Author: क्लिक लुम्बिनी

काठमाडौँ, ८असोज। श्रीलंकाका लागि राजदूतमा प्रस्तावित रामकृष्ण भट्टराईले आफ्नो नाम फिर्ता लिएका छन् । भट्टराईले स्नातक तह उत्तीर्ण गरेको शैक्षिक प्रमाण पत्र पेस गर्न नसकेपछि नाम फिर्ता लिएका हुन् । भट्टराईले आफ्नो उम्मेदवारी कायम राख्न नचाहेको कुरा उल्लेख गरेर संसदीय सुनुवाइ विशेष समितिमा पत्र पठाएका छन् । समितिको आजको बैठकले उनको नाम अस्वीकृत गर्ने तयारी गरेको थियो । यसअघि आइतबार र सोमबार पनि सुनुवाइ समिति बैठक बसेको थियो तर दुई तिहाइ सांसद उपस्थित नभएकोले निर्णय गर्न सकेको थिएन । समितिले प्रस्तावित १७ राजदूतमध्य ३ असोजमा १६ जनाको नाम अनुमोदन गरेको थियो ।

काठमाडौं, ८असोज। सर्वोच्च अदालतले मेडिकल व्यवसायी दुर्गा प्रसाईंलाई थुनामुक्त गर्न अस्वीकार गरेको छ। प्रसाईंको स्वास्थ्य अवस्थाको कारण देखाउँदै सोमबार उनका छोरा निराजन प्रसाईंले सर्वोच्च अदालतमा बन्दी प्रत्यक्षीकरणको रिट निवेदन दर्ता गराएका थिए। रिटमाथि सुनुवाइ गर्दै न्यायाधिश प्रकाशमान सिंह राउतको एकल इजलासले प्रसाईंलाई रिहाइ गर्न अस्वीकार गर्दै थुनामा राख्नुको कारण पनि सोधेको छ। प्रसाईंले आफूलाई गैरकानुनी रुपले थुनामा राखेको भन्दै तत्काल रिहाइको माग गर्दै अन्तरिम आदेश माग गरेका थिए। आइतबार साइबर ब्युरोले विद्युतीय कारोबार ऐनअन्तर्गतको कसूरको आरोपमा प्रसाईंलाई भक्तपुरस्थित उनको निवासबाट पक्राउ गरेको थियो। जिल्ला अदालत काठमाडौंले तीन दिन हिरासतमा राखेर अनुसन्धान गर्न प्रहरीलाई अनुमति दिइसकेको छ।

काठमाडौ,८असोज। त्रिभुवन विश्वविद्यालयको जुनसुकै तहको परीक्षामा एआई प्रयोग गरेको पाइएमा परीक्षा रद्द हुने भएको छ । त्रिभुवन विश्वविद्यालय परीक्षा सुधार समितिको बैठकले त्रिविको परीक्षामा एआई प्रयोग गरिएको पाइएमा परीक्षा रद्द हुने निर्णय गरेको हो। यसैगरी वार्षिक परीक्षा प्रणाली अन्तर्गत २०५८ देखि र सेमेष्टर प्रणाली अन्तर्गत २०६९ देखिका समयसीमा कटेका विद्यार्थीहरुले एक पटक मौका परीक्षाको अवसर दिने निर्णय भएको छ । समितिका अध्यक्ष एवं शिक्षाध्यक्ष प्रा.डा. खड्ग केसीको अध्यक्षतामा बसेको बैठकले मानविकी तथा सामाजिकशास्त्र, शिक्षा, व्यवस्थापन, कानुन र विज्ञान तथा प्रविधि अध्ययन संस्थान अन्तर्गतका विद्यार्थीहरुको हकमा एक पटकका लागि मौका परीक्षाको अवसर दिने निर्णय गरिएको सूचनामा उल्लेख छ ।

