Author: क्लिक लुम्बिनी

भक्तपुर,२९असोज। प्रहरीले पेस्तोल र गोलीसहित एक जनालाई पक्राउ गरेको छ। पक्राउ पर्नेमा भक्तपुर सूर्यविनायक नगरपालिका-८ रानीकोटका ३६ वर्षीय प्रेम तामाङ रहेको प्रहरीले जनाएको छ। पक्राउ परेका तामाङको घरमा खानतलासी गर्दा एक थान पेस्तोल र तीन राउण्ड गोली बरामद भएको जिल्ला प्रहरी परिसर भक्तपुरले जनाएको छ। घटनाका सम्बन्धमा थप अनुसन्धान भइरहेको भक्तपुर प्रहरीले जनाएको छ।

जोमसोम, २९ असोज। मुस्ताङमा सवारी दुर्घटना हुदाँ एक जनाको मृत्यु भएको छ। जोमसोमबाट लेतेतर्फ जाँदै गरेको ना१च ७६९२ नम्बरको कार र बेनीबाट जोमसोमतर्फ आउँदै गरेको मोटरसाइकल घरपझोङ-२ मार्फा नजिक ठोक्किदा सवारी दुर्घटना भएको प्रहरीले जनाएको छ। सवारी दुर्घटनामा घाइते भएका गोरखा आरु चनौटे-९ का मोटरसाइकल चालक ३२ वर्षीय सञ्जय खड्काको मृत्यु भएको जिल्ला प्रहरी कार्यालय मुस्ताङका डीएसपी सूर्यबहादुर बोगटीले जानकारी दिए। मृतक खड्का काठमाडौंबाट माथिल्लो (अप्पर) मुस्ताङका लागि भ्रमणमा निस्किएका थिए। दुर्घटना पश्चात कार चालक सुन्दर ट्वाटीलाई नियन्त्रणमा लिइएको प्रहरीले जनाएको छ।

भैरहवा,२९असोज। नेपाल आयल निगमले पेट्रोलियम पदार्थको मूल्य बढाएको छ । निगमको सञ्चालक समितिको बैठकले पेट्रोलियम पदार्थको मूल्य बढाएको हो । निगमका अनुसार पेट्रोलमा प्रतिलिटर एक रुपैयाँ र डिजेल तथा मट्टितेलमा प्रतिलिटर चार रुपैयाँ बढेको हो। मूल्य बढेसँगै पहिलो वर्ग अन्र्तगत भलवारी, चारआली, विराटनगर, जनकपुर, अमलेखगञ्ज, नेपालगञ्ज, धनगढी र विरगंज वरपर पेट्रोलको मूल्य प्रतिलिटर १५६रुपैयाँ ५० पैसा कायम भएको छ । त्यस्तै दोस्रो वर्ग अन्र्तगत सुर्खेत र दाङ वरपर प्रतिलिटर १५८ र तेसो वर्ग अन्र्तगत काठमाडौं, पोखरा, दिपायल वरपर प्रतिलिटर १५९ रुपैयाँ कायम भएको छ । त्यस्तै, डिजेल तथा मट्टितेलको मूल्य पहिलो वर्ग अन्तर्गतका क्षेत्रमा १४८ रुपैयाँ ५० पैसा, दोस्रो वर्ग…

