Author: क्लिक लुम्बिनी

भैरहवा, २८ चैत। शुक्रबार देशभर आंशिकदेखि साधारणतया बदली रहने मौसम पूर्वानुमान महाशाखाले जनाएको छ । महाशाखाका अनुसार देशको पहाडी भूभागका केही स्थानहरुमा तथा देशका बाँकी भूभागका थोरै स्थानहरुमा मेघगर्जन/चट्याङसहित हल्कादेखि मध्यम वर्षाको सम्भावना रहेको छ। देशको उच्च पहाडी तथा हिमाली भूभागका थोरै स्थानहरुमा हल्का वर्षा/हिमपातको सम्भावना रहेको छ। शुक्रबार राति सुदूरपश्चिम प्रदेश लगायत देशको पहाडी भूभागमा आंशिकदेखि साधारणतया बदली रही बाँकी भूभागमा आंशिक बदलीदेखि मौसम मुख्यतया सफा रहने महाशाखाले जनाएको छ। सुदूरपश्चिम प्रदेश लगायत देशको पहाडी भूभागका थोरै स्थानहरुमा मेघगर्जन/चट्याङसहित हल्कादेखि मध्यम वर्षाको सम्भावना रहेको छ। देशको उच्च पहाडी तथा हिमाली भूभागका थोरै स्थानहरुमा हल्का वर्षा/हिमपातको सम्भावना रहेको महाशाखाले जनाएको…

काठमाडौं,२८चैत। गत चैत १५ गते काठमाडौंको तीनकुनेमा हिंसात्मक प्रर्दशनपछि फरार भएका राजावादी आन्दोलनका कमाण्डर दुर्गा प्रसाईँको सचिवालयले उनले भारतमा आत्मसमर्पण गरेको बताएको छ। राति ९ः१३ बजे दुर्गा प्रसाईं नामबाट संचालित फेसबुक आईडीबाट उनको सचिवालयले स्ट्याट्स पोष्ट् गरेर लेखेको छ, ‘अहिले २ घण्टा अगाडि हाम्रा अभियानका संयोजक श्री दुर्गा प्रसाईंज्यूले आफ्नो सुरक्षाको लागि आफैँ भारतको आसाम राज्यको प्रहरीसमक्ष आत्मसमर्पण गर्नुभएको छ, हिजोमात्र हामीले भिडिओ मार्फत हाम्रो ज्यानको सुरक्षाको ग्यारेन्टी भए २४ घण्टाभित्र उपस्थित हुन्छौं,भनेका थियौं र आज उपस्थित भयौं!’ प्रहरीले प्रसाईंलाई काठमाडौं ल्याएर संगठित अपराध, राज्यविरुद्धको कसुर, अपराधिक उपद्रव लगायतका अभियोगमा अनुसन्धान गर्ने तयारी छ । गत चैत १५ गते काठमाडौँको…

काठमाडौं, २८ चैत। काठमाडौंको तीनकुने घटनाको आरोपी दुर्गा प्रसाईँ भारतमा पक्राउ परेका छन्। स्रोतका अनुसार प्रहरीले उनलाई भारतबाट पक्राउ गरेर नेपाल ल्याउन लागेको छ। नेपाल प्रहरीका प्रवक्ता एंव डीआईजी दिनेश कुमार आचार्यले प्रसाईँ भारतमा पक्राउ नपरेको दावी गरे। प्रसाईँ पक्राउको विषयमा उनले क्लिक लुम्बिनीसँग भने- ‘त्यस्तो केही छैन।होईन ।’ गत चैत १५ गते काठमाडौँको तीनकुनेमा प्रसाईको नेतृत्वमा भएको राजावादीको प्रदर्शनले हिंसात्मक रुप लिदाँ दुई जनाको मृत्यु भएको थियो। साथै, विभिन्न स्थानमा तोडफोड, आगजनी र लुटपाट गरिएको थियो। घटना पश्चात उनी फरार भएका थिए। त्यसयता उनले सामाजिक संजालमा भीडियो मार्फत आफु असुरक्षित रहेकोले जोगिएर बसेको र आफु नभागेको बताउँदै आएका थिए।

