Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
दाङ,१० भदौ। रसुवामा आएको भीषण बाढीको असर नारायणी नदीमा पानीको बहाव बढ्न सक्ने जोखिमलाई मध्यनजर गर्दै लुम्बिनी प्रदेशका मुख्यमन्त्री चेतनारायण आचार्यले नारायणी नदी तटीय क्षेत्रका बासिन्दालाई उच्च सतर्कता अपनाउन आग्रह गरेका छन्। उनले विशेषगरी नवलपरासी पश्चिमको सुस्तालगायत नारायणी नदी आसपासका जोखिमयुक्त बस्तीमा सम्भावित बाढीको जोखिमलाई ध्यानमा राखी आवश्यक सावधानी अपनाउन आग्रह गरेका हुन्। उनले नदीको बहाव बढ्न सक्ने भएकाले तटीय क्षेत्रमा रहेका नागरिकलाई सुरक्षित रहन र स्थानीय प्रशासन तथा सुरक्षा निकायले जारी गर्ने सूचनाको पालना गर्न अपिलगरेका छन् । सम्भावित जोखिमलाई ध्यानमा राख्दै लुम्बिनी प्रदेश सरकारले सुरक्षा निकाय तथा सम्बन्धित प्रमुख जिल्ला अधिकारीहरुसँग नियमित समन्वय भइरहेको जनाएको छ। जोखिमयुक्त क्षेत्रमा…
काठमाडौं,१० भदौ। रसुवाको भोटेकोशी नदीमा आएको भीषण बाढीले रसुवागढी भन्सार कार्यालयमा ठूलो क्षति पुर्याएको छ। बाढीका कारण भन्सार जाँचपासका लागि पार्किङ गरी राखिएका करिब ५०० वटा नयाँ सवारीसाधन बगेको प्रारम्भिक अनुमान गरिएको छ। भन्सार विभागका निर्देशक किशोर बर्तौलाका अनुसार बाढीले भन्सार क्षेत्रमा ठूलो क्षति पुर्याएको छ। ‘बाढीले भन्सार क्षेत्रमा ठुलो क्षति पुर्याएको छ, अधिकांश संरचना तथा सामानहरु छैनन्’,उनले भने, ‘जाँचपासका लागि राखिएका करिब ५०० गाडी बाढीले बगाएको अनुमान छ ।’ भन्सार कार्यालयमा कार्यरत धेरै कर्मचारीहरु सम्पर्कविहीन रहेको उनले बताए । बाढीबाट भएको मानवीय तथा भौतिक क्षतिको यकिन विवरण संकलन गर्ने काम भइरहेको छ।
रसुवा, १० भदौ। रसुवाको भोटेकोशी नदीमा ठूलो बाढी आएको छ। बाढी पुर्वानुमान महाशाखाले तिब्बततर्फबाट ठूलो बाढी भोटेकोसी नदीमा प्रवेश गरेको जनाएको छ। महाशाखाले अर्को सूचना नआउँदासम्म त्रिशुली नदीको तटीय क्षेत्र (मुग्लिनसम्म) उच्च सतर्कतासहित सुरक्षित स्थानमा रहन अनुरोध गरेको छ। रसुवाका प्रमुख जिल्ला अधिकारी नरेन्द्र परियारका अनुसार, बुधबार बिहान करिब सवा ९ बजे एक्कासि ठूलो बाढी आएको हो। बाढीका कारण रसुवाका स्याफ्रुबेँसी, टिमुरे लगायतका क्षेत्रमा ठूलो क्षति पुगेको बताइएको छ।
काठमाडौं,९ भदौ। काठमाडौंको नयाँ बानेश्वरमा ड्यूटीमा खटिएकी महिला प्रहरीमाथि एक युवकले हातपात गरेका छन्। ट्राफिक व्यवस्थापनमा खटिएकी सामुदायिक प्रहरीमाथि हातपात भएको जिल्ला प्रहरी परिसर काठमाडौंले जनाएको छ। परिसरका प्रवक्ता दानबहादुर थापाका अनुसार, सडक पार गर्नका लागि आकाशे पुलको प्रयोग गर्न सुझाव दिएपछि उक्त पुरुषले महिला प्रहरीमाथि मुक्का हानेका थिए। हातपात गर्ने जुम्लाको तातोपानीका २७ वर्षीय राजु कठायतलाई नियन्त्रणमा लिइएको र घटनाबारे अनुसन्धान भइरहेको प्रहरीले जनाएको छ।