बुटवल,२९असोज। रुपन्देहीको बुटवलस्थित बुटवल हस्पिटल प्रा.लि.को पूर्वमन्त्री एवं नेपाली कांग्रेसका नेता बालकृष्ण खाँणले अवलोकन गरेका छन्। हालै भवन निर्माण सम्पन्न भएर उपचार सेवा सुरु भएको अस्पतालको मंगलबार पूर्वमन्त्री खाँणसहितका नेताहरुले अवलोकन गर्दै अस्पतालले दुखी,गरिब आसहाय विरामीहरुको उपचारमा पनि मद्दत गर्ने विश्वास व्यक्त गरे। अवलोकनका लागि पुगेका नेताहरुले अस्पतालको नवनिर्मित भवन, उपकरण तथा सेवाका बारेमा जानकारी लिएका थिए। बुटवलमा नीजि क्षेत्रको एक सय शैयाको आफ्नै भवनमा बनेको बुटवल हस्पिटल प्रा.लि. पहिलो अस्पताल हो। अस्पतालको अवलोकन प्रश्चात पुर्वमन्त्री खांणले भने- ‘अस्पताल नमुना बनेछ तर बुटवल धेरै हिसाबले अब्बल रहेपनि स्वास्थ्य क्षेत्रमा कता-कता पछाडी हो कि भन्ने थियो। अब बुटवल हस्पिटलले त्यसको अन्त्य…

अर्घाखाँची,२९असोज। लुम्बिनी प्रदेशका मुख्यमन्त्री चेतनारायण आचार्यले अर्घाखाँची जिल्लामा रहेका विभिन्न शक्ति पिठहरुको दर्शन गरेका छन्। मुख्यमन्त्री आचार्यले मालारानी गाउँपालिका स्थित रागामारे मन्दिर र मालारानी मन्दिरको दर्शन गरेका हुन् । लुम्बिनी प्रदेश सरकारले पुरातात्त्विक महत्त्व बोकेका मठ, मन्दिर तथा सम्पदाको संरक्षण, सम्बर्द्धन र विकासका लागि प्राथमिकतामा राखेर लुम्बिनी पर्यटन सर्किट मार्फत १२ जिल्लाका धार्मिक तथा प्राकृतिक स्थलहरुलाई जोड्नेगरी योजना बनाएको छ । ‘सबै धर्म, संस्कृति, परम्परा, सम्पदाहरुलाइ प्रदेश सरकारले समान महत्त्व दिन्छ। पुरातात्त्विक सम्पदाको संरक्षणका लागि सरकारले योजना बनाएको छ’, उनले भने, ‘समुदायको साथ, सहयोग र सहकार्यबाट संरक्षण, सम्बर्द्धनका कामहरु हुन्छन।’ प्रदेश सरकारले विश्व पर्यटन दिवसको सन्दर्भ पारेर ‘घुमौं लुम्बिनी’ को…

नवलपरासी,२९असोज।भैरहवा-नवलपरासी सडकखण्डमा सवारी दुर्घटना हुदाँ एक जनाको मृत्यु भएको छ। नवलपरासीको रामग्राम नगरपालिका-१५ सुक्रौली स्थित हुलाकी सडकमा ना ५ ख २२५५ नम्बरको ट्रकले लु ९२ प ३५३ नम्बरको मोटरसाइकललाई ठक्कर दिँदा सवारी दुर्घटना भएको जिल्ला प्रहरी कार्यालय नवलपरासीले जनाएको छ। प्रहरीका अनुसार सवारी दुर्घटनामा घाइते भएका मोटरसाइकल चालक चुरामणी भट्टराईको सुनवल नगरपालिका-१३ स्थित अस्पतालमा उपचारको क्रममा मृत्यु भएको हो। मृतक भट्टराई नेपाल प्रहरीमा हवल्दार पदमा कार्यरत थिए। दुर्घटना पश्चात स्थानीयले हुलाकी सडकमा नाराबाजी गर्दै केही समय सडक अवरुद्ध गरेका थिए ।

झापा,२९असोज। प्रहरीले होटलमा छापा मारेर १२ जना जुवाडेहरुलाई पक्राउ गरेका छ। झापाको शिवसताक्षी नगरपालिकामा रहेको सगरमाथा होटेल जुवातास खेल्दै गरेको अवस्थामा प्रहरीले गएराति छापा मारेर उनीहरुलाई पक्राउ गरेको हो। उनीहरुको साथबाट तास र ५ लाख ४ हजार ३० रुपैयाँ बरामद भएको जिल्ला प्रहरी कार्यालय झापाका डीएसपी कृष्णकुमार चन्दले जानकारी दिए। पक्राउ परेकाहरु उपर जुवा ऐन सम्बन्धी कसुरमा मुद्दा दर्ता गरी थप अनुसन्धान भइरहेको प्रहरीले जनाएको छ।

