Author: क्लिक लुम्बिनी

भैरहवा, २७ जेठ। नेपाल प्रहरी प्रदेश कार्यालय भैरहवाले एक जना फरार प्रतिवादीलाई पक्राउ गरेको छ । पक्राउ पर्नेमा रुपन्देहीको सिद्धार्थनगर नगरपालिकाका-१० (भैरहवा) का श्रीकान्त उपाध्याय रहेको प्रहरीले जनाएको छ। नेपाल प्रहरी प्रदेश कार्यालयका सूचना अधिकारी एवं प्रहरी निरीक्षक दिपक महत क्षेत्रीद्वारा जारी विज्ञप्ती अनुसार, अदालतबाट एक हजार रुपैयाँ जरिवाना सजाए फैसला भएको चेक अनदार मुद्दाको फरार प्रतिवादी उपाध्यायलाई फैसला कार्यान्वयनको सिलसिलमा पक्राउ गरिएको हो। नेपाल प्रहरी प्रदेश कार्यालयबाट खटिएको टोलीले बुधवार सिद्धार्थनगर नगरपालिका वडा नं. १० बाट उपाध्यायलाई पक्राउ गरी रुपन्देही जिल्ला अदालतमा पेश गरेको प्रहरीले जनाएको छ।

हृदयराम गुप्ता मर्चवार,२७ जेठ। रुपन्देहीको मर्चवारीमाई गाउँपालिकाले माध्यमिक शिक्षा परीक्षा (एसईई) २०८२ मा उत्कृष्ट नतिजा ल्याउनृ विद्यार्थीहरुलाई सम्मान गरेको छ। गाउँपालिकाभित्रका सामुदायिक विद्यालयबाट उत्कृष्ट जीपीए प्राप्त गर्ने तीन विद्यार्थी तथा एक उत्कृष्ट छात्रालाई सम्मान गरिएको गाउँपालिकाका शिक्षा शाखा प्रमुख हरिश्चन्द्र बरईले जानकारी दिए। उनका अनुसार, गाउँपालिकाभित्रका एसईई परीक्षामा सहभागी ६ वटा सामुदायिक विद्यालयमध्ये जनता माध्यमिक विद्यालयका विद्यार्थी धिरेन्द्र बरईले ३.७८ जीपीए प्राप्त गरी प्रथम स्थान हासिल गरेका छन्। त्यस्तै अमवा माध्यमिक विद्यालयका विद्यार्थी अमरेश यादवले ३.७५ जीपीए प्राप्त गरी द्वितीय तथा जनता माध्यमिक विद्यालयकै विजयकुमार यादवले ३.७० जीपीए प्राप्त गरी तृतीय स्थान हासिल गरेका छन्। उत्कृष्ट नतिजा ल्याउने तीनै जना…

बुटवल,२७ जेठ। आफ्नै सुन पसलमा चोरी गरेर बीमा रकम दाबीका लागि प्रहरीमा उजुरी दिने पसल संचालक नै घटनामा संग्लन आरोपमा पक्राउ परेका छन्। गत जेठ १७ गते बुटवल उपमहानगरपालिका–५अमरपथस्थित तिनाउ सुनचाँदी पसलका सञ्चालक दीपक बिकले आफ्नो पसलमा १ करोड ४६ लाख १४ हजार ७ रुपैयाँ बराबरको सुनचाँदीका गहना चोरी भएको भन्दै इलाका प्रहरी कार्यालय बुटवलमा उजुरी दिएका थिए। संचालक बिकले आफू पोखरामा रहेको बेला पसलमा चोरी भएको र सिसिटिभी क्यामेरा समेत बिग्रिएको दाबी गरेका थिए। घटनाको अनुसन्धानको क्रममा संचालक आफैले योजनावद्ध रुपमा चोरीको घटना घटाएको पाइएको इलाका प्रहरी कार्यालय बुटवलका प्रमुख एवं डीएसपी निशान्त श्रीवास्तवले बताए । चोरी भएको भनिएको…

