Author: क्लिक लुम्बिनी

लुम्बिनी,१ जेठ। लुम्बिनी बौद्ध विश्वविद्यालयका पूर्वडिन सह–प्राध्यापक डा. माणिकरत्न शाक्यलाई विश्वविद्यालयको उपकुलपतिको जिम्मेवारी तोकिएको छ। शिक्षा, विज्ञान तथा प्रविधि मन्त्रालयले विश्वविद्यालयमा उपकुलपतिको पद रिक्त रहेको अवस्थामा दैनिक प्रशासनिक तथा प्राज्ञिक कार्य सञ्चालनका लागि उनलाई जिम्मेवारी दिएको हो। शिक्षा, विज्ञान तथा प्रविधि मन्त्रालयद्वारा जारी पत्रअनुसार प्रधानमन्त्री तथा कुलपतिस्तरको २०८३ जेठ ३० गतेको निर्णय अनुसार डा. शाक्यलाई उपकुलपतिको जिम्मेवारी तोकिएको उल्लेख गरिएको छ। विश्वविद्यालयको नियमित कामकारबाही प्रभावकारी रुपमा सञ्चालन गर्न उक्त निर्णय गरिएको जनाइएको छ। सरकारले अध्यादेश ल्याएपछि उपकुलपति पद रिक्त भएको थियो। डा. शाक्य लामो समयदेखि बौद्ध अध्ययन, अनुसन्धान तथा शैक्षिक क्षेत्रमा सक्रिय रहँदै आएका छन्। उनी विश्वविद्यालयका विभिन्न शैक्षिक तथा…

दाङ, १ जेठ। लुम्बिनी प्रदेश सरकारले आगामी साउन १ गतेदेखि मन्त्रालय संख्या ८ वटा कायम गर्ने गरी तयारी अघि बढाएको छ। प्रदेश सरकारको कार्यसम्पादनलाई चुस्त, छरितो र मितव्ययी बनाउने उद्देश्यसहित मुख्यमन्त्री चेतनारायण आचार्यको अध्यक्षतामा शुक्रबार सम्पन्न मन्त्रिपरिषद् बैठकले संगठन तथा व्यवस्थापन सर्वेक्षण समितिलाई यथाशिघ्र मन्त्रालयको संगठन संरचना पुनरावलोकन गरी प्रतिवेदन पेश गर्न जिम्मेवारी दिएको सरकारका प्रवक्ता एवं कृषि, भूमि व्यवस्था तथा सहकारीमन्त्री दिनेश पन्थीले दिए। लुम्बिनीमा हाल १२ वटा मन्त्रालय छन्। प्रमुख सचिव कृष्ण प्रसाद काप्रीको संयोजकत्वमा यसअघि गठन भएको संगठन तथा व्यवस्थापन सर्वेक्षण समितिलाई प्रदेश सरकार (कार्यविभाजन) नियमावली, २०७९ मा आवश्यक संशोधनको मस्यौदासहित प्रतिवेदन पेश गर्न निर्देशन दिइने भएको…

भैरहवा,१ जेठ। भैरहवास्थित काशी नोबल एकेडेमीले चालु शैक्षिक सत्रदेखि कक्षा ११ मा कोरियन भाषा विषयको पठनपाठन सुरु गर्ने भएको छ। विद्यालयले नेपालकै विद्यालय तहको पाठ्यक्रममा पहिलो पटक कोरियन भाषालाई ऐच्छिक विषयका रुपमा समावेश गरिएको जनाएको छ। शुक्रबार विद्यालयमा आयोजित पत्रकार सम्मेलनमा विद्यालयका प्राचार्य राजेन्द्रप्रसाद घिमिरेले एकेडेमीले चालु शैक्षिक सत्रदेखि कक्षा ११ र १२ मा कोरियन भाषा संचालन हुने जानकारी दिए । उनले नेपाली विद्यार्थीहरुले कोरियामा अध्ययन तथा रोजगारीमार्फत हासिल गरेको प्राविधिक र आर्थिक प्रगतिलाई ध्यानमा राखेर कोरियन भाषा अध्यापन संचालन गरिएको बताए। ‘हाम्रो लक्ष्य केवल भाषा शिक्षणमा सीमित छैन’,उनले भने, ‘विद्यार्थीहरूले कोरिया गएर हासिल गरेको प्राविधिक ज्ञान र सीप स्वदेश…

