Author: क्लिक लुम्बिनी

बुटवल, १० चैत। प्रकाशन तथा प्रसारण संघ लुम्बिनीको प्रथम अधिवेशनले नवराज कुंवरको अध्यक्षतामा नयाँ कार्यसमिति चयन गरेको छ। रुपन्देहीको बुटवलमा सम्पन्न प्रथम साधारण तथा अधिवेशनले कुंवरको अध्यक्षतामा १५ सदस्यीय कार्यसमिति चयन गरेको हो । जसको उपाध्यक्षमा विष्णु भुसाल, महासचिवमा माधव नेपाल र कोषाध्यक्षमा गौतम भुसाल निर्वाचित भएका छन् । त्यस्तै सचिवमा ३ जना निर्वाचित भएका छन् । जसमा अनलाइनतर्फबाट दीपक घिमिरे, पत्रपत्रिकातर्फबाट विनोद पौडेल र रेडियो/टिभी तर्फबाट आशिष गुप्ता रहेका छन् । सदस्यहरुमा जगदीश भट्टराई, उषाकिरण पन्थ, विष्णु गैरे, गोपाल भट्टराई, मेघराज गौतम, चन्द्रकान्त न्यौपाने, राधा बस्नेत (रिया) र सिद्धार्थ पाण्डे निर्वाचित भएका छन् । संघको सल्लाहकारमा तीनजना मनोनित भएका…

भैरहवा,१० चैत। जनता समाजवादी पार्टी, (जसपा) नेपालका अध्यक्ष उपेन्द्र यादवले काँग्रेस–कम्युनिष्टको हातमा शासन र शक्ति रहेसम्म यो देशको विकास हुन नसक्ने दावी गरेका छन् । जसपा नेपाल जिल्ला कार्यसमिति रुपन्देहीले भैरहवामा आयोजना गरेको पार्टी प्रवेश कार्यक्रमलाई सम्बोधन गर्दै उनले नेपालमा धेरै सम्भावना र संसारकै विकसित देश बन्ने आधार हुँदाहुँदै पनि काँग्रेस–कम्युनिष्टकै कारण देशको अवस्था यस्तो भएको बताए । विगत ३५ वर्षदेखि यो मुलुकको शासन गरेका काँग्रेस–कम्युनिष्टले देशको अर्थतन्त्र धरासायी बनाएको तथा कृषि, उद्योगको विकास र शिक्षा तथा स्वास्थ्यमा सुधार गर्न नसकेको उनले आरोप लगाए । ‘३५ वर्ष कम समय होइन । तर, गरीबी तथा रोजगारीको समस्या समाधान हुन सकेन ।…

काठमाडौ,८चैत। परराष्ट्रमन्त्री आरजु राणाले भारत लोकतन्त्रकै पक्षमा रहेको बताएकी छिन् । भारत भ्रमण सकाएर स्वदेश फर्किएकी मन्त्री राणाले शुक्रबार सञ्चारकर्मीसँग कुराकानी गर्दै भारतीय पक्ष नेपालमा लोकतान्त्रिक प्रणालीकै पक्षमा रहेको बताइन्। नेपालमा राजावादी सक्रिय भइरहेका बेला मन्त्री राणाले भारतीय पक्षको सन्देश नेपालमा लोकतन्त्र नै रहेको स्पष्ट पारेकी हुन्। ‘भारतीय पक्षसँग राजनीतिक विषयमा धेरै कुराकानी नभए पनि उहाँहरुले नेपालमा लोकतान्त्रिक प्रणाली नै चाहेको मैले पाएँ। अहिले सरकारसँग भारतीय पक्ष (भारतीय निकायहरु) जोडिरहनुभएको छ। सरकार नै परिवर्तन गर्ने, व्यवस्था नै परिवर्तन गर्ने खालको आशय उहाँहरुमा मैले देखिनँ’,उनले भनिन्। उनले राइसिना डायलग कार्यक्रममा नेपालको पक्षमा वकालत गरेको र विभिन्न साइडलाइन वार्ताहरु पनि गरेको बताइन्।…

