Author: क्लिक लुम्बिनी

काठमाडौं,२३ भदौ। जेनजी प्रदर्शनकारीहरुले संसद भवनको दुई नम्बर गेटमा आगजनी गरेका छन् । जेनजीको आन्दोलन उग्र भएपछि कर्फ्यू आदेश जारी भइसकेको छ । प्रहरीले अवस्था शान्त बनाउन रबरको गोली चलाएको छ । प्रदर्शनकारीले ढुंगामुढासहित संसद भवनको २ नम्बर गेटको पर्खाल भत्काएका थिए । दमकल जान नसक्दा गेटमा लगाइएको आगो फैलिइरहेको छ।

काठमाडौं,२३ भदौ ।जिल्ला प्रशासन कार्यालय काठमाडौंले बानेश्वर क्षेत्रमा कर्फ्यु आदेश जारी गरेको छ। जेनजी पुस्ताको प्रदर्शन नियन्त्रण बाहिर गएपछि प्रशासनले कर्फ्यु आदेश जारी गरेको हो। प्रशासनले सोमबार मध्याह्न साढे १२ बजेदेखि राति १० बजेसम्मका लागि कर्फ्यु आदेश जारी गरेको हो । बानेश्वर चोकदेखि पश्चिम एभरेष्ट होटल हुँदै बिजुलीबजार पुलसम्म, बानेश्वर चोकदेखि पूर्वमिन भवन,शान्तिनगर हुँदै तीनकुने चोकसम्म, बानेश्वर चोकदेखि उत्तर आइप्लेक्स मल हुँदै रत्नराज्य माध्यमिक विद्यालयसम्म र बानेश्वर चोकदेखी दक्षिण शंखमुल ओरालो हुँदै शंखमुल पुलसम्म कर्फ्यु जारी भएको जिल्ला प्रशासन कार्यालय काठमाडौंले जनाएको छ।

काठमाडौं,२२ भदौ। देशमा बढ्दै भएको बेथिती, भ्रष्टाचार र सरकारले सामाजिक सञ्जालमाथि लगाएको प्रतिबन्धविरुद्ध प्रदर्शनमा उत्रिएका जेनजीहरु प्रदर्शन अशान्तपूर्ण भएपछि तत्कालै सबैलाई फर्किन आह्वान गरिएको छ । जेनजी नेपाल नामको फेसबुक पेजबाट उक्त आह्वान गरिएको हो । यसअघि आन्दोलनको बारेमा पोस्ट गर्दै आएको पेजमा लेखिएको सूचनामा भनिएको छ, ‘कृपया तत्कालै सुरक्षित तरिकाले निस्किनुहोला । धेरै स्वार्थ प्रेरित समूहहरुले भिडलाई उत्तेजित बनाइरहेका छन् । चाँडोभन्दा चाँडो त्यहाँबाट हट्नुस् । हाम्रो आजको दिन सफल भइसकेको छ । आज सबै जना सुरक्षित तरिकाले घर जानुस् ।’

काठमाडौं,२२ भदौ । देशमा बढ्दै भएको बेथिती, भ्रष्टाचार र सरकारले सामाजिक सञ्जालमाथि लगाएको प्रतिबन्धविरुद्ध प्रदर्शनमा उत्रिएका जेनजीहरु प्रहरीको घेरा तोड्दै संसद् भवनभित्र प्रवेश गरेका छन्। माइतीघरमा भेला भएर प्रदर्शनकारीहरु सरकारविरुद्ध नाराबाजी गर्दै संसद् भवन गेटबाट माथि चढेर भवनभित्र प्रवेश गरेका हुन् । निषेधित क्षेत्र तोडेपछि प्रहरीले प्रदर्शनकारीमाथि पानीको फोहरा र अश्रुग्याँस पनि प्रहार गरेको थियो । तर, त्यसलाई पनि छिचोल्दै उनीहरुले संसद् भवनसम्म पुगेका हुन् । उनीहरुले भवनभित्र बोतललगायत प्रहार गरिरहेका छन् । अहिले प्रहरीले स्थिति नियन्त्रणका लागि अश्रुग्यास प्रहार गरिरहेको छ ।

