Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
भैरहवा,२३ बैशाख । नेपाल उद्योग वाणिज्य महासंघको एसोसिएटतर्फ केन्द्रीय कार्यकारिणी समिति सदस्यमा रुपन्देहीका वरिष्ठ उद्योगी राजेशकुमार अग्रवाल निर्वाचित भएका छन्। सार्वजनिक मतपरिणाम अनुसार, १ हजार ८२ मत प्राप्त गरी उनी निर्वाचित भएका हुन् । करिब तीन दशकदेखि उद्योग–व्यवसायमा सक्रिय अग्रवाल यसअघि पनि सोही पदमा रहेर काम गरिसकेका छन्। उनले सिद्धार्थ उद्योग वाणिज्य संघमा विभिन्न जिम्मेवारी सम्हाल्नुका साथै महासंघको अघिल्लो कार्यसमितिमा उद्योग समितिको सभापति समेत भएका थिए। अर्घाखाँची सिमेन्ट लिमिटेडसहित श्री स्टिल्स, सिद्धार्थ सिमेन्ट, सिद्धार्थ आयल इन्डष्ट्रिज, सिद्धार्थ रिफाइनरी, सिद्धार्थ मिनिरल्स, एक्सन पोलिमर्स, एसिएन कंक्रिटो र सिद्धार्थ पेट प्लाष्ट इन्डष्ट्रिजका सञ्चालक अग्रवाल निजी क्षेत्रका स्थापित उद्योगी हुन्। उद्योगसँगै उनले शिक्षा, स्वास्थ्य…
काठमाडौं,२३ बैशाख । नेपाल प्रहरीको साइबर ब्यूरोले विद्युतीय कारोबारसँग सम्बन्धित विभिन्न एप तथा प्रणालीको दुरुपयोग गरी बैंक तथा वित्तीय संस्थाका खाताबाट रकम चोरी हुने घटना बढ्दै गएकोले सर्वसाधारणलाई सचेत रहन आग्रह गरेको छ। ब्यूरोका अनुसार, कनेक्ट आइपिएससँग जस्तै देखिने नाम प्रयोग गरी विभिन्न मोबाइल नम्बरबाट प्रयोगकर्तालाई झुक्याउने सन्देश तथा एलर्ट पठाउने गरिएको पाइएको छ। यस्ता माध्यमबाट प्रयोगकर्तालाई ‘फिसिङ लिङ्क’ पठाई व्यक्तिगत विवरण प्राप्त गर्ने र त्यसैको आधारमा बैंक खातामा अनधिकृत पहुँच पुर्याएर ठूलो मात्रामा रकम चोरी गर्ने प्रवृत्ति बढ्दै गएको ब्यूरोले जनाएको छ। ब्यूरोले सर्वसाधारणलाई यस्ता शंकास्पद लिङ्क नखोल्न, आधिकारिक वेबसाइट मात्र प्रयोग गर्न, आफ्नो व्यक्तिगत तथा बैंकसम्बन्धी विवरण गोप्य…
काठमाडौं,२३ बैशाख । प्रधानमन्त्री बालेन शाहले संवैधानिक परिषदको बैठक आह्वान गरेका छन्। रिक्त रहेका संवैधानिक निकायका पदहरुमा नियुक्ति सिफारिस गर्ने उद्देश्यसहित बैठक आह्वान गरिएको हो। बैठक बिहीबार साँझ ५ बजे बस्ने तय गरिएको छ। हाल प्रधानन्यायाधीश, प्रमुख निर्वाचन आयुक्त लगायतका महत्वपूर्ण संवैधानिक पदहरु रिक्त रहेका छन्। सरकारले दोस्रोपटक सिफारिस गरेपछि राष्ट्रपति रामचन्द्र पौडेलले मंगलबार संवैधानिक परिषदसम्बन्धी अध्यादेश जारी गरेपछि नियुक्ति प्रक्रिया अघि बढ्ने बाटो खुलेको हो। प्रधानमन्त्रीको सचिवालयका अनुसार, बैठकको मुख्य एजेन्डा प्रधानन्यायाधीश नियुक्तिको सिफारिस रहनेछ। बैठकमा संवैधानिक परिषद्का सदस्य सभामुख डोलप्रसाद अर्याल (डीपी), राष्ट्रिय सभाका अध्यक्ष नारायण प्रसाद दाहाल, कानुन, न्याय तथा संसदीय मामिला मन्त्री सोविता गौतम, प्रतिनिधि सभाका…
