Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
परासी, १६ मंसिर । सशस्त्र प्रहरीले भारतबाट भन्सार छलेर अवैध रुपमा भित्राइएको २१ लाख मूल्य बराबरको मोबाइलका साम्रगी बरामद गरेको छ । सशस्त्र प्रहरी बल नेपाल नं. २६ गण नवलपरासीले बर्दघाट नगरपालिका-८ सूर्यपुरा स्थित घरमा लुकाएर राखेको अवस्थामा विभिन्न ब्राण्डका मोबाइलका टेम्पर ग्लास, कभर, एयर फोन र घडी बरामद भएको जनाएको छ । बरामद भएका सामग्रीमा टेम्पर ग्लास १४ हजार ३०० पिस, कभर ४ हजार ६८०, एयर फोन ४९८ र घडी ३७५ पिस रहेको गणका प्रमुख एसपी प्रकाश वाग्लले बताए । बरामद सामग्रीको मूल्य २० लाख ८६ हजार रहेको र आवश्यक कारवाहीका लागि महेशपुर भन्सार कार्यालय पठाइएको सशस्त्र प्रहरीले जनाएको…
भैरहवा, १६ मंसिर। सिद्धार्थनगर नगरपालिका कार्यालयद्धारा निर्मित सेमिनार हल र फोहोर व्यवस्थापन भवन आइतबार भीम अस्पताललाई हस्तान्तरण गरिएको छ । अस्पतालमा सेमिनार हल नहुदाँ तालिम, गोष्ठीका लागि अन्यत्र स्थान खोज्नुपर्ने बाध्यता थियो भने फोहोर व्यवस्थापन भवनको अभावका कारण उक्त क्षेत्रको वातावरण दुषित बन्नुका साथै अस्पताललाई चुनौती थपिदै गएको थियो । तर, अब यी दुवै समस्याबाट अस्पताल मुक्त हुने विश्वास लिइएको छ । आइतबार आयोजित हस्तान्तरण समारोहलाई सम्बोधन गर्दै सिद्धार्थनगर नगरपालिकाका मेयर इश्तियाक अहमद खाँले अस्पतालको फोहोर व्यवस्थापन गर्नका लागि प्रशासन तथा व्यवस्थापन पक्ष जिम्मेवार हुनुपर्ने बताए । ‘यो अस्पताल क्षेत्र अब सफा हुनुपर्छ’, उनले भने, ‘उपचारमा आउने बिरामीलाई पनि अस्पतालमा…
भैरहवा, १६ मंसिर । कला–गला र नृत्य मार्फत् स्थानीय प्रतिभाहरुलाई उजागर गर्ने उद्देश्यले भैरहवामा आयोजनाको संघारमा रहेको नवौं लुम्बिनी राष्ट्रिय महोत्सव–२०८१ मा ‘भैरहवा डान्स आइडल’ र ‘भ्वाइस अफ भैरहवा’ प्रतियोगिता हुने भएको छ । आगामी मंसिर २० देखि पुस १ सम्म भैरहवाको अंचलपुरमा आयोजना हुन लागेको महोत्सवका आकर्षण मध्ये यी दुई आइडल पनि रहेको मेला आयोजक संस्था सिद्धार्थ उद्योग बाणिज्य संघ, रुपन्देहीले जनाएको छ । महोत्सवका साँस्कृतिक कार्यक्रम संयोजक दीपेन्द्र प्रधानले विगतका सिजनमा जस्तै यसपटकको आइडलले दर्शक र स्रोतको मन जित्ने विश्वास गरे । ‘धेरै प्रतिभाहरु अझै हाम्रै छेउछाउ छन् तर उनीहरुले प्लेटफर्म नपाउँदा ओझेलमा छन्’, उनले भने, ‘यसरी लुकेर…
हृदयराम गुप्ता मर्चवार, १६ मंसिर । रुपन्देहीमा गहुँ जोन संचालन समन्व्य समिति पुर्नगठन भएको छ । प्रधानमन्त्री कृषि आधुनिकीकरण परियोजना, परियोजना कार्यान्वयन एकाइ,रुपन्देही अन्तर्गत संचालन भएको उक्त समिति शुक्रबार भैरहवामा एक कार्यक्रका बीच पुर्नगठन भएको हो । पुर्नगठन उक्त समितिको संयोजकमा कोटहीमाई गाउँपालिका ५ स्थित श्री नवदुर्गा स्वावलम्बन बहुउद्देश्यीय सहकारी संस्था लिमिटेडका अध्यक्ष दुर्गा प्रसाद कुर्मी चयन भएका प्रधानमन्त्री कृषि आधुनिकीकरण परियोजना, परियोजना कार्यान्वयन एकाइ,रुपन्देहीका वरिष्ठ कृषि अधिकृत नारायण काफ्लेले जानकारी दिए । उनका अनुसार उक्त समितिमा ३ महिलासहित ९ जना सदस्य छनौट गरिएको छ र रुपन्देहीमा गहुँ जोन कार्यक्रम कार्यान्वयन भएका मर्चवार क्षेत्रका कोटहीमाई, समरीमाई र मर्चवारी गाँउपालिकाको विभिन्न…