हृदयराम गुप्तामर्चवार,२७ जेठ। रुपन्देहीको मर्चवारीमाई गाउँपालिकाका व्यावसायिक कृषक विभाण्ड यादव सोमबार आएको हावाहुरीपछि गहिरो चिन्तामा परेका छन्। वर्षौ मेहनत, ठूलो लगानी र उज्ज्वल भविष्यको आशा बोकेको उनको केरा खेतीमा ठूलो क्षति पुगेपछि आर्थिक संकट थपिएको छ । मर्चवारीमाई गाउँपालिका–१, सुमेरगढस्थित विभाण्ड एकीकृत कृषि फार्म अन्तर्गत लिजमा लिइएको करिब १० बिघा जग्गामा लगाइएका १० हजार केराबोटमध्ये करिब ३ हजार बोट हावाहुरीका कारण ढलेका तथा क्षतिग्रस्त भएका छन्। प्रारम्भिक अनुमानअनुसार यसबाट करिब ४ लाख रुपैयाँ बराबरको नोक्सानी भएको कृषक यादवले बताए। ‘अब केही महिनाभित्र उत्पादन बिक्री गरेर लगानी उठाउने र आम्दानी गर्ने योजना थियोे’,उनले भने,‘तर एकैछिनको हावाहुरीले सबै सपना उडाइदियो ।’ उनले…

काठमाडौं,२६ जेठ। राष्ट्रिय प्रजातन्त्र पार्टी (राप्रपा) ले अर्थमन्त्री डा. स्वर्णिम वाग्लेको राजीनामा माग गरेको छ। आज प्रतिनिधि सभाको बैठकमा बोल्दै राप्रपाका प्रमुख सचेतक खुश्बु ओलीले विद्युतीय गाडी आयातमा भएको भनिएको कर छली प्रकरणमा अर्थमन्त्री डा. वाग्लेको नाम जोडिएकाले नैतिकताका आधारमा राजीनामा दिएर अनुसन्धानलाई सहयोग गर्नुपर्ने माग गरिन्। उनले भनिन्,‘बीवाइडीको कर छली प्रकरणबारे दलहरुले विषय उठाउनु भएको छ। आज अर्थमन्त्रीज्यू आउनुभएको छ, उहाँले यस संसद्मा आएर स्पष्टीकरण दिनुहुन्छ होला। तर यो विषय यति गम्भीर भएको छ कि निष्पक्ष र विश्वसनीय छानबिन अपरिहार्य भइसकेको छ। छानबिन सम्पन्न नहुँदा आफ्नै विवेक प्रयोग गरेर नैतिकताको दृष्टिकोणले जिम्मेवारीबाट पर रहनुपर्ने हुन्छ।’ यसअघि तत्कालीन गृहमन्त्री रमेश…

काठमाडौं,२६ जेठ। सरकारले मंगलबार बसेको मन्त्रिपरिषद् बैठकका निर्णय सार्वजनिक गरेको छ। सरकारका प्रवक्ता तथा शिक्षामन्त्री सस्मित पोखरेलले बैठकले गरेका चारवटा प्रमुख निर्णय सार्वजनिक गरेका हुन्। उनका अनुसार, बैठकले विशालकुमार भण्डारीको अध्यक्षतामा ९ सदस्यीय नेपाल रेडक्रस सोसाइटीको केन्द्रीय तदर्थ समिति गठन गरेको छ। त्यस्तै तल्लो अरुण, तल्लो न्यादी खोला, भुन्छा खोला र तादी खोला जलविद्युत् आयोजनाहरुलाई राष्ट्रिय वन क्षेत्र प्रयोग गर्न स्वीकृति प्रदान गरेको छ। निजामती सेवा (सोह्रौँ संशोधन) नियमावली २०८१ स्वीकृत गरेको छ । यस्तै बैठकले सुदन गुरुङको सम्बन्धमा गठित अध्ययन तथा छानबिन समितिले पेस गरेको प्रतिवेदनलाई ग्रहण गर्ने निर्णय गरिएको छ । प्रतिवेदन अध्ययन गरेर आवश्यक निर्णय लिइने प्रवक्ताले…

