Author: क्लिक लुम्बिनी

भैरहवा, ६ भदौ । सरकारले सामाजिक संजाल टिकटकमा लगाएको प्रतिबन्ध फुकुवा गरेको छ । बिहीबार बसेको मन्त्रिपरिषद् बैठकले शर्तसहित टिकटकमा लगाएको प्रतिबन्ध फुकुवा गर्ने निर्णय गरेको हो । सामाजिक सञ्जाल सञ्चालन निर्देशिकाको पालना र अन्य चार शर्तसहित टिकटकमाथि लगाइएको प्रतिबन्ध फुकुवा गरिएको सञ्चार तथा सूचना प्रविधिमन्त्री एवं सरकारका प्रवक्ता पृथ्वीसुब्बा गुरुङले जानकारी दिए । उनका अनुसार टिकटक कम्पनीलाई तीन महिनाभित्र दिएका सर्तहरू पुरा गर्न भनिएको छ । टिकटकले नेपालको पर्यटन प्रवर्द्धनमा सहयोग गर्नुपर्ने, डिजिटल सुरक्षा साक्षरताका लागि लगानी गरी नेपाली नागरिकको साक्षरता दर बढाउन मद्दत गर्नुपर्ने, सार्वजनिक शिक्षालाई गुणस्तरीय बनाउनका लागि सहयोग गर्नुपर्ने र सामाजिक सञ्जालमा प्रयोग हुने भाषामा संवेदनशीलता…

काठमाडौं, ६ भदौ। इसेवा र कुमारी बैंकबबीच ईसेवाका ग्राहकलाई इसेवा मोबाइल एपमार्फत इजी लोन सुविधा प्रदान गर्ने सम्झौता भएको छ । कुमारी बैंकसँगको सम्झौतामा इसेवाले आफ्ना इसेवा एजेन्टहरूलाई व्यवसाय वृद्धिको लागि बिना कुनै धितो, कागजी प्रक्रिया वा लामो झन्झट रहित क्षण भरमै २ लाख रुपैयाँसम्मको डिजिटल कर्जा सजिलै प्रदान गर्ने जनाएको छ । इसेवाका अनुसार पहिलो चरणमा इसेवा एजेन्टहरूलाई मात्र इजी लोन सेवा उपलब्ध गराइएपनि भविष्यमा छिट्टै इसेवाका सम्पूर्ण प्रयोगकर्ताहरुको लागि उपलब्ध गराईने छ । इसेवा मार्फत लिइने इजी लोन सुविधामा लागु हुने थप सर्तहरु बारे इसेवाको वोबसाईट/एप मार्फत जानकारी लिन सकिने पनि कम्पनीले जनाएको छ ।

चितवन, ६ भदौ। मकवानपुरमा भैंसीले बाघ मारेको घटना बाहिर आएको छ । चितवन राष्ट्रिय निकुञ्जबाट निस्केको बाघले मनहरी गाउँपालिका–६ प्रतापपुरका बलबहादुर राईको गोठमा रहेको भैँसीमाथी आक्रमण गरेको थियो । जसको भैसीले प्रतिकार गर्दा बाघ मरेको बताइएको छ । बिहिवार बिहान भैँसीको प्रतिकारमा बाघ मरेको र बाघको आक्रमणबाट भैँसी घाइते भएको चितवन राष्ट्रिय निकुञ्जका सूचना अधिकारी गणेशप्रसाद तिवारीले बताए । यस्तो घटना निकुञ्ज र मध्यवर्ती क्षेत्रमा पहिलो हो । ‘मरेको बाघ बुढो र दुब्लो देखिन्छ । निकुञ्जभित्र सिकार गर्न नसकेर आहाराको खोजीमा बाहिर निस्केको हुनसक्छ’, उनले भने । शव परीक्षणका राष्ट्रिय निकुञ्ज ल्याइएको सूचना अधिकारी तिवारीले जानकारी दिए ।

