Author: क्लिक लुम्बिनी

भैरहवा, २६ कार्तिक ।भैरहवास्थित गौतमबुद्ध अन्तर्राष्ट्रिय विमानस्थलमा कतार एयरवेजले वाइडबडी विमान एयरबस ३३० बाट व्यवसायिक उडान सुरु गरेको छ । मंगलबार दोहाबाट भैरहवा विमानस्थलमा अवतरण भएको कतार एयरवेजलाई वाटर स्यालुट दिइएको छ । दोहाबाट ३३ जना यात्रुसहित भैरहवा विमानस्थलमा अवतरण गरेको विमानबाट एक जना प्राविधिक भैरहवामा ओर्लिएपछि ३२ यात्रुसहित पुनः उक्त विमान यहाँबाट काठमाडौं प्रस्थानको तयारीमा रहेको गौतमबुद्ध अन्तर्राष्ट्रिय विमानस्थल कार्यालयका सूचना अधिकारी विनोदसिंह राउतले जानकारी दिए । उनले कतार एयरवेजले दैनिक दोहा-भैरहवा-काठमाडौं-दोहा रुटमा एउटा उडान गर्ने बताए । उनका अनुसार नियमित तालिका अनुसार उक्त विमान दिउँसो २ः४५ बजे भैरहवा अवतरण गर्ने र यहाँबाट ४ः४५ बजे काठमाडौं प्रस्थान गर्ने तालिका…

भैरहवा, २७ कार्तिक । अख्तियार दुरुपयोग अनुसन्धान आयोगको बुटवल कार्यालयले घुससहित जिल्ला अदालत कपिलवस्तुका दुई जना कर्मचारीलाई पक्राउ गरेको छ । जिल्ला अदालतका कपिलवस्तुका तहसिलदार सन्तोष कुमार मिश्र र कम्प्युटर अपरेटर विकास पाण्डेले सेवाग्राहीसँग जग्गा सम्बन्धि कार्यका लागि २० हजार रुपैयाँ घुस लिएको अवस्थामा उनीहरुलाई घुससहित कपिलवस्तुको गौरी चोकस्थित चिया पसलबाट पक्राउ गरिएको स्रोतले बतायो । अख्तियारले आफु निर्वाचित वडा क्षेत्रबाट अदालतका दुई जना कर्मचारीलाई पक्राउ गरेको कपिलवस्तु नगरपालिका वडा नम्बर एकका वडाअध्यक्ष मोहम्मद जाहिद खाँले पुष्टि गरे । दुवै जनालाई नियन्त्रणमा लिएर आवश्यक प्रक्रिया थालिएको बुझिएको छ ।

भैरहवा, २६ कार्तिक ।राष्ट्रिय स्वतन्त्र पार्टीका सभापति रवि लामिछानेलाई सहकारीको बचत रकम अपचलनको आरोपमा भैरहवा ल्याएलग्तै जिल्ला सरकारी वकिल कार्यालयमा बयान सुरु गरिएको छ । रुपन्देहीको बुटवलस्थित सुप्रिम बचत तथा ऋण सहकारी संस्थाको रकम अपचलनको आरोपमा अदालत रुपन्देहीले पक्राउ पुर्जी जारी गरेपछि कास्की प्रहरीको हिरासतमा रहेका लामिछानेलाई अनुसन्धानका लागि प्रहरी नियन्त्रणमा भैरहवा ल्याइएको हो । कार्यालयमा प्रहरी पुराएलग्त्तै बयान सुरु गरिएको स्रोतले बतायो । ‘बयान लिनका लागि जिल्ला न्यायाधिवक्ता प्रेमराज पौडेलसहित ६ जना न्यायाधिवक्ताहरु छन्’,स्रोतले भन्यो,‘बयान सुरु भइसकेको छ । प्रहरीका डीएसपीसहितका अधिकारीहरु पनि उपस्थित छन् ।’

