Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
काठमाडौं,९ असोज। काठमाडौंको पशुपति क्षेत्रको राम मन्दिर जंगलबाट पेस्तोल २ थान पेस्तोल र तीन थान म्याग्जिन बरामद भएको छ । प्रहरी वृत्त गौशालाबाट खटिएको प्रहरीले बेवारिसे अवस्थामा रहेको उक्त पेस्तोल र म्याग्जिन बरामद गरेको हो । यस सम्बन्धमा आवश्यक अनुसन्धान अघि बढाइएको प्रहरीले जनाएको छ ।
काठमाडौं,९ असोज। सार्वजनिक खरिद अनुगमन कार्यालयले दश निर्माण कम्पनी तथा आपूर्तिकर्तालाई कालोसूचीमा राखेको छ। बिहीवार कार्यालयले सूचना जारी गरी विभिन्न निकायहरुको सिफारिसरमा १० निर्माण व्यवसायी कम्पनी तथा आपूर्तिकर्ताहरुलाई कालोसूचीमा राखिएको विवरण सार्वजनिक गरेको हो । सार्वजनिक निकायबाट लेखी आएबमोजिम सार्वजनिक खरिद ऐन, २०६३ को दफा ६३ को उपदफा (१) बमोजिम सूचना प्रकाशित भएको मितिदेखि लागु हुने गरी कालोसूचीमा राखिएको सूचनामा उल्लेख छ। कालोसूचीमा परेका निर्माण व्यवसायी तथा आपूर्तिकर्ताहरुले कालोसूचीमा परेको अवधिभर सार्वजनिक निकायका कुनै पनि खरिद प्रक्रियामा भाग लिन नपाइने तथा कारबाही हुने सूचनामा उल्लेख गरिएको छ। हेर्नुहोस् सूचना:
गोरखा, ९ असोज । प्रहरीले बन्दुकसहित एक जनालाई पक्राउ गरेको छ। पक्राउ पर्नेमा गोरखाको पालुङटार नगरपालिका–३, आँपपीपलस्थित मैवलका ६३ वर्षका रामबहादुर रानामगर रहेको प्रहरीले जनाएको छ । जिल्ला प्रहरी कार्यालय गोरखाका सूचना अधिकारी एवं प्रहरी नायब उपरीक्षक इन्द्रप्रसाद सुवेदीका अनुसार पक्राउ परेका आरोपीको घरबाट एकनाले भरुवा बन्दुक दुई थान, त्यसमा प्रयोग हुने बारुद तथा फलामको गजसमेत बरामद गरेको छ। घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ।
दाङ, ९ असोज। लुम्बिनी प्रदेश सरकारले एक वर्षअघि नै पूर्वविशिष्ट पदाधिकारीलाई दिदै आएको सेवासुविधा खारेज गर्ने निर्णय गरेको थियो । मुख्यमन्त्री चेतनारायण आचार्यले जिम्मेवारी सम्हालेको केही समयपछि बसेको मन्त्रिपरिषद् बैठकले उक्त निर्णय गर्दै पूर्वविशिष्ट पदाधिकारीले पाउँदै आएको सेवासुविधा खारेज गर्ने निर्णय गरेको थियो । सोही निर्णयका आधारमा पूर्वसभामुख पूर्णबहादुर घर्ती र पूर्वमुख्यमन्त्री कुलप्रसाद केसीले सेवा–सुविधाअन्तर्गत प्रयोग गर्दै आएको सवारीसाधन फिर्ता गरेका थिए। ०७९ साल भदौ ३१ गतेको मन्त्रिपरिषद् बैठकले पूर्वविशिष्ट पदाधिकारीका लागि सेवा–सुविधा उपलब्ध गराउने निर्णय गरेको थियो। सो निर्णयका आधारमा पूर्वमुख्यमन्त्री तथा पूर्वसभामुखले सेवासुविधा लिदै आएका थिए । आर्थिक संकट निम्तिएको समयमा मितव्ययिता अपनाउन प्रदेश सरकारले पूर्वविशिष्ट पदाधिकारीलाई दिँदै…
भैरहवा, ९ असोज। रुपन्देहीको भैरहवामा ‘दसैं सस्तो बजार’ संचालनमा आएको छ। सिद्धार्थ उद्योग वाणिज्य संघले कार्यालय परिसरको भवनमा बुधवार देखि असोज १२ गतेसम्मका लागि ‘दसैं सस्तो बजार’ संचालनमा ल्याएको हो । पाँचदिनसम्म संचालन हुने बजारमा दैनिक उपभोग्य खाद्यान्न, भाडा, जुत्ता–चप्पल, घरेलु उत्पादन लगायतका १४ वटा स्टल रहेको संघले जनाएको छ । संघका अध्यक्ष नेत्र प्रसाद आचार्यका अनुसार आम उपभोक्तालाई सस्तो, सुलभ र गुणस्तरीय वस्तु तथा सेवाहरु एकै थलोबाट उपलब्ध गराउने, स्वदेशी तथा स्थानीय उत्पादनको उपभोग प्रवद्र्धन गर्ने, उचित मूल्यबारे उपभोक्ता सचेतना बढाउने, उपभोक्तालाई सस्तो सामान उपलब्ध गराउनका लागि निःशुल्क स्टल उपलब्ध गराउने र दसैं, तिहार, छठपर्व लगायतका पर्वहरुमा स्थानीय बजारलाई…