कपिलवस्तु,२३बैशाख। मादक पदार्थ सेवन गरेर सवारी साधन चलाउने ८ जना चालकहरुलाई कारवाही गरिएको छ । जिल्ला ट्राफिक प्रहरी कार्यालय कपिलवस्तु तथा मातहत कार्यालयहरुले सञ्चालन गरेको मादक पदार्थ सेवन (मा.प.से.) नियन्त्रण विशेष अभियान अन्तर्गत सप्राइज चेकिङमा मापसे गरेर गाडी चलाउने ८ जना चालकहरुलाई कारवाही गरिएको हो । सप्राइज चेकिङमा ट्र्याक्टर, निजी जिप/कार एक-एक र ६ वटा मोटरसाइकल/स्कुटरका चालकलाई कारवाही गरिएको जिल्ला ट्राफिक प्रहरी कार्यालय कपिलवस्तुले जनाएको छ । सवारी साधनका चालकले नै मादक पदार्थ सेवन गरी सवारी चलाउनु गम्भीर नियम उल्लंघन तथा दण्डनीय कार्य भएको ट्राफिक प्रहरीले जनाएको छ। यस्तो गतिविधिले चालक मात्र नभई यात्रुहरु समेत जोखिममा पर्ने भएकाले सतर्क रहन…
सलमान खानभैरहवा । भैरहवास्थित गौतमबुद्ध इन्टरनेसनल होटलमा (भैरहवा विमानस्थलबाट केही दुरीमा रहेको) संचालित रोयल कालिङ्गा क्यासिनोमा प्रहरीले छापा मारेर क्यासिनोको म्यानेजरसहित १९ जना नेपाली नागरिकहरुलाई नियन्त्रणमा लिएको छ । लुम्बिनी प्रदेश प्रहरी कार्यालय र जिल्ला प्रहरी कार्यालय रुपन्देहीबाट खटिएको संयुक्त प्रहरी टोलीले सिद्धार्थनगर नगरपालिका–१० स्थित रहेको उक्त क्यासिनोमा चेकजाँच गर्दा जुवा खेल्ने र खेलाउने कार्यमा संग्लन १९ जनालाई नियन्त्रणमा लिइएको प्रहरीले जनाएको छ। केही महिना अघि संचालनमा आएको उक्त क्यासिनोमा नेपाली नागरिकको सहज प्रवेशसँगै क्यासिनो खेल्दै आएको गुनासो थियो । जिल्ला प्रहरी कार्यालय रुपन्देहीका सूचना अधिकारी एवं डीएसपी कृष्णकुमार चन्दका अनुसार, मंगलबार राती क्यासिनोमा जुवा खेलाउने कार्यमा ४ जना र…
काठमाडौं। राष्ट्रिय खेलकुद परिषद्का १९ जना पदाधिकारीहरु पदमुक्त भएका छन्। युवा तथा खेलकुद मन्त्रालयका प्रवक्ता मनिता श्रेष्ठका अनुसार, सरकारद्वारा सार्वजनिक पदाधिकारीको पदमुक्ति सम्बन्धमा विशेष व्यवस्था गर्न बनेको अध्यादेशको दफा (२) को उपदफा (१) बमोजिम मन्त्रिपरिषद्बाट नियुक्त भएका राखेपका पदाधिकारीहरु वैशाख १९ गतेदेखि लागू हुनेगरी स्वत: पदमुक्त भएका हुन् । यी हुन् पदमुक्त भएका पदाधिकारीहरु, हेर्नुहोस् सूची:
काठमाडौं,२२ बैशाख । नेपाली कांग्रेसले पाँच भ्रातृ संगठनको म्याद थप नगर्ने निर्णय गरेपछि ती संगठन स्वतः विघटन भएका छन्। विघटन हुनेमा नेपाल तरुण दल, नेपाल विद्यार्थी संघ (नेविसंघ), नेपाल महिला संघ, नेपाल लोकतान्त्रिक खेलकुद संघ र नेपाल दलित संघ रहेका छन्। तरुण दलका अध्यक्ष विद्वान गुरुङ र दलित संघका अध्यक्ष लोबहादुर विश्वकर्माले यसअघि नै राजीनामा दिइसकेका छन्। महाधिवेशन गर्न नसकेपछि नेतृत्व परिवर्तनसँगै भ्रातृ संगठनका अध्यक्षहरु जिम्मेवारीबाट अलग भएका हुन्। पार्टीले यसअघि २०८१ चैत मसान्तभित्र महाधिवेशन गर्न तदर्थ समिति गठन गरिएका भ्रातृ संघलाई निर्देशन दिएको थियो भने पछि केही समय थप गरिएको थियो। उक्त समयसीमाभित्र महाधिवेशन गर्न नसकेमा स्वतः पदावधि समाप्त…