भैरहवा, २६ कार्तिक । राष्ट्रिय स्वतन्त्र पार्टीका सभापति रवि लामिछानेलाई रुपन्देही ल्याइएको छ। रुपन्देहीको बुटवलस्थित सुप्रिम बचत तथा ऋण सहकारी संस्थाको रकम अपचलनको आरोपमा जिल्ला अदालत रुपन्देहीले पक्राउ पुर्जी जारी गरेपछि कास्की प्रहरीको हिरासतमा रहेका लामिछानेलाई अनुसन्धानका लागि प्रहरी नियन्त्रणमा रुपन्देही ल्याइएको हो । भैरहवा ल्याइएका रविलाई हाल जिल्ला प्रहरी कार्यालय रुपन्देहीमा लगिने र त्यसपछि बयानका लागि जिल्ला सरकारी वकिल कार्यालयमा लगिने तयारी रहेको प्रहरी स्रोतले बतायो । पूर्वगृहमन्त्री समेत रहेका लामिछानेलाई भैरहवा ल्याउने भएपछि रास्वपा नेता, कार्यकर्ता भैरहवा विमानस्थल बाहिर जम्मा भएका छन् । रास्वपाले सभापति लामिछाने पक्राउको विरोधमा भैरहवामा विरोधका कार्यक्रम गर्न लागेको छ । उक्त संकेत पाएपछि…

भैरहवा, २७ कार्तिक ।राष्ट्रिय स्वतन्त्र पार्टीका सभापति रवि लामिछानेलाई रुपन्देही ल्याईदैँछ । रुपन्देहीको सुप्रिम बचत तथा ऋण सहकारीको रकम अपचलनको आरोपमा अनुसन्धानका लागि रुपन्देही ल्याउन लागिएको हो । जिल्ला प्रहरी कार्यालय कास्कीको हिरासतमा रहेका सभापति लामिछानलाई मंगलबार बयानका लागि रुपन्देही ल्याउन लागिएको हो । पोखराबाट बिहान ७:४५ बजेको बुद्ध एयरको फ्लाईटमा रुपन्देही ल्याउने तालिका भएपनि मौसमका कारण भैरहवा विमानस्थल बन्द रहेकोले पोखराबाट विमानले उडान भरेको छैन । रविलाई विमानस्थलबाट जिल्ला प्रहरी कार्यालय लैजाने र त्यसपछि जिल्ला सरकारी वकिल कार्यालयमा बयानका लागि लैजाने तालिका रहेको प्रहरी स्रोतले जनाएको छ । भैरहवा विमानस्थल बाहिर रास्वपाका नेता, कार्यकर्ता जम्मा भएका छन् । सुरक्षा…

बुटवल,२५ कार्तिक । नेपाली कांग्रेस लुम्बिनी प्रदेश सभापति तथा पुर्वमन्त्री अमरसिंह पुनले स्वास्थ्य बिमामा नीजि क्षेत्रलाई पनि समेट्नु पर्ने बताएका छन्। उनले सरकारले स्वास्थ्य बिमालाई ब्यापक बनाउनुका साथै नीजि क्षेत्रका अस्पतालहरुलाई पनि समेटे धेरै नागरिकले यसको लाभ लिन सक्ने बताए। बुटवल हस्पिटल प्रा.लि.को स्थलगत अवलोकन गर्दै पुर्वमन्त्री पुनले बिमाका नाममा सरकारी अस्पतालहरुबाट सेवा लिन बिरामीलाई निकै कष्ट भएको गुनासो आएकोले सरकारले विमामा नीजि स्वास्थ्य संस्थाहरुलाई पनि समेटेर अघि बढ्नुपर्ने बताए। उनले नीजि क्षेत्रले बनाएका सुविधा सम्पन्न अस्पतालबाट स्वास्थ्य बिमाको सेवा लिने सक्ने बाताबरण बनाउन तिनै तहका सरकारलाई सुझाव दिए । उनले बुटवलमा बिरामी आएपछि भारतीय शहर देखि राजधानी काठमाडौं जान…

