Author: क्लिक लुम्बिनी

काठमाडौं,२ चैत। अखिल नेपाल फुटबल संघ (एन्फा)ले एकलौटी तबरले सहिद स्मारक ए डिभिजन लिगको मिति तय गरेको भन्दै ए डिभिजन क्लबहरुले प्रर्दशन गरेका छन् । एन्फा र क्लबहरुबीच यसअघि भएको सहमति कार्यान्वयन गर्नुको साटो एकलौटी तबरले ए डिभिजन लिगको मिति तय गरेको भन्दै ए डिभिजन क्लबहरुले सोमबार एन्फा कम्प्लेक्स सात दोबाटोमा प्रदर्शन गरेका हुन्। प्रदर्शनसहित एन्फा कार्यालय जान लागेका प्रदर्शनकारीलाई प्रहरीले गेटमा नै रोकेपछि उनीहरुले बाहिर धर्ना दिएका थिए। ए डिभिजन क्लबहरुले कार्तिक १७ गते भएको कार्यतालिकासहितको सहमति कार्यन्वयन हुनुपर्ने, विदेशी खेलाडीहरुको हकमा विन्ड खुला गरी एकद्वार प्रणालीबाट परमिट लिने व्यवस्था अबिलम्ब गर्नुपर्ने माग राखेका छन् । साथै, उनीहरुले सहिद…

कैलाली,२ चैत। सुदूरपश्चिम प्रदेशका मुख्यमन्त्री कमलबहादुर शाहले घुस मागेको आरोप लगाएका कर्मचारी पक्राउ परेका छन् । पक्राउ पर्नेमा कैलालीको वन निर्देशनलायमा कार्यरत वरिष्ठ डिभिजन वन अधिकृत कृष्णदत्त भट्ट रहेका छन् । जिल्ला प्रहरी कार्यालय कैलालीका डीएसपी योगेन्द्र तिमिल्सिनाले भट्ट विरुद्ध मुख्यमन्त्री शाहका स्वकीय सचिव प्रयागराज खनालले विद्युतीय अपराधसम्बन्धी जाहेरी दिएको आधारमा पक्राउ गरिएको बताए। उनका अनुसार भट्टलाई जिल्ला प्रहरी कार्यालयको हिरासतमा राखिएको छ। मुख्यमन्त्रीले घुस मागेको आरोप लगाएपछि उद्योग मन्त्रालयले भट्टसँग स्पष्टीकरण सोधेको थियो। स्पष्टीकरण बुझाउन मन्त्रालय पुगेका बेला भट्टलाई प्रहरीले नियन्त्रणमा लिएको जनाइएको छ । भट्टले हालै एकअन्तर्वार्तामा मुख्यमन्त्रीले आफूसँग पाँच लाख घुस मागेको र रकम नदिएपछि सरुवा गरेको…

भैरहवा,२ चैत। भैरहवास्थित गौतमबुद्ध अन्तरराष्ट्रिय विमानस्थललाई तत्काल पूर्ण क्षमतामा सञ्चालनमा ल्याउन रुपन्देहीका उद्योगी–व्यवसायीले माग गरेका छन्। पर्यटन क्षेत्रमा झण्डै एक खर्बभन्दा बढी लगानी भइसकेको भए पनि अपेक्षित परिणाम नआउँदा लगानी जोखिममा पर्ने अवस्था सिर्जना भएको पर्यटन व्यवसायी अमित गुप्ताले बताए। लुम्बिनी, देवदह, रामग्राम, तिलौराकोट तथा रोहिणी नदी आसपासका क्षेत्र ऐतिहासिक, धार्मिक र बौद्ध सभ्यतासँग जोडिएका महत्वपूर्ण गन्तव्य हुन्। ती क्षेत्रको प्रवद्र्धनमा अन्तरराष्ट्रिय विमानस्थल सञ्चालनले महत्वपूर्ण भूमिका खेल्ने अपेक्षा गरिएको भए पनि पर्यटन प्रवद्र्धनका लागि प्रभावकारी पहल हुन नसक्दा यस क्षेत्रको पर्यटन प्रवद्र्धन हुन सकेको छैन्। सिद्धार्थ उद्योग वाणिज्य संघका अध्यक्ष नेत्रप्रसाद आचार्यले अब गठन हुने नयाँ सरकारले पर्यटन प्रवद्र्धन र…

