Author: क्लिक लुम्बिनी

काठमाडौ,११ भदौ। संवैधानिक इजलासमा प्रधानन्यायाधीश प्रकाशमान सिंह राउतले आफै न्यायाधीश तोक्ने भएका छन् । प्रधान न्यायाधीश राउतले बुधबार पत्रकारहरुसँग कुराकानी गर्दै उनले वरिष्ठताका आधारमा नभई आफ्नो अधिकार प्रयोग गरेको जानकारी दिए। यसअघि संवैधानिक इजलासमा वरिष्ठताको आधारमा न्यायाधीश तोकिँदै आएका थिए। संवैधानिक इजलासमा पछिल्लो समय प्रधानन्यायाधीश र न्यायाधीशहरुबीच राय बाझिन थालेपछि राउतले रोष्टरमा भएका मध्येबाट गोला प्रथा गरेर अन्य न्यायाधीशहरु तोक्ने अडान राख्दै आएका थिए । जसको विपक्षमा वरिष्ठतम् न्यायाधीश सपना प्रधान मल्लसहित अन्य न्यायाधीशहरु उभिएका थिए । राउतले पत्रकारहरुसँग भने, ‘मैले लिएको निर्णयमा सबै सहमत छन्।’

काठमाडौं,११ भदौ। नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल (प्रचण्ड) ले पार्टीप्रति जनताको भरोसा बढ्दै गएको बताएका छन्। कर्णाली प्रदेशको भएको पूर्ण बैठकलाई श्रव्यदृश्यका माध्यमबाट सम्बोधन गर्दै उनले स्थानीय तह, स्वतन्त्र विद्यार्थी युनियन, नेपाल पर्वतारोहण संघलगायत संस्थाको निर्वाचनमा पार्टी निकट उम्मेदवारहरुको विजयलाई जनविश्वासको प्रतीकका रुपमा चित्रण गर्दै उनले जनताको भरोस बढ्दै गएको बताएका हुन्। पार्टीभित्र द्वन्द्व सृजना हुन नदिने, गुटबन्दी, अराजकता र अनुशासनहीनताको अन्त्य गर्दै पार्टीलाई सुदृढ र एकताबद्ध बनाउने संकल्प स्थायी समितिले गरिसकेको भन्दै पार्टीमा गुटबन्दी हुन नदिने प्रतिबद्धता व्यक्त गरे । शिक्षा विधेयकलगायत विभिन्न राष्ट्रिय मुद्दामा माओवादी केन्द्रले लिएको अडानले जनस्तरमा सकारात्मक सन्देश प्रवाह गरेको उनको…

बारा,११ भदौ। शिक्षकलाई बन्धक बनाएर कुटपिट गरेको घटनामा प्रहरीले वडाअध्यक्षलाई पक्राउ गरेको छ । पक्राउ पर्नेमा बाराको प्रसौनी गाउँपालिका-६ का वडाध्यक्ष बृजकिशोर कुशवाहा रहेको प्रहरीले जनाएको छ । पर्सा बहुदरमाई घर भई हाल प्रसौनी-६ बेलहिया बस्दै आएका शिक्षक नागेश्वर यादवलाई वडाध्यक्ष कुशवाहाको समूहले वडा कार्यालयमा बन्धक बनाएर कुटपिट कुटपिट गरेको भीडियो सार्वजनिक भएको थियो । उनी स्मार्ट कोचिङका शिक्षक हुन् । घटना गत २८ साउनको हो । केही व्यक्तिहरुले आफूलाई समातेर लगेपछि वडा कार्यालयमा बन्धक बनाएर वडाध्यक्ष कुशवाहासहितले कुटपिट गरेको पीडित शिक्षक यादवको गुनासो छ। गाउँपालिका अध्यक्ष विनोदप्रसाद जयसवालले पीडितले प्रहरी कार्यालयमा जाहेरी दिए पश्चात वडाध्यक्षलाई प्रहरीले पक्राउ गरेर अनुसन्धान…

