Author: क्लिक लुम्बिनी

काठमाडौं,२९ भदौ । नागरिक उन्मुक्ति पार्टीका संरक्षक रेशमलाल चौधरीले नागरिक उन्मुक्ति पार्टी छाडेका छन् । उनले सामाजिक सञ्जाल मार्फत पार्टी छोडेको घोषणा गर्दै अब नागरिक उन्मुक्ति पार्टी नेपाल स्थापना गरेर अघि बढ्ने घोषणा गरेका छन् । ‘मलाई साथ दिने साथीहरु जोडिनु होला हिजो मसँग जोडिएका साथीहरु जोडिनु होला आजसम्म नागरिक उन्मुक्ति पार्टीको संरक्षकको भूमिका निर्वाह गर्न दिनुभयो तपाईँहरुलाई धेरै धेरै धन्यवाद’, उनले भनेका छन्। नाउपा भित्र आफूलाई साथ दिनेहरुलाई पनि सँगै लिएर अगाडी बढ्ने उनले बताए । ‘मेरो रन्जितासँग कुनै दुस्मनी छैन। मेरो दामोदरसँग कुनै दुश्मनी छैन । तपाईँहरुलाई धेरै धेरै धन्यवाद तपाइहरुसँग मेरो कुनै दुस्मनी छैन’, उनले भनेका छन्…

काठमाडौं,२९ भदौ। प्रहरीले सात सय तीस राउण्ड गोलीसहित ८ जनालाई पक्राउ गरेको छ । प्रहरीका अनुसार पक्राउ पर्नेहरुमा बनेपा नगरपालिका-९ का २६ वर्षीय सिजन सुवाल, २८ वर्षीय सुवास गौतम, १८ वर्षीय किशोर, १५ वर्षीय बालक, बारा घर भएका २० वर्षीय महेश मुखिया, मकवानपुर बकैया गाउँपालिका-६ का २४ वर्षीय सुशान्त लो, तेमाल गाउँपालिका-२ का २१ वर्षीय तिमोथी तामाङ र पनौती नगरपालिका-१० बस्ने ३४ वर्षीय अछुत खड्का रहेका छन्। जिल्ला प्रहरी कार्यालय काभ्रेले गोलीसहित उनीहरुलाई बनेपा नगरपालिका-९ बाट पक्राउ गरेको हो । घटनाका सम्बन्धमा अनुसन्धान भइरहेको प्रहरीले जनाएको छ।

काठमाडौं, २९ भदौ। दसैँका लागि सुकिला नोट साटही गर्न सुरु गरिएको छ। नेपाल राष्ट्र बैंकले दसैँका लागि भदौ २९ गतेदेखि असोज १० गतेसम्म सुकिला नोट सटही गर्न सुरु गरेको हो । दसैँमा माग हुने साना दरका नोट सटहीका लागि राष्ट्र बैंकको थापाथलीस्थित मुद्रा व्यवस्थापन विभाग प्रदेशस्थित कार्यालयहरु भैरहवा (सिद्धार्थनगर) विराटनगर, जनकपुर, वीरगञ्ज, पोखरा, नेपालगन्ज र धनगढीबाट सुकिला नोट सटही गर्न सकिने नेपाल राष्ट्र बैंकले जनाएको छ । साथै बैंक तथा वित्तीय संस्थाका शाखा कार्यालयहरुबाट समेत सुकिला नोट सटही गर्ने व्यवस्था मिलाइएको छ। पाँच रुपैयाँ दरको नोट भने नयाँ वितरण हुनेछ। अघिल्लो वर्षदेखि सुकिला नोट सटही गर्न थालेको आएको राष्ट्र बैंले…