काठमाडौं,८असोज। काठमाडौं प्रहरीले झुठ्ठा विवरण पेश गरी नागरिकता बनाई दिने कार्यमा संलग्न रहेको आरोपमा चार जनालाई पक्राउ गरेको छ। पक्राउ पर्नेहरुमा धादिङ नेत्रावती गाउँपालिका-१ का ३१ वर्षीय मदन बहादुर तामाङ, धादिङ खनियाबास गाउँपालिका-५ का ५६ वर्षीय रामेश्वर रिजाल, चीनको तिब्बतस्थित हिन्दे का ५३ वर्षीय छिरिङ ढुन्डुप र सिन्धुपाल्चोक हेलम्बु गाउँपालिका-४ का ४६ वर्षीय छिरिङ् वाङ्दीन शेर्पा रहेको प्रहरीले जनाएको छ।। जुवा सम्बन्धी कसूरमा पक्राउ परेका तिब्बती नागरिक सोनाम तामाङ भन्ने सोनामको साथबाट बरामद भएको नेपाली नागरिकता सम्बन्धमा अनुसन्धान गर्ने क्रममा उक्त नागरिकता छिरिङ ढुन्डुपले नगद ४ लाख रूपैयाँमा बनाएको खुलेपछि काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले छिरिङ ढुन्डुप…

बर्दिया,८असोज। जिल्ला प्रशासन कार्यालय, बर्दियाले नेपाल भारत सीमानाकाबाट भित्रिने लागुऔषध नियन्त्रणका लागि सुरक्षा जाँचमा कडाइ गरेको छ । जिल्लाको गणेशपुर र फुटाहा नाकामा थप जनशक्ति परिचालन गरी लागुऔषध ओसारपसार रोक्न सुरक्षा निकायलाई निर्देशन दिइएको प्रमुख जिल्ला अधिकारी रुद्रादेवी शर्माले बताइन् । सीमा नाका लगायत सम्भावित क्षेत्रमा सर्च अभियान सञ्चालन गरिने उनले जनाइन् । बर्दियामा बढ्दो ब्राउन सुगर लगायतका लागुऔषध बढेकोमा नियन्त्रणलाई प्रभावकारी बनाउन अभियान भदौबाट तीन महिने कार्ययोजना लागू गरिएको छ । बर्दियासँग जोडिएको भारतीय सीमानाका ८३ किलोमिटर लामो पर्दछ । सबैभन्दा बढी लागुऔषध ओसारपसार बढैयाताल गाउँपालिका, गुलरिया, बाँसगढी र मधुवन नगरपालिका पर्दछ । यसै नाकाबाट आर्थिक वर्ष ०७९/०८० मा…

भैरहवा,७असोज। रुपन्देहीको सिद्धार्थनगर नगरपालिकाका नगर प्रमुख इश्तियाक अहमद खाँ दक्षिण कोरिया प्रस्थान गरेका छन्। दक्षिण कोरियाको सियोलमा हुने स्वस्थ्य शहरहरुको लागी १० औँ विश्वव्यापी सम्मेलनका लागि सोमबार प्रस्थान गरेका हुन्। राम्रो भविष्यका लागि स्मार्ट र स्वस्थ शहरहरू भन्ने मुल नाराका साथ असोज ९ गते देखि ११ गतेसम्म सम्मेलन संचालन हुने छ । उक्त सम्मेलनमा जापन, कोरिया, भारत, इजरायल, नेपाल, युक्रेन, श्रीलंका, पाकिस्तान, मेनमार, टोङ्गा, फिलिपिन्स, मलेसिया, पलाउ, इजरायल, कम्बोडिया र युक्रेन लगायतका देसशबाट करिब एक हजार भन्दा बढी प्रतिनिधिहरुको सहभागिता रहने बताइएको छ । सियोल मेट्रोपोलिटन सरकार र पश्चिमी प्रशान्त क्षेत्रमा स्वस्थ शहरहरूको लागि गठबन्धन द्वारा सह आयोजित उक्त सम्मेलनमा…

भैरहवा,७असोज। मेलम्ची खानेपानी आयोजनामा भएको भ्रष्टाचारमा दोषी ठहर भएका चार जनालाई सजाय सुनाइएको छ । विशेष अदालतले भ्रष्टाचारमा दोषी ठहर भएका पूर्वसचिव गजेन्द्र ठाकुरसहित चार जनालाई मंगलबार जनही ८ वर्ष १ महिना कैद हुने सजाय निर्धारण गरेको हो। विशेष अदालतले भदौ २५ गते मेलम्ची खानेपानी आयोजनाको अनियमितता प्रकरणमा पूर्वसचिव गजेन्द्र ठाकुरसहित चार जनालाई दोषी ठहर गरेको थियो  । सोमबार उक्त फैसलामा सजाय निर्धारण गरेको हो । निर्माण र परामर्शदाता तीन कम्पनीसमेत दोषी ठहर हुँदा ११ जनालाई अभियोगबाट सफाइ दिएको थियो । पूर्वसचिव भीम उपाध्यक्ष, सञ्जय शर्मा, बहालवाला सहसचिव रुद्रसिंह तामाङलगायत ११ जनाले सफाइ पाएका थिए । अदालतका अध्यक्ष टेकनारायण कुँवर…