काठमाडौं,२३ भदौ । देशमा बढ्दै भएको बेथिती, भ्रष्टाचार र सरकारले सामाजिक सञ्जालमाथि लगाएको प्रतिबन्धको विरोधमा जेन-जी पुस्ताले काठमाडौंसहित देशका विभिन्न सहरमा प्रर्दशन गरेको छ । सोमबार बिहानदेखि काठमाडौंको माइतीघर, विर्तामोड, पोखरा, बुटवल र दाङमा प्रदर्शन गरेका छन्। सन् १९९७ देखि २०१२ भित्र जन्मिएका पुस्तालाई जेनजी पुस्ता भनिन्छ। उनीहरुले प्रदर्शनका क्रममा विभिन्न राष्ट्रप्रेमी गीत गाएका छन्। गाउँगाउँबाट उठ,बस्ती बस्तीबाट उठ,यो देशको मुहार फेर्नलाई,यो नेपाली शीर उचाली संसारमा लम्किन्छ जुनकिरी झैं ज्योति बाली अन्धकारमा चम्किन्छलगायत गीत गाउँदै प्रदर्शनमा उत्रिएका छन्। उनीहरुले नयाँ युवाले के भन्छ, खुलेर बोल्न दे भन्छ, जय देश जय राष्ट्रियता,आवर फ्युचर इज नट फर सेललगायत विभिन्न नारा लेखिएका प्लेकार्डहरु…

काठमाडौं,२२ भदौ। जिल्ला अदालत ललितपुरले नेपाल प्रहरीका प्रहरी निरीक्षक (इन्सपेक्टर) दिनेश गुरुङलाई पुर्पक्षका लागि थुनामा (कारागार) पठाउने आदेश गरेको छ । बलात्कार र ज्यान मार्ने उद्योगसम्बन्धी कसुरको अभियोगमा जिल्ला अदालत ललितपुरका न्यायाधीश ध्रुवराज त्रिपाठीको इजलासले गुरुङलाई पुर्पक्षका लागि थुनामा (कारागार) पठाउने आदेश गरेको हो । आदेश पश्चात उनलाई नख्खु कारागारमा पठाइएको छ। प्रहरी प्रधान कार्यालय, नक्सालको १ नम्बर गणमा कार्यरत गुरुङविरुद्ध उनको पूर्वपत्नीले जिल्ला प्रहरी परिसर ललितपुरमा उजुरी दिएपछि उनलाई पक्राउ गरेर अदालतमा मुद्दा दायर गरिएको थियो । गुरुङले यसअघि सामाजिक सञ्जालमा आफू पूर्वपत्नीबाट पीडित भएको उल्लेख गरेका थिए। उनले पूर्वपत्नीसँगै रहेकी छोरीसँग भेट्दा आफूमाथि अभद्र व्यवहार भएको दाबी गरेका…

काठमाडौं,२२ भदौ। नेपालमा सूचीकृत नभएका सामाजिक सञ्जाल प्लेटफर्म प्रयोग गर्न भर्चुअल प्राइभेट नेटवर्क (भीपीएन) को प्रयोग नगर्न/नगराउन सूचना तथा सञ्चार प्रविधि मन्त्रालयले आग्रह गरेको छ। मन्त्रालयद्वारा जारी गरिएको विज्ञप्तिमा भनिएको छ, ‘सरकारको निर्णयअनुसार नेपाल दूरसञ्चार प्राधिकरणमार्फत मोबाइल तथा इन्टरनेट सेवा प्रदायकलाई निर्देशन दिइसकेकाले सूचीकरण नभएका सञ्जालहरु नेपालभित्र निष्क्रिय भइसकेका छन्। यस्तो अवस्थामा असुरक्षित, अनाधिकृत र जोखिमयुक्त भीपीएन प्रयोग नगर्न मन्त्रालयले आग्रह गरेको हो।’ हालसम्म स्मार्ट आइडिया प्रालि (हाम्रो पात्रो) र ग्लोबल डायरी प्रालि सूचीकरण भइसकेका छन्। मन्त्रालयका अनुसार सामाजिक सञ्जाल ट्विटर (एक्स) र वीच्याटले आवश्यक विवरण माग गरेपछि सो जानकारी उपलब्ध गराएको मन्त्रालयले जनाएको छ।

