Author: क्लिक लुम्बिनी

कञ्चनपुर,२१बैशाख। कञ्चनपुरमा चट्याङ लागेर एक महिलाको मृत्यु भएको छ। शुक्लाफाँटा नगरपालिका–१२ स्थित तिल्कीमा घर नजिकै रहेको तरकारी बारीमाबाट घर फर्कने क्रममा चट्याङ लागेर २४ वर्षीया लालमती रानाको मृत्यु जिल्ला प्रहरी कार्यालय कञ्चनपुरका प्रमुख खडकबहादुर खत्रीले बताए। उनका अनुसार चट्याङ लागेर मृतकका श्रीमान् २५ वर्षीय रतनसिंह राना घाइते भएका छन् ।

काठमाडौं,२१बैशाख। राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रलाई थप पाँच दिन हिरासतमा राख्न अदालतले अनुमति दिएको छ। थपिएको म्याद सकिएसँगै आज पुनः उनलाई म्याद थपका लागि जिल्ला अदालत काठमाडौँ लगिएको थियो। अदालतले आइतबार छैटौं पटक म्याद थप गर्दै मिश्रलाई अझै पाँच दिन हिरासतमा राख्न अनुमति दिएको प्रहरीले जनाएको छ।

काठमाडौं,२१बैशाख। नेपाल प्रहरीका ७ जना प्रहरी नायब महानिरीक्षक (डीआईजी)हरुलाई यताउता गरिएको छ। आइतबार बसेको गृहमन्त्रीस्तरीय बैठकले उनीहरुलाई यताउता गरेको हो । कर्णाली प्रदेशबाहेक ६ वटा प्रदेशमा डीआईजीहरुको सरुवा गरिएको छ। प्रहरी प्रधान कार्यालय मानवस्रोत विकास विभागका अनुसार लुम्बिनी प्रदेशमा डीआईजी राजेन्द्र प्रसाद भट्टको सरुवा गरिएको छ। त्यस्तै कोशीमा ईश्वर कार्की, मधेशमा उमाप्रसाद चतुर्वेदी, बागमतीमा अरुण पौडेल, गण्डकीमा दिनेश कुमार आचार्य र सुदूरपश्चिम प्रदेशमा डम्बर बहादुर विकको सरुवा गरिएको छ । यस्तै प्रहरी नायव महानिरीक्षक गोविन्द थपलियालाई नेपाल प्रहरी प्रधान कार्यालय प्रदेश समन्वय विभागबाट केन्द्रीय अनुसन्धान ब्यूरो (सीआईबी) मा पठाइएको छ।

भैरहवा,२०बैशाख। अन्डर–१६ प्रदेशस्तरीय क्रिकेट टिम छनोटका लागि रुपन्देही जिल्लास्तरीय खेलाडी छनोट सुरु भएको छ । भैरहवास्थित सिद्धार्थ क्रिकेट रंगशालामा शनिबारदेखि जिल्लास्तरीय टिम छनोट सुरु भएको रुपन्देही क्रिकेट संघका उपाध्यक्ष समेत रहेका कार्यक्रम संयोजक धीरज अधिकारी क्षेत्रीले जानकारी दिए । एशियन क्रिकेट काउन्सिल (एसीसी) को कार्यक्रम अनुसार आगामी जुन २०२५ मा ‘एसीसी पुरुष यु–१६ इस्ट जोन कप २०२५’ प्रतियोगिता हुँदैछ । उक्त प्रतियोगितालाई मध्यनजर गरी नेपाल क्रिकेट संघले यही २०८२ जेठ दोस्रो सातादेखि यु–१६ पुरुष राष्ट्रिय क्रिकेट प्रतियोगिताको आयोजना गर्दैछ । त्यसका लागि प्रादेशिक क्रिकेट टिम छनोटका गर्न भैरहवामा जिल्लास्तरीय छनोट सुरु भएको हो । उनका अनुसार सार्वजनिक सूचना आह्वान पछि…

