Author: क्लिक लुम्बिनी

काठमाडौं, २९ साउन । प्रधानमन्त्री केपी शर्मा ओलीसँग नेपालका लागि संयुक्त अधिराज्य बेलायतका राजदूत रोब फेनले मंगलबार शिष्टाचार भेट गरेका छन् । सिंहदरबारमा भएको भेटमा दुई देशबीचको आपसी सम्बन्ध र हितका विषयमा छलफल भएको बताइएको छ । प्रधानमन्त्री ओलीले नेपालको सङ्घीयता र लोकतन्त्रलाई सबल बनाउँदै सरकारले विकास, नीति निर्माणमा युवाहरुको सहभागिता वृद्धि र दिगो विकासका लक्ष्यहरुको कार्यान्वयनका लागि प्राथमिकता दिएको बताए । राजदूत फेनले सङ्क्रमणकालीन न्यायसम्बन्धी कानुनका विषयलाई राजनीतिक सहमतिका आधारमा टुङ्गो लाग्न लागेकामा खुसी व्यक्त गर्दै नेपालको विकास, सुशासन र सङ्घीयताको सबलीकरणलगायत क्षेत्रमा बेलायत सरकारले गर्दै आएको सहयोगको निरन्तरता रहने अवगत गराएका थिए ।

काठमाडौं, २९ साउन । नेपाल भ्रमणमा आएका भारतका विदेश मन्त्रालय सचिव विक्रम मिश्रीले राष्ट्रपति देखि लिएर दलका शिर्ष नेताहरुसम्मलाई भेटेर स्वदेश फर्किएका छन् । उनको भ्रमणलाई निकै महत्व दिइएको थियो । नेपालका परराष्ट्र मन्त्रालयका सचिव सेवा लम्सालको निमन्त्रणामा औपचारिक भ्रमणमा आएका उनले नेपालमा ३२ घण्टा बिताए । सो क्रममा उनले राष्ट्रपति रामचन्द्र पौडेल, प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा र नेकपा (माओवादी केन्द्र) का अध्यक्ष पुष्पकमल दाहाल (प्रचण्ड), उपप्रधान तथा सहरी विकासमन्त्री प्रकाशमान सिंह, उपप्रधान तथा अर्थमन्त्री विष्णुप्रसाद पौडेल, गृहमन्त्री रमेश लेखक र परराष्ट्रमन्त्री आरजु राणा र परराष्ट्र सचिवसँग छुट्टाछुट्टै भेटवार्ता गरे । भेटमा उनीहरुबीच विभिन्न द्विपक्षीय…

भैरहवा, २९ साउन । रुपन्देही प्रहरीले मोटरसाइकल चोरी गरेको आरोपमा दुई नाबालकसहित तीन जनालाई पक्राउ गरेको छ । प्रहरीका अनुसार पक्राउ पर्नेमा रुपन्देहीको रोहिणी गाउँपालिका-३ धकधईका २० वर्षीय शिवनाथ गौतम, भैरहवा-४ (परिवर्तित नाम), भैरहवा-७ (परिवर्तित नाम) रहेका छन् । आरोपी दुई जना नाबालक रहेकोले उनीहरुको नाम, ठेगाना सार्वजनिक गरिएको छैन । मोटरसाईकल चोरी भएपछि सवारीधनीहरुले दिएको उजुरीको आधारमा आवश्यक अनुसन्धान र खोजतलास गर्ने क्रममा चोरिएका तीन वटा मोटरसाइकलसहित तीन जनालाई पक्राउ गरिएको जिल्ला प्रहरी कार्यालय रुपन्देहीका सूचना अधिकारी एवं डीएसपी मनोहरप्रसाद भट्टले जानकारी दिए । उनले पक्राउ परेकाहरुको साथबाट लु ५० प ७६५, लु ३५ प ६३८८ र लु ४९…

त्रिवेणी (नवलपरासी), २९ साउन । पूर्व-पश्चिम राजमार्ग अर्न्तगत पूर्वी नवलपरासीको दाउन्ने खण्डमा भाँसिएको सडक मर्मतका लागि यातायात सञ्चालनमा रोक लगाइएको छ । सोमबार वर्षाका कारण बुटवल–नारायणगढ सडकखण्डको विनयी त्रिवेणी गाउँपालिका-२ स्थित दाउन्नेमा सडक भाँसिएपछि मर्मतका लागि यातायात संचालनमा रोक लगाउनु परेको जिल्ला प्रहरी कार्यालय पूर्वी नवलपरासीका सूचना अधिकारी एवं डिएसपी बेदबहादुर पौडेलले जानकारी दिए । उनका अनुसार मंगलबार बिहानदेखि भाँसिएको सडक मर्मत थालिएको र दिउँसो २ बजेसम्म यातायात सञ्चालनमा आउन सक्ने सम्भावना रहेको छ । अहिले सडकमा एकतर्फी मात्रै सवारी संचालन भइरहेको छ । सडक मर्मतमा समय लाग्ने भएपछि जिल्ला प्रहरी कार्यालयले सूचना जारी गर्दै उक्त सडक खण्डमा हतारिएर यात्रा…

भैरहवा, २८ साउन । नेपालमा टेलिकम सेवा प्रदायक एनसेलका सेवाहरु प्रभावित भएको छ । एनसेलले प्रदान गर्ने कल, एसएमस र इन्टरनेट सेवा सोमबार ३ः४८ बजे देखि प्रभावित भएको हो । प्रवाह हुनेमा सेवा अवरुद्ध भएपछि एनसेलले फेसबुकमा एक सूचना जारी गर्दै प्राविधिक समस्याका कारण अचानक अवरुद्ध सेवा सुचारु गर्नका लागि तदारुकताका साथ काम भईरहेको जनाएको छ ।

