Author: क्लिक लुम्बिनी

भैरहवा,३०भदौ। सरकारले सोमबार (भोली) सार्वजनिक बिदा दिएको छ । मोहम्मद जयन्ती(दिवस) को अवसरमा सरकारले इस्लाम धर्मावलम्बीहरुलाई सार्वजनिक बिदा दिएको हो । गृह मन्त्रालयले आइतबार जारी गरेको सूचनामा भनिएको छ, ‘मिति २०८०।१०।२९ गतेको नेपाल राजपत्रमा प्रकाशित सूचना अनुसार मोहम्मद जयन्ती (मोहम्मद दिवस) का दिन नेपाली मुस्लिम धर्मावलम्बीहरूका लागि सार्वजनिक बिदा दिने व्यवस्था भएको सन्दर्भमा मुस्लिम आयोगबाट मोहम्मद जयन्ती (मोहम्मद दिवस) मिति २०८१।५।३१ गते सोमबार पर्ने भएको भनी जानकारी प्राप्त भएको हुँदा मिति २०८१।५।३१ गते नेपाली मुस्लिम धर्मावलम्बीहरूका लागि मात्र सार्वजनिक बिदा दिने निर्णय भएको ब्यहोरा सम्बन्धित सबैको जानकारीको लागि यो सूचना प्रकाशित गरिएको छ।’ हेर्नुहोस् मन्त्रालयले जारी गरेको सूचनाः

भैरहवा,३०भदौ। नेपाली नागरिकहरुमा भएका ज्ञान र सीप समृद्ध देश निर्माणका लागि उपयोग गर्न अभियान चलाइने भएको छ । वरिष्ठ अधिवक्ता कृष्णप्रसाद भण्डारीले नेपाली नागरिकहरुमा ज्ञान र सीप भएपनि समृद्ध देश बनाउनका लागि राज्यले पहिचान र उपयोग गर्न नसकेको बताए । ‘हामी नेपालीहरुमा धेरै बुद्धि, ज्ञान र सीप छ । क्षमतावान छौँ तर राज्यले सदुपयोग गर्न सकेको छैन, पहिचान नै गर्न सकेको छैन’, नेपाल-चीन मैत्री समाज लुम्बिनीद्धारा भैरहवामा आयोजित भेटघाट कार्यक्रममा उनले भने,‘अब नेपालका विभिन्न क्षेत्रका विद्धानहरुलाई एकिकृत गरी उनीहरुको बुद्धि, सीप र ज्ञानलाई देश निर्माणमा लगाउने गरी अभियान चलाउने छौँ।’ नेपाल बार एशोसिएसनका पुर्वकेन्द्रीय अध्यक्ष समेत रहेका भण्डारीले रोजगारी र…

भैरहवा,३०भदौ। नेपाल आयल निगमले पेट्रोलियम पदार्थको मूल्य घटाएको छ। आइतबार बसेको निगम सञ्चालक समितिको बैठकले पेट्रोल, डिजल र मट्टितेलको मूल्य घटाएको हो। निगमका अनुसार पेट्रोलमा प्रतिलिटर ४ रुपैयाँ र डिजेल तथा मट्टितेलमा प्रतिलिटर ५ रुपैयाँले मूल्य घटाइएको हो । यससँगै भलवारी डिपो अन्र्तगतका रुपन्देही सहितका जिल्लामा पेट्रोल प्रतिलिटर १५६ रुपैयाँ पचास पैसा, डिजेल र मट्टितेल १४६ रुपैयाँ पचास पैसा कामय भएको छ। उक्त मूल्य आइतबार मध्यराति १२ बजेदेखि लागू हुने नेपाल आयल निगमले जनाएको छ। हेर्नुहोस् निगमले जारी गरेको विज्ञप्तीः