पश्चिम परासी,२ चैत । जेनजी प्रदर्शनका क्रममा पश्चिम नवलपरासी कारागारबाट भागेका कैदीबन्दीमध्ये अझै १ सय ८० जना कैदीबन्दी अझै फरार रहेका छन् । कारागारमा कुल ५७५ कैदीबन्दीमध्ये भदौ २५ गते ५ सय ४६ जना फरार भएका थिए। कारागार प्रशासन नवलपरासीका नायब सुब्बा किरण आर्यालका अनुसार, फरार भएकामध्ये ३६२ जना पुन: नवलपरासी कारागार फर्किएका छन् भने चार जना अन्य कारागारमा राखिएका छन्। कारागारमा ४१ जना भारतीय नागरिकसमेत कैदीबन्दीका रुपमा रहेकामध्ये तीन जनालाई पक्राउ गरिएको अन्य अझै फरार रहेको उनले बताए । फरार कैदीबन्दीहरुको खोजीकार्य भइरहेको प्रहरीले जनाएको छ ।

काठमाडौं,२चैत। नेपालको विद्युत् नियमन आयोगले डेडिकेटेड फिडर र ट्रंक लाइन महसुल विवादमा पञ्चकन्या प्लास्टिक र पञ्चकन्या स्टिल सम्बन्धी मुद्दामा मागदावी नपुग्ने निर्णय गरेको छ। दुवै कम्पनीले नेपाल विद्युत् प्राधिकरणबाट डेडिकेटेड फिडर तथा ट्रंक लाइन प्रयोग गर्दा लगाइएको बक्यौता महसुल अन्यायपूर्ण भएको भन्दै खारेज गर्न र क्षतिपूर्ति दिलाउन आयोगमा निवेदन दिएका थिए। प्राधिकरणका अनुसार, पञ्चकन्या प्लास्टिकले २४ लाख ६३ हजार रुपैयाँ र पञ्चकन्या स्टिलले ५२ लाख ११ हजार रुपैयाँ महसुल तिर्न बाँकी छ। प्राधिकरणको आग्रहपछि पञ्चकन्या प्लास्टिकले ७७ हजार ९७५ रुपैयाँ र पञ्चकन्या स्टिलले १ लाख ८६ हजार रुपैयाँ बुझाइसकेका छन्। आयोगका अध्यक्ष रामप्रसाद धितालले पञ्चकन्या प्लास्टिक र पञ्चकन्या स्टिलको मागदाबी…

काठमाडौं,१चैत। मध्यपूर्वको वर्तमान परिस्थितीका कारण घर फर्किन चाहने नेपालीलाई कतारस्थित नेपालीलाई राजदूतावासले सम्पर्क गर्न अनुरोध गरेको छ । दोहास्थित नेपाली राजदूतावासले एक सूचना जारी गर्दै घर फर्किन चाहेमा सम्पर्क गर्न अनुरोध गरेको हो । राजदूतावासले कतारमा रहेका वैध आवासीय अनुमतिपत्र (कतार आईडी) भएका नेपाली नागरिकले साउदी अरबका विमानस्थल हुँदै घर फर्किने व्यवस्था गरिएको जनाइएको छ। यसका लागि दोहास्थित ताशिर साउदी भिसा सेवा केन्द्रमार्फत पर्यटक भिसाका लागि आवेदन दिनका लागि ‘अपोइन्टमेन्ट बुक’ गर्न राजदूतावासले अनुरोध गरेको छ। उक्त भिसा सेवा केन्द्र एजदान मल (अल घराफा) मा अवस्थित छ । थप जानकारीका लागि आवेदकहरुले भिसा सेवा केन्द्रको फोन नम्बर ५०६६०६२२ मा सम्पर्क…

काठमाडौं.१ चैत। नेकपा एमालेका उपमहासचिव योगेश भट्टराईले पार्टीभित्र सामाजिक सञ्जालमार्फत फैलाइँदै आएको भ्रामक सूचना र घृणायुक्त अभिव्यक्तिप्रति आपत्ति जनाएका छन्। उनले यस्तो गतिविधि रोक्नुपर्ने र पार्टीभित्र तथ्य र तर्कका आधारमा बहस हुनुपर्ने बताए। उनले फेसबुकमा स्टाटस लेख्दै पार्टी अध्यक्ष केपी शर्मा ओली पितृशोकमा रहेका यस संवेदनशील घडीमा एक–अर्काप्रति नकारात्मक टिप्पणी गर्नु अशोभनीय भएको उल्लेख गरेका छन्। पछिल्लो समय पार्टीका माथिल्लो तहका नेताहरुबाट आफूलगायत केही नेताविरुद्ध अनर्गल आरोप, घृणाजन्य अभिव्यक्ति र मिथ्या सूचना फैलाइएको उनको गुनासो छ। भट्टराईले ‘शरु शर्मा’ नामक नक्कली फेसबुक आइडी यस्ता गतिविधिमा सक्रिय रहेको दाबी पनि गरेका छन्। उनले पार्टीको एकता जोगाउनु, बहुआयामिक सुधार गर्नु र गुमेको…