कपिलवस्तु, १६ मंसिर । लुम्बिनी प्रदेश सरकारले छाडा पशु चौपायाको समस्या समाधान गर्न दिर्घकालिन योजनालाई प्राथमिकतामा राखेको छ । एकिकृत गरेर गौशालामा पशुचौपाया पाल्ने, नश्ल सुधार गरेर उत्पादन क्षमता बढाउने, जैविक मल उत्पादन र प्रयोगलाई प्राथमिकतामा राख्नेगरी कार्यक्रम तर्जुमा गरिने भएको हो । मुख्यमन्त्री चेतनारायण आचार्यले छाडा पशुचौपायाको समस्या समाधान गर्न समुदाय स्तरमा एकिकृत गौशाला निर्माण गरेर नश्ल सुधार गर्ने र उत्पादन क्षमता बढाउने सम्मका योजना अघि सारिने बताए। बाणगंगा नगरपालिका–८ मधवुन कपिलवस्तु स्थित भागीरथी गौ–संरक्षण विकास केन्द्रको आइतबार अनुगमन गर्दै मुख्यमन्त्री आचार्यले छाडा पशुचौपायाको दिर्घकालिन समस्या समाधान गर्नेगरी प्रदेश सरकारले नीति तर्जुमा गर्ने बताउनु भएको हो । ‘उत्पादन दिन…
भैरहवा, १४ मंसिर । नेपाल प्रहरीका एक जना प्रहरी सहायक निरीक्षक (असई) ले आफैमाथी गोली प्रहार गरेका छन् । अछामको भैरवस्थान प्रहरी चौकीका इन्चार्जको रुपमा कार्यरत रहेका असई किसनबहादुर चन्दले बिहीबार राति आफैलाई गोली प्रहार गरी आत्महत्याको प्रयास गरेको अछामका प्रमुख प्रहरी डीएसपी ईश्वरीप्रसाद भण्डारीले जानकारी दिए । उनले चन्दले बिहीबार राति करिब साढे ९ बजे प्रहरी चौकीमै आफैंले बोकेको पेस्तोलले बायाँ छातीको माथिल्लो भागमा प्रहार गरेको पाइएको उनले बताए । गोलीले घाइते भएका चन्दको बाँकेको कोहलपुर मेडिकल कलेजमा उपचार भइरहेको उनले जानकारी दिए । प्रहरीले घटनाको छानबिनका लागि समिति गठन गरेको छ ।
काठमाडौ, १४ मंसिर। मेडिकल व्यवसायी दुर्गा प्रसाईंलाई थप ५ दिन हिरासतमा राख्न अदालतले अनुमति दिएको छ । साइबर अपराधको कसुरमा पक्राउ परेका प्रसाईँलाई काठमाडौँ जिल्ला अदालतले अनुसन्धानका लागि थप ५ दिनको समय दिएको सीआईबीका प्रवक्ता होविन्द्र बोगटीले जानकारी दिए । प्रहरीले गत मंसिर ४ गते भक्तपुरस्थित उनको निवासबाट उनलाई पक्राउ गरेको थियो ।
हृदयराम गुप्तामर्चवार, १४ मंसिर । मर्चवार लिफ्ट सिँचाई जल उपभोक्ता संस्था तथा मर्चवार सामुदायिक वन उपभोक्ता समूहको ३० औँ वार्षिक साधारण सभा सम्पन्न भएको छ । बिहीबार कोटहीमाई ५ स्थित संस्थाको प्रांगणमा एक कार्यक्रमका बिच उक्त सभा सम्पन्न भएको हो ।मर्चवार लिफ्ट सिँचाई तर्फ आर्थिक वर्ष २०८०/०८१ को आय व्यय प्रस्तुत गर्दै वर्षभरीमा विभिन्न शिर्षकमा २४ लाख ८९ हजार ६४ रुपैया खर्च र २५ लाख ४५ हजार २ सय १९ रुपैया आम्दानी भएको संस्थाका ब्यवस्थापक विश्वनाथ आर्यले बताए । किसानहरुबाट पानी (सिँचाइ) र सदस्यता शुल्कबाट ११ लाख ४७ हजार ३० रुपैया आम्दानी भएको जानकारी गराउँदै अन्य विभिन्न शिर्षकबाट ३ लाख…
भैरहवा, १४ मंसिर । नेपाली सेनाका प्रधानसेनापति अशोकराज सिग्देलले रथीमा पदोन्नति भएका उपरथी प्रदीपजंग केसीलाई दर्ज्यानी चिह्न प्रदान गरेका छन् । मन्त्रीपरिषद्को निर्णय अनुसार रथीमा पदोन्नति भएका केसीलाइ शुक्रवार दर्ज्यानी चिन्ह प्रदान गरिएको हो । पदोन्नतिसँगै रथी केसी बलाध्यक्षमा नियुक्त भएको नेपाली सेनाले जनाएको छ ।
भैरहवा, १४ मंसिर। नेपाल प्रहरीको प्राविधिक तर्फका ५ जना एसपीलाई एसएसपीमा बढुवाका लागि सिफारिस गरिएको छ । बढुवा सिफरिस समितिको बैठकले उनीहरुलाई एसएसपीमा बढुवा गर्न सिफारिस गरेको हो । चिकित्सातर्फ डा.केदार खड्गी, डा.धन्दबहादुर बुढाथोकी, डा.पवन कुमार राय र डा.सुवर्ण कुँवर रहेका छन् । त्यस्तै सूचना प्रविधि कम्युटरतर्फका प्रहरी उपरीक्षक श्याम कुमार मण्डललाई पनि प्रहरी एसएसपीमा बढुवा गर्न सिफारिस भएको प्रहरी प्रधान कार्यालयले जनाएको छ ।