भैरहवा,३०भदौ। भैरहवामा इस्लाम धर्मका प्रवर्तक हजरत मोहम्मद पैगम्बर सल्लाह अलैवसल्लमको १४९९ औँ जश्ने विलादत (मोहम्मद जयन्ती) को अवसरमा रक्तदान र फलफुल वितरण कार्यक्रम गरिएको छ । भैरहवाको अहले सुन्नत व जमाअत अन्जुमन इस्लामिया कमिटी र मदरसा अरयिबा अशरफिया फैजुल इस्लामको संयुक्त आयोजनामा मोहम्मद जयन्तीको अवसरमा रक्तदान र फलफुल वितरणको कार्यक्रम गरिएको हो। आयोजकले शनिवार मदरसामा रक्तदान कार्यक्रम गरेको हो भने आइतबार विरामीहरुलाई फलफुल वितरण गरेको हो । ‘रक्तदान जीवनदान’ भन्ने मूल नाराका साथ आयोजित रक्तदान कार्यक्रममा ४० पिन्ट रगत संकलन भएको अहले सुन्नत व जमाअत अन्जुमन इस्लामिया कमिटीका अध्यक्ष मोहम्मद फिरोजले बताए । साथै, भीम अस्पतालमा उपचारत रहेका विरामीहरुलाई पनि…

धनगढी,२९भदौ। नेकपा एमालेका सचिव तथा सुदूरपश्चिम इञ्चार्ज लेखराज भट्टले भीम रावलका कारण सुदूरपश्चिमको पार्टीमा समस्या भइरहेको आरोप लगाएका छन् । नेकपा एमाले सुदूरपश्चिम सल्लाहकार परिषदको सपथग्रहण कार्यक्रमलाई सम्बोधन गर्दै उनले भने, ‘भीम रावलको समस्या पार्टीको माथिल्लो निकायमा हो। तर, उहाँ तलतल आउनुभयो। जसका कारण सुदूरपश्चिममा पार्टीभित्र समस्या देखियो।’ उनले रावल प्रदेशमा आएर गुट बनाउँदै हिडेको आरोप छ। उनले रावलले जिल्लाहरुमा गएर गुटको भेला गरेर नेता कार्यकर्ताहरुलाई भड्काउने गरेको भन्दै पार्टी नेतृत्वसगँ समस्या भए नेतृत्वसँगै गएर समाधान गर्नुपर्नेमा तल आएर गरेको गतिविधीले पार्टीमा बिग्रन थालेको बताए । उनले पार्टीले ‘मिसन ८४’ भन्ने नारा ल्याए पनि पार्टीभित्रको आन्तरिक एकता यस्तै रहेमा उक्त…

भैरहवा,२९भदौ। आइतबार देशभर आंशिकदेखि साधारणतया बदली रहने छ। मौसम पूर्वानुमान महाशाखाका अनुसार मधेश, बागमती र गण्डकी प्रदेशका केही तथा बाँकी प्रदेशका थोरै स्थानहरुमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ। कोशी, बागमती र गण्डकी प्रदेशका एक-दुई स्थानमा भारी वर्षाको पनि सम्भावना रहेको छ। कोशी प्रदेशको तराई भूभागको थोरै स्थानहरुमा हावाहुरीको पनि सम्भावना रहेको महाशाखाले जनाएको छ। मौसम पूर्वानुमान महाशाखाका अनुसार आइतबार राति देशभर आंशिकदेखि साधारणतया बदली रहने छ। कोशी प्रदेशको केही, बागमती र गण्डकी प्रदेशका थोरै तथा बाँकी प्रदेशका एक-दुई स्थानमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ। कोशी प्रदेशका एक-दुई स्थानमा भारी वर्षाको पनि सम्भावना रहेको छ।…

भैरहवा,२९भदौ। भारतमा तस्करी गर्न लागिएको दश क्विन्टल लसुन प्रहरीले बरामद गरेको छ। नेपाल प्रहरी प्रदेश कार्यालय भैरहवा, र इलाका प्रहरी कार्यालय मर्चवारबाट खटिएको संयुक्त टोलीले भारतमा तस्करी गर्न लागिएको लसुन बरामद गरेको हो । शुक्रवार मर्चवारको सम्मरीमाई गाउँपालिका-२ मुडिला क्षेत्रमा चेकजाँच गर्ने क्रममा भारततर्फ अवैध रुपमा तस्करी गर्न लागेको अवस्थामा तीन लाख मूल्य बराबरको दश क्विन्टल (४६ बोरा) लसुन बरामद भएको जिल्ला प्रहरी कार्यालय रुपन्देहीका डिएसपी मनोहरप्रसाद भट्टले जानकारी दिए । आवश्यक कारवाहीको लागि बरामद लसुन भैरहवा भन्सार कार्यालयमा पठाइएको प्रहरीले जनाएको छ।

