Author: क्लिक लुम्बिनी

२४ चैत, धनकुटा। अख्तियार दुरुपयोग अनुसन्धान आयोगको टोलीले तीन जना कर्मचारीलाई घुस रकमसहित पक्राउ गरेको छ। भोजपुरको टेम्केमैयुङ गाउँपालिका–५ स्थित विद्यालय भवन निर्माणको अन्तिम बिल भुक्तानी प्रक्रिया अगाडि बढाउनका लागि ८५ हजार घुस लिएको अवस्थामा सघन सहरी तथा भवन निर्माण आयोजना धनकुटामा कार्यरत इन्जिनियर सुमन राईलाई पक्राउ गरिएको अख्तियारका सहायक प्रवक्ता गणेशबहादुर अधिकारीले जानकारी दिए। उनका अनुसार, इन्जिनियर राईलाई अख्तियारको केन्द्रीय कार्यालयबाट खटिएको टोलीले ललितपुरबाट र इटहरीस्थित अख्तियारको कार्यालयबाट खटिएको टोलीले कार्की र श्रेष्ठलाई क्रमश: धनकुटा र भोजपुरबाट पक्राउ गरिएको हो। पक्राउ परेकाहरूबाट घुस रकम, तीन थान मोबाइल र अन्य सम्बन्धित कागजात बरामद गरिएको अधिकारीले बताए । घटनाबारे थप अनुसन्धान…

काठमाडौं,२४ चैत। सरकारले नेपाल राष्ट्र बैंकको डेपुटी गभर्नरमा नेपाल राष्ट्र बैंकका कार्यकारी निर्देशक किरण पण्डितलाई नियुक्त गरको छ। मंगलबार बसेको मन्त्रिपरिषद् बैठकले डेपुटी गभर्नरको रिक्त दुईमध्ये एक पदमा अर्थ मन्त्रालयको प्रस्ताव अनुसार पण्डितलाई नियुक्त गरेको संघीय मामिला तथा प्रशासनमन्त्री प्रतिभा रावलले जानकारी दिईन्। डेपुटी गभर्नर निलम ढुंगाना र बमबहादुर मिश्रको अवकाशपछि डेपुटी गभर्नर रिक्त थियो । डेपुटी गभर्नर राष्ट्र बैंकको सञ्चालक समितिका सदस्यसमेत हुने प्रावधान छ।

काठमाडौं,२४ चैत। सरकारले बृहत्त लुम्बिनी क्षेत्र विकास परियोजनाका लागि ८५ मिलियन अमेरिकी डलर बराबरको सहुलीयतपूर्ण ऋण स्वीकार गर्ने निर्णय गरेको छ। मंगलबार बसेको मन्त्रिपरिषद्को बैठकले अर्थमन्त्रालय अन्तर्गतको उक्त परियोजना विकासका लागि विश्व बैंकले प्रदान गर्ने ऋण स्वीकार गर्ने निर्णय गरेको हो।

काठमाडौं,२४ चैत। सरकारले पेट्रोलियम पदार्थ आयातमा लगाउँदै आएको भन्सार करमा ५० प्रतिशत छुट दिने निर्णय गरेको छ। सामान्य प्रशासन मन्त्री प्रतिभा रावलका अनुसार, मंगलबार बसेको मन्त्रिपरिषद बैठकले पेट्रोल, डिजेल र मट्टीतेलको पैठारीमा लाग्दै आएको भन्सार महशुलमा ५० प्रतिशत छुट दिने निर्णय भएको हो। इन्धनको बचत गर्न सवारी साधनमा जोरबिजोर प्रणाली लागू गर्ने विषयमा पनि छलफल भएको उनले बताईन्।