काठमाडौं,२२ भदौ। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आइतबार साँझ सामाजिक सञ्जालमार्फत सरकारको सामाजिक सञ्जाल बन्द गर्ने निर्णयलाई गलत भन्दै आपत्ति जनाएका छन्। साथै, सोमबार काठमाडौंसहित देशका विभिन्न स्थानमा जेन जीहरुले गर्न लागेको प्रदर्शनलाई स्वाभाविक बताउँदै सरकारलाई शान्तिपूर्ण प्रदर्शनमा बल प्रयोग नगर्न चेतावनी दिएका छन्। सामाजिक संजाल मार्फत प्रचण्डको यस टिप्पणीमा काठमाडौं महानगरपालिकाका मेयर बालेन्द्र शाह (बालेन) ले प्रतिप्रश्न गर्दै प्रतिक्रिया जनाएका छन्। प्रचण्ड प्रधानमन्त्री हुँदा टिकटक बन्द गरिएको प्रसंग स्मरण गर्दै बालेनले कमेन्टमार्फत भनेका छन्, ‘एकादेशमा टिकटक पनि बन्द भएको थियो। हजुर पीएम (प्रधानमन्त्री) हुँदा म मेयर नै थिएँ, तर काम हजुरबाट पनि केही भएन, कमरेड !’ त्यससँगै…

दाङ,२२ भदौ। जुवातास खेल्दै गरेको अवस्थामा प्रहरीले १२ जनालाई पक्राउ गरेको छ । दाङको घोराही उपमहानगरपालिका-१४, दामोदर चोकस्थित द ब्ल्याक क्याप रेस्टुरेन्टबाट जुवातास खेलिरहेको अवस्थामा तुलसीपुर उपमहानगरपालिका-९, बेलुवाका हिमराज खड्कासहित १२ जनालाई पक्राउ गरेको प्रहरीले जनाएको छ। जिल्ला प्रहरी कार्यालय दाङ र वडा प्रहरी कार्यालय घोराहीबाट खटिएको प्रहरी टोलीले उनीहरुलाई १ लाख ६० हजार ९ सय ४० रुपैयाँ नगद र १२ बुक ताससहित पक्राउ गरेको हो। घटनाका सम्बन्धमा आवश्यक अनुसन्धान अघि बढाइएको छ ।

काठमाडौं,२२ भदौ । नेपाली कांग्रेसले सामाजिक सञ्जाल निष्क्रिय पारेको विषयमा सरकारसँग छलफल गर्ने भएको छ। आइतबार पार्टी सभापति शेरबहादुर देउवा निवास बुढानिलकण्ठमा बसेको कांग्रेस कार्यसम्पादन समितिको बैठकमा नेताहरुले सामाजिक सञ्जाल निष्क्रिय पार्ने निर्णयप्रति असन्तुष्टि जनाएपछि सरकारसँग छलफल गर्ने निर्णय गरिएको सहमहामन्त्री डिना उपाध्यायले जानकारी दिइन्। सामाजिक सञ्जाललाई नियमन गर्नुपर्ने भएपनि बन्द नै गर्ने निर्णय उचित नभएको उनले बताइन्। बैठकले मनाङ प्रतिनिधि सभा निर्वाचन क्षेत्र नम्बर १ को प्रदेशसभा निर्वाचन क्षेत्र (२) को उपनिर्वाचनका लागि दल दर्ता गर्ने निर्णय गरेको उपाध्यायले जानकारी दिइन्। त्यस्तै कांग्रेस नेता अर्जुन नरसिंह केसीले सामाजिक सञ्जाल निष्क्रिय बनाएपछि आमनागरिकमा असन्तुष्टि देखिएको भन्दै यसबारे सरकारसँग कुरा गरिने…