Author: क्लिक लुम्बिनी

बारा, १ साउन । जिल्ला प्रहरी कार्यालय बाराले कटुवा पेस्तोलसहित तीन जनालाई पक्राउ गरेको छ । जिल्ला प्रहरी कार्यालय बारा र प्रहरी चौकी बरियापुरबाट खटिएको टोलीले महागढीमाई नगरपालिका ११ मधुरीजब्दीका ५४ वर्षीय रमजान अंसारीले जमिन मुनी लुकाएर राखेको अवस्थामा कटुवा पेस्तोल बरामद गरेको हो । हतियार बरामद घटनामा संग्लन आरोपमा रमजान अन्सारीसहित सोही स्थानका २५ वर्षीय सुल्तान अंसारी र ४५ वर्षीय रामकृपया साहलाई पक्राउ गरिएको जिल्ला प्रहरी कार्यालय बाराका डिएसपी एवं सूचना अधिकारी दधिराम न्यौपानेले जानकारी दिए । पक्राउ परेकाहरुविरुद्ध हातहतियार तथा खरखजाना मुद्दा दर्ता गरी जिल्ला अदालत बाराबाट सात दिनको म्याद लिएर थप अनुसन्धान भइरहेको प्रहरीले जनाएको छ ।

काठमाडौँ, १ साउन । काठमाडौँ महानगरपालिकाको श्रम बैंक मार्फत ९१२ जनाले रोजगारी पाएका छन् । काठमाडौँका मेयर बालेन्द्र शाह (बालेन) ले मंगलबार महानगरपालिकाको श्रम बैंकमार्फत भएको उपलब्धी सामाजिक संजाल फेसबुक मार्फत सार्वजनिक गर्दै तीन सय २९ जनालाई निजी क्षेत्रमा र ५ सय ८३ जनालाई सरकारी क्षेत्रमा रोजगारी उपलब्ध गराइएको बताएका छन् । महानगरपालिका अनुसार गत आर्थिक बर्ष २०८०/०८१ मा सीप मेलामार्फत दुई हजार पाँच सय ५५ जना, महानगरको तालिम केन्द्रहरुमार्फत एक हजार चार सय ६७ जना र अनलाइनमार्फत दुई हजार गरी कुल ६ हजार २२ जनालाई तालिम प्रदान गरिएको थियो । जसमध्ये तीन सय २९ जनालाई विभिन्न निजी कम्पनीहरुमा र…

भैरहवा, ३१ असार । भैरहवा भन्सार कार्यालयले सिद्धार्थनगर–९ (भैरहवा) कठौतिया स्थित एक घरको सटरभित्रको गोदाममा लुकाएर राखिएको अवस्थामा सूर्ती र चुरोट बरामद गरेको छ । भारतबाट भन्सार छलेर भित्राइएको सूचनाको आधारमा गोदाममा छापा मारेर आठ लाख ६० हजार रुपैयाँ बराबरको सूर्ती र चुरोट बरामद गरिएको भैरहवा भन्सार कार्यालयका प्रमुख नारद गौतमले बताए । पछिल्लो समय भैरहवा भन्सार राजस्व छलीप्रति आक्रमक रुपमा उत्रिएको छ । कार्यालयले भन्सार छलेर भित्राउने साम्रगीहरु ठुलो परिमाणमा प्रायजसो बरामद गरिरहेको छ । ‘भन्सार राजस्व चुहावट विरुद्ध हामीले अभियान चलाएको छौँ’, भन्सार प्रमुख गौतमले भने, ‘जसअनुसार हामीले विभिन्न स्थानमा साम्रगीहरु बरामद र संग्लन व्यक्तिहरुलाई पक्राउ गरेर कारवाही…