काठमाडौं,२४ चैत। संघीय मन्त्रिपरिषद्‌को मर्यादाक्रम हेरफेर भएको छ । प्रधानमन्त्री बालेन्द्र शाह (बालेन) को सिफारिसमा मन्त्रीहरुको मर्यादाक्रम हेरफेर भएको हो। प्रधानमन्त्रीको सिफारिसमा नेपालको संविधानको धारा ७६ को उपधारा (९) बमोजिम संवत् २०८२ चैत १३ गते गठित मौजुदा मन्त्रिपरिषद्‌को मर्यादाक्रम राष्ट्रपति रामचन्द्र पौडेलले हेरफेर गरेको राष्ट्रपति कार्यालयका प्रवक्ता रितेशकुमार शाक्यले जानकारी दिए। मर्यादाक्रम हेरफेर पश्चात यसअघि तेस्रो नम्बरमा रहेका सुधन गुरुङ पाचौं नम्बरमा पुगेका छन् । प्रधानमन्त्री बालेन्द्र शाहपछिको वरियतामा अर्थमन्त्री स्वर्णिम वाग्ले यथावत छन् । त्यस्तै तेस्रो वरियतामा परराष्ट्रमन्त्री शिशिर खनाल रहेका छन्। चौथौमा उर्जा, जलस्रोत तथा सिंचाईमन्त्री विराजभक्त श्रेष्ठ रहेका छन् । यस्तो छ नयाँ कार्यविभाजन:

भैरहवा,२४ चैत। रुपन्देहीमा प्रहरीले गोली प्रहार गरेर लागुऔषधसहित तीन जनालाई पक्राउ गरेको छ । पक्राउ पर्नेमा रुपन्देहीको रोहिणी गाउँपालिका-२ खुरहुरियाका बिशाल यादव, भारतको महाराजगंज, पर्सामलिक ग्राम बिसुनपुरुवाका १८ वर्षीय अरुण कुमार र सोही स्थानका २० वर्षीय विनय पाण्डेय रहेको प्रहरीले जनाएको छ । प्रहरीका अनुसार, रोहिणी गाउँपालिका-४ कोटहवामा लागुऔषध ओसारपसारको सूचनाको आधारमा लागुऔषध नियन्त्रण ब्यूरो भैरहवा र जिल्ला प्रहरी कार्यालय रुपन्देहीबाट खटिएको संयुक्त टोली खटिएको थियो । कोटहवाबाट छिपागढतर्फ आइरहेको तीन जना सवार यूपी ५६ एफ ९९०१ नम्बरको मोटरसाइकल रोकेर चेकजाँच गर्न खोज्दा भाग्ने क्रममा उनीहरु लडेका थिए । लडेका युवकहरुलाई नियन्त्रणमा लिने क्रममा ढुंगा प्रहार गर्दा प्रहरी घाईते भएपछि…

भैरहवा,२३ चैत। रुपन्देही क्षेत्र नम्बर ४ (मर्चवारसमेत) को समग्र विकासलाई तीव्रता दिने उद्देश्यसहित प्रधानमन्त्री बालेन शाह समक्ष विभिन्न योजना र एजेन्डामा छलफल गर्दै चालु वर्षदेखि नै कार्यान्वयनमा लैजाने प्रतिबद्धता व्यक्त गरिएको छ। यससँगै मर्चवार क्षेत्र अब विकासको हिसाबले पछि नपर्ने विश्वास व्यक्त गरिएको छ। प्रधानमन्त्री शाहले सोमबार लुम्बिनी प्रदेशबाट निर्वाचित प्रतिनिधिसभा सदस्यहरुसँग छलफल गरेका थिए। छलफलमा सहभागी प्रतिनिधिसभा सदस्य कन्हैया बनियाले क्षेत्रको विकासका लागि विभिन्न योजना र एजेन्डाहरु प्रस्तुत गरेका थिए । उनका अनुसार, छलफलका क्रममा मर्चवारका लागि खरिद गरेर थन्किएको दमकल संचालनका लागि फुकुवा गर्ने, गौतमबुद्ध अन्तर्राष्ट्रिय विमानस्थल पूर्ण रुपमा सञ्चालनमा ल्याउने तथा मर्चवारी माई मन्दिरलाई राष्ट्रिय सम्पदा सूचीमा…