काठमाडौं,११ भदौ। नेपालको स्थानीय बजारमा बुधवार सुनको मूल्य बढेको छ भने चाँदीको भाउ घटेको छ । नेपाल सुनचाँदी व्यवसायी महासंघका अनुसार बुधवार सुन प्रतितोला तीन सय रुपैयाँले बढेर एक लाख ९९ हजार रुपैयाँमा कारोबार भइरहेको छ। मंगलबार सुन प्रतितोलामा एक लाख ९८ हजार सात सय रुपैयाँमा किनबेच भएको छ। यस्तै, चाँदी प्रतितोला १५ रुपैयाँले घटेर दुई हजार तीन सय ४५ रुपैयाँमा कारोबार भइरहेको महासंघले जनाएको छ। मंगलबार चाँदी प्रतितोला २ हजार ३६० रुपैयाँमा किनबेच भएको थियो।

काठमाडौं,११ भदौ। बन्दीपुर केवलकार एन्ड टुरिजम लिमिटेडले सर्वसाधारणका लागि प्राथमिक सेयर (आईपीओ) बुधवार (आज) देखि बिक्री खुला गरेको छ । यसअघि आयोजना प्रभावित क्षेत्रका स्थानीयवासी र वैदेशिक रोजगारीमा रहेका नेपालीहरूका लागि निष्काशन गरिएको आईपीओ बाँडफाँट गरेपछि कम्पनीले सर्वसाधारणका लागि आईपीओ निष्काशन गरेको हो। कम्पनीले प्रतिकित्ता १०० रुपैयाँ दरमा कुल ४३ लाख ४१ हजार ८० कित्ता शेयर निष्काशन गर्न लागेको छ । जसको कुल मूल्य ४३ करोड ४१ लाख ८ हजार रुपैयाँ बराबर हुनेछ। आईपीओमा आजदेखि भदौ १५ गतेसम्म आवेदन दिन सकिनेछ। लगानीकर्ताले न्यूनतम १० कित्ता र अधिकतम २० हजार कित्तासम्मका लागि आवेदन दिन पाउनेछन्। कम्पनीको शेयर निष्काशन तथा बिक्री प्रबन्धक…

काठमाडौं,११ भदौ। काठमाडौंमा महिला प्रहरीलाई प्रोत्साहन गर्न ‘महिनाको उत्कृष्ट प्रहरी’ बाट पुरस्कृत गर्ने कार्यको सुरुवात थालिएको छ। जिल्ला प्रहरी परिसर काठमाडौंका प्रमुख एसएसपी विश्व अधिकारीका अनुसार महिला प्रहरीको योगदानको उच्च मूल्यांकन गर्दै मासिक रुपमा पुरस्कारको थालनी गरिएको हो। जसअनुसार नगर प्रहरी कार्यालय भृकुटीमण्डपमा कार्यरत प्रहरी जवान प्रमीला श्रेष्ठ र जिल्ला प्रहरी परिसर काठमाडौंमा कार्यरत प्रहरी सहायक निरीक्षक टेककुमारी पाण्डेलाई महिनाको उत्कृष्ट महिला प्रहरी घोषणा गर्दै सम्मान गरिएको उनले बताए । उनले प्रथम नेपाल प्रहरी महिला सम्मेलनको पूर्वसन्ध्यामा प्रहरी संगठनबाट आफूलाई प्राप्त जिम्मेवारी व्यावसायिक निष्ठा, सांठनिक नीति बमोजिम कुशलतापूर्वक सम्पादन गरेको तथा कार्यालयबाट तोकिएका काम कारबाही तदारुकताका निर्वाह गरेको भन्दै कदर…

काठमाडौं,९ भदौ । प्रतिनिधि सभा अर्न्तगतको राज्य व्यवस्था तथा सुशासन समिति सभापतिको निर्वाचन भदौ ११ गते (बुधवार) लाई तोकिएको छ । सभामुख देवराज घिमिरेले राज्य व्यवस्था समितिको सभापतिको निर्वाचन बुधबार तोकेको संघीय संसदको महासचिव पद्मप्रसाद पाण्डेयले जानकारी दिए। सूचनामा भनिएको छ, ‘प्रतिनिधि सभा अन्तर्गतको राज्यव्यवस्था तथा सुशासन समितिमा रिक्त रहेको सभापति पदको निर्वाचनको लागि प्रतिनिधि सभा नियमावली, २०७९ को नियम १७६ को उपनियम (१) बमोजिम सम्माननीय सभामुखले मिति २०८२ साल भदौ ११ गते बुधबारको दिन तोक्नुभएको बेहोरा माननीय सदस्यहरुको जानकारीका लागि यो सूचना प्रकाशित गरिएको छ ।’ कुलिङ पिरियड सम्बन्धी व्यवस्थामा गडबडी गरेको पाइएपछि विवादित बनेका समिति सभापति रामहरी खतिवडाले…

