Author: क्लिक लुम्बिनी

भैरहवा,१३ कार्तिक । भैरहवामा तिहार पर्वको अवसरमा दीपावली उत्सव कार्यक्रमको आयोजना गरिएको छ । साउण्ड र संगित (म्युजिक) क्षेत्रमा भैरहवाको ब्राण्डको रुपमा स्थापित भएको युनिक साउण्डले लक्ष्मीपूजाको दिन (बिहीवार) बेलुकी ६ बजे देखि मध्यरातसम्म दीपावली उत्सव कार्यक्रम आयोजना गरेको हो । लक्ष्मीपूजाको अवसरमा आपसी सद्भाव, नगरवासीलाई उल्लासमय तिहारको अनुभूति गराउन, संस्कृतिको सम्मान गर्दै स्थानीय कलाकारको प्रवद्र्धन गर्नका लागि कार्यक्रम आयोजना गर्न लागिएको युनिक साउण्डका संचालक रहिश खानले जानकारी दिए । ‘हामीले विगत ८ वर्ष देखि कसैसँग कुनै पनि प्रकारको सहयोग बिना कार्यक्रम आयोजना गर्दै आएका छौँ’, युनिक साउण्डद्धारा आयोजित पत्रकार सम्मेलनमा खानले भने, ‘यस वर्ष पनि आफ्नै व्यक्तिगत लगानीमा कार्यक्रम…

भैरहवा,१३ कार्तिक । रुपन्देही प्रहरीले झण्डै ५० लाख मूल्य बराबरको सुनसहित बुटवलबाट दुई जनालाई पक्राउ गरेको छ । पक्राउ पर्नेमा कपिलवस्तु वाणगंगा नगरपालिका–८ का ३३ वर्षीय अकबर अलि मिया र सोही नगरपालिकाका वडा नम्बर ७ का ३७ वर्षीय अर्घाखाँची सुनचाँदी पसलका संचालक सन्तोष सुनार रहेको प्रहरीले जनाएको छ । कपिलवस्तुको कृष्णनगरबाट काठमाडौंतर्फ आउँदै गरेको लु २ ख ६५४२ नम्बरको बसमा राजश्व छलेर भित्राइएको सुन ल्याइएको सूचनाका आधारमा इलाका प्रहरी कार्यालय बुटवल र वडा प्रहरी कार्यालय बुटवलबाट खटिएको टोलीले उनीहरुलाई पक्राउ गरेको हो । बुटवलको रामनगरमा उक्त बसमा चेकजाँच गर्दा पक्राउ परेका व्यक्तिहरुको साथबाट २९ तोला ५८ दशमलव १ लाल सुन…

भैरहवा, १३ कार्तिक। लेबनानको सशस्त्र समूह हिजबुल्लाहको कमाण्ड नइम कासिमले सम्हाल्ने भएका छन्। हिजबुल्लाहका कमाण्डर नेता हसन नसरल्लाह इजरायली हवाई आक्रमणमा मारिएपछि हिजबुल्लाहको सिनियर काउन्सिलले कासिमलाई कमाण्डरको जिम्मेवारी दिएको हो। कासिम यसअघि उपमहासचिव थिए । हालै इजरायलले हिजबुल्लाहका धेरै वरिष्ठ नेताहरूलाई मारेको छ । हसन नसरल्लाहपछि उनको उत्तराधिकारी मानिने हाशिम सफीद्दीन पनि इजरायली आक्रमणमा मारिएका थिए ।भारतीय संचारमाध्यको सहयोगमा

दाङ,१३ कार्तिक। लुम्बिनी प्रदेशका मुख्यमन्त्री चेतनारायण आचार्यले पूर्वाधार निर्माणमा हुने ढिलासुस्तीलाई सरकारले नसहने बताएका छन् । निर्माणको जिम्मा लिने तर, समयमा काम सम्पन्न नगर्ने प्रवृत्तिलाई अन्त्य गर्ने योजना सरकारले बनाएको जनाउँदै उनले ढिलासुस्तीलाई नसहने स्पष्ट पारे । दाङको धार्मिक पर्यटकीय स्थल बाह्रकुने दहमा मंगलबार आयोजना गरिएको छलफल कार्यक्रममा मुख्यमन्त्री आचार्यले पूर्वाधार निर्माणमा हुने ढिलासुस्तीलाई सरकारले नसहने, अटेरी गर्ने निर्माण व्यवसायीलाई कालोसूचीमा राखेर कारबाही गरिने समेत चेतावनी दिए । बाह्रकुने दह क्षेत्रमा बहुउद्देश्यीय पार्क निर्माणको योजना अघि बढे पनि त्यो कामले गति नलिएकाबारे स्थलगत अनुगमकनका लागि मुख्यमन्त्री आचार्य पुगेका थिए । उनले निर्माण व्यवसायीलाई समयमा काम सम्पन्न गर्न निर्देशन समेत दिए…