काठमाडौं, २८ साउन । नेपाल भ्रमणमा रहेका भारतका विदेश मन्त्रालयका सचिव विक्रम मिश्रीले गृहमन्त्री रमेश लेखकसँग भेटवार्ता गरेका छन् । सोमबार गृह मन्त्रालयमा भएको भेटवार्तामा उनीहरुबीच द्विपक्षीय हित र चासोका विषयमा छलफल भएको गृहमन्त्रीको सचिवालयले जनाएको छ । आइतबार नेपाल आएका उनले सोही दिन प्रधानमन्त्रीसहित विभिन्न दलका नेताहरुसँग भेट गरेका थिए । अफ्नो भ्रमण पुरा गरेर उनी आजै स्वदेश फर्किने कार्यक्रम रहेको बताइएको छ ।

भैरहवा, २८ साउन । रुपन्देहीको बेलबासमा सवारी दुर्घटना हुदाँ एक जनाको मृत्यु भएको छ । दुई जना घाइते भएका छन् । इलाका प्रहरी कार्यालय बुटवलका डीएसपी विजयराज पण्डितका अनुसार लु १९ प ८८७५ नम्बरको मोटरसाइकल र विपरीत दिशाबाट आइरहेको लु ८५ प ३१३३ नम्बरको स्कुटर एकआपसमा ठोक्किदा बुटवल उपमहानगरपालिका १३ का २३ वर्षीय अंकित पाठकको अस्पतालमा उपचारको क्रममा मृत्यु भएको छ । दुर्घटनामा ४३ वर्षीया उनको आमा गौमुखी पाठक गम्भिर घाइते भएको उनले बताए । साथै, दुर्घटनामा मोटरसाइकलका चालक कपिलवस्तुको वाणगंगाका १८ वर्षीय सागर थारु पनि घाइते भएका छन् । घाइते दुवै जनाको लुम्बिनी प्रादेशिक अस्पताल बुटवलमा उपचार भइरहेको प्रहरीले…

झापा, २८ साउन । झापा प्रहरीले पेस्तोलसहित एक युवकलाई पक्राउ गरेको छ । पक्राउ पर्नेमा झापाको दमक नगरपालिका-८ का ३६ वर्षीय संजीव गजमेर रहेको प्रहरीले जनाएको छ । दमक नगरपालिका-५ बानेश्वर हाइट मार्ग जाने भित्री सडकबाट गजमेरलाई पेस्तोल र म्यागजिनसहित पक्राउ गरिएको जिल्ला प्रहरी कार्यालय झापाका सूचना अधिकारी एवं डीएसपी कृष्णकुमार चन्दले जानकारी दिए । उनका अनुसार को ३८ प ५६४९ नम्बरको स्कुटरमा सवार गजमेरको साथबाट मेड इन इटाली लेखिएको पेस्तोल र २ थान म्यागजिन बरामद भएको छ ।

भैरहवा, २७ साउन । रुपन्देहीको तिलोत्तमामा रहेको यशोदा फुड्स प्रालिले बढी बुझाइएको रकम अग्रीम दाखिला रकममा कायम गरिदिन भन्दै नेपाल विद्युत प्राधिकरणलाई पत्राचार गरेको छ । प्रा.लि.ले आइतबार दाखिला भएको रकम आगामी दाखिला गर्नुपर्ने महसुल रकममा हिसाब मिलान गर्नेगरी अग्रीम दाखिला रकममा कायम गरिदिन प्राधिकरणलाई पत्राचारमार्फत अनुरोध गरेको छ । कम्पनीले नेपाल विधुत प्राधिकरण नयाँमिल वितरण केन्द्र मणीग्राम, रुपन्देहीलाई पत्राचार गर्दै प्राधिकरणसगँ कहिले पनि ट्रंक/डेडिकेटेड लाइन माग नै नगरेकोमा अवस्थामा पनि लाइन लिएको भनी विशेष दर लगाई छुट प्रिमियम महसुल रकम माग गरी पत्राचार गरेकोमा असन्तुष्टि जनाएको छ । ‘…पत्राचार प्रति उद्योगलाई चित्त नबुझेको, लाल आयोगको प्रतिवेदन र सिफारिस बमोजिम…

भैरहवा, २७ साउन । रोट्रयाक्ट क्लब अफ भैरहवा चौतारीको अध्यक्ष आकाश पौडेल निर्वाचित भएका छन् । भैरहवामा सम्पन्न क्लबको तेस्रो अधिवेशनले पौडेलको अध्यक्षतामा वर्ष २०२४–२०२५ का लागि नयाँ कार्यसमिति सर्वसम्मत निर्वाचित गरेको हो । पौडेल लामो समयदेखि विभिन्न समाजिक क्षेत्रमा क्रियाशील छन् । उनले विभिन्न संघसंस्थामा रहेर नेतृत्वदायी भूमिका निर्वाह गरिरहेका छन् । जसले गर्दा उनलाई रोट्रयाक्ट क्लबको पनि नेतृत्व गर्ने अवसर मिलेको हो । निर्वाचन समितिका अनुसार क्लबको उपाध्यक्षहरुमा अर्जुन प्रधान, रेश्मीराज पंगेनी, आशिष पन्थी, सचिवमा निर्वीक ढुंगाना, कोषाध्यक्षमा अंकित कान्दु र सहसचिवमा सचिन गुरुङ सर्वसम्मत चयन भएका छन् । यस्तै, क्लबका सदस्यहरुमा विज्रेश बानियाँ, ईश्वर हिताङ, राज वर्नवाल,…