काठमाडौं,२८ चैत। नेपाली कांग्रेसका महामन्त्री गगन थापाले पूर्वराजा ज्ञानेन्द्र शाहलाई जति धोइपखाली गरेपनि संवैधानिक बनाउन नसकिने बताएका छन्। नेपाली कांग्रेस बागमती प्रदेशले बिहीबार आयोजना गरेको कार्यक्रमलाई सम्बोधन गर्दै उनले पूर्वराजा ज्ञानेन्द्रलाई धोएर सफा गरेर कसैले पनि संवैधानिक बनाउन नसक्ने बताएका हुन्। निर्मल निवासमा बसेर उत्पात मच्याउनेले नारायणहिटी दरबारमा बसेको भए के गर्थे होलान् भन्दै प्रश्न समेत गरे। ‘नेपालको राजा कसैले पनि धोएर जति सफा गरे पनि उसलाई कसैले संवैधानिक बनाउन सक्दैन’, उनले भने, ‘कांग्रेस लामो अनुभव गरेर त्यो निर्णय गरेको हो।’ कांग्रेस नेपालको राजसंस्थालाई संवैधानिक बनाउनुपर्छ मान्यता राख्ने पार्टी भएको बताउँदै राजसंस्था भएका अन्य मुलुकको चरित्रजस्तो नेपालको राजसंस्थाले देखाउन नसकेको…

अर्घाखाँची,२८चैत। अर्घाखाँचीको भूमिकास्थान नगरपालिकामा चट्याङ लागेर एक जनाको मृत्यु भएको छ। चट्याङ लागेर जिल्लाको भूमिकासाथ नगरपालिका-१० लिसेपानीका ७२ वर्षीय यमबहादुर घर्तीको मृत्यु भएको जिल्ला प्रहरी कार्यालय अर्घाखाँचीले जनाएको छ। चट्याङ लागेपछि बेहोस अवस्थामा रहेका घर्तीलाई उपचारका लागि अस्पतालमा लगिएको चिक्तिसकले उनलाई मृत घोषणा गरेको अर्घाखाँचीका डीएसपी चक्रबहादुर मल्लले जानकारी दिए

काभ्रे,२८चैत। काभ्रेमा सवारी दुर्घटना हुँदा ११ जना घाइते भएका छन्। काठमाडौंबाट रामेछाप जाँदै गरेको प्रदेश ३-०१-००६ ख १३३९ नम्बरको यात्रुबाहक बस काभ्रेको रोशी गाउँपालिका-९ दाउन्ने मोडमा दुर्घटना भएको प्रहरीले जनाएको छ । जिल्ला प्रहरी कार्यालय काभ्रेका प्रहरी निरीक्षक कृष्ण गिरीका अनुसार बस दुर्घटनामा ११ जना घाइते भएका छन्। जसमध्ये ४ जनाको मेथिनकोट अस्पताल र ७ जनाको प्राथमिक स्वास्थ्य केन्द्र मंगलटारमा उपचार भइरहेको छ । यात्रुबाहक बस खाँदबारीबाट काठमाडौंतर्फ जाँदै गरेको मे १ ख ३३९४ नम्बरको हाइस गाडीलाई ठक्कर दिएर सडकबाट २० मिटर तल खसेको थियो। प्रहरीका अनुसार बसमा १५ जना सवार रहेका थिए। बस चालक नियन्त्रणमा रहेको प्रहरीले जनाएको छ।

नवलपुर,२८ चैत। गएराति देखिको निरन्तर वर्षाको कारण बाटो हिलाम्मे हुँदा दाउन्ने सडकखण्ड अवरुद्ध भएको छ। सडक अवरुद्ध हुँदा सयौं सवारी साधन र यात्रुहरु अलपत्र परेका छन्। पूर्वी नवलपरासीको विनयी त्रिवेणी गाउँपालिका–२ दाउन्ने सडक खण्डमा वर्षाको कारण बाटो हिलो र चिप्लो भई सवारी साधनहरु आवतजावत गर्न कठिनाई भएपछि सडकखण्ड अवरुद्ध भएको हो। जिल्ला ट्राफिक प्रहरी कार्यालय पूर्वी नवलपरासीका प्रहरी निरीक्षक जनक बन्जाराका अनुसार दाउन्ने खण्डमा सडकको निर्माण कार्य भइरहेकोले वर्षाका सडक हिलाम्मे हुँदा सवारीसाधन संचालनमा कठिनाई हुँदा सडक अवरुद्ध हुन पुगेको हो। दाउन्ने क्षेत्रमा बुधवार देखि चैत ३१ गते सम्मका लागि दिनको ११ बजे देखि ३ बजे सम्म सवारी आवागमन बन्द…