भैरहवा, १३ कार्तिक। नगरको ट्राफिक व्यवस्थापनमा मुख्य चुुनौतीको रुपमा देखिएका अटो–टेम्पो तथा विद्युतीय रिक्सा (ई–रिक्सा) व्यवस्थापनमा सिद्धार्थनगर नगरपालिकाले सक्रियता देखाएको छ । हालै मात्र लुम्बिनी रोड, शान्तिनगरस्थित परासीरोड तथा बेलहियामा हुँदै आएको ठुला सवारी साधनको अब्यबस्थित पार्किङलाई व्यवस्थित गरेको सिद्धार्थनगरले अब अटो टेम्पो तथा ई–रिक्सालाई पनि त्यसैगरी व्यवस्थित गर्न लागेको हो । सिद्धार्थनगर नगरपालिकाका प्रमुख इश्तियाक अहमद खाँले नगरमा व्यवस्थित पार्किङ गरी ट्राफिक व्यवस्थापन गर्ने, नगरकलाई सुन्दरीकरण गर्ने, उचित भाडादर लागुु गर्ने जस्ता बिषयहरु जोडिएकाले अटो–टेम्पो तथा ई–रिक्सा व्यवस्थापनमा सबैले सहयोग पुर्याउनुु पर्ने बताए । उनका अनुसार सबै सरोकारवालाहरुको सर्वपक्षीय छलफलबाट बिनादर्ता र अव्यवस्थित रुपमा भैरहवा क्षेत्रमा संचालन हुँदै आएका…

भैरहवा, १३ कर्तिक। इन्टरपोलबाट रेड नोटिस जारी भएका एक जना नेपाली नागरिकलाई कतारमा पक्राउ गरेर नेपाल ल्याइएको छ । पक्राउ पर्नेमा भोजपुर साविक युँ गाविस-५ का गजेन्द्र वान्तवा राई रहेका छन्। पक्राउ परेका वान्तवालाई अन्तर्राष्ट्रिय स्तरमा खोजतलास एवम् पक्राउ गर्नका लागि नेपाल प्रहरीको अपराध अनुसन्धान विभाग इन्टरपोल शाखाको अनुरोधमा इन्टरपोल महासचिवालयबाट २०८१ असोज १ गते उनी विरुद्ध रेड नोटिस जारी भएको थियो । झापा मेचीनगर नगरपालिका-११ धाईजनका ४८ वर्षीया श्रीमती सर्मिला तामाङको हत्यामा संलग्न रही फरार भएका वान्तावालाई एनसिबी दोहाको समन्वयमा उनलाई पक्राउ गरिएको हो। नेपाल प्रहरी प्रधान कार्यालय, इन्टरपोल शाखाका अनुसार पक्राउ परेका वान्तवालाई कारवाहीका लागि इलाका प्रहरी कार्यालय…

दाङ,१३ कार्तिक। लुम्बिनी प्रदेश सरकारले दाङस्थित प्रशिद्ध धार्मिक तिर्थस्थल बाह्रकुने दहलाई पर्यटन सर्किटसंग जोड्ने योजना अनुरुप त्यहाँ भौतिक पूर्वाधारको निर्माण थालेको छ। मंगलबार लुम्बिनी प्रदेशका मुख्यमन्त्री चेतनाराण आचार्य त्यहाँ निर्माण भइरहेका पर्यटकीय पूर्वाधारको अवलोकन गरेका छन्। साथै, उनले स्थानीय बासिन्दा, बाह्रकुने दह व्यवस्थापन समितिका पदाधिकारीहरु संग छलफल समेत गरेको बताइएको छ । सरकारले प्रदेशमा रहेको पर्यटकीय क्षेत्रलाई पर्यटन सर्किटको रुपमा निर्माण गरेर एक आपसमा जोड्ने संकल्प लिएको छ। जसअनुसार बाह्रकुने दहसहित विभिन्न पर्यटकीय क्षेत्रमा विकासका कार्यहरु भइरहेको छ। लुम्बिनी भ्रमणमा आउने पर्यटकहरुलाई १२ जिल्लाका धार्मिक तथा पर्यटकीय स्थलहरुमा पुर्याउने र धेरै दिनको भ्रमण गराउने गरी प्रदेश सरकारले पर्यटन सर्किटको अवधारणा…