काठमाडौं, १ जेठ। सरकारले सार्वजनिक खर्चमा मितव्ययिता अपनाउन अत्यावश्यकबाहेक नयाँ सामग्री खरिद नगर्न निर्देशन दिएको छ। प्रधानमन्त्री तथा मन्त्रिपरिषद्को कार्यालयले सबै मन्त्रालय, आयोग, सचिवालय, सरकारी निकाय, मुख्यमन्त्री तथा मन्त्रिपरिषद् कार्यालय तथा प्रदेश सरकारहरुलाई परिपत्र जारी गर्दै यस्तो निर्देशन दिएको हो। मौजुदा औजार, उपकरण, फर्निचर तथा सवारी साधनलाई चालु अवस्थामै उपयोग गरी सार्वजनिक खर्च घटाउन आग्रह गरिएको छ। साथै अत्यावश्यक अवस्था बाहेक कुनै पनि नयाँ सामग्री खरिद नगर्न सम्बन्धित निकायलाई निर्देशन दिइएको छ।

दाङ,१जेठ। लुम्बिनी प्रदेशका मुख्यमन्त्री चेतनारायण आचार्यले राष्ट्रियताको रक्षा र समृद्ध नेपाल निर्माणका लागि खेल क्षेत्रको अतुलनीय योगदान रहेको बताएका छन्। दाङको बेल्झुण्डीमा शुक्रबार आयोजित लुम्बिनी प्रदेश स्तरीय १६ औं राष्ट्रपति रनिङ शिल्ड प्रतियोगिताको उद्घाटन गर्दै मुख्यमन्त्री आचार्यले खेलाडीहरुको भूमिका राष्ट्रियताको सवालमा सिपाही सरह रहेको उल्लेख गरे। उनले खेलकुदले जिल्ला, प्रदेश र देशलाई विश्वसामु चिनाउन महत्वपूर्ण भूमिका निर्वाह गर्ने बताए। मुख्यमन्त्री आचार्यले पछिल्लो समय युवाहरु कुलतमा फस्नु चिन्ताको विषय बनेको उल्लेख गर्दै उनीहरुलाई खेल क्षेत्रमा आकर्षित गर्न आवश्यक रहेको बताए। प्रदेश खेलकुद विकास परिषद्को आयोजनामा सुरु भएको प्रतियोगितामा लुम्बिनी प्रदेशका १२ जिल्लाका विद्यार्थी खेलाडीहरुको सहभागिता रहेको छ। प्रतियोगितामा भलिबल, तेक्वान्दो, कराते,…

काठमाडौं,१ जेठ। प्रहरीले विद्युतीय (इलेक्ट्रोनिक) कारोबार ऐन तथा आपराधिक लाभ सम्बन्धी कसुरमा एक जनालाई पक्राउ गरेको छ । पक्राउ पर्नेमा काभ्रेको रोशी गाउँपालिका–११ का २३ वर्षीय समिर तामाङ रहेको प्रहरीले जनाएको छ । प्रहरीका अनुसार, पक्राउ परेका युवकले टिकटक लगायतका सामाजिक सञ्जालमा पीडित महिलाको फोटो राखेर ब्ल्याकमेल गर्ने, व्यक्तिगत फोटो तथा भिडियो सार्वजनिक गरिदिने भन्दै धम्की दिएर पीडितबाट आर्थिक लाभ लिएको उजुरी परेको थियो। उक्त उजुरीका आधारमा साइबर ब्यूरोबाट खटिएको प्रहरी टोलीले उनलाई काठमाडौं महानगरपालिका–१३ कलंकीबाट पक्राउ गरेको नेपाल प्रहरीको केन्द्रीय समाचार कक्षले जनाएको छ । प्रहरीले पक्राउ परेका युवकविरुद्ध विद्युतीय (इलेक्ट्रोनिक) कारोबार ऐन तथा आपराधिक लाभ सम्बन्धी कसुरमा जिल्ला…