भैरहवा, ९ भदौ। रुपन्देहीको बुटवल र पश्चिम नवलपरासीबाट भन्सार छलेर भित्राइएको विभिन्न सामग्री बरामद भएको छ । लुम्बिनी प्रदेश प्रहरी कार्यालय दाङ तथा मातहतका प्रहरी टोलीले विभिन्न स्थानमा गरेको चेकजाँचका क्रममा उक्त सामान बरामद गरेको हो। लुम्बिनी प्रदेश प्रहरी कार्यालय दाङले सार्वजनिक गरेको विवरण अनुसार, बुटवल उपमहानगरपालिका–९, कालिकानगरस्थित एक घरमा लुकाएर राखिएको ९ लाख ६२ हजार मूल्य बराबरको ४८१ थान कुर्ता सुरुवाल बरामद भएको छ। त्यस्तै नवलपरासीको बर्दघाट नगरपालिका–१५ केराबारीबाट भन्सार छलेर बा.प्र.०६–००१ च ०७७३ नम्बरको पिकअपमा ल्याईँदै गरेको अवस्थामा ७ लाख १४ हजार बढी मूल्य बराबरको चकलेट बरामद भएको प्रहरीले जनाएको छ । ढुवानीमा प्रयोग भएको गाडी र चालक…
काठमाडौं,९ भदौ। नेपाली कांग्रेसको १५औँ महाधिवेशन प्रक्रिया रोक्न माग गर्दै निवर्तमान सभापति शेरबहादुर देउवा र निवर्तमान कार्यवाहक सभापति पूर्णबहादुर खड्का समूहले सर्वोच्च अदालतमा छुट्टाछुट्टै रिट दर्ता गराएका छन्। देउवाको वारेसका रुपमा कांग्रेस नेता दीपक खड्का तथा पूर्णबहादुर खड्काको वारेसका रुपमा अधिवक्ता श्रवणकुमारले सोमबार सर्वोच्चमा रिट दर्ता गराएका हुन्। अदालतका प्रवक्ता अर्जुन कोइरालाका अनुसार, दुवै रिट निवेदनमाथि भदौ ११ गते पेशी तोकिएको छ। यसअघि कांग्रेसको विशेष महाधिवेशनसम्बन्धी विवादमा सर्वोच्च अदालतले पुनरावलोकनका लागि निस्सा प्रदान गरेको थियो। उक्त विवाद सर्वोच्च अदालतमा विचाराधीन रहेको अवस्थामा नेपाली कांग्रेसले भने असोज १६ देखि १९ गतेसम्म १५औँ महाधिवेशन गर्ने गरी प्रक्रिया अघि बढाएको छ।
मर्चवार, ९ भदौ। रुपन्देहीको कोटहीमाई गाउँपालिकामा कक्षा १२ उत्तीर्ण विद्यार्थी, शिक्षक तथा शिक्षा क्षेत्रमा योगदान पुर्याउने व्यक्तिहरुलाई सम्मान गरिएको छ । कार्यक्रममा उत्कृष्ट नतिजा ल्याउने चार विद्यार्थीलाई साइकलसहित १२० विद्यार्थीलाई सम्मान गरिएको हो। कोटहीमाई गाउँपालिकाको सभाहलमा आयोजित कार्यक्रममा श्री मर्चवार आदर्श माध्यमिक विद्यालयको गुडिया गुप्ता बनिया (३.११ जीपी), श्री मर्यादपुर माध्यमिक विद्यालयको सीता कुमारी पाल (३.७ जीपीए), श्रीराम माध्यमिक विद्यालयको साधना यादव (३.११ जीपीए) र श्री बोगडी माध्यमिक विद्यालयका अशोक यादव (२.९४ जीपीए) लाई साइकल पुरस्कारसहित सम्मान गरिएको थियो। चारवटै विद्यालयबाट कक्षा १२ उत्तीर्ण गरेका अन्य विद्यार्थीहरुलाई समेत सम्मान गरिएको आयोजक राहुल यादवले जानकारी दिए। कार्यक्रममा जनता समाजवादी पार्टी, रुपन्देहीका…