दाङ, १२ कार्तिक । लुम्बिनी प्रदेशका मुख्यमन्त्री चेतनारायण आचार्यले गत वर्षको दायित्व भुक्तानी सुरु भएको बताएका छन् । नेपाल निर्माण व्यवसायी महासंघका प्रतिनिधिहरुसँग सोमबार मुख्यमन्त्री तथा मन्त्रिपरिषद्को कार्यालयमा भएको भेटमा बहुवर्षिय र क्रमागत आयोजनाको भुक्तानी सुरु गरिएको जानकारी दिए । संघीय सरकारले वित्तीय समानीकरण अनुदान नपठाउँदा प्रदेशमा दायित्व थपिएको, निर्माण व्यवसायीले पनि समयमा काम सम्पन्न नगर्दा जटिलता उत्पन्न भएको उल्लेख गरे । ‘संघीय सरकारले पठाउनुपर्ने अनुदान पठाएन । त्यसले भुक्तानीको दायित्व थप्यो । त्यसमा पनि निर्माण व्यवसायीले समयमा काम सम्पन्न नगर्दा पनि अप्ठ्यारो भएको हो’उनले भने,‘सरकारले बहुवर्षिय र क्रमागत आयोजनाको भुक्तानी सुरु गरिसकेको छ ।’ उनले निर्माण व्यवसायीले ईमान्दारी भएर…

दाङ,१२ कार्तिक। लुम्बिनी प्रदेशका मुख्यमन्त्री चेतनारायण आचार्यले प्रदेश तहलाई वित्तिय क्षेत्रमा बलियो बनाउन राजश्व र रोयल्टी बाँडफाटँको व्यवस्थालाई पुनरावलोकन गर्न जरुरी रहेको बताएका छन्। संविधानको भावना अनुसार प्रदेश र स्थानीय तहलाई प्राथमिकतामा राखेर राजश्व र रोयल्टी बाँडफाँड गरिनुपर्नेमा न्यायपूर्ण बाँडफाड हुन नसकेको उनको भनाई छ। राष्ट्रिय प्राकृतिक स्रोत तथा वित्त आयोगको आयोजनामा लुम्बिनी प्रदेशमा भएको रोयल्टी बाँडफाँडको वर्तमान प्रणालीको संरचना, आधार र ढाँचाको पुनरावलोकन सम्बन्धी अध्ययन बिषय अन्तरक्रिया कार्यक्रममा उनले हाल भइरहेको ५० प्रतिशत संघीय सरकार, २५ प्रतिशत प्रदेश र २५ प्रतिशत स्थानीय तहको मापदण्डलाई परिमार्जन गर्नुपर्ने बताए। ४० प्रतिशत संघीय सरकार र बाँकी ६० प्रतिशत प्रदेश तथा स्थानीय तहमा…

बर्दिया, १२ कार्तिक। बर्दियामा भरुवा बन्दुकसहित तीन जनालाई प्रहरीले पक्राउ गरेको छ। आइतबार राति मधुबन नगरपालिका-३ स्थित कोठिया सामुदायिक जंगलबाट एक थान भरुवा बन्दुकसहित तीन जनालाई पक्राउ गरिएको जिल्ला प्रहरी कार्यालय बर्दियाले जनाएको छ। जिल्ला प्रहरी कार्यालय बर्दिया र इलाका प्रहरी कार्यालय ढोढरीबाट खटिएको प्रहरी टोलीले बन्दुकसहित राजापुर नगरपालिका-१० नर्सरी बस्ने ६३ वर्षीय चन्द्र बहादुर भण्डारी समेत ३ जनालाई पक्राउ गरेको हो। घटनाका सम्बन्धमा अनुसन्धान भइरहेको प्रहरीले जनाएको छ।