लुम्बिनी,२०बैशाख। कायममुकायम प्रधानन्यायधीश सपना प्रधान मल्लले कानुनी अनुसन्धानको अहिलेको प्रणालीलाई सुधार गरेर लैजानुपर्ने बताएकी छन्। नेपालका संविधानले करुणासहितको न्यायको कल्पना गरेको भन्दै त्यसलाई सबैले आत्मसाथ गर्दै अघि बढ्नुपर्ने उनले बताइन्। ‘कानून र करुणा एकअर्काका विपरित होइनन्, कानूनले न्याय बुझ्नुपर्छ, करुणायुक्त न्याय आजको आवश्यकता हो, त्यसो भएन भने न्याय प्राप्ती हुन सक्दैन, उनले भनिन्, अपराधको अनुसन्धान, अभियोजनामा पनि करुणा हुनुपर्छ ।’ लुम्बिनी बौद्ध विश्वविद्यालयको स्कूल अफ लले आयोजना गरेको राष्ट्रिय अभ्यास अदालत प्रतियोगिताको पुरस्कार वितरण कार्यक्रमलाई शनिबार लुम्बिनीमा सम्बोधन गर्दै कामु प्रधानन्याधीश मल्लले बुद्धले प्रदान गरेको शिक्षालाई अनुशरण गर्दै करुणायुक्त न्याय परिपाटीको विकास गर्नुपर्ने बताइन्। अरुलाई पीडाबाट मुक्त गराउनु न्यायको अभिप्राय…

भैरहवा,२०बैशाख। आम जनता पार्टी (आजपा) का अध्यक्ष प्रभु साहले एयरपोर्ट (गौतमबुद्ध विमानस्थल) चलाउन नसक्ने प्रधानमन्त्रीले देश कसरी चलाउन सक्ने भन्दै प्रश्न गरेका छन्। शनिवार पार्टीद्वारा भैरहवामा आयोजित पत्रकार सम्मेलनलाई सम्बोधन गर्दै उनले दुई तिहाईको सरकारले भैरहवाको गौतमबुद्ध अन्तर्राष्ट्रिय विमानस्थल सञ्चालन गर्नमा असफल भएको बताए। ‘यो एयरपोर्ट नचलेका कारण व्यवसायीको पूँजी डुबिरहेको र विमानस्थललाई लक्षित गर्दै सञ्चालनमा आएका होटल र पर्यटन व्यवसाय धरासायी भएका छन्’,उनले भने,‘म प्रधानमन्त्री र अहिलेको पर्यटनमन्त्रीलाई सोध्न चाहन्छु तपाईहरुले किन एयरपोर्ट चलाउनुभएन?’ पूर्वमन्त्री समेत रहेका साहले एयरपोर्ट नचलाउने भए मर्कामा परेका व्यवसायीलाई सरकारले क्षतिपूर्ति दिनुपर्ने माग गरे । ‘व्यवसायी संकटमा छन्, पर्यटक आउँछन् भनेर पर्यटन, होटल व्यवसायीले…

कमल रायमाझीबाग्लुङ, १९ बैशाख।सिथिल परेको आर्थिक क्षेत्रलाई चलायामन गराएर आर्थिक समृद्धिका साथै उद्योग व्यवसायीको हितमा काम गर्नका लागि सिद्धार्थ उद्योग वाणिज्य संघ, रुपन्देही कार्ययोजना बनाउनमा जुटेको छ। अध्ययन भ्रमणका लागि विभिन्न जिल्लाको दौडाहामा रहेको संघ बाग्लुङ पुगेर शुक्रबारदेखि योजना निर्माण तथा दुई वर्षे कार्ययोजना तर्जुमा गोष्ठी सुरु गरेको छ। बाग्लुङको ईला कम्फर्ट होटलको सभाहलमा सुरु भएको कार्ययोजना तर्जुमा गोष्ठीको उद्धघाटन गर्दै नेपाल उद्योग वाणिज्य महासंघका केन्द्रिय अध्यक्ष चन्द्र ढकालले नेपाल धेरै सम्भावना रहेको देश भएको भन्दै विदेश पलायन हुनबाट युवा पंक्तिलाई रोक्नु पर्ने बताए। नीजिक्षेत्रले यसको नेतृत्व गर्न सक्नुपर्ने उनको भनाई छ। मुलुकमा धेरै कामगर्न सक्ने सम्भावना भएपनि देशका दक्षजनशक्ति…

