Author: क्लिक लुम्बिनी

लुम्बिनी,१४ बैशाख । रुपन्देही प्रहरीले कर्तव्य ज्यान (हत्या) मुद्दाको आरोपमा दुई जनालाई पक्राउ गरेको छ । गत चैत २२ गते लुम्बिनी सांस्कृतिक नगरपालिका–१२ निपनिया स्थित आफ्नै घरमा १४ वर्षीय सुरज चाई मृत फेला परेको घटनामा संलग्न रहेको आरोपमा दुई जनालाई पक्राउ गरिएको जिल्ला प्रहरी कार्यालय रुपन्देहीले जनाएको छ। जिल्ला प्रहरी कार्यालय रुपन्देहीका डीएसपी गणेश सापकोटाका अनुसार, घटनाको अनुसन्धानका क्रममा सुरज चाईको हत्या गरी शव झुण्ड्याइएको खुलेपछि इलाका प्रहरी कार्यालय लुम्बिनीले घटनामा संग्लन दुई जनालाई पक्राउ गरेको हो । पक्राउ परेका दुई जनाको नाम,थर, वतन प्रहरीले सार्वजनिक गरेको छैन। पक्राउ परेका दुवै जनाविरुद्ध जिल्ला अदालत रुपन्देहीबाट ज्यान सम्बन्धी कसुरमा म्याद थप…

भैरहवा, १३ बैशाख । रुपन्देही प्रहरीले जिल्लाका विभिन्न स्थानबाट एक सय तीन जनालाई नियन्त्रणमा लिइएको छ । जिल्ला प्रहरी कार्यालय रुपन्देहीका डीएसपी गणेश सापकोटाका अनुसार, शनिबार बेलुका ७ देखि ९ बजेसम्म जिल्ला प्रहरी कार्यालय रुपन्देही तथा मातहत समेतमा विशेष स्वीप अप्रेसन संचालन गरिएको थियो । जसअन्र्तगत विभिन्न स्थानमा चेकजाँचको क्रममा नियन्त्रणमा लिइएका एक सय तीन जनाले शान्ति सुरक्षामा खलल पुर्याएको प्रहरीको दावी छ । नियन्त्रणमा लिइएका व्यक्तिहरुको अपराधिक गतिविधि सम्बन्धमा थप अनुसन्धान भइरहेको जिल्ला प्रहरी कार्यालय रुपन्देहीले जनाएको छ ।

बुटवल,१२ बैशाख। रुपन्देहीको बुटवलमा गर्भपतन गराउने क्रममा पाल्पाको बगनासकाली गाउँपालिका–२ को २९ वर्षीया गीता पाण्डेको मृत्यु प्रकरणमा स्त्री तथा प्रसुती रोग विशेषज्ञ डा.सतिस रुपाखेतीलाई निलम्बन गर्ने निर्णय गरिएको छ । घटना पश्चात गठित नेपाल मेडिकल काउन्सिलको छानबिन समितिले इन्दुलेखा क्लिनिकमा कार्यरत डा. रुपाखेतीले उपचारमा लापरवाही गरेको पाएपछि उनलाई निलम्बन गर्न सिफारिसका आधारमा काउन्सिलको जुम बैठकले तत्कालका लागि उनलाई निलम्बन गर्ने निर्णय गरेको छानबिन समितिका संयोजक डा.सम्राट पराजुली बताए । त्यस्तै उपचारमा संलग्न स्वास्थ्यकर्मीलाई पनि कारबाही गर्न सिफारिस गरिएको छ। शनिवार पत्रकार सम्मेलनको आयोजना गरेर घटनाको छानबिन प्रतिवेदन सार्वजनिक गर्दै काउन्सिलका सदस्य समेत रहेका संयोजक डा. पराजुलीले ईन्दुलेखा क्लिनिक र जोनल…

काठमाडौं,१२ बैशाख। सशस्त्र प्रहरी बल, नेपालका ७ जना प्रहरी उपरीक्षक (एसपी) हरुलाई वरिष्ठ उपरीक्षक (एसएसपी) मा बढुवाका लागि सिफारिस गरिएको छ। शुक्रबार बसेको बढुवा समितिको बैठकले रिक्त ७ पदमा उनीहरुलाई बढुवाका लागि सिफारिस गरेको हो । को-को भए बढुवा सिफारिस ? हेर्नुहोस् सूची :

बुटवल,१२ बैशाख। रुपन्देहीको तिलोत्तमा नगरपालिका–५, मणिग्रामस्थित लुम्बिनी कृषि उपज थोक बजारमा ल्याइएका तरकारी बिक्री नभएको कारणले किसानहरुले असन्तुष्टी जनाएका छन् । बजारमा ग्राहक अभावका कारण तरकारी विक्री नहुँदा ल्याइएका तरकारी कुहिएर फाल्नुपर्ने अवस्था आउँदा उनीहरु असन्तुष्टी जनाएका हुन् । काउली, मुला, फूलगोभी जस्ता तरकारी बिक्री हुन नसकेको गुनासो छ। बुटवल उपमहानगरपालिका–६ मा रहेको बुटवल कृषि उपज थोक बजार केन्द्र लगायत अन्य हाटबजारमा समेत बिक्री गर्न नपाउँदा तरकारी सुकेर तथा कुहिएर नष्ट हुने अवस्था आएको किसानहरूले बताएका छन्। व्यापारीहरुको सिन्डिकेट र बजार व्यवस्थापनको कमजोरीका कारण उत्पादन बिक्रीमा समस्या भएको उनीहरुको आरोप छ। नेपाल किसान महासंघ लुम्बिनी प्रदेशकी अध्यक्ष रीता केसीले बुटवलस्थित…