काठमाण्डौँ, ३१ असार । राष्ट्रपति रामचन्द्र पौडेलले संविधानविपरित नेपालको प्रधानमन्त्री नियुक्त गरेको दावी गर्दै सर्वोच्च अदालतमा रिट परेको छ । अधिवक्ताहरु दीपक अधिकारी, खगेन्द्रप्रसाद चापागाईं र शैलेन्द्रकुमार गुप्ताले रिट दायर गरेका हुन् । उक्त रिट दर्ता भएको र साउन ६ गतेलाई पेशी तोकिएको सर्वोच्च अदालतका सूचना अधिकारी गोविन्दप्रसाद घिमिरेले जानकारी दिए। सोमबार राष्ट्रपति रामचन्द्र पौडेलले संविधानको धारा ७६ (२) अनुसार आइतबार एमाले अध्यक्ष केपी ओलीलाई प्रधानमन्त्री नियुक्त गरेका छन् । यस अघि धारा ७६ को उपधारा २ अनुसार प्रधानमन्त्री नियुक्त भएका प्रचण्डले विश्वासको मत नपाएपछि पदमुक्त भएकाले धारा ७६ को उपधारा ३ बमोजिम नयाँ सरकार गठन हुनुपर्ने जिकीर रिट निवेदकले…

काठमाण्डौँ ३१ असार । प्रधानमन्त्री केपी शर्मा ओलीले मन्त्रिपरिषद् गठन गरेका छन् । ओली नेतृत्व सरकारको मन्त्रिपरिषद् २२ सदस्यीय रहेको छ । ओलीले गठन गरेको मन्त्रिपरिषद्मा नेपाली काँग्रेस, नेकपा एमाले, जनता समाजवादी पार्टी नेपाल र लोकतान्त्रिक समाजवादी पार्टी गरी चार दल सहभागी छन् । यीमध्ये काँग्रेसबाट दश जना, एमालेबाट आठ जना, जसपा नेपालबाट दुई र लोसपाबाट एक जना मन्त्री सरकारमा गएका छन् । प्रधानमन्त्री केपी शर्मा ओली नेतृत्वको सरकारमा दुई उपप्रधानमन्त्रीसहित २१ मन्त्रीले शपथ लिएका छन् । हेर्नुहोस् ओली क्याबिनेटमा कुन दलबाट कसलाई कुन मन्त्रालय ? नेपाली काँग्रेस १. प्रकाशमान सिंह– उपप्रधानमन्त्री, शहरी विकास मन्त्रालय २. रमेश लेखक– गृह मन्त्रालय…

काठमाण्डौँ, ३१ असार । नेपाली काँग्रेसले नयाँ मन्त्रिपरिषद्का लागि मन्त्रीहरुको नाम टुंगो लगाएको छ । निकै रडाको बीच पार्टीले प्रकाशमान सिंहको नेतृत्वमा दश मन्त्री केपी ओली सरकारमा पठाउने भएको छ । इतर समूहले ४ मन्त्रालय पाउनुपर्ने अडान राख्दै आएपनि पार्टी सभापति शेरबहादुर देउवाले तीन मन्त्रालयमात्र दिने बताएपछि उक्त समूहले बद्री पाण्डे, प्रदीप पौडयाल र रामनाथ अधिकारीका नाम दिएका हुन् । हेर्नुहोस् कसलाई कुन मन्त्रालय ? १. प्रकाशमान सिंह- उप प्रधानमन्त्री, शहरी विकास मन्त्रालय २. रमेश लेखक- गृह मन्त्रालय ३. आरजु राणा- परराष्ट्र मन्त्रालय ४. दीपक खड्का- ऊर्जा, जलस्रोत तथा सिंचाइ मन्त्रालय ५. बद्री पाण्डे- संस्कृति, पर्यटन तथा नागरिक उड्डयन मन्त्रालय…

