Author: क्लिक लुम्बिनी

भैरहवा, १८ चैत । रुपन्देहीको शिक्षा विकास तथा समन्वय इकाइले जिल्लाका विद्यालयहरुले विद्यार्थीहरुको स्वागत तथा विदाई कार्यक्रमहरु विद्यालय हाताभित्र नै मितव्ययी तरिकाले संचालन गर्न निर्देशन दिएको छ । बुधवार कार्यालयले जिल्लाका सबै सामुदायिक तथा संस्थागत विद्यालयहरुको नाममा अत्यन्तै जरुरी सूचना जारी गर्दै केही विद्यालयहरुले विद्यार्थीहरुको स्वागत तथा विदाई जस्ता कार्यक्रमहरु विभिन्न होटलमा संचालन गरेकोले विद्यार्थी तथा अभिभावकहरुमा अतिरिक्त आर्थिक भार सिर्जना भएको गुनासो प्राप्त भएको जनाएको छ । जिल्लाका सबै स्थानीय तहरुलाई समन्वय, सहजीकरण तथा अनुगमन गर्नका लागि अनुरोध गर्दै इकाइ प्रमुख विष्णुप्रसाद पन्थीद्वारा जारी सूचनामा भनिएको छ, ‘यस कार्यालयमा गुनासो प्राप्त भएकोले जिल्ला अन्र्तगतका सम्पूर्ण सामुदायिक तथा संस्थागत विद्यालयहरुले…

भैरहवा, १८ चैत। नेपाल प्रहरीले अप्रिल फुल दिवसको अवसरमा अनौठो शैलीमा जनचेतनामूलक अभियान सञ्चालन गरेको छ। प्रहरी प्रधान कार्यालयले आफ्नो आधिकारिक फेसबुक पेजमार्फत क्यूआर कोड सार्वजनिक गर्दै भनेको छ, ‘तपाईंविरुद्ध कतै कुनै उजुरी वा निवेदन परेको त छैन ? सुनिश्चित गर्नका लागि एक पटक क्यूआर कोड स्क्यान गर्नुहोस् ।’ तर, उक्त क्यूआर कोड स्क्यान गरेपछि प्रयोगकर्ताले सचेतनामूलक सन्देश प्राप्त गरेका छन्। ‘तपाईंले स्क्यान गर्नुभएको क्यूआर कोड सचेतना अभियानको लागि हो’, उक्त सन्देशमा भनिएको छ, ‘आज हामीले मजाक गरेका थियौं…तर भोलि यस्तै क्यूआर बाट तपाईं स्क्याममा पनि पर्न सक्नुहुन्छ।’ प्रहरीले यस अभियानमार्फत अपरिचित व्यक्ति वा अज्ञात स्रोतबाट प्राप्त क्यूआर कोड जथाभावी…

भैरहवा,१८ चैत । भैरहवास्थित गौतमबुद्ध अन्तर्राष्ट्रिय विमानस्थलमा ‘ब्यागेज ह्यान्डलिङ सिस्टम’ (बीएचएस) जडान गरिएको छ । बुधवार नेपाल नागरिक उड्डयन प्राधिकरणका महानिर्देशक देवचन्द्र लाल कर्णले एक कार्यक्रमका बीच जडान गरिएको उक्त प्रणालीको उद्घाटन गरे। यात्रुहरुको सुविधालाई मध्यनजर गर्दै सहज रुपमा आफ्नो सामान प्राप्त गर्नका लागि विमानस्थलको आन्तरिक आगमनतर्फ उक्त प्रणाली जडान गरिएको गौतमबुद्ध अन्तर्राष्ट्रिय विमानस्थलका सूचना अधिकारी विनोदसिंह रावतले जानकारी दिए। विगतमा सामान हराउने, छुट्ने जस्ता समस्या हट्ने विश्वास लिइएको छ । धनगढी, नेपालगंज, जनकपुर, पोखरा, काठमाडौं, विराटनगर पश्चात भैरहवाको आन्तरिक आगमनतर्फ पनि यो प्रणाली बुधवार जडान गरिएको विमानस्थल कार्यालयले जनाएको छ ।