भैरहवा,७ असोज। नेपाल प्रहरीका दुई डीआईजीको सरुवा भएको छ । निमित्त आईजिपी टेकप्रसाद राईका अनुसार आइतबारको मन्त्रीस्तरीय निर्णयबाट डीआईजीद्वय अर्जुन चन्द ठकुरी र जनक भट्टराईको सरुवा गरिएको हो । कर्णाली प्रदेश प्रहरी कार्यालय सुर्खेतका डीआईजी अर्जुन चन्द ठकुरीलाई अपराध अनुसन्धान विभाग नक्सालमा सरुवा गरिएको छ। मदिरा सेवन गरेर प्रहरी आचरण विपरीत गतिविधि गरेको आरोपमा उनलाई कर्णाली प्रदेशबाट विभागमा सरुवा गरिएको बताइएको छ। त्यस्तै कर्णाली प्रदेशमा डीआईजी जनक भट्टराईलाई पठाइएको छ।

भैरहवा,७असोज। भैरहवाको गौतमबुद्ध अन्तर्राष्ट्रिय विमानस्थलबाट जजिरा एयरवेजले फेरी नियमित सेवा दिने भएका छ। यस अघि पनि हप्ता तीन दिन उडान देखि दैनिक उडान सेवा दिएको जजिराको बीच सेवा रोकिन पुगेको थियो। नेपाल नागरिक उड्डयन प्राधिकरणले जजिरा एयरवेजसँग विमानस्थल सञ्चालन हुने समय भित्र सेवा प्रदानका लागि उडान तालिका माग गरेका थियो । जसअनुसार जजिराले जाडोयामको सेवा प्रदानका गर्नका लागि तालिका सहितको पत्र पठाएको प्राधिकरणका सूचना अधिकारी ज्ञानेन्द्र भुलले बताए। उनका अनुसार जजिराले ६ः२५ मा विमानस्थलमा आएर ७ः३० मा उडान गर्ने गरी अनुमतिका लागि पत्र पठाएको छ । पत्र स्वीकृत पश्चात जजिराले कुवेत–भैरहवा–कुवेत रुटमा फेरी नियमित उडान सेवा प्रदान गर्नेछ। विमानस्थल बन्द…

भैरहवा,७ असोज। नेपाल प्रहरीका प्रहरी महानिरीक्षक बसन्त बहादुर कुँवर ग्रीस प्रस्थान गरेका छन्। ग्रीसको यूएस ड्रग इन्फ्रोसमेन्ट एडमिन्सिट्रेसनको आयोजनामा हुने ३८औं अन्तर्राष्ट्रिय ड्रग इन्फ्रोसमेन्ट सम्मेलनमा सहभागी हुन प्रहरी महानिरीक्षक कुँवर त्यसतर्फ प्रस्थान गरेका हुन्। केन्द्रीय प्रहरी प्रवक्ता एवं प्रहरी नायब महानिरीक्षक दानबहादर कार्कीका अनुसार असोज ८ गतेदेखि १० गतेसम्म सञ्चालन हुने अन्तर्राष्ट्रिय ड्रग इन्फ्रोसमेन्ट सम्मेलनमा सहभागी हुन प्रहरी महानिरीक्षक कुँवर ग्रीस गएका हुन्। सम्मेलनमा प्रहरी वरिष्ठ उपरीक्षक दिनेश कुमार आचार्यसमेत सहभागी हुनेछन्। उनीहरूलाई प्रहरी अतिरिक्त महानिरीक्षकहरू, प्रहरी नायव महानिरीक्षकहरू वरिष्ठ प्रहरी अधिकृतहरु लगायतले त्रिभुवन अन्तर्राष्ट्रिय विमानस्थल विदाइ गरेका छन्। प्रहरी महानिरीक्षक कुँवरको अनुपस्थितिमा प्रहरी अतिरिक्त महानिरीक्षक टेक प्रसाद राईलाई नेपाल…