काठमाण्डौँ, ३० असार । नेकपा एमालेका अध्यक्ष खड्गप्रसाद (केपी) शर्मा ओली चौथो पटक नेपालका प्रधानमन्त्री नियुक्त भएका छन् । सबैभन्दा ठूलो दल नेपाली कांग्रेसको समर्थनमा दुई दिनअघि नै बहुमत दाबीसहितको दस्तखत बुझाएका ओलीलाई राष्ट्रपति रामचन्द्र पौडेलले संविधानको धारा ७६(२) अनुसार प्रतिनिधिसभा सदस्य ओलीलाई आईतबार साँझ प्रधानमन्त्री नियुक्त गरेका हुन् । प्रधानमन्त्रीमा दाबी पेश गर्ने समय सकिएपछि आइतबार अपरान्ह ५ बजेपछि राष्ट्रपति पौडेलले ओलीलाई प्रधानमन्त्री नियुक्त गरेका हुन् । प्रधानमन्त्री ओलीले सोमबार बिहान ११ बजे पद तथा गोपनीयताको शपथ लिने कार्यक्रम रहेको राष्ट्रपति कार्यालयले जनाएको छ ।

नवलपरासी, ३० असार । पश्चिम नवलपरासीमा सर्पको टोकाईबाट एक महिलाको मृत्यु भएको छ । जिल्लाको प्रतापपुर गाउँपालिका-८ गंगापुरको ३२ वर्षीया रुना पालको सर्पको टोकाईबाट मृत्यु भएको हो । घरमा सुतिरहेको अवस्थामा बिहान करिब चारबजे उनलाई सर्पले टोकेपछि बेहोस भएकी थिइन् । सर्पले टोकेपछि उपचारका लागि सर्पदंश त्रिवेणी क्याम्प हुदै जिल्ला अस्पताल परासीमा ल्याउँदा चिक्तिसकले बिहान करिब ९ बजे मृत घोषणा गरेको जिल्ला प्रहरी कार्यालय नवलपरासी पश्चिमका डिएसपी एवं सूचना अधिकारी रेशम बोहराले जानकारी दिए ।

चितवन, ३० असार । चितवनको सिमलतालबाट त्रिशूली नदीमा खसेको दुई बस र यात्रुहरुमध्ये पाँच जना यात्रुहरुको शव फेला परेको छ । फेला परेको शवमध्ये तीनजनाको परिचय खुलेको छ । चितवनाका प्रमुख जिल्ला अधिकारी इन्द्रदेव यादवका अनुसार माडी नगपालिका–१ का २२ वर्षीय विकास परियार, सर्लाही बरहथवा नगरपालिका–३ का १९ वर्षीय रमितकुशर माझी र भारतको बिहार सीतामणि बर्गिनिया जमुहवाका २८ वर्षीय ऋषिपल साहको शव फेला परेको हो । अन्य दुई जनाको पहिचान खुल्न बाँकी रहेको बताइएको छ । भरतपुर महानगरपालिका-२९ सिमलतालमा गत असार २८ गते बिहान वीरगंजबाट काठमाडौतर्फ आउँदै गरेको बागमती प्रदेश ०३-००६ ख १५१६ नम्बरको डिलक्स र काठमाडौंबाट गौरतर्फ जाँदै गरेको…

काठमाण्डौँ, २८ असार । नेकपा एमालेका अध्यक्ष केपी शर्मा ओलीले प्रधानमन्त्रीमा दाबी पेस गरेका छन् । राष्ट्रपति रामचन्द्र पौडेलले संविधानको धारा ७६ (२) बमोजिम सरकार गठनका लागि आह्वान गरेपछि काँग्रेसको समर्थनमा ओलीले प्रधानमन्त्रीमा दाबी पेस गरेका हुन् । शुक्रवार प्रधानमन्त्री पुष्पकमल दाहाल (प्रचण्ड) ले प्रतिनिधि सभामा विश्वासको मतका लागि राखेको प्रस्ताव बहुमतले अस्विकृत भएपछि राष्ट्रपति पौडेलले संविधानको धारा ७६ (२) अनुसार प्रतिनिधि सभाको दुई वा दुईभन्दा बढी दलको समर्थनमा सरकार गठनका लागि असार ३० गते अपरान्ह ५ बजेभित्र दाबी पेस गर्न दलहरूलाई आह्वान गरेका थिए । शुक्रवार नै ओलीले काँग्रेस सभापति शेरबहादुर देउवाका साथमा राष्ट्रपति कार्यालय शीतल निवास पुगेर काँग्रेसका…