काठमाडौं,५भदौ। अर्थमन्त्री डा. स्वर्णिम वाग्लेले सरकारले तत्काल नोटबन्दी गर्नेबारे कुनै योजना नबनाएको स्पष्ट पारेका छन्। राष्ट्रिय स्वतन्त्र पार्टी (रास्वपा) ले वनस्थलीस्थित पार्टी कार्यालयमा आयोजना गरेको ‘नागरिक, नीति र नेतृत्व’ संवाद कार्यक्रममा बोल्दै उनले नोटबन्दी गर्नेबारे सरकारले अहिले केही नसोचेको बताए। कार्यक्रममा सहभागी नागरिकहरुले ‘नोटबन्दी किन नगर्ने ?’ भन्दै प्रश्न गरेपछि अर्थमन्त्री वाग्लेले सरकारको धारणा सार्वजनिक गरेका हुन्। ‘नोटबन्दीका बारेमा यहाँहरुका रोचक प्रश्नहरु सुनेँ। तर, अहिले हामीलाई यो उपयुक्त हुन्छ जस्तो लाग्दैन। नोटबन्दीबारे हामीले सोचेका छैनौँ,’ उनले भने। उनका अनुसार नोटबन्दीको अभ्यास गरेका अन्य मुलुकहरुमा समेत यसको परिणाम अपेक्षाअनुसार सफल देखिएको छैन। त्यसैले नेपालको वर्तमान परिस्थितिमा नोटबन्दी उपयुक्त विकल्प नरहेको सरकारको…
दाङ,५ भदौ। लुम्बिनी प्रदेशका मुख्यमन्त्री चेतनारायण आचार्यले रोल्पामा मनसुनजन्य विपदबाट प्रभावित परिवारलाई सरकारले उपलब्ध गराउनुपर्ने राहतमा कुनै कमी हुन नदिने प्रतिबद्धता व्यक्त गरेका छन्। प्रदेश विपद् व्यवस्थापन परिषद्को १५औँ बैठकमा बोल्दै मुख्यमन्त्री आचार्यले रोल्पामा विपद्बाट ठूलो जनधनको क्षति भएकाले प्रभावित परिवारलाई तत्काल राहत उपलब्ध गराउने, क्षतिग्रस्त सडक तथा पूर्वाधार मर्मत गर्ने विषयमा सरकारले महत्वपूर्ण निर्णय गरेको बताए। ‘घटना घट्न नहुने थियो । तर, घटना घटिसकेको छ । सरकारको तर्फबाट पीडितहरूले पाउनुपर्ने राहत समयमै उपलब्ध गराउन सके पीडित परिवारले त्यसलाई मल्हमका रुपमा लिनुहुनेछ,’ उनले भने, ‘प्रदेश सरकारको तर्फबाट तत्काल राहत सामग्री पठाउने काम भएको छ ।’ मुख्यमन्त्री आचार्यले विपद् प्रभावित क्षेत्रमा…
दाङ, ५ भदौ। लुम्बिनी प्रदेशमा यस वर्षको मनसुन सुरु भएयता विपद्का घटनामा परी ८५ जनाको मृत्यु भएको छ। प्रदेश विपद् व्यवस्थापन परिषद्को बैठकमा प्रस्तुत विवरणअनुसार, जेठ १८ गतेदेखि भदौ ३ गतेसम्म प्रदेशभर ९१ वटा मनसुनजन्य विपद्का घटना भएका छन्। विपद्का घटनामा ८५ जनाको मृत्यु हुनुका साथै १३ जना घाइते भएका छन् भने दुई जना अझै बेपत्ता छन्। सबैभन्दा धेरै मृत्यु पानीमा डुबेर भएको छ। पानीमा डुबेर मात्रै ५८ जनाले ज्यान गुमाएका छन्। त्यस्तै, पहिरोमा २० जना, चट्याङमा तीन जना र बाढीमा चार जनाको मृत्यु भएको प्रदेश सरकारले जनाएको छ। यस अवधिमा बाढीका चार, चट्याङका सात, पहिरोका १० तथा अत्यधिक वर्षाका…