा सरदरभन्दा कम वर्षा हुने सम्भावना रहेको जनाएको छ। मौसमविद सुदर्शन हुमागाईंका अनुसार, आगामी जेठ १८ देखि असोज १४ गतेसम्म चार महिनाको मनसुन अवधिमा प्रदेशका धेरै क्षेत्रमा वर्षा औसतभन्दा कम हुन सक्ने देखिएको हो। लुम्बिनी प्रदेशका अधिकांश भू–भागमा सरदरभन्दा कम वर्षा हुने सम्भावना ५५ प्रतिशतदेखि ६५ प्रतिशतसम्म रहेको विभागको प्रक्षेपण छ । यसैगरी, मनसुन अवधिभर लुम्बिनी प्रदेशमा तापक्रम पनि औसतभन्दा बढी रहने सम्भावना देखिएको छ। विभागका अनुसार, प्रदेशका पश्चिमी भू–भागमा अधिकतम तापक्रम सरदरभन्दा बढी हुने सम्भावना ५५ प्रतिशतदेखि ६५ प्रतिशतसम्म रहेको छ। त्यस्तै, लुम्बिनी प्रदेशका…

भैरहवा, २५ बैशाख । प्रहरीले गोरुसहित दुई जनालाई नियन्त्रणमा लिएको छ । लुम्बिनी प्रदेश प्रहरी कार्यालय दाङका अनुसार, बिहीवार बिहान साढे २ बजे बुटवल उपमनपा-३ तल्लो सिद्धबाबा क्षेत्रमा चेकजाँच गर्ने क्रममा बा.प्र.०३-००१ च २८४२ नम्बर गाडीमा रहेको ६ वटा गोरुसहित दुई जनालाई नियन्त्रणमा लिइएको छ। गाडी चालक गोरखा पालुङटार नगरपालिका-२ का ४१ वर्षीय दुर्गा दर्जी र सहचालक ३६ वर्षीय नविन परियारलाई नियन्त्रणमा लिएर थप अनुसन्धान भइरहेको प्रहरीले जनाएको छ ।

भैरहवा, २५ वैशाख। रुपन्देहीको भैरहवास्थित सिद्धार्थ क्रिकेट रंगशालामा जारी ‘पञ्चकन्या रुपन्देही सुपर लिग’ अन्तर्गत ‘ए’ डिभिजनको खेलमा तिरुपति क्रिकेट क्लब विजयी भएको छ। शुक्रबारमा न्यू होराइजन स्पोटर्स क्लबलाई ४ विकेटले पराजित गर्दै तिरुपतिले विजयी भएको हो । टस हारेर ब्याटिङको निम्तो पाएको न्यू होराइजनले निर्धारित ५० ओभरमा २२ ओभर ३ बलमा सबै विकेट गुमाउँदै ७६ रन मात्र बनायो ।उसका लागि निर्मल गुरुङले २९ र विप्रसन केसीले १४ रन बनाए पनि अन्य ब्याटरले दोहोरो अंकमा रन बटुल्न सकेनन् । होराइजनलाई सस्तैमा समेट्नका लागि तिरुपतिका अपराजित पौडेल र मोहम्मद हुसेनले ३–३ तथा तुलबहादुर थापाले २ र आकाश त्रिपाठीले १ विकेट लिए ।…

काठमाडौं,२४ बैशाख। अख्तियार दुरुपयोग अनुसन्धान आयोगले पूर्वअर्थमन्त्री ज्ञानेन्द्रबहादुर कार्कीसहित १४ जनाविरुद्ध भ्रष्टाचार मुद्दा गरेको छ। अख्तियारका सहायक प्रवक्ता गणेशबहादुर अधिकारीका अनुसार पोखरा अन्तर्राष्ट्रिय विमानस्थल निर्माणका क्रममा भ्रष्टाचार गरेको आरोपमा उनीहरुबिरुद्ध ६२ करोड ५ लाख २२ हजार १६० रुपैयाँ बिगो मागदाबी गर्दै बिहीवार विशेष अदालतमा मुद्दा दायर भएको हो। आरोपपत्रमा व्यवस्था विपरीत ठेकेदारलाई राजश्व छुट दिएर भ्रष्टाचार गरेको उल्लेख छ । आरोपपत्रमा कार्कीसहित अर्थसचिव शंकर प्रसाद अधिकारी, तत्कालीन पर्यटन सचिव महेश्वर न्यौपाने, तत्कालीन सहसचिवद्वय सुरेश आचार्य र दुण्डुराज घिमिरे, पूर्वसचिव (तत्कालीन सहसचिव) केवल भण्डारी, नागरिक उड्डयन प्राधिकरणका तत्कालीन महानिर्देशक सञ्जिव गौतम र निवर्तमान महानिर्देशक प्रदीप अधिकारी, उपसचिव युवराज पाण्डे, शाखा अधिकृत…

मर्चवार,२४ बैशाख । रुपन्देहीको मर्चवारमा जबरजस्ती करणी (बलात्कार) प्रकरणमा श्रीमती मनराजीदेवी माध्यमिक विद्यालयका आरोपी कर्मचारीलाई निलम्बित गरिएको छ । विद्यालयका सहायक लाइब्रेरियन विकास यादवले सोही विद्यालयमा अध्यनरत एक छात्रालाई जबरजस्ती करणी गरेको विषयमा प्रहरी कार्यालयमा जाहेरी दर्ता भएपछि विद्यालय व्यवस्थापन समितिले यादवलाई निलम्बित गरेको हो । विद्यालय व्यवस्थापन समितिको ०८३ बैशाख २३ गतेको निर्णयअनुसार कर्मचारी यादवलाई निलम्बन गरिएको विद्यालयले कर्मचारी यादवको नाममा जारी गरेको पत्रमा उल्लेख छ । विद्यालयको आधिकारिक सामाजिक संजाल फेसबुकमार्फत सार्वजनिक गरिएको उक्त पत्रमा भनिएको छ–‘इलाका प्रहरी कार्यालय मर्चवार रुपन्देहीको च.नं. १२४१ मिति २०८३/०१/२२ गतेको पत्र अनुसार तपाई श्री विकाश यादवमाथि जबरजस्ती करणी मुद्दामा अनुसन्धान भई रहेकोले…