काठमाडौं,१चैत। युनाइटेड अरब इमिरेट्स (यूएई) मा सुरक्षा अवस्था दृष्टिगत गर्दै नेपाली दूतावासले त्यहाँ बसोबास गर्ने नेपाली समुदायलाई अफवाह फैलाउन, असुरक्षा सम्बन्धी सामग्री सामाजिक सञ्जालमा पोस्ट गर्न वा सेयर गर्न नफैलाउन अपिल गरेको छ। दूतावासले जारी गरेको ‘एडभाइजरी–३’ मा यूएईको वर्तमान सुरक्षा परिस्थितिसँग सम्बन्धित संवेदनशील सूचना, भिडियो वा तस्वीरहरु डिजिटल माध्यमबाट सार्वजनिक नगर्न अपिल गरिएको छ। यस्तो कार्यले सुरक्षा सम्बन्धी भ्रम फैलाउन सक्ने भएकाले नेपालीहरु जिम्मेवार बन्न अपिल गरिएको छ। यूएईमा बसोबास गर्ने सबै नेपालीलाई त्यहाँको कानुन पालना गर्न र गैरकानुनी वा अनुमतिविनाका गतिविधिमा संलग्न नहुन सचेत गराइएको छ। कानून उल्लंघन गरेमा यूएईको कानुन अनुसार १ देखि ३ वर्षसम्म कैद र…

पोखरा,१ चैत। एलपी ग्यास सिलिण्डर लुकाएर बजारमा कृत्रिम अभाव सृजना गर्ने एक ग्यास डिलरलाई ५० हजार जरिवाना कारवाही गरिएको छ । कास्कीका सहायक प्रमुख जिल्ला अधिकारी शिवप्रसाद लम्सालका अनुसार, बजार अनुगमनको क्रममा पोखरा महानगरपालिका–६ जरेवरस्थित भण्डारी ट्रेडर्सले ४८ थान भरिएका ग्यास सिलिन्डर लुकाएर राखेको र एउटा सिलिन्डरबाट अर्कोमा ग्यास सार्दै गरेको अवस्थामा तीन थान उपकरणसहित फेला परेपछि जरिवाना कारबाही गरिएको हो । अनुगमन टोलीले बरामद ४८ थान ठूला र ३८ थान साना ग्यास सिलिन्डर पहिले आउनेलाई पहिलो प्राथमिकताका आधारमा तत्काल उपभोक्तालाई बिक्री गर्नसमेत निर्देशन दिएको छ। प्रशासनले ग्यासको अनावश्यक सञ्चय नगर्न, आधिकारिक प्रमाणपत्र लिएका व्यवसायीले मात्र बिक्रीवितरण गर्न र बोतल…

काठमाडौँ,१चैत। प्रतिनिधिसभा सदस्य निर्वाचनको समानुपातिकतर्फ निर्वाचित हुने सदस्यहरूले चैत ५ गतेसम्म निर्वाचितको प्रमाणपत्र पाउने भएका छन्। निर्वाचन आयोगको कार्यतालिकाअनुसार सबै प्रक्रिया पूरा भएमा सोही मितिसम्म प्रतिनिधि सभाका २७५ सदस्य नै निर्वाचित हुनेछन्। आयोगका अनुसार छ वटा राजनीतिक दलले समानुपातिकतर्फ निर्वाचित हुने सदस्यहरूको नामावली आइतबारसम्म आयोगमा पठाउनुपर्ने छ। त्यसपछि निर्वाचित सदस्यहरूलाई प्रमाणपत्र प्रदान गरिनेछ। प्रत्यक्षतर्फ धनुषा–१ को विवादमा अदालतबाट यसअघिको परिणाम बदर हुने आदेश नआएमा निर्वाचन परिणामले पूर्णता पाउने आयोगले जनाएको छ। आयोगले चैत ५ गते नै निर्वाचनको अन्तिम प्रतिवेदन राष्ट्रपतिसमक्ष पेस गर्ने तयारी गरेको छ। प्रतिवेदन पेस भएपछि उक्त जानकारी सङ्घीय संसद्मा पठाइनेछ। त्यसपछि ज्येष्ठ सदस्यले राष्ट्रपतिबाट शपथ लिएर अन्य…