काठमाडौं,१२ बैशाख । सशस्त्र प्रहरी बल, नेपालका ६ जना वरिष्ठ उपरिक्षक (एसएसपी) नायव महानिरीक्षक (डीआईजी) मा बढुवा सिफारिस भएका छन्। शुक्रबार बसेको बढुवा समितिले उनीहरुलाई डीआईजी बढुवा सिफारिस गरेको हो। को-को भए बढुवा सिफारिस ? हेर्नुहोस् सूची:

भैरहवा, १२ बैशाख । रुपन्देही प्रहरीले लागुऔषध ओसारपसार र सेवन गर्ने आरोपमा २० जनालाई नियन्त्रणमा लिएको छ । जिल्लाको विभिन्न स्थानमा चेकजाँचको क्रममा लागुऔषध ओसारपसार र सेवन गर्ने २० जनालाई नियन्त्रणमा लिइएको जिल्ला प्रहरी कार्यालय रुपन्देहीका डीएसपी गणेश सापकोटद्वारा जारी प्रेस विज्ञप्तीमा उल्लेख छ । तर, नियन्त्रणमा लिइएको व्यक्तिको नाम, थर, वतन भने सार्वजनिक गरिएको छैन । उक्त सम्बन्धमा थप अनुसन्धान कार्य जारी रहेको प्रहरीले जनाएको छ ।

भैरहवा,१२ बैशाख। रुपन्देहीको सिद्धार्थनगर नगरपालिकाले कुहिने फोहोर दैनिक संकलन हुने र सडकमा फोहोर फालेको पाइएमा ५० हजार रुपैयाँसम्म जरिवाना कारवाही हुने जनाएको छ । पालिकाले वडा नं.१ स्थित डण्डाखोला किनारमा अव्यवस्थित तरिकाले फोहोरमैला व्यवस्थापन गर्दै आएको थियो । प्रदूषण फैलिएकाले भन्दै सर्वोच्च अदालतमा दायर रिटको सुनुवाई गर्दै बैशाख ४ गते अदालत भनेको थियो–‘हाललाई वातावरण तथा स्वास्थ्य प्रतिकुल असर नपर्ने गरी फोहोरमैला व्यवस्थापनको यथोचित प्रबन्ध गर्नु गराउनु भनी अन्तिरम आदेश जारी गरी दिएको छ।’ जसपश्चात केही दिनअघि देखि पालिकामा फोहोर संकलन र व्यवस्थापन प्रभावित भएको थियो । कार्यालयले शनिवार एक सूचना जारी गर्दै कुहिने र नकुहिने फोहोरको वर्गीकरण गर्न आग्रह गरेको…

काठमाडौं,११ बैशाख। प्रधानमन्त्री बालेन्द्र शाहले खोला किनारमा रहेका सुकुम्वासी बस्तीलाई मानवीय ढंगले सुरक्षित स्थानमा स्थानान्तरण गर्ने तयारी भइरहेको बताएका छन्। शुक्रबार सामाजिक सञ्जाल फेसबुकमा स्ट्याट्स लेख्दै उनले प्रत्येक वर्ष बाढीका कारण हजारौँ नागरिकको विचल्ली हुने गरेको र ज्यान जोगाउन संघर्ष गर्नुपर्ने अवस्था आउने गरेको पनि स्मरण गराएका छन्। उनले यो समस्या वर्षौँदेखि दोहोरिँदै आएकोले थाती नराखी दीर्घकालीन समाधान आवश्यक रहेको जोड दिएका छन्। प्रधानमन्त्री शाहले खोला किनारका बस्तीका कारण डुबानको जोखिम मात्रै नभई ढल निकास प्रणालीमा समेत अवरोध पुगेको बताएका छन् । जसले उपत्यकाको वातावरणीय समस्या थप जटिल बनाएको उनको तर्क छ। उनले थापाथली, गैरीगाउँ, मनोहरा लगायतका क्षेत्रमा रहेका जोखिमपूर्ण…

भैरहवा, ११ बैशाख । पोखराबाट भैरहवा आउँदै गरेको बस तनहुँको शेराफाँटमा दुर्घटना भएको छ । प्रहरीको प्रारम्भिक जानकारी अनुसार, दुर्घटना भएको ग २ ख १८३६ नम्बरको बसमा करिब ३० जना सवार थिए । उद्दार कार्य भइरहेकोले थप विवरण आउन बाँकी रहेको जिल्ला प्रहरी कार्यालय तनहुँका एसपी टेकबहादुर कार्कीले बताए । उनका अनुसार, दुर्घटना घाइते भएका २७ जनालाई उपचारका लागि जीपी अस्पताल बेलचौतारामा लगिएको छ । ‘अहिलेसम्म कुनै हताहतीको सूचना प्राप्त भएको छैन’,उनले भने, ‘ प्रहरी घटनास्थलमा पुगेको छ । स्थानीयको सहयोगमा उद्धार कार्य भइरहेको छ ।’