भैरहवा, २८चैत। रुपन्देहीको तिलोत्तमा नगरपालिका-१५ स्थित पाँच तारे रिसोर्ट टाइगर प्यालेस बाइ सोल्टीले नेपाली नयाँ वर्षलाई विशेष बनाउने भएको छ। रिसोर्टले आन्तिरक र बाह्य पर्यटकलाई लक्षित गर्दै नयाँ वर्षको पहिलो दिन चर्चित सांगीतिक ब्याण्ड कुटुम्बको प्रस्तुति राखेको छ। आगामी बैशाख १ गते रिसोर्टमा आउने पाहुनाको नयाँ वर्ष विशेष तुल्याउन सस्तो प्याकेज समेत घोषणा गरिएको जनाएको छ। टाइगर प्यालेस बाइ सोल्टीका जनरल म्यानेजर (जीएम) अग्निमित्र शर्माका अनुसार नयाँ वर्षका दिन साँझ ७ देखि ११ बजेसम्म विशेष सांगीतिक कार्यक्रम आयोजना गरिएको छ। यसक्रममा साँझ ८ देखि १० बजेसम्म सम्म कुटुम्ब ब्याण्डको प्रस्तुतिमा झुम्दै पाहुनाले स्वदाष्टि परिकारका साथ मनोरञ्जन लिन सक्ने व्यवस्था गरिएको…

भैरहवा, २८चैत। नेपालको स्थानीय बजारमा सुन प्रतितोला एकैदिनमा ५ हजार ७ सय रुपैयाँले वृद्धि भएको छ । यससँगै सुनको मूल्यले नयाँ रेकर्ड कायम गरेको छ। बिहीवार मूल्य वृद्धिसँगै सुनको प्रतितोला १ लाख ८१ हजार १०० रुपैयाँ कायम भएको नेपाल सुन चाँदी व्यवसायी महासंघले जनाएको छ । बधुबार २ हजार रुपैयाँले बढेर प्रतितोला सुनको मूल्य १ लाख ७५ हजार ४०० रुपैयाँमा कारोबार भएको थियो । यसअघि चैत्र २१ गते एक तोला सुनको मूल्य १ लाख ८० हजार ३०० पुगेर ऐतिहासिक रेकर्ड बनाएको थियो। त्यसपछि क्रमश घट्दै गएको सुन आज भारी मूल्यले वृद्धि भएको हो। सुनको मूल्य बढेसँगै चाँदीको मूल्य पनि वृद्धि…

भैरहवा, २७ चैत। भैरहवास्थित गौतमबुद्ध अन्तर्राष्ट्रिय विमानस्थलबाट अन्तर्राष्ट्रिय उडान रोकिदा स्थानीय संघसंस्थाद्वारा आन्दोलनको घोषणा गरिएको छ। बुधवार भैरहवाको सिद्धार्थ उद्योग वाणिज्य संघ, उद्योग व्यापार संगठन, र सिद्धार्थ सञ्जाल रुपन्देहीले पत्रकार सम्मेलनको आयोजना गरी अन्तर्राष्ट्रिय उडानको माग गर्दै संयुक्त रुपमा चरणबद्ध आन्दोलनको घोषणा गरेका हुन्। पछिल्लो समयमा विमानस्थलबाट नेपाल एयरलाईन्सले मात्र सातामा एउटा मलेसिया (क्वालालम्पुर)–भैरहवा–काठमाडौं उडान गर्दै आएको छ। यस अघि थाईल्याण्डको थाई एयर एशियाको, यूएईको फ्लाई दुबई र कुवेतको जजिरा एयरवेजले गर्दै आएको उडान रोकेका छन्। विमानस्थल कार्यालयका अनुसार उडान रोकेको अन्तर्राष्ट्रिय वायुसेवा कम्पनीले नियमित उडानका लागि गर्मीयामको उडान तालिका पेश गरेका छैनन्। गत एप्रिल १ तारिखबाट यी तीन वायुसेवा…