भैरहवा,२३ चैत। रुपन्देहीको भैरहवास्थित सिद्धार्थ क्रिकेट रंगशालामा जारी २४औं संस्करणको रुपन्देही सुपरलिग एक दिवसीय क्रिकेट प्रतियोगिता अन्तर्गत ‘बी’ डिभिजनको सोमबारको खेलमा साई ग्लोबल क्लबले विजयी भएको छ । लुम्बिनी शाक्यन क्रिकेट क्लबलाई ५५ रनले पराजित गर्दै साई ग्लोबल विजयी भएको हो । टस जितेर ब्याटिङ रोजेको साई ग्लोबलले ४८ ओभर २ बलमा सबै विकेट गुमाउँदै २ सय १९ रन बनायो । जसका लागि अजय चाईले ६०, जितेन्द्र केवटले ४५, जावेद खानले ३७, सुभाष यादवले ३० र शैलेन्द्र यादवले १२ रन योगदान दिए। बलिङमा लुम्बिनी शाक्यनका अजमत अलीले ४, आकाश गिरी र रोहित चन्दले २–२ तथा शाह आलमले १ विकेट लिए…

काठमाडौं,२३ चैत। नेपाल कम्युनिष्ट पार्टी (नेकपा) का नेता वर्षमान पुनले भैरहवास्थित गौतमबुद्ध अन्तर्राष्ट्रिय विमानस्थल तत्काल सञ्चालनमा ल्याउनुपर्नेमा जोड दिएका छन्। सोमबार प्रधानमन्त्री वालेन्द्र (बालेन) शाहले लुम्बिनी प्रदेशबाट निर्वाचित प्रतिनिधिसभा सदस्यहरुसँग गरेको छलफलमा सहभागी पूर्वअर्थमन्त्रीसमेत रहेका उनले अन्तर्राष्ट्रिय उडान विस्तारका लागि आवश्यक हवाई मार्गबारे भारतसँग कूटनीतिक पहल गर्न ढिलाइ गर्न नहुने बताए । ‘भैरहवा विमानस्थलमा श्रम डेस्क राखेर अन्तर्राष्ट्रिय उडान नियमित गरेर पर्यटन क्षेत्रमा सम्भावनाको ढोका खोल्न अब ढिला गर्नु हुँदैन’,उनले भने, ‘अन्तर्राष्ट्रिय हवाइ मार्गका लागि भारतसँग कूटनीतिक पहल गर्न सम्माननीय प्रधानमन्त्रीको ध्यानाकर्षण गराउन चाहन्छु ।’ साथै, उनले आफू निर्वाचित रोल्पासहित लुम्बिनी प्रदेशका चालु आयोजनाहरुलाई तीव्रता दिनुका साथै केही नयाँ परियोजनालाई…

भैरहवा,२३ चैत। चालु आर्थिक वर्ष २०८२/०८३ को दोस्रो त्रैमासिक कार्यसम्पादन मूल्याङ्कनमा ७६ वटा जिल्ला प्रशासन कार्यालयलाई उछिन्दै जिल्ला प्रशासन कार्यालय मनाङ पुनः देशभरमा उत्कृष्ट भएको छ। गृह मन्त्रालयले सार्वजनिक गरेको विवरणअनुसार २०.२५ पूर्णाङ्कमध्ये मनाङले १९.५ अङ्क प्राप्त गर्दै ७७ वटै जिल्ला प्रशासन कार्यालयमध्ये पहिलो स्थान हासिल गरेको हो। मनाङ शीर्ष स्थानमा रहँदा नुवाकोट १९.३७५ अङ्कसहित दोस्रो स्थानमा रहेको छ भने डोटी तेस्रो, पर्वत चौथो र रुपन्देही पाँचौँ स्थानमा रहेका छन।पहिलो त्रैमासिक मूल्याङ्कनमा पनि मनाङ उत्कृष्ट भएको थियो। लगातार दुई त्रैमासिक उत्कृष्ट नतिजा हासिल गर्ने मनाङका प्रमुख जिल्ला अधिकारी नवराज पौड्याल हुन्। अष्ट्रेलियन नेशनल युनिभर्सिटीका गोल्ड मेडलिस्टसमेत रहेका पौड्याल नतिजामुखी तथा…