दाङ, ६ भदौ। लुम्बिनी प्रदेशसभा चौथो अधिवेशनको २७ औं बैठक बिहीबार दिउँसो २ बजे बस्न लागेको छ । बैठकमा स्थानीय सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको प्रतिवेदनसहितको विधेयक माथि छलफल र पारित गरियोस् भन्ने प्रस्ताव प्रस्तुत गर्ने र त्यो प्रस्तावलाई निर्णयार्थ पेश गर्ने तयारी छ । मुख्यमन्त्री चेतनारायण आचार्यले स्थानीय सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको प्रतिवेदन सहितको विधेयक माथि छलफल र पारित गरियोस् भन्ने प्रस्ताव पेश गर्ने कार्यसूची तय भएको प्रदेशसभा सचिव दुर्लभकुमार पुन मगरले जानकारी दिए । यस्तै, बैठकमा मुख्यमन्त्री आचार्यले प्रदेश विपद् व्यवस्थापन सम्बन्धमा व्यवस्था गर्न बनेको विधेयक माथि…

भैरहवा,४ भदौ। रुपन्देहीको बेलबासमा सवारी दुर्घटना हुदाँ एक युवतीको मृत्यु भएको छ । मृत्यु हुनेमा अर्घाखाँची जिल्लाको सन्धिखर्क नगरपालिका घर भई बुटवल उपमनपा-११ देवीनगरको २७ वर्षीया सुष्मा श्रेष्ठ रहेको प्रहरीले जनाएको छ । प्रहरीका अनुसार श्रेष्ठ सोमबार राति लु ८७ प ४५७३ नम्बरको स्कुटरमा पश्चिमबाट पूवतर्फ आउँदै गर्दा नम्बर नखुलेको मोटरसाइकलले स्कुटरलाई ठक्कर दिएपछि अनियन्त्रित भएर स्कुटर विपरित दिशाबाट जादै गरेको लु१च ६७८३ नम्बरको बोलेरो जिपमा ठोक्किन पुगेको थियो । दुर्घटनामा घाइते भएकी श्रेष्ठको उपचारका लागि अस्पताल लैजाने क्रममा मृत्यु भएको इलाका प्रहरी कार्यालय बुटवलका प्रहरी निरिक्षक दिपेन्द्र बानियाले जानकारी दिए । घटनापश्चात बोलेरो गाडीका चालकलाई नियन्त्रणमा लिइएपनि मोटरसाइकल चालक…

काठमाडौं, ४ भदौ । सरकारले सामाजिक संजाल टिकटकमा लगाएको प्रतिबन्ध फुकुवा गर्ने तयारी गरेको छ । टिकटक कम्पनी लगायत चिनिया पक्षले टिकटक संचालनमा लगाइएको प्रतिबन्ध फुकुवा गर्ने पटक-पटक आग्रह गरेपछि सरकारले फुकुवाको तयारी गरेको हो । टिकटक खुलाउनका लागि प्रधानमन्त्री केपी शर्मा ओली सकारात्मक रहेको बताइएको छ । तत्कालिन प्रधानमन्त्री पुष्पकमल दाहाल (प्रचण्ड) नेतृत्वको सरकारले ०८० साल कात्तिक २७ गते टिकटकमा प्रतिबन्ध गर्ने निर्णय गरेको थियो । टिकटकमा प्रतिबन्ध लगाइएपछि नेपालस्थित चिनियाँ राजदूत छन् सोङले दाहाललाई भेटेर प्रतिबन्धप्रति आपत्ति जनाएका थिए। जवाफमा दाहालले कुनै राजनीतिक अभिप्रायले नभई सामाजिक संवेदनशीलतालाई मध्यनजगर गर्दै टिकटकमाथि प्रतिबन्ध लगाएको भनेका थिए। टिकटकमा प्रतिबन्ध लगाइएदेखि नै…

भैरहवा, ४ भदौ । रुपन्देहीको बुटवलमा सूचनाको हक सम्बन्धि तालिम सम्पन्न भएको छ । सामुदायिक सारथीको आयोजना र यूएसएड तथा द एशिया फाउन्डेसनको सहयोगमा दुई दिने तालिम सम्पन्न भएको हो । कार्यक्रममा राष्ट्रिय सूचना आयोगका आयुक्त रत्नप्रसाद मैनालीले आयोगको गठन, कामकाज, र अधिकार क्षेत्रका बारेमा प्रशिक्षण दिएका थिए । उनले आयोगले हालसम्म गरेको महत्वपूर्ण निर्णय र सूचना शक्तिका बारेमा प्रकाश पार्दै राष्ट्रिय सूचना आयोगलाई अन्य निकाय आयोगको तुलनामा बढी शक्तिशाली रहेको बताए । प्रशिक्षक तारा बहादुर भण्डारीले सूचनाको हक, सिद्धान्त, सार्वजनिक निकाय, सूचनाको वर्गीकरण, कानूनी प्रावधान, र सूचना अधिकारीको जिम्मेवारी तथा काम कर्तब्य र अधिकार जस्ता विषयमा विस्तृत प्रशिक्षण दिएका…