लमजुङ,२५ कार्तिक । प्रहरीले भरुवा बन्दुकसहित एक जनालाई पक्राउ गरेको छ । पक्राउ पर्नेमा लमजुङको कव्होलासोथार गाउँपालिका-९ छापाका ५० वर्षीय मंगल परियार रहेका छन्। प्रहरी चौकी गिलुङबाट खटिएको टोलीले घर नजिक जंगलको भीरमा भरुवा बन्दुक लुकाएर राखेको अवस्था बरामद गरी परियारलाई पक्राउ गरेको हो । घटना सम्बन्धमा आवश्यक अनुसन्धान भइरहेको जिल्ला प्रहरी कार्यालय लमजुङले जनाएको छ ।

भैरहवा, कार्तिक २६ । भैरहवाको सिद्धार्थ क्रिकेट रंगशालामा जारी रुपन्देही सुपरलिग क्रिकेट प्रतियोगितामा स्टार क्रिकेट क्लब विजयी भएको छ । डिभिजन ‘बी’अन्तर्गत सोमबार बुटवल युथ र स्टार क्रिकेट क्लबबीच भएको खेलमा स्टार क्रिकेट ७ विकेटले विजयी भएको हो । जितका लागि पाएको ९८ रनको लक्ष्य स्टार क्रिकेटले १७ ओभर ४ बलमा ३ विकेट गुमाउँदै एक सय रन बनाई सहजै जित निकाल्यो । उसको जितमा अस्मान थारुले नटआउट २३, समिप पौडेलले १९, नरबहादुर सार्कीले अविजित १८, राहुल नाउले १६ र राहुल क्षेत्रीले ११ रनको योगदान गरे । बलिङमा बुटवल युथका सन्तोष परियार र अजय चौधरीले १–१ विकेट लिए । यसअघि टस…

भैरहवा,२५ कार्तिक । रुपन्देहीको तिलोत्तमा नगरपालिकामा रहेको पाँच तारे टाइगर प्यालेस रिर्सोटले आफ्ना ग्राहकलाई ‘टाइगर रिवार्डस’ दिने भएको छ । जसका लागि उसले ‘टाइगर रिवार्डस’ कार्यक्रम समेत सार्वजनिक गरेको छ । रिसोर्टका अनुसार ग्राहकको नियमित संलग्नताका आधारमा उनीहरुले रिर्सोटप्रति देखाएको निष्ठाको सम्मान स्वरुप यो कार्यक्रम सञ्चालन गरिएको हो । नियमित सेवा लिने ग्राहकलाई सम्मान प्रकट गर्न सेवामा विशेष छुट व्यवस्था गरिएको रिसोर्टद्धारा जारी प्रेस विज्ञप्तीमा उल्लेख छ । ‘टाइगर प्यालेसमा आएर नियमित सेवा लिने ग्राहकलाई कोठा, खाना, स्पा लगायत सुविधामा विशेष छुटको व्यवस्था गरिएको छ’,रिर्सोटका प्रमुख कार्यकारी अधिकृत दीपक लेखक भने, ‘हामीप्रति ग्राहकले देखाएको मायाको सम्मान स्वरुप छुट व्यवस्था गरेका…

भैरहवा, २५ कार्तिक । रुपन्देहीको ओमसतिया गाउँपालिका–२ पडसरीका ताराबहादुर जिटीले विपन्न विद्यार्थी र मस्जिदमा आर्थिक सहयोग उपलब्ध गराएका छन् । वैदेशिक रोजगारका लागि नेदरल्याण्डमा बस्दै आएका जिटी घर विदा आएको बेला उनले ओमसतिया गाउँपालिका–२ पडसरी स्थित श्री कोटही आधारभूत विद्यालयमा अध्यरनत दुई जना विद्यार्थी र सोही वडाको बर्दिहवामा रहेको मस्जिदमा आर्थिक सहयोग प्रदान गरेका हुन्। कक्षामा ८ मा अध्यरनत विद्यार्थी अनुज धरिकार र कक्षा ५ मा अध्यनरत विद्यार्थी आयशा निशालाई जनही एघार हजार रुपैयाँ र मस्जिदमा आठ हजार रुपैयाँ उपलब्ध गराएको ओमसतिया गाउँपालिका–२ का वडाअध्यक्ष सितल जिटीले बताए । अभिभावकको उपस्थितीमा विद्यार्थीलाई रकम हसान्तरण गर्दै उनले अध्यापन कार्यका लागि रकम…