दाङ,२९ भदौ। लुम्बिनी प्रदेशका मुख्यमन्त्री चेतनारायण आचार्यले राष्ट्रिय बाल दिवस–२०८२ का अवसरमा सम्पूर्ण बालबालिका, अभिभावक, शिक्षक, नागरिक समाज र बालअधिकारकर्मीप्रति शुभकामना व्यक्त गरेका छन् । ‘बालबालिकामा लगानीः सुनिश्चित भविष्यको थालनी’ भन्ने मूल नारासहित मनाउन थालिएको दिवसले बालबालिकाको शिक्षा, स्वास्थ्य, सुरक्षा र समग्र विकासमा सबैलाई प्रेरित गर्ने मुख्यमन्त्री आचार्यले जनाएका छन् । शुभकामना सन्देशमा भनिएको छ, ‘बालबालिका भविष्यका आधार हुन् । उचित वातावरण, स्याहार, सम्मान र सहभागिताले उनीहरु सक्षम र जिम्मेवार नागरिक बन्नेछन् ।’ उनले बालअधिकारका चार आधारभूत सिद्धान्त–भेदभाव रहित, सर्वोत्तम हित, दीर्घजीवन र विकास, तथा विचार र भावनाको कदर–लाई स्मरण गर्दै नेपालले यसलाई कानुनी रुपमा आत्मसात गरी ऐन, नियमहरु कार्यान्वयनमा…

काठमाडौं,२८ भदौ। राष्ट्रपति रामचन्द्र पौडेलले आगामी फागुन २१ गतेका लागि निर्धारित प्रतिनिधि सभाको निर्वाचन सफलतापूर्वक सम्पन्न गराउन सबै पक्षलाई सहयोग गर्न अपिल गरेका छन्। राष्ट्रपति पौडेलले शनिबार वक्तव्य जारी गर्दै बडो जुक्तीले प्राप्त अवसरको सदुपयोग गर्दै जनता रिझाउने र आफैंमा सम्हालिँदै आगामी फागुनका लागि तोकिएको निर्वाचन सम्पन्न गराउन सबै पक्षलाई अपिल गरेका हुन् । राष्ट्रपति पौडेलले वक्तव्यमा भनेका छन्, ‘देशको अत्यन्त असहज, विषम र भयपूर्ण परिस्थितिमा कठिन प्रयत्न पश्चात एउटा शान्तिपूर्ण निकास निस्किएको छ। संविधान बचेको छ, संसदीय प्रणाली बचेको छ र संघीय लोकतान्त्रिक गणतन्त्र कायम रहेको छ। ६ महिनाभित्र प्रतिनिधिसभाको निर्वाचन सम्पन्न गरी अझ उन्नत लोकतन्त्रको बाटोमा अघि बढ्न…

बुटवल,२८ भदौ। रुपन्देहीको बुटवलस्थित भाटभटेनी सुपर मार्केटमा भएको लुटपाटमा संलग्न भएको ठहर गर्दै कालिका मानवज्ञान माध्यमिक विद्यालयका शिक्षक शिवशंकर शुक्लालाई विद्यालयले निष्कासन कारवाही गरेको छ । भदौ २४ गते जेनजीको प्रदर्शनका क्रममा बुटवलको सुख्खानगरस्थित भाटभटेनीमा भएको अनियमिततामा शुक्लाको संलग्नता देखिएको विद्यालयले जनाएको छ। विद्यालयको आचरण संहिता तथा नियमविपरीत कार्य गरेको ठहरिएकाले शिक्षक शुक्लालाई आजकै मितिदेखि लागू हुने गरी विद्यालयबाट हटाइएको विद्यालयले शनिवार जारी गरेको सूचनमा उल्लेख छ।

भैरहवा,२८ भदौ। भैरहवास्थित गौतमबुद्ध अन्तर्राष्ट्रिय विमानस्थलको आन्तरिक विशिष्ट (भीआईपी) कक्ष बन्द गरिएको छ। नेपाल नागरिक उड्डयन प्राधिकरण प्रधान कार्यालयको निर्देशन तथा विमानस्थल सुरक्षा समितिको निर्णय अनुसार उक्त आन्तरिक विशिष्ट कक्ष बन्द गरिएको विमानस्थल कार्यालयले जनाएको छ। गौतमबुद्ध अन्तर्राष्ट्रिय विमानस्थल नागरिक उड्डयन कार्यालयका महाप्रबन्धक प्रतापबाबु तिवारीले जारी गरेको सूचनामा सुरक्षा तथा प्राविधिक संवेदनशिलतालाई मध्यनजर गर्दै हाललाई आन्तरिक विशिष्ट कक्ष बन्द गरिएको उल्लेख छ । सूचना पश्चात सबै यात्रुलाई नियमित रुटबाट प्रस्थान र आगमन गर्नुपर्ने छ। काठमाडौंस्थित त्रिभुवन अन्तर्राष्ट्रिय विमानस्थल कार्यालयले पनि बिहीवारदेखि ‘भीआईपी’ सुविधा बन्द गरेको छ।