काठमाडौं,२६ जेठ। सरकारले पूर्वगृहमन्त्री तथा प्रतिनिधिसभा सदस्य सुधन गुरुङमाथि गरिएको अध्ययन तथा छानबिनको प्रतिवेदन ग्रहण गर्ने निर्णय गरेको छ। सिंहदरबारमा आज बसेको मन्त्रिपरिषद् बैठकले छानबिन समितिद्वारा तयार पारिएको प्रतिवेदन स्वीकार गर्ने निर्णय गरेको सरकारका प्रवक्ताले जानकारी दिएका छन्। गुरुङ मन्त्री पदमा रहँदा विभिन्न विवादमा मुछिएपछि उनले गृहमन्त्री पदबाट राजीनामा दिएका थिए। त्यसपछि घटनासम्बन्धी तथ्य र वास्तविकता पत्ता लगाउन सरकारले छानबिन समिति गठन गरेको थियो। समितिले आफ्नो कार्य सम्पन्न गरी प्रतिवेदन सरकारलाई बुझाएपछि मन्त्रिपरिषद्ले उक्त प्रतिवेदन औपचारिक रुपमा ग्रहण गर्ने निर्णय गरेको हो।

काठमाडौं,२६ जेठ । सरकारले नेपाल रेडक्रस सोसाइटीको नयाँ केन्द्रीय तदर्थ समिति गठन गरेको छ। मन्त्रिपरिषद्को आजको बैठकले दोलखाका विशालकुमार भण्डारीको नेतृत्वमा ९ सदस्यीय तदर्थ समिति गठन गर्ने निर्णय गरेको सरकारका प्रवक्ता तथा शिक्षामन्त्री सस्मित पोखरेलले जानकारी दिए। उनका अनुसार, नयाँ समितिलाई संस्थाको नेतृत्व तथा आवश्यक व्यवस्थापनको जिम्मेवारी दिइएको छ। यसअघि तदर्थ समितिको अध्यक्षको जिम्मेवारी सम्हालिरहेका विनोदकुमार शर्माले पदबाट राजीनामा दिएपछि नयाँ नेतृत्व चयन गरिएको हो।

काठमाडौं,२६ जेठ। बालेन्द्र शाह नेतृत्वको सरकारमा सुधन गुरुङ फेरि गृहमन्त्री बनाउने तयारी गरिएको छ । जसका लागि आजै ३ बजे उनको सपथग्रहणको तयारी रहेको चर्चा छ। गोरखामा आयोजित एक कार्यक्रममा पनि गुरुङले त्यसको संकेत गरेका थिए। आज मन्त्रिपरिषद् बैठकपश्चात शिक्षामन्त्री सस्मित पोखरेलले गुरुङमाथि छानबिन गर्न बनेको प्रतिवेदन ग्रहण गर्ने निर्णय भएको जानकारी दिए। सञ्चारकर्मीले ३ बजे सुधन गुरुङले गृहमन्त्रीको सपथ ग्रहण गर्ने हो भन्ने प्रश्नमा पोखरेलले अहिले अध्ययन समितिको प्रतिवेदन ग्रहण गर्ने मन्त्रिपरिषद्को निर्णय भएको त्यसपश्चात निर्णय हुने बताए। उनले भने, ‘अहिले अध्ययन समितिको प्रतिवेदन ग्रहणमात्र निर्णय भयो। त्यो फाइल अध्ययन गरेर शपथ ग्रहण हुने होला नि पछि गर्नुपर्‍यो भने…

भैरहवा,२६ जेठ। रुपन्देही क्रिकेट संघको अध्यक्षमा पुनः हरिबहादुर थापा निर्वाचित भएका छन्। सोमबार भैरहवामा भएको संघको ३० औं वार्षिक साधारण सभा तथा पाँचौ अधिवेशनमा क्रिकेटर शक्ति गौचनलाई २० मतान्तरले पराजित गर्दै उनी पुनः अध्यक्षमा निर्वाचित भएका हुन्। प्रमुख निर्वाचन अधिकृत कुलमणि ज्ञवालीका अनुसार, थापाले ६९ मत प्राप्तगरी निर्वाचित हुँदा गौचनले ४९ मत प्राप्त गरे। अघिल्लो अघिवेशनमा पनि अध्यक्ष पदमा थापा र गौचनबीचको प्रतिस्पर्धामा थापा निर्वाचित भएका थिए। त्यस्तै उपाध्यक्षमा खेमराज भुसाल, सचिवमा उदयकुमार मल्लिक र कोषाध्यक्षमा धीरज अधिकारी क्षत्री निर्वाचित भएका छन् । संघको महिला सदस्यमा उमा अधिकारी र अन्य सदस्यमा प्रशान्तविक्रम मल्ल, निरजप्रताप खाँण, पुनित पोखरेल, मनोज भण्डारी, भुवन…