भैरहवा,२९भदौ। लुम्बिनी प्रदेशका मुख्यमन्त्री चेतनारायण आचार्यले वर्षौ देखि लुम्बिनी विकास कोषमा थन्किएको विद्युतीय सवारीसाधन संचालन गर्न निर्देशन गरेका छन् । लुम्बिनीको पर्यटन प्रवद्र्धनका साथै प्रदूषण कम गर्नका लागि एसियाली विकास बैंकको सहयोगमा ६ वटा बस र १३ वटा साना गाडी (भ्यान) गरी १९ वटा विद्युतीय सवारी साधन लुम्बिनीमा ल्याइएको थियो । तर, विकास कोषको उदासिनताका कारण उक्त सवारी साधन सर्वसाधरणका लागि संचालन हुन सकेको छैन । कर्मचारीहरुले भने आफु चढ्नका लागि भ्यानको प्रयोग गरिरहेका छन् । शनिवार लुम्बिनी विकास कोषका सदस्य सचिव सानुराज शाक्यलाई मुख्यमन्त्री आचार्यले विद्युतीय सवारी साधन नियमित सञ्चालनको वातावरण निर्माण गर्न निर्देशन दिएका छन् । ‘कसरी हुन्छ…

भैरहवा,२९भदौ। लुम्बिनी प्रदेशका मुख्यमन्त्री चेतनारायण आचार्यले सरकारी संगै निजी क्षेत्रबाट सञ्चालन भएका अस्पताल तथा स्वास्थ्य संस्थाको उपचार सेवालाई प्रभावकारी बनाउन प्रदेश सरकारले ध्यान दिने बताएका छन् । नेपाल औषधी व्यवसायी संघ जिल्ला शाखा रुपन्देहीको आयोजनामा शनिबार बुटवलमा भएको सम्मान एवम् औषधी व्यवसायीहरुको क्षमता अभिवृद्धि तालिम उद्घाटन कार्यक्रमलाई सम्बोधन गर्दै उनले सरकारी अस्पतालको सेवा सुविधालाइ सुधार गर्दै निजि क्षेत्रका अस्पताललाइ समेत कानुनी दायरा भित्र ल्याएर सेवा प्रवाहलाइ चुस्त बनाउने बताए। प्रदेश सरकारले स्वास्थ क्षेत्रलाई उच्च प्राथमिकतामा राखेर बिशेषज्ञ उपचार सेवा सञ्चालन गरेको जानकारी दिए। बुटवललाई स्वास्थ हव बनाउन, आर्थिक रुपमा समृद्ध बनाउन लुम्बिनी प्रादेशिक अस्पतालले नयाँ आयाम थप्ने विश्वास व्यक्त गरे।…

सुरेन्द्र काफ्ले भ्रष्टाचार निवारण गरी सुशासन स्थापित गर्न संवैधानिक निकाय अख्तियार दुरुपयोग अनुसन्धान आयोग र महालेखा परीक्षकको कार्यालय छन्। सरकारको मातहतमा राष्ट्रिय सतर्कता केन्द्र, सम्पत्ति शुद्धीकरण तथा अनुसन्धान विभाग, राजस्व अनुसन्धान विभाग, राष्ट्रिय अनुसन्धान विभाग, सार्वजनिक खरिद अनुगमन कार्यालयलगायत छन्। जसको काम पनि भ्रष्टाचार नियन्त्रण र सुशासन स्थापित गर्ने नै हो। नेपालमा भ्रष्टाचार नियन्त्रण गरी सुशासन स्थापित गर्न यति धेरै सरकारी निकाय छन् तर मुलुक भ्रष्टाचारले थलिएको छ। भ्रष्टाचार सूचकांकमा विगतका दशकभरि नै अवस्था उस्तै छ। अति भ्रष्टाचार हुने देशको सूचीमा नेपाल पर्छ। २०६२/०६३ को जनआन्दोलन त्यसमा पनि संविधान बनेपछि सुशासन र भ्रष्टाचार नियन्त्रणमा मुलुकले फड्को मार्छ भन्ने जनअपेक्षा थियो।…