काठमाडौं,१७ चैत। दुई दिनसम्म घटेको सेयर बजार मंगलबार दोहोरो अंकले बढेको छ। आज बजार १९.७० अंकले बढेर २८५१.०९ विन्दुमा पुगेको छ। यसदिन ३३९ वटा स्क्रिप्सको २ करोड ७९ लाख ४२ हजार ७७९ कित्ता सेयर ११ अर्ब ११ करोड २४ लाख १८ हजार ८०६ रुपैयाँमा खरिदबिक्री भएका छन्। ६ वटा कम्पनीको सेयर सकारात्मक सर्किट लेभलमा कारोबार भयो। रिलायन्स स्पिनिङ मिल्स, भुजुङ हाइड्रो, रिज लाइन इनर्जी, होटल फोरेस्ट, सुपर खुदी हाइड्रोपावर र सूर्यकुण्ड हाइड्रो इलेक्ट्रिकको सेयर १० प्रतिशतले बढ्यो। कारोबार रकमका आधारमा रिडी पावर शीर्षस्थानमा रह्यो। सो कम्पनीले ४८ करोड मूल्य बराबरको सेयर कारोबार गरेको छ। कारोबारमा आएकामध्ये १९५ वटा स्टक्सको मूल्य…

काठमाडौं,१७ चैत। नेकपा एमालेले पार्टी अध्यक्ष केपी शर्मा ओली पक्राउको विरोधमा देशव्यापी प्रदर्शनका कार्यक्रम सार्वजनिक गरेको छ। मंगलबार बसेको सचिवालय बैठकले चैत २४ गतेदेखि देशव्यापी विरोधको कार्यक्रम आयोजना गर्ने निर्णय भएको पार्टीका महासचिव शंकर पोखरेलले जानकारी दिए । उनका अनुसार, चैत २४ गते सबै जिल्ला कमिटी वृहत कार्यकर्ता भेला आयोजना गर्ने निर्णय भएको छ। चैत २५ गते जिल्ला तहमा आन्दोलन केन्द्रित बृहत् भेला गर्ने, २८ गते सबै पालिकामा विरोध प्रदर्शन गर्ने, वैशाख ३ गते वडा तहमा भेला गर्ने, वैशाख ७ गते प्रदेश राजधानीहरुमा प्रदर्शन गर्ने र वैशाख १२ गते राजधानीमा विशाल विरोध प्रदर्शन आयोजना हुनेछ। महासचिव पोखरेलले अध्यक्ष ओली, नेपाली…

कपिलवस्तु,१७ चैत। कपिलवस्तु प्रहरीले ग्राहकको खाताबाट रकम चोरेको आरोपमा नेपाल इन्भेस्टमेन्ट मेगा बैंकको तौलिहवा शाखाका एक जना कर्मचारीलाई पक्राउ गरेको छ । यस अघि प्रहरीले ग्राहकको खाताबाट रकम चोरेकै आरोपमा यही बैंकको गाईघाट शाखामा कार्यरत उदयपुरको त्रियुगा नगरपालिका-५ की सुनिता बानियाँलाई पक्राउ गरेको थियो । तौलिहवा शाखामा कार्यरत पक्राउ परेका कर्मचारी ऋषभ कार्कीले बैंकिङ प्रणालीभित्र प्रवेश गरेर ग्राहकका मोबाइल नम्बर परिवर्तन गरी आफूले प्रयोग गर्ने नम्बर राखेर मोबाइल बैंकिङ ट्रान्जेक्सनको सूचना आफैंलाई आउने व्यवस्था मिलाएको आरोप छ । जिल्ला प्रहरी कार्यालयका प्रवक्ता तथा डीएसपी रिपेन्द्रकुमार सिंहका अनुसार, यही प्रक्रिया अपनाएर उनले १६ जना ग्राहकको १ करोड ६५ लाख रुपैयाँ मोबाइल…