काठमाडौं,९ भदौ। राष्ट्रिय स्वतन्त्र पार्टी (रास्वपा) का सांसद विराजभक्त श्रेष्ठले सरकारको इम्बोस्ड नम्बर प्लेट अनिवार्य गर्ने निर्णयको आलोचना गरेका छन्। सवारी साधनमा इम्बोस्ड नम्बर अनिवार्य गर्नु निर्णयलाई उनले जनतामाथिको अर्को अन्याय र जनभावना विपरीतको कदमको संज्ञा दिएका छन्। ‘तयारी नै नगरी बलजफ्ती रुपमा अनिवार्य इम्बोस्ड नम्बर प्लेट लागू गर्ने निर्णय जनतामाथि गरिएको अर्को अन्याय हो,’उनले एक्समा लेखेका छन्, ‘नागरिकलाई लाइसेन्स वितरण गर्न नसकेको सरकारले अब पुनः पूर्वाधार, प्राविधिक तयारी र नेपाली भाषा-लिपिको संवेदनशीलता नहेरी जबरजस्ती निर्णय लागू गर्नु जनभावना विपरीत कदम हो।’ सरकारले आगामी असोजदेखि सवारी साधनहरुमा अनिर्वाय रुपमा इम्बोस्ड नम्बर प्लेट जडान गर्ने निर्णय गरेको छ। जस अनुसार असोज…

हृदयराम गुप्ता मर्चवार,९ भदौ। नेपाली सेनाले मर्चवारका विद्यार्थीहरुलाई राष्ट्रिय सेवा दल (एनसीसी) तालिम प्रदान गर्न सुरु गरेको छ । रुपन्देही कोटहीमाई गाँपालिका-६ स्थित श्री बोगडी माध्यमिक विद्यालयका विद्यार्थीहरुलाई तालिम प्रदान गर्न सुरु गरिएको हो। विद्यालय स्तरीय उक्त तालिम एक सय दिनको हुनेछ । विद्यालयका कक्षा ११ र १२ मा अध्ययनरत १५ जना छात्र र १५ जना छात्राहरु सिनियर डिभिजनको तालिममा सहभागी भएको बोगडी माध्यमिक विद्यालयका प्रधानाध्यापक दुर्गा दत्त त्रिपाठीले बताए। उनका अनुसार एक सय दिनको एनसिसी तालिम अन्तर्गत ७९ दिन विद्यालयमा र बाँकी २१ दिनको पूर्वी नवलपरसाीको कावासोतीमा तालिम दिइनेछ । तालिममा विद्यार्थीलाई राष्ट्रप्रेम, नेतृत्व विकास, अनुशासन, जवाफदेहिता, इमान्दारिता र…

धनगढी,९ भदौ। कैलालीको धनगढी उपमहानगरपालिका–१९, मा ६० लाख मूल्य बराबरको मोबाइल पार्ट्सहरु बरामद गरिएको छ । सशस्त्र प्रहरी बल नेपाल, नं. ३४ गण कैलालीले पालिकाको फुलवारी गाउँस्थित घरमा छापा मारेर अवैध रुपमा भण्डारण गरी राखिएको मोबाइल पार्ट्सहरु बरामद भएको जनाएको छ। घरमा मोबाइल पार्ट्स भण्डारण गरेर राखिएको विषयमा सशस्त्र प्रहरी हेडक्वाटरमा सूचना पुगेको थियो। जसपश्चात घरमा छापा मार्दा उक्त सामग्री बरामद भएको हो। बरामद सामग्री आवश्यक कारवाहीका लागि भन्सार कार्यालय टिकापुरमा बुझाइएको सशस्त्र प्रहरीले जनाएको छ।