बुटवल,१९बैशाख। लुम्बिनी बौद्ध विश्वविद्यालय स्कुल अफ लको आयोजनामा पहिलो राष्ट्रिय मुटकोर्ट प्रतियोगिता सुरु भएको छ। विद्यार्थीहरुमा अदालती अभ्यासको सिकाई अभिवृद्धिका लागि देशव्यापी मुटकोर्ट प्रतियोगिता आयोजना गरिएको हो। प्रतियोगितामा नेपालका नौ विश्वविद्यालयका १६ वटा कानून विषय अध्यापन हुने शैक्षिक संस्थाका विद्यार्थीहरुको सहभागिता रहेको छ।स्नातक तह अध्ययन गरिरहेका विद्यार्थीहरु सहभागी हुनेगरी मुटकोर्ट प्रतियोगिता आयोजना गरिएको स्कूल अफ लका निर्देशक प्रकाशमणि शर्माले जानकारी दिए। प्रतियोगिताले सैद्धान्तिक ज्ञान लिइरहेका विद्यार्थीहरुलाई अदालती अभ्यासमा दक्ष बनाउने उनले बताए। स्कूल अफ लका अनुसार प्रतियोगितामा लुम्बिनी बौद्ध विश्वविद्यालय, काठमाण्डौं विश्वविद्यालय, त्रिभुवन विश्वविद्यालय, मध्यपश्चिम विश्वविद्यालय, सुदुरपश्चिम पश्चिम विश्वविद्यालय, पुर्वाञ्चल विश्वविद्यालय, पोखरा विश्वविद्यालय, राजर्शीजनक विश्वविद्यालयका क्याम्पसहरुको सहभागिता रहेको छ। बुटवलस्थित…

काठमाडौं,१९बैशाख। भारतको ओडिसास्थित कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत वीरगञ्जकी प्रिसा साहको मृत्यु प्रकरणमा अनुसन्धान थालिएको भारतीय प्रहरीले जनाएको छ । भारतीय संचारमाध्यमसँग कुराकानी गर्दै भुवनेश्वर-कटकका पुलिस कमिसनर सुरेश देव दत्त सिंहले छात्राको मृत्युपश्चात कुनै उजुरी प्राप्त नभएकोले अप्राकृतिक मृत्युको मुद्दा दर्ता गरेर घटनाको अनुसन्धान थालिएको बताए। ‘बिहीवार साँझ ७ बजेतिर विश्वविद्यालयमा हाजिरी लिइँदै गर्दा कोठामा एक्लै रहेकी छात्राले कुनै प्रतिक्रिया दिइनन्। त्यसपछि उनी झुण्डिएको अवस्थामा भेटिएकी थिइन्। त्यसपछि हामीलाई जानकारी गराइयो। हामी अनुसन्धान गरिरहेका छौं। एक वैज्ञानिक टोली पनि घटनास्थलमा पुगेको छ र पीडितको कोठामा खोजी भइरहेको छ’, भारतीय संचारमाध्यमसँगको कुराकानीमा उनले भने, ‘उपस्थित पीडितका साथीहरु सहयोग…

काठमाडौं,१९बैशाख। भारतको ओडिसास्थित कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत वीरगञ्जकी नेपाली छात्रा प्रिसा साहको मृत्युको विषयमा परराष्ट्र मन्त्रालयले कुटनीतिक पहल थालेको छ। परराष्ट्रमन्त्री आरजु राणा देउवाले सामाजिक सञ्जालमा पोस्ट गर्दै उक्त कुरा जानकारी दिएकी हुन्। ‘परराष्ट्र मन्त्रालयले घटना लगत्तै हिजो नै भारत सरकार, ओडिसा सरकारका उच्च अधिकारीहरु र दिल्लीस्थित नेपाली दूतावास मार्फत घटनाको सत्य तथ्य छानविन गर्न कूटनीतिक पहल थालेको छ।’ सामाजिक सञ्जालमा उल्लेख गरिएको छ। नेपाली विद्यार्थी विश्वविद्यालयको छात्रावासको कोठामा मृत भेटिएको घटनाले निकै मर्माहित बनाएको उनले जनाएकी छन्।गत फागुन ४ गते सोही विश्वविद्यालयको छात्रावासमा भैरहवाको प्रकृति लम्साल पनि मृत अवस्थामा फेला परेकी थिइन् ।