काठमाडौं,२२ बैशाख। सरकारले समस्याग्रस्त घोषणा गरेका सहकारी संस्थाहरुका करिब ७६ हजार बचतकर्ताको झण्डै ४६ अर्ब रुपैयाँ फिर्ता गर्ने प्रक्रिया अघि बढाएको छ। समस्याग्रस्त सहकारी व्यवस्थापन समितिका सदस्य सचिव रविन ढकालका अनुसार आगामी जेठको पहिलो हप्ताबाट बचत फिर्ता सुरु गर्न तयारी गरिएको छ। यसअघि मागदाबी गरिसकेकालाई प्राथमिकता दिइने र छुटेकाहरुका लागि साउनको पहिलो हप्तामा पुनः आवेदन खुला गरिने उनको भनाइ छ । समितिले बचत मिलानका लागि वैज्ञानिक र न्यायपूर्ण कार्यविधि निर्माण गर्ने जनाएको छ। समितिको कोषमा रकम अभाव भएमा सरकारले विनियोजन गरेको चक्रीय कोषबाट सापटी लिएर भए पनि बचतकर्ताको रकम भुक्तानी गरिने रणनीति बनाइएको छ। साथै, कर्जा नतिर्ने ऋणीमाथि कडाइ गर्दै…
भैरहवा, २२ बैशाख । सिद्धार्थनगर नगरपालिकाको कार्यालयले बजारमा बिक्री हुने खाद्यन्न लगायतका सबै उपभोग्य वस्तुमा अनिवार्य रुपमा अधिकतम खुद्रा मूल्य (एमआरपी) उल्लेख गर्न उद्योगी-व्यवसायीहरुलाई निर्देशन दिएको छ। नगर कार्यपालिकाको कार्यालयले एक सूचना जारी गर्दै नेपाल सरकारको प्रचलित ऐन, नियमावलीअनुसार खाद्यवस्तुसहित सबै उपभोग्य सामग्रीमा एमआरपी राख्नुपर्ने व्यवस्था रहेको उल्लेख गर्दै सोही व्यवस्था कार्यान्वयन गर्न निर्देशन दिएको हो। जिल्ला प्रशासन कार्यालय रुपन्देहीले समेत सोही विषयमा पत्राचार गरेको जनाउँदै नगरपालिकाले सिद्धार्थनगरभित्रका उद्योगी, व्यवसायी र सरोकारवालालाई अनिवार्य रुपमा एमआरपी उल्लेख गर्न निर्देशन दिएको हो । हेर्नुहोस् सूचना:
भैरहवा,२२ बैशाख । भारतबाट भन्सार छलेर भित्राइएका विभिन्न सामग्री रुपन्देही प्रहरीले बरामद गरेको छ । जिल्लाका विभिन्न स्थानमा चेकजाँचको क्रममा भन्सार छलेर ल्याइएका २७ लाख ८० हजार बढी मूल्य बराबरको कपडा, कसमेटिक्स, किराना सामग्री, कुखुरा, केरा, पटका लगायत सामग्री बरामद भएको प्रहरीले जनाएको छ। जिल्ला प्रहरी कार्यालय रुपन्देहीका अनुसार, सिद्धार्थनगर नगरपालिका, मायादेवी गाउँपालिका, लुम्बिनी सांस्कृतिक नगरपालिका, बुटवल उपमहानगरपालिका, रोहिणी गाउँपालिकालगायत क्षेत्रबाट उक्त सामग्रीहरु बरामद भएको छ । साथै, उक्त सामान ढुवानीमा प्रयोग गरिएका मोटरसाइकलहरु समेत नियन्त्रणमा लिइएको छ । बरामद सामग्री आवश्यक कारवाहीका लागि भैरहवा भन्सार कार्यालय पठाइएको जिल्ला प्रहरी कार्यालय रुपन्देहीले जनाएको छ ।