भैरहवा,१ जेठ । रुपन्देही प्रहरीले भन्सार छली गरेर भित्राइएका विभिन्न सामग्री बरामद गरेको छ । जिल्ला प्रहरी कार्यालय रुपन्देहीबाट खटिएको टोलीले जिल्लाका विभिन्न स्थानमा चेकजाँच गर्ने क्रममा ८ लाख ३९ हजार बढी मूल्य बराबरको तस्करीका सामग्री बरामद भएको जनाएको छ। प्रहरीका अनुसार, जिल्लाको सिद्धार्थनगर नगरपालिका, ओमसतिया, कोटहीमाई, मर्चवारीमाई गाउँपालिका र लुम्बिनी सांस्कृतिक नगरपालिकाको विभिन्न स्थानबाट लत्ताकपडा, कस्मेटिक सामग्री, केरा, गाडीका पार्टपुर्जा, खाद्यन्नलगायत सामग्री बरामद भएको हो । बरामद सामग्री आवश्यक कारबाहीका लागि भैरहवास्थित भन्सार कार्यालय बेलहियामा पठाइएको जिल्ला प्रहरी कार्यालय रुपन्देहीले जनाएको छ ।

भैरहवा,१ जेठ। रुपन्देहीको लुम्बिनी सांस्कृतिक नगरपालिका–१२ अमवामा अवैध रुपमा माटो उत्खनन तथा ओसारपसारमा संलग्न पाँच वटा सवारी साधनलाई प्रहरीले नियन्त्रणमा लिएको छ। इलाका प्रहरी कार्यालय लुम्बिनी र प्रहरी चौकी सुक्रौलीबाट खटिएको संयुक्त प्रहरी टोलीले शुक्रबार अवैध रुपमा माटो उत्खनन तथा ढुवानी भइरहेको अवस्थामा उक्त सवारी साधन नियन्त्रणमा लिएको जिल्ला प्रहरी कार्यालय रुपन्देहीले जनाएको छ। प्रहरीका अनुसार नियन्त्रणमा लिइएका सवारी साधनमा लु ४ त ९२९९ नम्बरको ट्रयाक्टर लोडर, लु ४ त ८९६३, लु २ त ९१४३, लु ४ त ६०४१ नम्बर र एउटा नम्बर नखुलेको ट्रयाक्टर रहेका छन्। नियन्त्रणमा लिइएका सवारी साधनलाई आवश्यक कारबाहीका लागि लुम्बिनी सांस्कृतिक नगरपालिकाको कार्यालयमा बुझाइएको प्रहरीले…

भैरहवा, १ जेठ । रुपन्देहीको तिलोत्तमा नगरपालिका–१४ बाट प्रहरीले लागूऔषधसहित दुई जनालाई पक्राउ गरेको छ। पक्राउ पर्नेहरुमा तिलोत्तमा नगरपालिका–१५ मधवलियाका २२ वर्षीय दिपेश थारु र तिलोत्तमा नगरपालिका–१४ निवासी ३२ वर्षीय रबिन गुरुङ रहेको प्रहरीले जनाएको छ । बिहीबार बेलुकी लागूऔषध नियन्त्रण ब्यूरो शाखा कार्यालय भैरहवा र इलाका प्रहरी कार्यालय मंगलापुरबाट खटिएको प्रहरी टोलीले लु ७ प २०९४ नम्बरको मोटरसाइकलमा सवार उनीहरुलाई पक्राउ गरेको हो। नेपाल प्रहरीको केन्द्रीय समाचार कक्ष अनुसार, पक्राउ परेकाहरुको साथबाट ब्राउनसुगर जस्तो देखिने पदार्थ ३ ग्राम २० मिलिग्राम, नियन्त्रित लागूऔषध डाइजोपाम ४ एम्पुल, फेनारगन ४ एम्पुल तथा बुप्रेनोर्फिन ४ एम्पुल बरामद गरिएको छ। घटनाका सम्बन्धमा थप अनुसन्धान…

काठमाडौं,१ जेठ। नेपालको स्थानीय बजारमा सुनको मूल्य प्रतितोला चार हजार रुपैयाँले घटेको छ । नेपाल सुन-चाँदी व्यवसायी महासंघका अनुसार ४ हजार रुपैयाँले घटेर आज सुन प्रतितोला २ लाख ९८ हजार ५०० कायम भएको छ। बिहीबार प्रतितोला सुन ३ लाख २ हजार ५०० रुपैयाँ किनबेच भएको थियो। त्यस्तै चाँदीको मूल्य पनि ओरालो लागेको छ । चाँदी ३५५ रुपैयाँले घटेर प्रतितोला ५ हजार ३९० रुपैयाँमा कारोबार भइरहेको महासंघले जनाएको छ । बिहीबार सोही परिमाणको चाँदी ५ हजार ७४५ रुपैयाँमा खरिदबिक्री भएको थियो।