सुर्खेत, ७ असोज। पश्चिम रुकुमका विभिन्न १० स्थानमा यात्रु सहायता कक्ष स्थापना गरिएको छ । चाडपर्वको अवस्थालाई मध्यनजर गर्दै जिल्ला ट्राफिक कार्यालय रुकुम पश्चिमले जिल्ला प्रहरी कार्यालयसँगको सहकार्यमा यात्रुहरुको चाप बढी हुने स्थानमा सहायता कक्ष स्थापना गरेको हो । जिल्ला ट्राफिक प्रहरी कार्यालयका प्रमुख प्रहरी सहायक निरीक्षक शैलेन्द्र कुमार मल्लका अनुसार मुसिकोट नगरपालिकाको खलङगा, सेरीगाउँ, शीतलपोखरी, साँख, छिनखेत र सोलाबाङ, सानीभेरी गाउँपालिकाको सिम्ली, चौरजहारी नगरपालिकाको बसपार्क, आठबिसकोट नगरपालिकाको राडी र त्रिवेणी गाउँपालिकाको झुल्नेटामा यात्रु सहायता कक्ष स्थापना गरिएको हो । जिल्लाभित्र चल्ने सवारी साधन र बाहिरबाट भित्रिने सवारी साधनमा यात्रुलाई पर्ने समस्या समाधानका लागि सहायता कक्षको स्थापना गरिएको उनले बताए…
काठमाडौं, ७ असोज। सरकारले तीनजना सचिवहरुको सरुवा गरेको छ। सोमबार बसेको मन्त्रिपरिषद् बैठकले गृहमन्त्रालय, रक्षा मन्त्रालय र राष्ट्रिय योजना आयोगका सचिवहरुको गरेको हो। प्रधानमन्त्री तथा मन्त्रिपरिषद् कार्यालयका अनुसार गृह मन्त्रालयका सचिव गोकर्णमणि दुवाडीलाई राष्ट्रिय योजना आयोगमा लगेर थन्क्याइएको छ । रक्षा मन्त्रालयका सचिव रामेश्वर दंगाललाई गृह मन्त्रालयमा ल्याइएको छ भने योजना आयोगका सचिव सुमनराज अर्याललाई रक्षा मन्त्रालयमा पठाइएको छ।
भैरहवा, ७ असोज। भैरहवामा डाण्डिया नाईट तथा भव्य भगवती रात्री जागरण हुने भएको छ। श्री श्री सार्वजनिक दुर्गा पुजा समिति मैत्रीपथ–५, अखाडा नम्बर २ को आयोजनामा अगामी असोज १४ गते डाण्डिया नाईट र १५ गते रात्री जागरण हुने भएको हो । समितिका अध्यक्ष रवि जयसवालले मंगलबार आयोजित पत्रकार सम्मेलनमा असोज १४ गते साँझ ६ बजेदेखि डाण्डिया नाईट र असोज १५ गते साँझ ७ बजेदेखि रात्री जागरण सुरु हुने जानकारी दिए। भैरहवाको मैत्रीपथस्थित शिव मन्दिर अगाडि कार्यक्रम आयोजना हुने बताइएको छ। कार्यक्रम संयोजक दीपेश गुप्ताले अघिल्लो वर्ष डाण्डिया नाईट कार्यक्रम गरिएको र यस वर्ष पनि यो कार्यक्रमलाई निरन्तरता दिइएको बताए। उनले…
काठमाडौं,७ असोज। जेनजी आन्दोलनको क्रममा सुन्धारास्थित कारागारबाट फरार टोपबहादुर रायमाझी कारागार फर्किएका छन् । फरार भएको दुई सातापछि उनी कारागारमा फर्किएका हुन् । नक्कली भुटानी शरणार्थी प्रकरणमा टोपबहादुर रायमाझी पूर्पक्षका लागि थुना (कारागार) मा छन्। आन्दोलनको नाममा देशभरबाट १४ हजार बढी कैदीबन्दी विभिन्न कारागारबाट फरार भएका थिए। जसपश्चात कारागार विभागले कैदीबन्दीहरुलाई फर्किनका लागि सूचना जारी गरेको थियो । जसपश्चात फरारमध्ये आधा संख्याको कैदीबन्दी कारागार फर्किएका छन् ।
दाङ, ७ असोज । दाङमा संजीवनी शिक्षण अस्पताल संचालनमा आउने भएको छ । करिब ४ अर्ब लगानीमा निर्माण भएको अस्पताल दसैं पर्वपश्चात संचालनमा आउने अस्पताल प्रशासनले जनाएको छ । जसका लागि बडादसैंको पहिलो दिन घटस्थापनाको अवसरमा दाङको घोराही उपमहानगरपालिका-३, भानपुरस्थित ‘शुभसाइत कार्यक्रम’ गरिएको छ । अस्पताल संचालनमा आएसँगै दाङका साथै प्युठान, रोल्पा, पूर्व रुकुम, पश्चिम रुकुम, सल्यान जिल्लाका विरामीहरु लाभान्वित हुनुका साथै उपचार तथा विशिष्टिकृत सेवाका लागि रुपन्देही, बाँके, काठमाण्डौं धाउन नपर्ने विश्वास लिइएको छ । हाल ३०० शैय्याबाट संचालन आउने अस्पताल अगामी ३ वर्षमा ५०० शैय्यामा वृद्धि गरिने अस्पतालका प्रमुख कार्यकारी अधिकृत दिपक रोकाले बताए। उनका अनुसार अस्पतालको सञ्चालनसँगै…