काठमाडौं, ८चेत। नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले २०८४ सालसम्म आफु जनताकै साथमा हुने र प्रधानमन्त्री हुने दौडमा नरहने बताएका छन्। शुक्रबार वीरगञ्जमा पत्रकारहरुसँग कुराकानी गर्दै उनले वर्तमान सरकार भ्रष्टाचारीहरुलाई जोगाउनका लागि बनेको आरोप लगाउँदै केपी ओली नेतृत्वको सरकार नराम्रो काम गर्नका लागि बनेको बताए। ‘ओली सरकारको काम भनेको भ्रष्टाचारीलाई बचाउने मात्रै छ। राम्रो काम गर्नेहरुलाई सताउने, अपमानित गर्ने, नराम्रो काम गर्नेलाई पुरस्कृत गर्ने नै केपीजीको सरकारको काम हो। त्यो कुरा कुलमानको कुराबाट सजिलै बुझ्न सक्नुहुन्छ,’ उनले भने । उनले वर्तमान सरकारले भ्रष्टाचारी जोगाउने, बेथिति र अराजकता बढाउने काम गरिरहेको आरोप लगाए । ‘लेखा समितिको सभापति प्रमुख प्रतिपक्षी माओवादीले…

लुम्बिनी, ८चैत ८। संस्कृती पर्यटन तथा नागरिक उडडयन मन्त्री बद्री प्रसाद पाण्डेले लुम्बिनी बौद्धमार्गीहरुको आस्थाको केन्द्रसँगै विश्व शान्ति पर्यटनको केन्द्र रहेको बताएका छन्। शुक्रबार दोस्रो लुम्बिनी अन्तर्राष्ट्रिय शान्ति महोत्सव तथा अन्तर्राष्ट्रिय ध्यान महोत्सव उद्घाटन समारोहलाई सम्बोधन गर्दै उनले यस्तो बताएका हुन् । चिनियाँ दूतावाससँगको सहकार्यमा संस्कृती पर्यटन तथा नागरिक उड्डयन मन्त्रालय सहित विभिन्न निकायहरुको आयोजनामा विहिबारदेखि शुरु भएको महोत्सवको शुक्रबार विहान उद्घाटन समारोह गरिएको हो । मन्त्री पाण्डेले लुम्बिनी बौद्ध धर्माम्बलम्बीहरुको आस्थाको केन्द्र मात्रै नभई विश्वभरका शान्तिप्रियहरुको पनि पवित्र स्थल भएकाले शान्ति पर्यटनको केन्द्र भएको बताए। विश्वव्यापी रुपमा लुम्बिनीबाट शान्ति, एकता सदभाव र मानवताको सन्देश दिन सकिने बताए। उनले विश्वसम्पदा…

कपिलवस्तु, ८ चैत। कपिलवस्तु जिल्लास्थित कृष्णनगर भन्सार कार्यालयले जाँचपास गरेर छाडेको ट्रक प्रहरीले नियन्त्रण्मा लिएको छ। भन्सार कार्यालयले जाँचपास गरेर जारी गरेको प्रज्ञापनपत्रमा उल्लेखित भन्दा बढी सामग्री फेला परेपछि प्रहरीले युपी ३२ एन ००६९ नम्बर मालवाहक ट्रक नियन्त्रणमा लिएको हो। जिल्ला प्रहरी कार्यालय कपिलवस्तुका प्रवक्ता एवं डीएसपी मोहनमणि अधिकारीका अनुसार प्रज्ञापनपत्रमा उल्लेखित भन्दा ट्रकमा २० कार्टुनमा करिब ३ क्विन्टल बढी अंगुर बरामद भएपछि गाडी नियन्त्रणमा लिइएको हो। उक्त ट्रक काठमाडौंतर्फ जाँदै थियो। भन्सार कार्यालयले जारी गरेको प्रज्ञापन पत्र अनुसार ६ सय कार्टुन अंगुरको ८० रुपैयाँको दर राजस्व लिइएको छ। तर, ट्रकमा ६२० कार्टुन अंगुर बरामद भएको छ। भन्सार एजेण्ट निरन्जन…