भैरहवा,२८ भदौ। रुपन्देही प्रहरीले भदौ २३ र २४ गतेको प्रदर्शनका क्रममा चोरी तथा लुटपाट भएका सरसामानहरु खरिद नगर्न अनुरोध गरेको छ। शनिवार जिल्ला प्रहरी कार्यालय रुपन्देहीले विज्ञप्ती जारी गर्दै त्यस्ता सरसामानहरुको खरिद तथा सञ्चय गरेको पाइएमा कारवाही गर्ने जनाएको छ। प्रहरीले सो सम्बन्धमा कुनै जानकारी प्राप्त भएमा नजिकको सुरक्षा निकायमा सूचना दिन र त्यस्ता सामानहरु प्राप्त भएमा नजिकको सुरक्षा निकायमा बुझाउन पनि अनुरोध गरेको छ। विज्ञप्तिमा भनिएको छ, ‘यस्ता गतिविधिमा संलग्न समूहको सिसिटीभी फुटेज, तस्वीर, भिडियो तथा विभिन्न सामाजिक सञ्जालका लिंकहरु तपाईहरूसँग छ भने कृपया हामीलाई dporupandehi@nepalpolice.gov.np मा पठाई सहयोग गर्नुहुन अनुरोध गर्दछौं। तपाईहरुको गोपनीयता कायम रहनेछ।’ यो आग्रहले प्रदर्शनका…

काठमाडौं,२८ भदौ। राष्ट्रिय स्वतन्त्र पार्टी (रास्वपा) का सभापति रवि लामिछाने नख्खु कारागार फर्किएका छन्। सहकारी ठगी मुद्दामा पूर्पक्षका लागि थुनामा रहेका लामिछाने गत भदौ २४ गते जेनजी प्रदर्शनको क्रममा सुरक्षाको कारण देखाउँदै नख्खु कारागारबाट बाहिरिएका थिए । प्रदर्शनको फाइदा उठाउँदै बाहिरिएको भन्दै लामिछानेको आलोचना भएको थियो । जसपश्चात उनले आफु प्रक्रिया पुरा गरेर मात्र कारागारबाट निस्किएको दावी गर्दै कारागार प्रशासक सत्यराज जोशीद्वारा दस्तखत भएको रिहाइ पत्र सार्वजनिक गरेका थिए । तर, नख्खु कारागार प्रशासनले लामिछानेले सार्वजनिक गरेको उक्त पत्र फर्जी भन्दै उनीसहित भागेका सबै कैदीबन्दीलाई तत्काल फर्किन भनेको थियो । शनिवार सामाजिक संजाल फेसबुकमा शनिबार भिडियो सन्देश जारी गर्दै लामिछानेले…

भैरहवा,२८ भदौ। रुपन्देहीमा कर्फ्यु र निषेधाज्ञा हटाइएको छ । शनिवार जिल्ला प्रशासन कार्यालय रुपन्दहीले एक सूचना जारी गर्दै जिल्लाभर लगाइएको कर्फ्यु र निषेधाज्ञा हटाइएको जनाएको छ । रुपन्देहीका प्रमुख जिल्ला अधिकारी डा.टोकराज पाण्डेका अनुसार जिल्लामा शान्ति सुरक्षाको अवस्था सामान्वय रहेको र जनजीवन सामान्यीकरण तर्फ उन्मुख भएकोले शनिवार साँझ ६ बजेबाट लागू हुने गरी कर्फ्यु र निषेधाज्ञा हटाइएको हो । प्रशासनद्वारा जारी गरिएको सूचनामा भनिएको छ-‘निषेधाज्ञा र कर्फ्युको आदेश पालना गरी शान्ति सुव्यवस्था कायम गर्न सहयोग गर्नुहुने सबैप्रति धन्यवाद ज्ञापन गर्दै पारस्परिक सद्भाव कायम गन , सार्वजनिक सेवा प्रवाह गर्न, शिक्षण संस्था संचालन गर्न, आवगमन सुचारु गर्न, पूर्ववत क्रियाकलापहरु नियमित गर्न…