भैरहवा,१७ चैत। मध्यपूर्वमा द्वन्द्वका कारण कुवेतमा रोकिएका नेपाली नागरिकहरुलाई स्वदेश ल्याईने भएको छ । कुवेत एयरवेजको वाइडबडी विमान (बोइङ ७७७–३००) को चार्टर उडानमार्फत मार्फत बुधवार त्यहाँबाट नेपाली नागरिकहरुलाई स्वदेश ल्याइने भएको हो । जसका लागि उक्त चार्टर उडानलाई नेपाल नागरिक उड्डयन प्राधिकरणले अनुमित प्रदान गरिसकेको छ । कुवेतबाट अलपत्र नेपाली यात्रुहरुलाई लिएर बुधवार उक्त विमान दिउँसो ४:४५ बजे भैरहवामा अवतरण गर्ने तालिका रहेको गौतमबुद्ध अन्तर्राष्ट्रिय विमानस्थलका सूचना अधिकारी विनोदसिंह रावतले जानकारी दिए । उक्त उडानमार्फत करिब तीन सय यात्रु आउन सक्ने सम्भावना रहेको उनले बताए । कुवेतस्थित नेपाली दूतावासको समन्वयमा स्वदेश फर्किन चाहेको नेपालीहरुलाई चार्टर उडानमार्फत स्वदेश पठाउन लागिएको बताइएको…

काठमाडौं,१७ चैत। राष्ट्रिय स्वतन्त्र पार्टीका सभापति रवि लामिछाने र आम जनता पार्टीका अध्यक्ष प्रभु साहबीच पनि भेटवार्ता भएको छ । मंगलबार भएको भेटमा पछिल्लो विकसित राजनीतिक घटनाक्रमबारे छलफल भएको जनाइएको छ। देश र अझ विशेषगरी मधेसले परिवर्तन चाहेको जनमतबाट स्पष्ट देखिएकाले यसलाई आत्मसात् गरि पारस्परिक सहयोगमार्फत अघि बढ्ने विषयमा छलफल केन्द्रित भएको जनाइएको छ। आजै लामिछाने र राष्ट्रिय सभा सदस्य महन्थ ठाकुरबीच पनि भेटवार्ता भएको थियो।

उदयपुर,१७ चैत। ग्राहकको खाताबाट पैसा हिनामिना गरेको आरोपमा नेपाल इन्भेष्टमेन्ट मेगा बैंकको एक जना कर्मचारीलाई प्रहरीले पक्राउ गरेको छ । बैंकको गाईघाट शाखामा कार्यरत उदयपुरको त्रियुगा नगरपालिका-५ की सुनिता बानियाँलाई प्रहरीले पक्राउ गरेको हो । बैंकको उजुरी पश्चात कर्मचारी बानियाँलाई पक्राउ गरिएको जिल्ला प्रहरी कार्यालय उदयपुरका सूचना अधिकारी एवं डीएसपी केदारमान दोङले बताए। उनका अनुसार, कर्मचारीले ग्राहकको पैसा हिनामिना गरेको आरोपपछि उनलाई नियन्त्रणमा लिएर बैंकिङ कसुर तथा ठगी मुद्दामा अनुसन्धान भइरहेको थालिएको छ। बैंकले आन्तरिक छानबिनमा रकम हिनामिना भएको पाएपछि प्रहरीमा उजुरी दिएको हो ।

काठमाडौं, १७ चैत । काठमाडौंका पूर्व प्रमुख जिल्ला अधिकारी (सीडीओ) छवि रिजाललाई प्रहरीले पक्राउ गरेको छ । उपत्यका अपराध अनुसन्धान कार्यालयबाट खटिएको टोलीले उनलाई पक्राउ गरेको हो । जेनजी आन्दोलनको बेला काठमाडौंको सीडीओ रहेका रिजालमाथि गत भदौ २३ र २४ गते भएको जेनजी आन्दोलनमा दमन गरेको आरोप छ । तर, गौरीबहादुर कार्की नेतृत्वको आयोगमा रिजालले आफुले घातक हतियारबाट गोली प्रहार गर्ने आदेश नगरेको बयान दिएका छन्। गौरीबहादुर कार्की नेतृत्वको जाँचबुझ आयोगले रिजाललाई कारबाही सिफारिस गरेको थियो।