काठमाडौं, ८ चैत। सिराहा जिल्लाका प्रमुख जिल्ला अधिकारी वासुदेव दाहाल गृह मन्त्रालय तानिएका छन्। उनको स्थानमा दुई दिन अघि कपिलवस्तुको सीडिओबाट मन्त्रालयमा सरुवामा विश्वप्रकाश अर्याललाई पठाइएको गृह मन्त्रालयले जनाएको छ। महायज्ञ गर्न दलित परिवारलाई हटाएको विषयमा व्यवस्थापन गर्न नसकेको भन्दै उनलाई मन्त्रालयमा तानेको बुझिएको छ। सत्य तथ्य र स्वतन्त्र छानबिन गर्न गृहमन्त्री रमेश लेखकले प्रहरीलाई निर्देशन दिइसकेको उनको सचिवालयले जनाएको छ।

काठमाडौं, ८ चैत।। नेपाल प्रहरीको प्रहरी नायव उपरीक्षक (डीएसपी)बाट प्रहरी उपरीक्षक (एसपी)मा बढुवा भएका दुई अधिकृतलाई दर्ज्यानी चिह्न प्रदान गरिएको छ । शुक्रबार प्रहरी प्रधान कार्यालयमा आयोजित एक कार्यक्रममा प्रहरी महानिरीक्षक दीपक थापा र अतिरिक्त महानिरीक्षक सुदीप गिरीले एसपीमा बढुवा भएका रवीन कार्की र ज्ञानेन्द्र बस्नेतलाई दर्ज्यानी चिह्न प्रदान गरेका छन् । यसअघि उनीहरु दुबै जना सिनियर हुँदाहुँदै पनि बढुवामा छुटेका थिए ।

भैरहवा, ७ चैत।रुपन्देहीको सिद्धार्थनगर नगरपालिका देशभरका नगरपालिकामध्येबाट उत्कृष्ट भएको छ। आर्थिक वर्ष २०८०/०८१ मा सहरी योजना, पूर्वाधार विकास तथा विपद् व्यवस्थापन क्षेत्रमा उल्लेख्य कार्य सम्पादन गरेकोले नेपाल नगरपालिका संघले उत्कृष्ट नगरपालिका पुरस्कारबाट सिद्धार्थनगर नगरपालिकालाई पुरस्कृत गरेको हो। संघद्वारा आफ्नो ३२ औं स्थापना दिवसको अवसरमा काठमाडौंमा आयोजित कार्यक्रममा प्रधानमन्त्री केपी शर्मा ओलीले सिद्धार्थनगर नगरपालिकाका प्रमुख इश्तियाक अहमद खाँ र उपप्रमुख उमा अधिकारीलाई उत्कृष्ट नगरपालिका पुरस्कार २०८१ स्वरुप सम्मान पत्र प्रदान गरेका छन्। संघले उक्त विधामा प्रत्येक वर्ष देशभरका नगरपालिकाहरु मध्ये उत्कृष्टलाई पुरस्कृत गर्दै आएकोमा आर्थिक वर्ष २०८०/०८१ को पुरस्कार सिद्धार्थनगरले प्राप्त गर्न सफल भएको छ। विभिन्न सूचकका आधारमा नगरपालिकालाई उत्कृष्ट घोषणा…

नवलपरासी पश्चिम, ७ चैत। नवलपरासी पश्चिम प्रहरीले जिल्लाको रामग्राम नगरपालिका–५ स्थित वाईपास चोकबाट स्रोत नखुलेको १२ लाख रुपैयाँसहित दुई जनालाई पक्राउ गरेको छ। पक्राउ पर्नेमा पाल्हीनन्दन गाउँपालिका–२ भक्सिपुरका २२ वर्षीय सुख सागर यादव र प्रतापपुर गाउँपालिका–८ पिपरपातीका ३९ वर्षीय शिवेन्द्र प्रसाद बनिया रहेको प्रहरीले जनाएको छ। छुट्टाछुट्टै मोटरसाइकलमा रहेका दुई जनाको साथबाट ६-६ लाख रुपैयाँ गरी १२ लाख बरामद भएको हो। पक्राउ परेका दुवैजना विरुद्ध नवलपरासी जिल्ला अदालतबाट हुण्डी कारोबार सम्बन्धी कसुरमा म्याद थप गरि घटना अनुसन्धान गरिरहेको जिल्ला प्रहरी कार्यालय नवलपरासी पश्चिमका सूचना अधिकारी एवं प्रहरी निरीक्षक नारायण थापाले जानकारी दिए। साथै उनीहरुले प्रयोग गरेको यूपी ५६ एएच२५७३ र…