भैरहवा,२९असोज। नेपालको स्थानीय बजारमा दसैपछि एकैदिन सुनको मूल्य प्रतितोला एक हजार चार सय रुपैयाँले बढेको छ। दसैपछि मंगलबार खुलेको बजारमा सुनको मूल्य प्रतितोला एक हजार चार सय रुपैयाँले बढेर प्रतितोला १ लाख ६० हजार ५०० रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ। महासंघका अनुसार मंगलबार चाँदीको मूल्य पनि बढेको छ। चाँदी २५ रुपैयाँले बढेर प्रतितोला १ हजार ९ सय २५ रुपैयाँमा कारोबार भइरहेको छ। यसअघि असोज २३ गते सुन प्रतितोला १ लाख ५९ हजार १०० सय रुपैयाँ र चाँदी १९ सय रुपैयाँमा किनबेच भएको महासंघले जनाएको छ।

अर्घाखाँची, २८ असोज । लुम्बिनी प्रदेशका मुख्यमन्त्री चेतनारायण आचार्यले कृषि र पशुपालनमैत्री नीति सरकारले अवलम्बन गरेको बताएका छन् । अर्घाखाँची दुग्ध उद्योगको सोमबार अवलोकनको क्रममा किसानहरुसँग छलफल गर्दै मुख्यमन्त्री आचार्यले स्थानीय उत्पादित दूध र दुग्धजन्य पदार्थको खपतका लागि विद्यालय तहको दिवा खाजा कार्यक्रममा दुग्धजन्य उत्पादनलाई समेटने गरी प्रदेश सरकारले सहजीकरण गर्ने बताएका हुन् । ‘समृद्धिको आधार कृषि र पशुपालनलाई लिएका छौं । जस अन्तरगत दुग्धजन्य उत्पादनको बजारीकरणको लागि पनि सरकारले सहजीकरण गर्छ । विद्यालय तहको दिवा खाजा कार्यक्रममा दुग्धजन्य उत्पादनका परिकार हप्ताको एक दिन दिने गरी कार्यक्रम बनाउन सकिन्छ’उनले भने,‘त्यसको सुरुवात अर्घाखाँचीबाट गरेर प्रदेशका १०९ पालिकामा पुर्‍याउँछौं ।’ यसका साथै…

भैरहवा,२८असोज। भैरहवाको गौतमबुद्ध अन्तर्राष्ट्रिय विमानस्थलबाट जजिरा एयरवेज,फ्लाई दुबई र थाइ एयर एशियाले व्यावसायिक उडान गर्ने भएका छन्। जसका लागि यी तीन वटै एयरलाइन्स कम्पनीहरुले नेपाल नागरिक उड्डयन प्राधिकरणबाट उडान अनुमति लिइसकेका छन्। गौतमबुद्ध अन्तर्राष्ट्रिय विमानस्थलका महाप्रबन्धक प्रतापबाबु तिवारीका अनुसार जजिरा एयरवेज र फ्लाई दुबईले कार्तिक महिनाबाट उडान गर्ने तयारी छ भने थाइ एयर एशियाको उडान मिति टुंगो लागेको छैन। सरकारले राष्ट्रिय गौरवको आयोजना गौतमबुद्ध अन्तर्राष्ट्रिय विमानस्थललाई पूर्ण क्षमतामा सञ्चालनका लागि कार्ययोजनासहित प्रक्रिया अगाडि बढाएको छ। सोही योजना अनुरुप अन्तर्राष्ट्रिय एयरलाइन्सले धमाधम उडान गर्न लागेका हुन्। जजिराको विमान बिहान ७:३० बजे भैरहवा आएर ८:३० बजे कुवेत उड्ने तालिका रहेको छ भने…