भैरहवा, ३ भदौ । रुपन्देहीको तिलोत्तमा नगरपालिकामा रहेको करेन्ट चाउचाउको उत्पादक यशोदा फुड्स प्रा.लि.ले विभागबाट प्राप्त गरेको करेन्ट नामको ट्रेडमार्क र लेबलका प्रमाणपत्र सार्वजनिक गरेको छ। कम्पनीले सयौँ लेबल र ट्रेडमार्क दर्ताका लागि विभागमा आवेदन गर्ने गरेकोमा र कुनै एक लेबलमा विपक्षीले विरोध गर्दै अदालतको गएको विषयलाई भ्रमपूर्ण प्रचार गरेको भन्दै ट्रेडमार्क र लेबलका प्रमाणपत्रसहित विज्ञप्ती जारी गर्दै आपत्ति जनाएको छ। ‘यशोदा फुड्स प्रालि करेन्ट नामको ट्रेडमार्क, लेबल समेत उद्योग विभागबाट वर्ग ३० मा दर्ता गरी प्रमाणपत्र लिइ प्रचलित कानूनभित्र रहेर विभिन्न स्वादका चाउचाउ लगायतका वस्तुहरु उत्पादन गर्ने नेपालकै प्रतिष्ठित उद्योग हो । प्रयोग भइरहेका ट्रेडमार्कको उद्योग विभागबाट विभिन्न मितिमा…

भैरहवा, ३ भदौ । मुलुकमा मंगलबार गण्डकी र लुम्बिनी प्रदेशका थोरै स्थानहरूमा तथा बाँकी प्रदेशका एक-दुई स्थानमा भारी वर्षाको सम्भावना रहेको छ । जल तथा मौसम विज्ञान विभागको मौसम पूर्वानुमान महाशाखाका अनुसार मंगलबार देशभर आंशिकदेखि साधारणतया बदली रहने छ। सबै प्रदेशका केही स्थानहरूमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ। मंगलबार राति देशभर आंशिकदेखि साधारणतया बदली रहने छ। सबै प्रदेशका केही स्थानहरूमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ। कोशी, मधेश, बागमती, लुम्बिनी र सुदूरपश्चिम प्रदेशका एक दुई स्थानमा भारी वर्षाको पनि सम्भावना रहेको मौसम पूर्वानुमान महाशाखाले जनाएको छ ।

काठमाडौं, ३ भदौ । भारत भ्रमणमा रहेकी परराष्ट्र मन्त्री आरजु राणा देउवाले भारतीय प्रधानमन्त्री नरेन्द्र मोदीसगँको भेटमा उनलाई नेपाल भ्रमणको निम्तो दिएकी छन्। दुवैजनाबीच सोमबार दिल्लीको हैदरावाद हाउसमा शिष्टाचार भेटवार्ता भएको थियो । उनीहरूबीच नेपाल भारत सम्बन्धका विविध पक्ष, आपसी हित र पारस्परिक सहयोगका विषयमा छलफल भएको परराष्ट्र मन्त्रालयले जनाएको छ। मन्त्री देउवाले प्रधानमन्त्री केपी ओलीको तर्फबाट मोदीलाई नेपाल भ्रमणको निम्तो दिएको बताइएको छ । प्रधानमन्त्री ओलीले भारतीय प्रधानमन्त्री मोदीलाई नेपाल भ्रमण गराएर त्यसपछि आफू भारत जाने तयारी गरेका छन्। प्रधानमन्त्री ओली बिमस्टेकको बैठकमा सहभागी हुन् बैंकक जाने बेला समेत भारतीय प्रधानमन्त्रीसँग द्विपक्षीय छलफल गर्ने तयारी गरेका छन्। प्रधानमन्त्री ओलीले…